ހުޅުމާލޭ ފޭސް އެކަކާއި ދޭއްގައި ފްލެޓު ތަރައްގީކުރަން 15 ކުންފުންޏަކާ އެކީ އާބަންކޯއިން އިއްޔެ ސޮއިކޮށްފި އެވެ.
އާބަންކޯއިން މި ކުންފުނިތަކާ އެކީ ސޮއިކުރީ ދެ ވައްތަރެއްގެ ފްލެޓެއް އިމާރާތްކުރާށެވެ. އެއީ ކޮމާޝަލް ޔުނިޓުތައް ހިމެނޭ މިކްސްޑް ރެސިޑެންޝަލް ހަ އިމާރާތާއި ހަމައެކަނި މީހުން ދިރިއުޅޭ އެޕާޓްމަންޓުތައް ހުންނަ ޕިޔޯ ރެސިޑެންޝަލް 10 އިމާރާތެވެ.
އެގޮތުން މިކްސްޑް ރެސިޑެންޝަލް އިމާރާތްތައް އަޅަން ހަވާލުކުރި ކުންފުނިތަކަކީ:
- އެފްޑަބްލިޔު ކޮންސްޓްރަކްޝަން
- ކަނޑޫފާ ޕްރައިވެޓް ލިމިޓެޑް
- ރެއިންބޯ ކޮންސްޓްރަކްޝަން
- ރެނާޓަސް ޕްރޮޖެކްޓްސް
- ސިންހާލް އިންޖިނިއަރިން
ޕިޔޯ ރެސިޑެންޝަލް އިމާރާތްތައް އަޅަން ހަވާލުކުރި ކުންފުނިތަކަކީ:
- އަލާފް
- އެންޓްރެކް ހޯލްޑިން
- ބިގްހެޓް ލޮޖިސްޓިކްސް
- ބިލްޓް ސްޕޭސަސް
- އިޕޮކް އެސޯސިއޭޓްސް
- ގްލޯރިއަސް ރެސިޑަންސް
- އައިވްސް
- ވެލިގާ ހާޑްވެއާ
- ބްލޫ ސްޕޭން
- ބިލްޑްއަޕް އިންޓަނޭޝަނަލް
މި އިމާރާތްތަކުގެ 60 ޕަސެންޓު ޔުނިޓުތައް ވިއްކަން ޖެހެނީ ހައުސިން މިނިސްޓްރީން ކަނޑައަޅާފައިވާ ކޮންޓްރޯލް އަގުތަކުގަ އެވެ. އެއީ ދެ ކޮޓަރި އެޕާޓްމަންޓުތައް 1.5 މިލިއަން ރުފިޔާއަށް އަދި ތިން ކޮޓަރި އެޕާޓްމަންޓުތައް 2.5 މިލިއަން ރުފިޔާއަށެވެ.
މިކްސްޑް ރެސިޑެންޝަލް އިމާރާތްތައް
- އިމާރާތް ކުރަނީ ފޭސް އެކެއްގައި
- ބިންތަކުގެ ބޮޑުމިން 24,449-34،543 އަކަފޫޓާ ދެމެދު
- އުސްމިނުގައި 14 ފަންގިފިލާ
ޕިޔޯ ރެސިޑެންޝަލް އިމާރާތްތައް
- އިމާރާތް ކުރަނީ ފޭސް އެކަކާއި ދޭއްގައި
- ބިންތަކުގެ ބޮޑުމިން 1،657-3،838 އަކަފޫޓާ ދެމެދު
- އުސްމިނުގައި އަށް ފަންގިފިލާ
