ފުވައްމުލަކުގައި ފީނާ މީހުން އަތުން ފީ ނަގަން އެކުލަވާލި ގަވާއިދަށް އަމަލުކުރުން ފަސްކޮށްފި

ފުވައްމުލަކު ކަނޑުގެ ސަރަހައްދުގައި ޑަވިން ދޯންޏެއް މަޑުކޮށްލައިގެން; ޑައިވިން ފީ ނަގާ އުސޫލަށް އަމަލު ކުރުން ވަނީ ފަސްކޮށްފައި -- ފޮޓޯ: މިރާޝް/ އަދަދު

ފުވައްމުލަކު ކަނޑުގެ ސަރަހައްދުގައި ޑަވިން ދޯންޏެއް މަޑުކޮށްލައިގެން; ޑައިވިން ފީ ނަގާ އުސޫލަށް އަމަލު ކުރުން ވަނީ ފަސްކޮށްފައި -- ފޮޓޯ: މިރާޝް/ އަދަދު

ފުވައްމުލަކުގައި ފީނާއިރު އަމަލުކުރަންޖެހޭ ގޮތް ކަނޑައަޅައި, އެ ސިޓީގެ ކައުންސިލުން އާންމުކޮށްފައިވާ ގަވައިދަށް އަމަލު ކުރުން ފަސްކޮށްފި އެވެ.

"ފުވައްމުލައް އިޙްތިސާސް ތެރޭގައި ހިމެނޭ ކަނޑުގެ ސަރަޙައްދުތައް ފަތުރުވެރިކަމުގެ ބޭނުމަށް މެނޭޖްކުރުމާ ބެހޭ ގަވައިދު" ފުވައްމުލަކު ސިޓީ ކައުންސިލުން އާންމުކުރީ މިދިޔަ ޖޫން މަހު އެވެ.

އެ ގަވައިދަށް އަމަލުކުރަން ފަށަން އޮތީ މިއަދުން ފެށިގެންނެވެ. ނަމަވެސް, އެ ގަވައިދާ ހިތްހަމަ ނުޖެހި, ފުވައްމުލަކު ޑައިވަރުން އިހުތިޖާޖު ކުރި ފަހުން, ސިޓީ ކައުންސިލުން މިވަނީ އެ ގަވާއިދަށް އަމަލު ކުރުން ފަސްކޮށްފަ އެވެ.

ފުވައްމުލަކު ސިޓީ ކައުންސިލުގެ މީޑިއާ އޮފިޝަލް މިއަދު 'އަދަދު' އަށް ވިދާޅުވީ, އެ ގަވާއިދަށް އަމަލު ކުރުން ފަސްކޮށްފައި ވަނީ, ޑައިވިން ސްކޫލުތަކުން ހިތްހަމަ ނުޖެހޭ ކަންތައްތައް ގަވައިދުގައި ހުރުމުން ކަމަށެވެ. އެ ޑައިވިން ސްކޫލުތަކާ އެކު އިތުރަށް މަޝްވަރާ ކުރުމަށްފަހު ގަވައިދަށް ބަދަލުތަކެއް ގެންނާނެ ކަމަށް ވެސް އޮފިޝަލް ވިދާޅުވި އެވެ.

މީޑިއާ އޮފިޝަލް ވިދާޅުވި ގޮތުގައި, ޑައިވިން ގަވައިދާ ގުޅިގެން ޑައިވިން ސްކޫލުތަކާއެކު މިދިޔަ ހަފްތާގައި ވޯކްޝޮޕެއް ބޭއްވި ކަމަށެވެ. ނަމަވެސް އެ ވޯކްޝޮޕަށް ވެސް ޑައިވިން ސްކޫލުތަކުގެ ފަރާތުން އެކަށީގެންވާ އެއްބާރުލުމެއް ނުލިބި, ނިކުމެގެން ދިޔައީ ކަމަށް އޭނާ ވިދާޅުވި އެވެ.

ޑައިވިން ފީ ނަގަން ނިންމާ ސިޓީ ކައުންސިލުން އާންމުކުރި ގަވައިދާ ހިތްހަމަ ނުޖެހި ޑައިވަރުން ވަނީ މިދިޔަ ހަފްތާ ތެރޭގައި ސިޓީ ކައުންސިލް އިދާރާގައި އިހުތިޖާޖު ވެސް ކޮށްފަ އެވެ.

މިދިޔަ ހަފްތާގައި ޑައިވަރުން އިހުތިޖާޖުކޮށް ޑައިވް ކުރަން ނަގާ ފީ ބޮޑުކަމުން, އެ ފީ ތިރި ކުރުމަށެވެ. އަދި ޓައިގާ ޝާކް ބަލަންދާ ޝެޑިއުލް ޑައިވް ސްކޫލުތަކަށް ދޫކޮށްލުމަށެވެ.

ގަވައިދުގެ ދަށުން އޮގަސްޓް މަހުން ފެށިގެން ޝެޑިއުލް ކޮންޓްރޯލް ކުރާނީ ކައުންސިލުންނެވެ. ނަމަވެސް ޑައިވަރުން ބޭނުންވަނީ, ކުރިން ވެސް ކުރިއަށް ގެންދިޔަ ގޮތަށް ޑައިވް ސްކޫލުތަކުން އަމިއްލައަށް ޝެޑިއުލް ހަދައިގެން ކުރިއަށް ދިއުމަށެވެ.

ޑައިވަރުން ބުނީ, މިހާރު އެކުލަވާލާފައިވާ އުސޫލަކީ ލާރި ހޯދަން ހަދާފައިވާ ސްކީމެއް ކަމަށާއި, އޭގެ ބަދަލުގައި ރައްކާތެރި ގޮތުގައި ޑައިވް ކުރެވޭނެ އުސޫލެއް ހަދަން ގޮވާލާފަ އެވެ. އަދި, ކައުންސިލުން, އަމިއްލަ ފަރާތްތަކުން ހިންގާ ވިޔަފާރީގެ ތެރެއަށް ވަންނަ ކަމަށް ވެސް ތުހުމަތު ކޮށްފައިވެ އެވެ.

ފުވައްމުލަކުގެ މަޝްހޫރު ފީނާ ސަރަހައްދު "ޓައިގާ ޝާކް ޕޮއިންޓް" އަށް ފީނުމުގެ އުސޫލުތަކެއް ވެސް ކައުންސިލުން ވަނީ ކަނޑައަޅައިފަ އެވެ. އެގޮތުން އެ ސަރަހައްދަށް ފީނާއިރު މިޔަރުގައި އަތްލުމާއި ކާންދިނުން ވަނީ މަނާކޮށްފަ އެވެ. އޭގެ އިތުރުން އެ ސަރަހައްދަށް އެއް ވަގުތެއްގައި އެންމެ ގިނައިން ފޭބޭނީ 35 މީހުންނަށް ކަމަށް ވެސް ވަނީ ގަވާއިދުގައި ކަނޑައަޅައިފަ އެވެ.

ފުވައްމުލަކުގައި ފީނާއިރު މިޔަރަށް އަތްލުމާއި ކާންދިނުން އާންމު ކަމަށް އެ ސަރަހައްދަށް ފީނާ މީހުން ބުނެ އެވެ. އޭގެ ސަބަބުން ގުދުރަތީ ގޮތުން ކާނާ ހޯދުމަށް އެސޮރުމެންނަށް ދަތިތަކެއް ކުރިމަތިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox