ސިޔާސީ ހަރަކާތްތެރިޔާ ސަންދާނު އަހައްމައިދީ ނިޔާވެއްޖެ

އަހައްމައިދީ 2015 ވަނަ އަހަރު ނޫސްވެރިންގެ ބައްދަލުވުމެއްގައި ވާހަކަދައްކަވަނީ. -- ފައިލް ފޮޓޯ (އައްޑޫލައިވް)

އަހައްމައިދީ 2015 ވަނަ އަހަރު ނޫސްވެރިންގެ ބައްދަލުވުމެއްގައި ވާހަކަދައްކަވަނީ. -- ފައިލް ފޮޓޯ (އައްޑޫލައިވް)

ރައީސް މައުމޫން އަބްދުލްގައްޔޫމުގެ ވެރިކަމުގެ ފަހުކޮޅު އެ ސަރުކާރަށް ވަރަށް ބޮޑަށް ފާޑުކިޔައި 'ސަންދާނު' ގެ ނަމުގައި އިންޓަނެޓުގައި ނޫސް ނެރުނު މަޝްހޫރު ސިޔާސީ ހަރަކާތްތެރިޔާ އަހުމަދު އިބްރާހީމް ދީދީ (ސަންދާނު އަހައްމައިދީ) ރޭ މެންދަމުގެ ވަގުތެއްގައި ނިޔާވެއްޖެ އެވެ.

މީގެ އަހަރުތަކެއް ކުރިން އަހައްމައިދީ، 72، ވަނީ ހިތުގެ ސީރިއަސް އޮޕަރޭޝަނެއް ކޮށްފަ އެވެ.

އަހައްމައިދީގެ މައްޗަށް ކުރެވޭ ކަށުނަމާދު އޮންނާނީ މިއަދުގެ އަސުރު ނަމާދަށް ފަހު ހުޅުމާލޭ ސަހަރާ މިސްކިތުގަ އެވެ.

Advertisement

ދެހާހުގެ އަހަރުތަކުގެ ކުރީކޮޅު އަހައްމައިދީ އާއި އޭނާގެ ބައެއް އެކުވެރިގެން ގުޅިގެން، އީމެއިލުން ފޮނުވާ ހަބަރުސިޓީއެއްގެ ގޮތުގައި ނެރުނު 'ސަންދާނު' އަކީ އޭރު ނޫސްވެރިކަމުގެ މިނިވަންކަން ނެތުމުން، އާއްމު ނޫސްވެރިންނަށް ލިޔަން ނުކުރެވުނު އެތައް ވާހަކަތަކެއް ޝާއިއުކުރި ނޫހެކެވެ.

އެކަމާ ގުޅިގެން ސަރުކާރުން ވަނީ 'ސަންދާނު' އަކީ ދައުލަތާ ދެކޮޅަށް ދޮގު ވާހަކަފަތުރައި، މުޖުތަމައުގައި ފިތުނަ ފަސާދަ އުފައްދާ ނޫހެއް ކަމަށް ބުނެ، އަހައްމައިދީގެ އިތުރުން އެ މަސައްކަތުގައި އުޅުއްވި ނަޒާކީ އަހުމަދު ޒަކީ އާއި އިބްރާހީމް މޫސާ ލުތުފީ (ސަންދާނު ލުތުފީ) އަދި ފާތިމަތު ނިސްރީން ހައްޔަރުކޮށް ޖަލަށް ލައިފަ އެވެ.

ރާއްޖޭގެ ސިޔާސީ ހާލަތާ ބެހޭގޮތުން އެމްނެސްޓީ އިންޓަނޭޝަނަލުން 2003 ވަނަ އަހަރު ނެރުނު ރިޕޯޓުގައި އަހައްމައިދީ އާއި ސަންދާނުގެ އެހެން ބައިވެރިންނާ މެދު ކޮށްފައިވާ ސިޔާސީ ދައުވާތަކުގެ ވާހަކަ ހިމެނި އެވެ. އަދި އަހައްމައިދީ އަކީ، ޕްރިޒަނާ އޮފް ކޮންސައިންސް ނުވަތަ ޒަމީރުގެ ގައިދީއެއްގެ ގޮތުގައި އެމްނެސްޓީ އިން ކަނޑައެޅި އެވެ.

ފަހުން މައުމޫނުގެ ސަރުކާރުން އަހައްމައިދީ އަށް މައާފު ދިނެވެ. އޭނާ އަކީ ރާއްޖޭގައި ސިޔާސީ އިދިކޮޅު ހަރަކާތްތައް ފާޅުކޮށް ފަށައިގަންނަން ހިތްވަރު ލިބުނު އެއްވުން ކަމަށްވާ 2004 ގެ އޮގަސްޓް 12، 13 ނުވަތަ މަޝްހޫރު 'ކަޅުހުކުރު' ގެ ބައިވެރިއެއް ވެސް މެ އެވެ.

އަހައްމައިދީ އޮގަސްޓް 12.13 އެއްވުމުގައި ވާހަކަދައްކަވަނީ.
އަހައްމައިދީ އޮގަސްޓް 12.13 އެއްވުމުގައި ވާހަކަދައްކަވަނީ.

އަހައްމައިދީ އޮގަސްޓް 12.13 އެއްވުމުގައި ވާހަކަދައްކަވަނީ.

އަހައްމައިދީ ވަނީ އޭނާ ނިސްބަތްވި ގައުމީ ޕާޓީން، 2008 ވަނަ އަހަރުގެ ރިޔާސީ އިންތިހާބުގެ ދެ ވަނަ ބުރުގައި އެމްޑީޕީގެ މުހައްމަދު ނަޝީދަށް ތާއީދުކުރަން ނިންމުމުން، ނަޝީދު ވެރިކަމަށް ގެންނަވަން މަސައްކަތް ކުރައްވައިފަ އެވެ.

ނަމަވެސް ނަޝީދުގެ ވެރިކަމުގައި އަހައްމައިދީ އެ ވެރިކަމާ ދެކޮޅަށް ވެސް ނުކުންނެވި އެވެ. އެގޮތުން ސަރުކާރާ ދެކޮޅަށް އޭރު ކުރި ސިލްސިލާ މުޒާހަރާތަކުގައި ބައިވެރިވި އެވެ. އޭރު މުޒާހަރާއެއްގެ ތެރެއިން އޭނާ ގަޔަށް ފުލުހުން ވިހަ މާއްދާއެއް ހިމެނޭ ސްޕްރޭ އެއް ޖެހުމުން ހާލު ސީރިއަސްވެ މައިނާ ހާޓްއެޓޭކެއް ޖެހުނު ކަމަށް ގައުމީ ޕާޓީން ބުނެފައިވެ އެވެ. އެރޭ އޭނާ އިމަޖެންސީގައި ވަނީ ސްރީ ލަންކާ އަށް ގެންގޮސް ފަރުވާ ދީފަ އެވެ.

ނަޝީދުގެ ސަރުކާރުން ވަނީ އަހައްމައިދީ ހަގީގަތާ ހިލާފު ވާހަކަ ދައްކާ ކަމަށް ބުނެ ފުލުސް އޮފީހަށް އޭނާ ގެންގޮސް މައްސަލަ ތަހުގީގުކޮށްފަ އެވެ. ދެ ފަހަރަކު އޭނާ ހައްޔަރު ވެސް ކުރި އެވެ. އަހައްމައިދީ އަކީ 2012، ފެބްރުއަރީ ގައި ނަޝީދުގެ ވެރިކަން ބަދަލުކުރުމުގައި އިސްކޮށް އުޅުނު އެކަކެވެ. އެ ވެރިކަން ބަދަލުކޮށް ގެނައި ޑރ. މުހައްމަދު ވަހީދު ހަސަން މަނިކުގެ ރައީސްކަމުގައި އަހައްމައިދީ އަށް ވަނީ ހިއުމަން ރައިޓްސް އެމްބެސެޑަރުކަން ދީފަ އެވެ.

ނަމަވެސް ޖެހިގެން އައި އަހަރު ވަނީ އޭނާގެ މަދަނީ ޖަމިއްޔާ ކަމަށްވާ 'ޑިމޮކްރަސީ ލެބް' ހިންގަން ކަމަށް ބުނެ ސަރުކާރުން އިސްތިއުފާ ދެއްވައިފަ އެވެ. އޭރު ވިދާޅުވީ ސިޔާސީ ކަންކަމާ ހެދި ގައުމު ހަލާކުވެފައިވާ ކަމަށާއި އެކަންކަން ރަނގަޅުކުރެވޭނީ މަދަނީ ޖަމިއްޔާއެއްގެ ތެރެއިން ކަމަށެވެ. ފަހުން 2015 ގައި ރައީސް އަބްދުﷲ ޔާމީންގެ ވެރިކަމާ ދެކޮޅަށް، އޭރު ގުޅިފައިވާ ޕާޓީތަކުން ކުރި މަސައްކަތްތަކުގައި ބައިވެރިވެ އެ ސަރުކާރާ ދެކޮޅަށް ވަރަށް ބޮޑަށް އަޑުއުފުއްލެވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox