ފީނުމުގެ އުސޫލާ މެދު ހިތްހަމަނުޖެހި، ފުވައްމުލަކު ޑައިވަރުން އިހުތިޖާޖުކޮށްފި

ފުވައްމުލަކު ޑައިވަރުން, ފުވައްމުލަކު ސިޓީ ކައުންސިލް އިދާރާ ގައި މުޒާހަރާ ކުރަނީ

ފުވައްމުލަކު ޑައިވަރުން, ފުވައްމުލަކު ސިޓީ ކައުންސިލް އިދާރާ ގައި މުޒާހަރާ ކުރަނީ

ފުވައްމުލަކުގައި ފީނާއިރު އަމަލުކުރަންޖެހޭ ގޮތް ކަނޑައަޅައި, އެ ސިޓީގެ ކައުންސިލުން އާންމުކޮށްފައިވާ އުސޫލާ މެދު ހިތްހަމަނުޖެހިގެން ޑައިވަރުން ކައުންސިލް އިދާރާގައި އިހުތިޖާޖުކޮށްފި އެވެ.

ފުވައްމުލަކު ސިޓީ ކައުންސިލުން މިއަދު 'އަދަދު' އަށް ބުނި ގޮތުގައި, ޑައިވަރުން އެ އިދާރާގައި އިހްތިޖާޖު ކުރުމާ ގުޅިގެން ކަމާ ބެހޭ ފަރާތްތަކާއެކު, މޭޔަރު އިސްމާއިލް ރަފީގު ހިމެނޭހެން ސިޓީ ކައުންސިލުގެ މެންބަރުން ޑައިވަރުންނާ ބައްދަލުކޮށްފައިވާ ކަމަށެވެ.

ސިޓީ ކައުންސިލުން އެކުލަވާލި އުސޫލުގައި ވަނީ ފުވައްމުލަކުގައި ފުޅި އަޅައިގެން ފީނާ މީހުންގެ އަތުން ފީއެއް ނަގަން ލާޒިމުކޮށްފަ އެވެ. އަދި ޓައިގާ ޝާކަށް ދާން ޑައިވް ސްކޫލުތަކަށް ތާވަލެއް ހަދާފައި ވެސް ވެއެވެ.

ފީ ނަގަން ނިންމި ގޮތް (ކޮންމެ 15 ދުވަހަކަށް)

  • ބިދޭސީ އުޅަނދުތަކުން - ބިދޭސީން އަދި ދިވެހިންނަށް ވެސް ބޮލަކަށް 200 ޑޮލަރު
  • ސަފާރީ އަދި ރަށުގައި ގާއިމްވެފައި ނެތް ޑައިވް ސްކޫލްތަކުގެ ފީ - ބިދޭސީންނަށް ބޮލަކަށް 55 ޑޮލަރު، ދިވެހިންނަށް 20 ޑޮލަރު
  • ފުވައްމުލަކު ޑައިވް ސްކޫލްތަކުން - ބިދޭސީއަކަށް ބޮލަކަށް 40 ޑޮލަރު، ދިވެއްސަަކަށް ބޮލަކަށް 20 ޑޮލަރު
ފުވައްމުލަކު ޑައިވަރުން, ކައުންސިލުް އިދާރާގެ ރިސެޕްޝަން ސަރަހައްދު ބިމުގައި އިށީނދެ ތިބެ އިހުތިޖާޖު ކުރަނީ
ފުވައްމުލަކު ޑައިވަރުން, ކައުންސިލުް އިދާރާގެ ރިސެޕްޝަން ސަރަހައްދު ބިމުގައި އިށީނދެ ތިބެ އިހުތިޖާޖު ކުރަނީ

ފުވައްމުލަކު ޑައިވަރުން, ކައުންސިލުް އިދާރާގެ ރިސެޕްޝަން ސަރަހައްދު ބިމުގައި އިށީނދެ ތިބެ އިހުތިޖާޖު ކުރަނީ

މިއަދު ޑައިވަރުން އިހުތިޖާޖުކޮށް ގޮވާލާފައި ވަނީ, ޑައިވް ކުރަން ނަގާ ފީ ބޮޑުކަމުން, އެ ފީ ތިރި ކުރުމަށެވެ. އަދި ޓައިގާ ޝާކް ބަލަންދާ ޝެޑިއުލް ޑައިވް ސްކޫލުތަކަށް ދޫކޮށްލުމަށެވެ.

އުސޫލުގެ ދަށުން އޮގަސްޓް މަހުން ފެށިގެން ޝެޑިއުލް ކޮންޓްރޯލް ކުރާނީ ކައުންސިލުންނެވެ. ނަމަވެސް ޑައިވަރުން ބޭނުންވަނީ, ކުރިން ވެސް ކުރިއަށް ގެންދިޔަ ގޮތަށް ޑައިވް ސްކޫލުތަކުން އަމިއްލައަށް ޝެޑިއުލް ހަދައިގެން ކުރިއަށް ދިއުމަށެވެ.

ކައުންސިލް އިދާރާގެ ރިސެޕްޝަން ސަރަހައްްދުގެ ބިމުގައި އިށީނދެ ތިބެ, ޑައިވިން ފީ ނެގުމާ ދެކޮޅަށް އިހުތިޖާޖު ކުރަމުން ޑައިވަރުން ބުނީ, މިހާރު އެކުލަވާލާފައިވާ އުސޫލަކީ ލާރި ހޯދަން ހަދާފައިވާ ސްކީމެއް ކަމަށާއި, އޭގެ ބަދަލުގައި ރައްކާތެރި ގޮތުގައި ޑައިވް ކުރެވޭނެ އުސޫލެއް ހަދަން ގޮވާލާފަ އެވެ. އަދި, ކައުންސިލުން, އަމިއްލަ ފަރާތްތަކުން ހިންގާ ވިޔަފާރީގެ ތެރެއަށް ވަންނަ ކަމަށް ވެސް ތުހުމަތު ކޮށްފައިވެ އެވެ.

މިކަމާ ކައުންސިލާއި ކަމާބެހޭ ފަރާތްތަކުން ޑައިވަރުންނާ ބައްދަލުކޮށް, ހައްލު ހޯދޭނެ ގޮތަކާ މެދު މަޝްވަރާކޮށްފައިވީ ނަމަވެސް, އެކަމުގައި އަދި ގޮތެއް ނިންމާފައި ނުވާ ކަމަށް ސިޓީ ކައުންސިލުގެ މީޑިއާ އޮފިޝަލް މައުލޫމާތު ދެއްވި އެވެ.

ފުވައްމުލަކުގެ މަޝްހޫރު ފީނާ ސަރަހައްދު "ޓައިގާ ޝާކް ޕޮއިންޓް" އަށް ފީނުމުގެ އުސޫލުތަކެއް ވެސް ކައުންސިލުން ވަނީ ކަނޑައަޅައިފަ އެވެ. އެގޮތުން އެ ސަރަހައްދަށް ފީނާއިރު މިޔަރުގައި އަތްލުމާއި ކާންދިނުން ވަނީ މަނާކޮށްފަ އެވެ. އޭގެ އިތުރުން އެ ސަރަހައްދަށް އެއް ވަގުތެއްގައި އެންމެ ގިނައިން ފޭބޭނީ 35 މީހުންނަށް ކަމަށް ވެސް ވަނީ ގަވާއިދުގައި ކަނޑައަޅައިފަ އެވެ.

ފުވައްމުލަކުގައި ފީނާއިރު މިޔަރަށް އަތްލުމާއި ކާންދިނުން އާންމު ކަމަށް އެ ސަރަހައްދަށް ފީނާ މީހުން ބުނެ އެވެ. އޭގެ ސަބަބުން ގުދުރަތީ ގޮތުން ކާނާ ހޯދުމަށް އެސޮރުމެންނަށް ދަތިތަކެއް ކުރިމަތިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox