ރައީސްގެ އަމާޒަކީ ރަކީދޫގެ އުފަން ދަރިން ރަށަށް ބަދަލުވުމުގެ ރޫހެއް އުފެއްދުން

ރަކީދޫ ކެމްޕެއިނުގައި ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ-- ފޮޓޯ: މިރާޝް ނާޝިމް/ އަދަދު

ރަކީދޫ ކެމްޕެއިނުގައި ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ-- ފޮޓޯ: މިރާޝް ނާޝިމް/ އަދަދު

ސަރުކާރުގެ ވިސްނުމަކީ ރަކީދޫއަށް އުފަން ދަރީން މި ރަށަށް އެނބުރި އައުމުގެ ރޫހެއް އުފެއްދުމަށް ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

މ. އަތޮޅުގެ ކެމްޕެއިނު ދަތުރުފުޅު ނިންމަވާލެއްވުމަށް ފަހު ރައީސް މިއަދު ވަނީ ވ. އަތޮޅަށް ކެމްޕެއިނު ފައްޓަވައިފަ އެވެ. މި ދަތުރުގެ ފުރަތަމަ މަންޒިލަކީ އާބާދީ ކުޑަ ރަކީދޫ އެވެ. ރަށު ރެޖިސްޓްރީގައި 400 އެއްހާ މީހުން ތިބި ނަމަވެސް، ރަށުގައި ތައުލީމު ފަދަ އަސާސީ ހިދުމަތްތައް ލިބެން ނެތުމުގެ ސަބަބުން ގިނަ ބަޔަކު އުޅެނީ ރަށުން ބޭރުގަ އެވެ. އެންމެ ފަހުގެ ބޯހިމެނުމުގެ ނަތީޖާއިން ދައްކާ ގޮތުގައި މި ރަށުގައި ދިރިއުޅޭ އާބާދީއަކީ 63 މީހުންނެވެ.

މިރަށުގައި ބޭއްވި ކެމްޕެއިނު ޖަލްސާގައި ރައީސް ސޯލިހު ވެސް އެންމެ ބޮޑަށް އަލިއަޅުވާލެއްވީ ރަށުގެ އާބާދީ ދަށްވުމުގެ މައްސަލަ އަށެވެ.

"މި މެދުމިނުގެ އާބާދީގައި ވެސް ރަށުގައި ނޫޅެ ދާން ޖެހުނު [ސަބަބަކީ] ލިބެން ޖެހޭ އެންމެ ކުޑަ މިނުން ދަރިންނަށް ތައުލީމު ދިނުމުގައި ހުރި ގޮންޖެހުންތައް، ސިއްހީ ހިދުމަތަށް ހުރި ގޮންޖެހުން، ރަށަށް އަރާ ފޭބުމުގައި ހުރި ދަތިތައް، އެހެންކަމުން އަޅުގަނޑުމެން މި ރަށަށް އިސްކަމެއް ދިނިން،" އެމަނިކުފާނު ވިދާޅުވި އެވެ.

ރަކީދޫގައި ބޭއްވި ކެމްޕެއިން ޖަލްސާގައި ބައިވެރިވި އެރަށުގެ ބައެއް ރައްޔިތުން. -- ފޮޓޯ: މިރާޝް ނާސިމް/ އަދަދު
ރަކީދޫގައި ބޭއްވި ކެމްޕެއިން ޖަލްސާގައި ބައިވެރިވި އެރަށުގެ ބައެއް ރައްޔިތުން. -- ފޮޓޯ: މިރާޝް ނާސިމް/ އަދަދު

ރަކީދޫގައި ބޭއްވި ކެމްޕެއިން ޖަލްސާގައި ބައިވެރިވި އެރަށުގެ ބައެއް ރައްޔިތުން. -- ފޮޓޯ: މިރާޝް ނާސިމް/ އަދަދު

ރައީސް ވިދާޅުވީ އަސާސީ ހިދުމަތް މި ރަށަށް ފޯރުކޮށް ދިނުމަށްޓަކައި "ޖަޖީރާ ރާއްޖެ" މެނިފެސްޓޯގެ ދަށުން އެކަށީގެންވާ ރަނގަޅު ބަނދަރެއް ހަދައި، ރަށުގެ ގޮނޑުދޮށާއި ހޭޅިފަށް ހިމާޔަތް ކުރުމަށް މަސައްކަތްތަކެއް ކުރެވިއްޖެ ކަމަށެވެ. ރަށު މީހުން ރަށުގައި މަޑުކުރުމަށް ދެން ރަނގަޅު ކުރަން ޖެހޭ އެންމެ މުހިންމު ކަމަކަށް ރައީސް ފާހަގަކުރެއްވީ ތައުލީމީ ނިޒާމެވެ.

"ދަތިތަކެއް ހުރި ނަމަވެސް ސުކޫލު ނިމި ހުޅުވުމާ ހަމައަށް ގޮސްފައި އެއޮތީ، ސުކޫލުގައި ކިޔަވައިދޭނެ ޓީޗަރުން ހޯދުމަށް ދެ ފަހަރަކު އިއުލާނުކޮށްގެން ވެސް ރަށުގެ ރައްޔިތަކު އެކަމަށް ނެތް އިޖާބަ ދީފައެއް، މިހާރު ޖެހެނީ ރަށުގެ ބޭރުން މީހަކު ހޯދަން،" ރައީސް ވިދާޅުވި އެވެ.

އެޑިއުކޭޝަން މިނިސްޓްރީން އެ މަސައްކަތް ކުރަމުން އަންނަ ކަމަށާއި ލަސްތަކެއް ނުވެ، ސެޓެލައިޓު ސުކޫލުގެ ހިދުމަތް ރަށުގައި ވަރަށް އަވަހަށް ފެށިގެންދާނެ ކަމަށެވެ.

"އަޅުގަނޑު އުންމީދުކުރަނީ މިކަމުގެ ސަބަބުން ރަށުގެ އާބާދީ އިތުރުވެ، ރަށުގެ އުފަން ރައްޔިތުން ރަށަށް ބަދަލުވުމުގެ ރޫހެއް އުފެދިގެން ދާނެ ކަމަށް،" ރައީސް ވިދާޅުވި އެވެ.

ރައީސް ވިދާޅުވީ މި ރަށުގެ ބިމުގެ ދަތިތަކަށް ހައްލެއް ގެނައުމަށް ބިން ހިއްކުމުގެ ވިސްނުން ގެނައުމުގެ ކުރިން އަސާސީ ހިދުމަތްތައް ގާއިމް ކުރާނެ ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox