އަންނަ ސީޒަނުގައި އިންޑިއަން ސުޕަ ލީގުގައި ވީއޭއާރް ބޭނުންކުރަނީ

Mar 20, 2023, 9:27 AM
އިންޑިއާ ސުޕަ ލީގުގެ ޗެމްޕިއަންކަން މި ފަހަރު ހޯދި އޭޓީކޭ މޯހަން ބަގާން ކުޅުންތެރިން މެޗެއްގެ ތެރެއިން ލަނޑެއް ޖެހުމަށް ފަހު އުފާފާޅުކުރަނީ.--

އިންޑިއާ ސުޕަ ލީގުގެ ޗެމްޕިއަންކަން މި ފަހަރު ހޯދި އޭޓީކޭ މޯހަން ބަގާން ކުޅުންތެރިން މެޗެއްގެ ތެރެއިން ލަނޑެއް ޖެހުމަށް ފަހު އުފާފާޅުކުރަނީ.--

ނިއު ދިއްލީ، އިންޑިއާ (މާޗް 20) - އަންނަ ސީޒަނުން ފެށިގެން އިންޑިއަން ސުޕަ ލީގު (އައިއެސްއެލް)ގައި ވީޑިއޯ އެސިސްޓަންޓް ރެފްރީ (ވީއޭއާރް) ބޭނުންކުރަން މަސައްކަތް ކުރަމުން އަންނަ ކަމަށް އޯލް އިންޑިއާ ފުޓްބޯލް ފެޑެރޭޝަން (އޭއައިއެފްއެފް)ގެ ރައީސް ކަލްޔާން ޗޯބޭ ވިދާޅުވެއްޖެ އެެވެ.

އިންޑިއާ ފުޓްބޯޅައާ ގުޅޭގޮތުން ޓައިމްސް އޮފް އިންޑިއާ (ޓީއޯއައި) އަށް ދިން އިންޓަވިއުއެއްގައި ޗޯބޭ ވިދާޅުވީ ބެލްޖިއަމްގައި މިހާރު ބޭނުންކުރަމުން އަންނަ ވީއޭއާރް-ލައިޓް ސިސްޓަމް އަކީ އިންޑިއާގައި ވެސް ބޭނުންކުރެވިދާނެ މޮޑެލެއް ކަމަށާއި އެކަން ކުރެވޭތޯ މަސައްކަތް ކުރަމުން އަންނަ ކަމަށެވެ.

"ވީއޭއާރް އަކީ ވަރަށް އަގުބޮޑު ކަމެއް ހަގީގަތުގައި. އެކަމަކު، ބެލްޖިއަމް އިން އެބަ ގެންގުޅޭ އަގުހެޔޮކޮށް ތައްޔާރުކުރެވިފައި އޮތް ވީއޭއާރް ލައިޓް ސިސްޓަމެއް، އަހަރެން ދެކޭގޮތުގައި އިންޑިއާގައި އެ މޮޑެލް ބޭނުންކުރެވިދާނެ، ފެށުމެއްގެ ގޮތުން،" މިިދިޔަ އަހަރު އިންޑިއާގެ ފުޓްބޯޅަ ރައީސަކަށް އިންތިހާބު ވުމަށް ފަހު ގިނަ ބަދަލުތަކެއް ގެންނާނެ ކަމަށް ވައުދުވެފައިވާ ޗޯބޭ ވިދާޅުވި އެވެ.

Advertisement

ފީފާގެ ރައީސް ޖިއާނީ އިންފަންޓީނޯ (ކ) އާއި އިންޑިއާގެ ފުޓްބޯޅަ ރައީސް ކަލްޔާން ޗޯބޭ ބޭއްވި ބައްދަލުވުމުގެ ތެރެއިން.-- ފޮޓޯ: ފީފާ ޑިޖިޓަލް ހަބް

މި ފަހަރުގެ އިންޑިއަން ސުޕަ ލީގުގެ ސީޒަނުގައި ގިނަ ކުޅުންތެރިންތަކަކާއި ކޯޗުންނާއި މީޑިއާ އިން ވެސް ރެފްރީންގެ މައްސަލައިގައި ވަނީ ފާޑުކިޔައިފަ އެވެ. އެ ވާހަކަތަކަށް އިޝާރާތްކޮށް، ޗޯބޭއާ ޓައިމްސް އޮފް އިންޑިއާގެ އިންޓަވިއުގައި ކުރި ސުވާލަށް ޖަވާބުދެއްވަމުން ޗޯބޭ ވިދާޅުވީ ބިނާކުރަނިވި ފާޑުކިޔުންތަކަށް މަރުހަބާ ކިޔަންޖެހޭނެ ކަމަށާއި ރެފްރީން ކުރާ މަސައްކަތް ވެސް ބަލައިގަންނަން ޖެހޭނެ ކަމަށެވެ.

"އަހަންނަށް އެބަހުރި ރެފްރީންގެ މައްސަލައިގައި އީމެއިލް ވެސް ލިބިފައި، އަހަންނަށް ސޯޝަލް މީޑިއާ އާއި މީޑިއާ އިން ވެސް ފެނޭ ރެފްރީންގެ މި ޝަކުވާތަކާއި ވީއޭއާރް އަންނަން ޖެހޭ ކަމުގެ ވާހަކަތައް. މީހުން އެބަ ބޭނުންވޭ ވީއޭއާރަށް ހުރިހާ ކަމެއް ދޫކޮށްލައި، ރެފްރީން އަތުން ހުރިހާ ބާރެއް ނަގަން ވެސް، އެކަމަކު، އެއީ ވެސް ވާނެ ކަމެއް ނޫން، އަހަރެމެން ވީއޭއާރް ގެންނާނީ ރެފްރީންނަށް އެހީތެރިވުމަށް،" ޗޯބޭ ވިދާޅުވި އެވެ.

"އިންޑިއާ ފުޓްބޯޅަ ފެޑެރޭޝަނުގެ ރައީސެއްގެ ހައިސިއްޔަތުން އަހަރެން ބުނާނީ އަހަންނަކީ ރެފްރީންގެ ސަޕޯޓަރެކޭ. އެމީހުންނަށް ދިމާވާ ކޮންމެ ކަމެއްގައި ވެސް އެކުގައި ހުންނަ މީހަކަށް އަހަރެން ވާން ބޭނުމީ، އަހަރެން ޔަގީންކަން ދެން އެ މީހުންގެ ތަރައްގީ އަށް އޮތް އެއްވެސް ފުރުސަތެއް ހަނިނުވާނެ، ފުރުސަތު އިތުރުކުރަން ކުރެވޭނެ ހުރިހާ ކަމެއް ކުރާނަން. އަހަރެން މި ހުރީ އާދޭސްކޮށްގެން ކަންކަން ކުރަން ޖެހުނަސް އިންޑިއާ ފުޓްބޯޅަ ކުރިއެރުވުމުގެ އަމާޒުގައި،"

ޗޯބޭ ވަނީ އިންޑިއާގެ ގައުމީ ފުޓްބޯޅަ ޓީމަށް ގިނަ އަދަދެއްގެ މެޗުތަކެއް މި އަހަރު ތެރޭ ހަމަޖެހިގެންދާނެ ކަމަށް ވިދާޅުވެފަ އެވެ. އަދި ބޭނުމަކީ އިންޑިއާ ކޯޗު ކްރޮއޭޝިއާގެ އީގޯ ސްޓިމަކް ބޭނުންވާ ހުރިހާ ކަމެއް ހަމަޖައްސައިދީ ބައިނަލްއަގުވާމީ މައިދާނުގައި އިންޑިއާ އަކީ ފުޓްބޯޅައިގައި ވެސް ނަން ހިނގާ ގައުމަކަށް ހެދުމަށް ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox