ފަނޑިޔާރު ސުއޫދުގެ "މޯލްޑިވިއަން ކޮންޓްރެކްޓް ލޯ" ފޮތް ނެރެފި

ފަނޑިޔާރު ސުއޫދު ލިޔުއްވި "މޯލްޑިވިއަން ކޮންޓްރެކްޓް ލޯ" ފޮތް، ވިލާ ކޮލެޖުގެ ރެކްޓަ ޑރ. އަހުމަދު އަންވަރު މިރޭ ނެރެދެއްވަނީ. -- ފޮޓޯ: މިރާޝް ނާޝިމް/ އަދަދު

ފަނޑިޔާރު ސުއޫދު ލިޔުއްވި "މޯލްޑިވިއަން ކޮންޓްރެކްޓް ލޯ" ފޮތް، ވިލާ ކޮލެޖުގެ ރެކްޓަ ޑރ. އަހުމަދު އަންވަރު މިރޭ ނެރެދެއްވަނީ. -- ފޮޓޯ: މިރާޝް ނާޝިމް/ އަދަދު

ސުޕްރީމް ކޯޓުގެ ފަނޑިޔާރު ހުސްނުއްސުއޫދު އިނގިރޭސި ބަހުން ލިޔުއްވި "މޯލްޑިވިއަން ކޮންޓްރެކްޓް ލޯ" ފޮތް މިރޭ ނެރުއްވައިފި އެވެ.

ގާނޫނީ ދާއިރާގެ ކަންކަން ދިރާސާކޮށް ފޮތް ނެރޭ މޯލްޑިވްސް ލޯ އިންސްޓިޓިއުޓުން ތައްޔާރުކުރި ފަނޑިޔާރު ސުއޫދުގެ މި ފޮތް ނެރެއްދެވީ ބިލަބޮން ހައި އިންޓަނޭޝަނަލް ސްކޫލުގައި ބޭއްވި ހަފުލާއެއްގައި، ވިލާ ކޮލެޖުގެ ރެކްޓަ ޑރ. އަހުމަދު އަންވަރެވެ.

މިއީ ރާއްޖޭގެ ކޮންޓްރެކްޓް ލޯގެ މައްޗަށް އިނގިރޭސި ބަހުން ނެރުނު ފުރަތަމަ ފޮތެވެ. ފޮތުގައި ރާއްޖޭގެ ގާނޫނީ ނިޒާމުގައި ކޮންޓްރެކްޓް އުފެދޭ ގޮތާއި، ކޮންޓްރެކްޓާ ބެހޭ އެންމެހައި އުސޫލުތަކެއްގެ ތަފުސީލުގެ އިތުރުން، އިސްލާމީ ޝަރީއަތާއި، ރާއްޖޭގެ ކޯޓުތަކުން ނިންމާފައިވާ ނިންމުންތަކުގެ އަލީގައި ކޮންޓްރެކްޓާބެހޭ ގާނޫނުގެ ހުރިހާ މައުލޫ ތަކަކަށް އަލިއަޅުވާލާފައިވެ އެވެ.

Advertisement
ފޮތް ނެރުމުގެ ހަފުލާގައި ފަނޑިޔާރު ސުއޫދު ވާހަކަ ދައްކަވަނީ. -- ފޮޓޯ: މިރާޝް ނާޝިމް/ އަދަދު
ފޮތް ނެރުމުގެ ހަފުލާގައި ފަނޑިޔާރު ސުއޫދު ވާހަކަ ދައްކަވަނީ. -- ފޮޓޯ: މިރާޝް ނާޝިމް/ އަދަދު

ފޮތް ނެރުމުގެ ހަފުލާގައި ފަނޑިޔާރު ސުއޫދު ވާހަކަ ދައްކަވަނީ. -- ފޮޓޯ: މިރާޝް ނާޝިމް/ އަދަދު

މިއީ ޝަރީއަތާއި ގާނޫނު ކިޔަވާ ކުދިންނާއި ވަކީލުންނާއި، ފަނޑިޔާރުންގެ އިތުރުން ރާއްޖޭގެ ކޮންޓްރެކްޓާ ބެހޭ ގާނޫނު ދެނެގަތުމަށް ބޭނުންވާ ކޮންމެ މީހަކަށްވެސް ބޭނުން ހިފޭނޭ މުހިންމު ފޮތެކެވެ.

ފޮތް ނެރުމަށް ބޭއްވި ހަފުލާގައި އުއްތަމަ ފަނޑިޔާރު މުއުތަސިމް އަދުނާން، ބަންޑާރަ ނައިބު އިބްރާހިމް ރިފްއަތު، ޕްރޮސިކިއުޓަ ޖެނެރަލް ހުސައިން ޝަމީމުގެ އިތުރުން މަޖިލީހުގެ މެމްބަރުންނާއި ގާނޫނީ ދާއިރާގެ ބޭފުޅުން ބައިވެރިވެވަޑައިގަތެވެ.

މީގެ ކުރިން ފަނޑިޔާރު ސުއޫދު އިނގިރޭސި ބަހުން ޝާއިއު ކުރެއްވީ "މޯލްޑިވިއަން ލީގަލް ސިސްޓަމް" ގެ ނަމުގައި ރާއްޖޭގެ ގާނޫނީ ނިޒާމާ ބެހޭ ފޮތެކެވެ. "ކޮންޓްރެކްޓާ ބެހޭ ގާނޫނު ދެނެ ގަތުން" ގެ ނަމުގައި ދިވެހި ބަހުން ވެސް ފޮތެއް ޝާއިއު ކުރައްވާފައިވެ އެވެ. އަދި މަދަނީ އިޖުރާއަތާ ގުޅޭ ފޮތެއް ނިމިގެން ދިޔަ އަހަރު ނެރުއްވި އެވެ.

މި ފަހަރު މި ނެރުނު "މޯލްޑިވިއަން ކޮންޓްރެކްޓް ލޯ" ފޮތުގެ އަގަކީ 1،000ރ. އެވެ. މި ފޮތް މޯލްޑިވްސް ލޯ އިންސްޓިޓިއުޓުންނާއި، ބައެއް ބުކްޝޮޕްތަކުން ލިބޭނެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox