ބޮޑީބިލްޑިން އެސޯސިއޭޝަން އޮފް މޯލްޑިވްސް (ބީބީއޭއެމް) އިން މި އަހަރު ބާއްވާ މިސްޓަ މޯލްޑިވްސްގެ ޓައިޓަލް ސްޕޮންސަރަކަށް އާބަންކޯ ހަމަޖައްސައި، އެއްބަސްވުމުގައި މިއަދު ސޮއިކޮށްފި އެވެ.
މިސްޓަ މޯލްޑިވްސްގެ އިތުރުން ބީބީއޭއެމް އިން މި އަހަރު ބާއްވާ ބައިނަލްއަގުވާމީ އިވެންޓު، ސައުތު އޭޝިއަން ބޮޑީ ބިލްޑިން އެންޑް ފިޒިކްސްގެ ކޯ-ސްޕޮންސަރަކަށް ވުމަށްް ވެސް އާބަންްކޯއިން މިއަދު ސޮއިކުރި އެވެ.
މިއަދުގެ ރަސްމިއްޔާތުގައި އާބަންކޯގެ ވެރިންނާއި ބީބީއޭއެމްގެ އޮފިޝަލުން. -- ފޮޓޯ: އަބްދުﷲ އިޔާން/އަދަދު
މި އެއްބަސްވުމުގައި އާބަންކޯއިން ސޮއި ކުރެއްވީ ކުންފުނީގެ މެނޭޖިން ޑިރެކްޓަ އަހުމަދު އަތީފު އެވެ. އަދި ބޮޑީބިލްޑިން އެސޯސިއޭޝަންގެ ފަރާތުން ސޮއިކުރީ އެސޯސިއޭޝަނުގެ ރައީސް އިބްރާހިމް ހަމީދު އެވެ.
މިސްޓާ މޯލްޑިވްސް މުބާރާތް ބާއްވަން ހަމަޖެހިފައި ވަނީ ޖުލައި 3 ގަ އެވެ.
ސައުތު އޭޝިއަން ބޮޑީ ބިލްޑިންގ އެންޑް ފިޒިކްސް މުބާރާތް ބާއްވަން ހަމަޖެހިފައި ވަނީ ޖުލައި 5 އިން 9 ވަނަ ދުވަހުގެ ނިޔަލަށެވެ. މިއީ މި މުބާރާތް މާލޭގައި ބާއްވާ ފުރަތަމަ ފަހަރެވެ.
މި ދެ މުބާރާތުން ވެސް ވަނަތަކަށް ހޮވޭ ފަރާތްތަކަށް ފައިސާގެ އިނާމާއި، އެހެނިހެން އިނާމުތައް ދިނުމަށް ވަނީ ހަމަޖެހިފައެވެ.
