ކަބްރޭރާ ބުނަނީ އޭނާ ބަންގްލަދޭޝް ޓީމަށް ގެންނަން ބޭނުންވާ ބަދަލު ފެންނަ ކަމަށް

Jun 29, 2023, 2:16 AM
ބަންގްލަދޭޝްގެ ކޯޗު ހަވިއޭ ކަބްރޭރާ ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

ބަންގްލަދޭޝްގެ ކޯޗު ހަވިއޭ ކަބްރޭރާ ނޫސްވެރިންގެ ބައްދަލުވުމުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

އިންޑިއާގެ ބެންގަލޫރުގައި މިހާރު ކުރިއަށްދާ ސާފް ބަންގުބަންދު ޗެމްޕިއަންޝިޕްގެ ސެމީ ފައިނަލުން ޖާގަ ލިބުމަކީ ބަންގްލަދޭޝްގެ ގައުމީ ޓީމަށް އޭނާ ގެންނަން ބޭނުންވާ ބަދަލުތައް ފެންނަން ފެށުމުގެ ހެއްކެއް ކަމަށް ބަންގްލަދޭޝްގެ ގައުމީ ޓީމްގެ ކޯޗު ސްޕެއިންގެ ހާވިއޭ ކަބްރޭރާ ބުނެފި އެވެ.

ބަންގްލަދޭޝުން ވަނީ 14 އަހަރުގެ ތެރޭގައި ފުރަތަމަ ފަހަރަށް ސާފް ޗެމްޕިއަންޝިޕްގެ ސެމީ ފައިނަލުން ޖާގަ ހޯދައިފަ އެވެ. ގްރޫޕް ސްޓޭޖުގެ ފުރަތަމަ މެޗުގައި ލެބަނަން އަތުން ބަލިވި ނަމަވެސް ޖެހިގެން އައި ދެ މެޗުގައި ރާއްޖެ އާއި ބޫޓާން ފަހަތުން އަރައި، ބަލިކޮށް ބަންގްލަދޭޝް ވަނި ގްރޫޕްގެ ދެ ވަނަ ހޯދައިފަ އެވެ.

ހޯދި ކާމިޔާބާ ގުޅޭގޮތުން ބަންގްލަދޭޝްގެ ކޯޗު ކަބްރޭރާ ބުނީ މިދިޔަ އަހަރުގެ ޖެނުއަރީ މަހު އޭނާ ބަންގްލަދޭޝްގެ ގައުމީ ޓީމާ ހަވާލުވި ހިސާބުން އެ ޓީމަށް ބަދަލުތައް ގެންނަމުން އަންނަ ކަމަށާއި ސެމީއާ ހަމައަށް އެ ޓީމަށް ދެވުމަކީ ބޭނުންވާ ގޮތަށް އެ ޓީމަށް ބަދަލުތައް ގެނެވެމުން އަންނަ ކަމުގެ ހެއްކެއް ކަމަށެވެ.

Advertisement

އޭނާ ބުނީ ގައުމީ ޓީމުގެ ކުޅުންތެރިން ދެނެގަނެ، ކުޅުންތެރިން ދަސްކޮށް ޓީމާ އެކު އެކި ބަދަލުތައް ގެނެސް މިހާރު އޭނާ ބޭނުންވާ ކަހަލަ ގޮތަކަށް ޓީމް ބައްޓަން ކުރެވެމުން އަންނަ ކަމަށެވެ.

"މިދިޔަ އަހަރުން ފަށައިގެން އަހަރެން ގައުމީ ޓީމަށް ގެންނަން ބޭނުންވި ބަދަލުތައް ގެނެސް އެ ބަދަލުތައް ޓީމުން އެބަ ފެނޭ. އެ މަސައްކަތުގައި މިހާރު އޮތް ހިސާބު މިހާރު ދެނެގަނެވިއްޖެ. ސެމީ ފައިނަލަކީ އަހަރެން ކުރަމުން އަންނަ މަސައްކަތް ކާމިޔާބުވާ ކަމުގެ ހެއްކެއް. ދެން އޮތީ ހަމަ ހަރުފަތަކަށްފަހު ހަރުފަތެއް ގިރާކުރަމުން ދިޔުން." ކަބްރޭރާ ބުންޏެވެ.

ބޫޓާންއާ ދެކޮޅަށް ކުޅުނު މެޗާ ގުޅޭގޮތުން ކަބްރޭރާ ބުނީ އެ މެޗަކީ އުނދަގޫވާނެ މެޗެއްކަން ކުރިން ވެސް އެނގޭ ކަމަށާއި، މެޗު ފަށައިގެން ބަންގްލަދޭޝަށް ރަނގަޅަށް ނުކުޅެވި އުޅެނިކޮށް ބޫޓާނުން މާ ރަނގަޅަށް ކުޅެ ގޯލު ޖެހީ ކަމަށެވެ. ނަމަވެސް އެ ޓީމަށް ފުރަތަމަ ގޯލު ޖެހުނު ހިސާބުން ބޭނުންވާ ގޮތަށް ގޭމު އަނބުރާލެވުނު ކަމަށް ކަބްރޭރާ ބުންޏެވެ.

"މެޗަށް އައިއިރުވެސް އިނގޭ މިއީ އުނދަގޫވާނެ މެޗެއްކަން. ފެށުން ދިޔައީ ގޯސްކޮށް. އަހަރުމެންގެ ކޮންފިޑެންސްގައި ކުޅެވޭ ގޮތެއް ނުވި. އަހަރުމެންގެ ގޭމެއް ނުކުޅެވުނު. ބޫޓާނުން ވަރަށް ރަނގަޅަށް ފެށީ. އެކަމަކު އަހަރުމެން އެކެއް ސުމަކުން ފަހަތުގައި އޮއްވާ ކުޅުންތެރިންގެ ފަރާތުން ފެނުނީ ރަނގަޅު ކަންތައްތަކެއް ފަހަތުން އަރާ ލީޑު ލިބުނީ ވަރަށް ރަނގަޅަށް ކުޅެގެން. އަހަރުމެންގެ ގޭމް ދެން ފެނުނީ. ދެވަނަ ހާފުގައި އަހަރުމެން ބޭނުންނުވީ ރިސްކު ނަގައިގެން ކުޅެން. ޔަގީންކަން އޮތް ގޮތަށް ކުޅުނީ." އޭނާ ބުންޏެވެ.

އޭނާ ބުނީ މުބާރާތުގެ ފުރަތަމަ ޓާގެޓަކީ ސެމީ ފައިނަލުން ޖާގަ ހޯދުން ކަމަށާއި، އެ އަމާޒު ހާސިލްކުރެވިއްޖެ ކަމަށެވެ. ދެން އޮތީ އިތުރަށް މަސައްކަތްކޮށް އެ އަށް ވުރެ ބޮޑު ކާމިޔާބެއް ހޯދުން ކަމަށް އޭނާ ބުނެފައިވެ އެވެ.

ސެމީ ފައިނަލާ ގުޅޭގޮތުން ކަބްރޭރާ ބުނީ ކުވެއިތަކީ ވަރުގަދަ ޓީމެއް ކަަމަށާއި، ކިތަންމެ ޗެލެންޖިން މެޗަކަށް މި މެޗު ވިކަމުގައި ވިޔަސް ބަންގްލަދޭޝް އިން ދޫނުދޭނެ ކަމަށެވެ.

ކަބްރޭރާ ވަނީ ބަންގްލަދޭޝްގެ ގައުމީ ޓީމުން މިދިޔަ ދޮޅު އަހަރު ހޯދި ކުރިއެރުން ފާހަގަކޮށް، މިކަން ހާސިލްކުރުމަށް އެހީތެރިވި ހުރިހާ ފަރާތްތަކަށް ޝުކުރު އަދާކޮށްފަ އެވެ. އޭގެ ތެރޭގައި ބަންގްލަދޭޝްގެ ފެޑެރޭޝަނާއި، ކުޅުންތެރިންގެ އިތުރުން އޭނާއާ އެކު މަސައްކަތްކުރާ ކޯޗިން ޓީމްގެ މަސައްކަތް ކަބްރޭރާ ފާހަގަކުރި އެވެ.

"މިއީ ވަރަށް ގިނަ ބައެއްގެ މަސައްކަތް. ކުޅުންތެރިންގެ މަސައްކަތް. އަހަރެން ކުރަން ބޭނުންވާ ކަންކަމަށް އިތުބާރުކޮށް އެ ކުޅުންތެރިން މިކަމަށްދޭ އެއްބާރުލުން މި ފެންނަނީ. ޓެކްނިކަލް ސްޓާފުންގެވެސް ގިނަ މަސައްކަތްތަކެއް މީގައި އެކުލެވޭ. ކުޅުންތެރިންގެ އިވެލުއޭޝަނާ ކަންކަމުގައިވެސް ގިނަ ބަޔަކު އެބަ ހިމެނޭ. ގިނަ ބައެއްގެ މަސައްކަތުން މިހާ ހިސާބަށް އާދެވިފައިމިތިބީ." އެންމެންނަށް ޝުކުރު އަދާކުރުރަމުން ކަބްރޭރާ ބުންޏެވެ.

ކަބްރޭރާ ބުނީ ޓީމް މިހާ ހިސާބަށް އައުމުގައި އެގައުމުގެ މީޑިއާއިން މާ ބޮޑު އެއްބާރުލުމެއް ނުލިބޭ ކަމަށާއި، ސެމީ ފައިނަލުން ފުރުސަތު ލިބުމާ އެކު މީޑިއާގެ ފަރާތްތަކުން ގައުމީ ޓީމަށް އިތުބާރުކޮށް ކުރިއަށް ދިޔުމަށް ހިތްވަރުދޭނެ ކަމަށް އުއްމީދު ކުރާ ކަމަށެވެ.

ކަބްރޭރާ ބުނީ ބަންގްލަދޭޝް އަކީ ހުނަރުވެރި ކުޅުންތެރިން ގިނަ ގައުމެއްކަމަށާއި، އެ ކުޅުންތެރިންގެ ބޭނުން ހިފައި ގައުމީ ޓީމަށް ރަނގަޅު ކާމިޔާބީ ލިބޭނީ އެންމެންވެސް އެކުގައި މަސައްކަތް ކޮށްގެން ކަމަށެވެ.

"މި ގައުމުގައި ހުނަރާއި ގާބިލްކަން އެބަހުރި. އޭގެ ބޭނުން ހިފެން އޮތީ ގިނަ ބައެއްގެ އެހީތެރިކަން ލިބިގެން. ބަންގްލަދޭޝްގެ މީޑިއާއިން އެއްވެސް ވަރަކަށް މިދިޔަ ދުވަސްތަކުގައި ޕޮޒިޓިވްކޮށް ޓީމަށް އެހީތެރިކަން ދީފައި ނެތް. އެކަން ބަދަލުކުރަން ޖެހޭ އެބަ. އެ ކަން ބަދަލުވެގެން އިތުރު ހިތްވަރު ލިބޭނެ ޓީމަށްވެސް. އެންމެން އެކުގައި މަސައްކަތްކޮށްގެން އިތުރު ކާމިޔާބީތައް ލިބޭނީވެސް" އޭނާ ބުންޏެވެ.

ކަބްރޭރާގެ ކޯޗިން ޓީމުގެ މަސައްކަތަށް ބަންގްލަދޭޝްގައި މަސައްކަތް ކުރަމުން އަންނަ ކްލަބްތަކުގެ ކޯޗުން ވެސް އަންނަނީ ހިތްވަރު ދެމުންނެވެ. އޭގެ ތެރޭގައި ބަންގްލަދޭޝްގެ ޗެމްޕިއަން، ބަޝުންދަރާ ކިންގްސްއާ ހަވާލުވެހުރި ސްޕެއިންގެ ކޯޗު އޮސްކާ ބްރުޒޮން ވެސް ހިމެނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox