ބަންގްލަދޭޝް ތައްޔާރުވަނީ ކުވެއިތަށް "ޑެމޭޖެއް" ދޭން

ބަންގްލަދޭޝްގެ ކޯޗު ކަބްރޭރާ، އިއްޔެ އޮތް ނޫސްވެރިންގެ ބައްދަލުވުމުގައި ވާހަކަ ދައްކަނީ.--- ފޮޓޯ: މުހައްމަދު ޝާބިން/ އަދަދު

ބަންގްލަދޭޝްގެ ކޯޗު ކަބްރޭރާ، އިއްޔެ އޮތް ނޫސްވެރިންގެ ބައްދަލުވުމުގައި ވާހަކަ ދައްކަނީ.--- ފޮޓޯ: މުހައްމަދު ޝާބިން/ އަދަދު

އިންޑިއާގެ ބެންގަލޫރުގައި ކުރިއަށްދާ ސާފް ބަންގުބަންދު ޗެމްޕިއަންޝިޕްގެ ސެމީ ފައިނަލުގައި މިއަދު ކުވެއިތާ ދެކޮޅަށް ބަންގްލަދޭޝް އިން ކުޅޭ މެޗުގައި ތައްޔާރުވަނީ ކުވެއިތަށް "ސަޕްރައިޒެއް" ދިނުމަށް ފަހު "ޑެމޭޖެއް" ވެސް ދިނުމުގެ ވިސްނުމުގައި ކަމަށް ބަންގްލަދޭޝްގެ ކޯޗު ހަވިއޭ ކަބްރޭރާ އާއި ކެޕްޓަން، ޖަމާލް ބުޔާން ބުނެފި އެވެ.

މި ފަހަރުގެ ސާފް ޗެމްޕިއަންޝިޕްގެ ސެމީ ފައިނަލުގައި ބަންގްލަދޭޝް އިން ވާދަކުރާއިރު، މިއީ ވޭތުވެދިޔަ 14 އަހަރު ތެރޭ އެ ޓީމުން ސަރަހައްދުގެ ފުޓްބޯޅަ މުބާރާތުގެ ސެމީ ފައިނަލުގައި ކުޅޭ ފުރަތަމަ ފަހަރެވެ. ބަންގްލަދޭޝް އިން އެންމެ ފަހުން ސާފް ޗެމްޕިއަންޝިޕެއްގެ ސެމީގައި ކުޅުނީ މީގެ ފަސް މުބާރާތް ކުރިންނެވެ.

ސެމީ ފައިނަލުގައި މިއަދު ކުވެއިތާ ދެކޮޅަށް ކުޅޭ މެޗުގެ ކުރިން ބަންގްލަދޭޝްގެ ކޯޗު ކަބްރޭރާ ބުނީ ގްރޫޕް ސްޓޭޖުގެ ފަހު މެޗު ކުޅުނުތާ 72 ގަޑިއިރު ނުވަނީސް ސެމީ ފައިނަލް މެޗަށް ނުކުންނަން ޖެހުމުން އުނދަގޫތަކެއް އެބަހުރި ކަމަށާއި އެހެން ނަމަވެސް މިއީ އިތުރު ޝަކުވާއެއް ކުރަން ޖާގައެއް އޮތް ވަގުތަކަށް ނުވާތީ، ބޭނުންވަނީ ވީ އެންމެ ފުރިހަަމަ އަށް މި މެޗަށް ތައްޔާރުވުމަށް ކަމަށެވެ.

Advertisement

"އަަހަންނަށް ޔަގީންކަން އެބައޮތް އަހަރެމެންނަށް ކުވެއިތާ ދެކޮޅަށް ވަރަށް ރަނގަޅު ފައިޓެއް ދެވޭނެ ކަމުގެ،" މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި ކަބްރޭރާ ބުންޏެވެ.

"އަހަރެމެން އަބަދުވެސް އިދިކޮޅަށް ނުކުންނަ ޓީމު އެނަލައިޒްކުރަން. މި ދަނޑިވަޅުގައި އިދިކޮޅަށް މިއޮތީ ވަރަށް ރަނގަޅު ޓީމެއް، ކުވެއިތު، އަހަރެމެން މި ތައްޔާރުވަނީ އެ މީހުންގެ ކުޅުން ދެނެގަނެ، އެ މީހުން ހައިރާން ކޮށްލެވޭނެ ފަދަ ކުޅުމެއް ދައްކައިގެން ކާމިޔާބު ހޯދޭތޯ ކުރެވެެން ހުރި މަސައްކަތެއް ކުރަން،"

ކަބްރޭރާ ބުނީ ބަންގްލަދޭޝް އިން މުބާރާތަށް ކަނޑައެޅި ފުރަތަމަ ޓާގެޓަކީ ސެމީ ފައިނަލް ކަމަށާއި އެކަން ހާސިލްވުމުން ދެން އެހެން ޓާގެޓެއް ކަނޑައަޅައި، މި ވަގުތު ފޯކަސް ބަހައްޓާފައި ހުރީ ފައިނަލަށް ދިއުމަށް ކަމަށެވެ.

ގްރޫޕް ސްޓޭޖު ފަހު ދެ މެޗުގައި ބަންގްލަދޭޝް އިން ރާއްޖެ އާއި ބޫޓާން ބަލިކުރީ ފަހަތުން އަރަ އެވެ. އެކަމަކު، ކަބްރޭރާ ބުނީ ކުވެއިތާ ދެކޮޅަށް ފުރަތަމަ ގޯލެއް ވަދެގެން މެޗު އަނބުރާލެވޭނެ ކަމުގެ އުންމީދެއް ކުރުން އެންމެ ރަނގަޅުނުވާނެ ކަމަށެވެ. އަދި ކުވެއިތާ ދެކޮޅަށް ކުޅޭއިރު، ފަސޭހަކޮށްލެވޭނެ އެއްވެސް ޖާގައެއް ނެތް ކަމަށާއި ފުރަތަމަ ގޯލު ޖެހުން ވެސް މުހިންމު ކަމަށް ކަބްރޭރާ ގަބޫލުކުރެ އެވެ.

ބަންގްލަދޭޝްގެ ކޯޗު ކަބްރޭރާ (ކ) އާއި ކެޕްޓަން ޖަމާލް: އިއްޔެ ބޭއްވި ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: މުހައްމަދު ޝާބިން/ އަދަދު

ބަންގްލަދޭޝް ޓީމުގައި މިހާރު އޮތް ސްކޮޑުން އެކުގައި މަސައްކަތް ކުރިއިރު، އެ ޓީމު އޮތީ ފީފާ ރޭންކިންގައި ސަރަަހައްދުން ބެލިޔަސް ދަށް ހިސާބެއްގައި ކަމަށާއި އެއިރު، ބަންގްލަދޭޝްގެ ފުޓްބޯޅަ ސަޕޯޓަރުން ވެސް އަދި އެ ގައުމުގެ މީޑިއާ އިން ވެސް ޓީމާ މެދު އުންމީދެއް ނުކުރާ ކަމަށް އެ ޓީމުގެ ކެޕްޓަން، ޖަމާލް ބުޔާން ވަނީ ބުނެފަ އެވެ.

ޖަމާލް ބުނީ ޓީމު އެކުވެ އެކުރި މަސައްކަތުން މިހާރު ސެމީ ފައިނަލާ ހަމައަށް އާދެވިފައިވާ ކަމަށާއި އެއީ ވެސް ބޮޑު ކާމިޔާބެއް ކަމަށެވެ.

"އެކަމަކު، ކޯޗު ބުނިހެން އަހަރެމެން މި ތިބީ ހަމައެކަނި ބައިވެރިވެލާކަށް ނޫން. އަހަރެމެން މި ތިބީ ވާދަކުރަން،" ޖަމާލް ބުންޏެވެ.

"އަހަރެމެންނާ މެދު ކުރިން އެއްވެސް ބަޔެއްގެ އުންމީދެއް ނެތް، އެކަމަކު އަހަރެމެން އެކުގައި ކުރީ މަސައްކަތް، މިހާރު ވެސް އަހަރެމެން އަމިއްލަ ނަފްސަށް އިތުބާރު ކުރަން، އެހެންވެ، އަހަންނަށް ފެންނަ ގޮތުގައި މި ޓީމުގައި އެބަހުރި ކުވެއިތަށް ޑެމޭޖެއް ދެވޭނެ ފެންވަރު،"

ޖަމާލް ބުނީ މިހެން ބުނި ކަމަށް ވިޔަސް، ބަންގްލަދޭޝް އިން "އޯވަކޮންފިޑެންޓް" ވެގެން އެއްވެސް ކަމެއް ނުކުރާނެ ކަމަށާއި ޔަގީންކަމާ އެކު އެނގޭ ކަމަކީ ބޫޓާނާއި ރާއްޖެ އަތުން މޮޅުވި މެޗުތަކަށް ވުރެ މި މެޗު ހުރިހާ ގޮތަކުން ވެސް އުނދަގޫވާނެކަން ކަމަށެވެ.

ކުވެއިތާއި ބަންގްލަދޭޝްގެ ސެމީ ފައިނަލް މެޗު ފަށާނީ މިއަދު ރާއްޖެ ގަޑިން 2:30 ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox