"ޗެތުރީ ކޮންމެ މެޗެއް ވެސް ކުޅެން ބޭނުންވޭ"

ރޭގެ މެޗަށް ފަހު އިންޑިއާ ގައުމީ ޓީމުގެ ޗެތުރީ (މ) އެ ޓީމުގެ އެހެން ކުޅުންތެރިންނާ އެކު.--- ފޮޓޯ: މުހައްމަދު ޝާބިން/ އަދަދު

ރޭގެ މެޗަށް ފަހު އިންޑިއާ ގައުމީ ޓީމުގެ ޗެތުރީ (މ) އެ ޓީމުގެ އެހެން ކުޅުންތެރިންނާ އެކު.--- ފޮޓޯ: މުހައްމަދު ޝާބިން/ އަދަދު

ސާފް ބަންގުބަންދު ޗެމްޕިއަންޝިޕްގައި ރޭ އިންޑިއާ އިން ނޭޕާލާ ދެކޮޅަށް ކުޅުނު މެޗުގައި އަށް ބަދަލެއް ފުރަތަަމަ އެގާރަ އަށް ގެނައިއިރު، އެ ޓީމުގެ ކެޕްޓަން، 38 އަހަރުގެ ސުނިލް ޗެތުރީ ކުޅުވީ، އޭނާ އަކީ ފިޓްކޮށް ހުންނައިރު ކޮންމެ މެޗެއް ވެސް ކުޅެން ބޭނުންވާ ކުޅުންތެރިއަކަށްވާތީ ކަމަށް އިންޑިއާގެ އެސިސްޓަންޓް ކޯޗު މަހޭޝް ގޯލީ ބުނެފި އެވެ.

އިންޑިއާ އިން މި ފަހަރުގެ ސާފް ޗެމްޕިއަންޝިޕްގައި ކުޅުނު ފުރަތަމަ މެޗުގައި ޕާކިސްތާން އަތުން 4-0 އިން މޮޅުވި މެޗަށް ނެރުނު ފުރަތަމަ އެގާރަ އަށް ވަނީ ރޭ ނޭޕާލާ ކުޅުނުއިރު، އަށް ބަދަލެއް ގެނެސްފަ އެވެ.

ރޭ ނޭޕާލް އަތުން އިންޑިއާ 2-0 އިން މޮޅުވި މެޗަށް ފަހު އޮތް ނޫސްވެރިންގެ ބައްދަލުވުމުގައި ގޯލީ ބުނީ ފުރަތަމަ އެގާރަ އަށް 8 ބަދަލު ގެންނަން ޖެހުނީ 10 ދުވަސްތެރޭ ގިނަ އަދަދެއްގެ މެޗުތަކެއް އެއް ކުޅުންތެރިންތަކެއް ކުޅެފައިވާތީ އާ ކުޅުންތެރިން ބޭނުންކުރަން ކަމަށެވެ.

ގޯލީގެ އެ ވާހަކައާ އެކު، ނޫސްވެރިއަކު ސުވާލުކުރީ ޗެތުރީ ވެސް ހުރިހާ މެޗެއްގައި ކުޅެމުން އަންނައިރު، އޭނާ ބަދަލަކަށް ބޭނުންނުކުރީ ކީއްވެތޯ އެވެ.

"ސުނިލް (ޗެތުރީ) ބޭނުންވޭ ކޮންމެ މެޗެއް ވެސް ކުޅެން، އޭނަ އެ ހުރީ ވަރަށް ފިޓްކޮށް، އޭނަ ކުޅެން ބޭނުންވިއްޔާ އަހަރެމެން އަބަދުވެސް އެ ފުރުސަތު ދެން، އެ ލީޑަޝިޕް ޓީމަށް ވަރަށް މުހިންމު،" ގޯލީ ބުންޏެވެ.

އިންޑިއާގެ އެސިސްޓަންޓް ކޯޗު ގޯލީ ނޫސްވެރިންގެ ބައްދަލުވުމުގެ ތެރެއިން.-- ފޮޓޯ: އަބްދުﷲ އިޔާން/ އަދަދު

ޗެތުރީ އަކީ މި ފަހަރުގެ މުބާރާތުގެ އެންމެ ގިނަ ގޯލު ޖެހި ކުޅުންތެރިޔާ އެވެ. އެންމެ ފަހުން ސާފް ޗެމްޕިއަންޝިޕްގެ ވެސް އެންމެ ގިނަ ގޯލު ޖަހައިގެން ރަން ބޫޓު ހޯދި ޗެތުރީ މި ފަހަރުގެ މުބާރާތުގައި ވަނީ ހަތަރު ގޯލު ޖަހައިފަ އެވެ. ކުރިން ފަހަރު ޗެތުރީ ވަނީ ފަސް ގޯލު ޖަހައިފަ އެެވެ.

ޗެތުރީ ވަނީ ސާފް ޗެމްޕިއަންޝިޕް ފުޓްބޯޅަ މުބާރާތްތަކުގައި ޖުމްލަ އެކު، 22 ގޯލު ހަމަކޮށްފަ އެވެ. ސާފް މުބާރާތްތަކުގައި އެންމެ ގިނަ ގޯލު ޖެހުމުގެ ރެކޯޑް އޮތީ ރާއްޖޭގެ ތަރި، އަލީ އަޝްފާގު (ދަގަނޑޭ) އަތުގަ އެވެ. ދަގަނޑޭ ވަނީ ސާފް މުބާރާތްތަކުގައި 23 ލަނޑު ޖަހައިފަ އެވެ.

އިންޑިއާ ގައުމީ ޓީމަށް ކުޅެދިން 131 މެޗުން ޗެތުރީ ވަނީ 91 ގޯލު ޖަހައިފަ އެވެ.

އިންޑިއާ ޓީމުގެ ފަރާތުން ގޯލީ ނޫސްވެރިންގެ ބައްދަލުވުމުގައި ބައިވެރިވަނީ ޕާކިސްތާން މެޗުގައި އިންޑިއާގެ ހެޑް ކޯޗު، އީގޯ ސްޓިމަކް އަށް ރަތް ކާޑު ދެއްކުމުން އެއް މެޗުގެ ސަސްޕެންޝަނެއްގައި ހުރުމުންނެވެ.

ނޭޕާލުން ރޭގެ މެޗުގެ ފުރަތަމަ ހާފުގައި ވަރަށް މޮޅަށް ކުޅުނު ކަމަށް ގޯލީ ވެސް އެއްބަސްވި އެވެ. އިންޑިއާ އަށް ފުރަތަމަ ހާފުގައި ކުޅެލަން ނުލިބުނު ކަމުގައި ވިޔަސް ދެ ވަނަ ހާފުގައި މެޗު ޑޮމިނޭޓްކުރި ކަމަށް ގޯލީ ބުނެފައިވެ އެެވެ.

ރޭގެ މެޗު އިންޑިއާގެ ކޮންޓްރޯލުގެ ދަށަށް ގެނައީ ޗެތުރީ ޖެހި ގޯލުން ކަމަށާއި އެ ގޯލު ޖަހަން ފުރުސަތު ތަނަަވަސްކޮށްދިން މަހޭޝް ސިންގް އަކީ އިންޑިއާ ފުޓްބޯޅައިގެ މުސްތަގުބަލު އުޖާލާ ކުޅުންތެރިއެއް ކަމަށް ގޯލީ ވަނީ ފާހަގަކޮށްފަ އެވެ.

ގްރޫޕްގެ ފަހު މެޗުގައި އަންގާރަ ދުވަހު ކުވެއިތާ ދެކޮޅަށް ކުޅޭ މެޗަށް ޓީމަށް ބަދަލު ގެންނާނީ ކިހާވަރަކަށްތޯ އެހުމުން ގޯލީ ބުނީ އެ އަށް ވިސްނާނީ މިއަދު އޮންނަ ރިކަވަރީ ސެޝަނަށް ފަހު ކަމަށެވެ. ކުވެއިތާއި އިންޑިއާ ސެމީ ފައިނަލަށް ގޮސްފައިވާއިރު، އެ ދެ ޓީމު ބައްދަލުކުރާ މެޗު ދެން މުހިންމުވާނީ ގްރޫޕްގެ އެއް ވަނަ ކަނޑައެޅުމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox