އޭޑީކޭ ހޮސްޕިޓަލުން ޑައިވް އިމަޖެންސީ ހޮޓްލައިނެއް ތައާރަފު ކޮށްފި

އޭޑީކޭ ހޮސްޕިޓަލުގެ ހައިޕަބެރިކް ޓްރީޓްމަންޓް ޔުނިޓު; އެ ހޮސްޕިޓަލުން ވަނީ ޑައިވް އިމަޖެންސީ ހޮޓްލައިނެއް ވެސް ގާއިމްކޮށްފައި -- ފޮޓޯ: އަދަދު

އޭޑީކޭ ހޮސްޕިޓަލުގެ ހައިޕަބެރިކް ޓްރީޓްމަންޓް ޔުނިޓު; އެ ހޮސްޕިޓަލުން ވަނީ ޑައިވް އިމަޖެންސީ ހޮޓްލައިނެއް ވެސް ގާއިމްކޮށްފައި -- ފޮޓޯ: އަދަދު

އޭޑީކޭ ހޮސްޕިޓަލުން ޑައިވް އިމަޖެންސީ ހޮޓްލައިނެއް ތައާރަފު ކޮށްފި އެވެ.

އޭޑީކޭ ހޮސްޕިޓަލުން މި ހޮޓްލައިން ތައާރަފު ކުރީ މިހާރު ކުރިއަށްދާ މޯލްޑިވްސް މެރިން އެކްސްޕޯގެ ތެރެއިންނެވެ. އެ ހޮޓްލައިނަކީ 1446 އެވެ. ޑައިވް އެމަޖެންސީތަކަށް ހާއްސަކޮށްގެން ފުރަތަމަ ފަހަރަށް ހޮޓްލައިނެއް ގާއިމްކޮށްފައިވާއިރު, އޭޑީކޭގައި ވަނީ ދާދި ފަހުން ހައިޕަބެރިކް ޓްރީޓްމަންޓު ޔުނިޓެއްގެ ހިދުމަތް ދޭން ފަށާފަ އެވެ.

އެ ހޮސްޕިޓަލުގެ މެނޭޖިން ޑިރެކްޓަރު އަފްއާލް މިއަދު 'އަދަދު' އަށް ވިދާޅުވީ, ޑައިވިން އިމަޖެންސީތަކަށް ހޮޓްލައިނެއް ގާއިމު ކުރުމަކީ ޑައިވިން ސްކޫލުތަކާއި ޑައިވަރުންނަށް ލިބުނު ވަރަށް ބޮޑު ކުރިއެރުމެއް ކަމަށެވެ.

"މެޑިކަލް އެކްސެސް ކޮންމެ ހިސާބެއްގައި އެކްސިޑެންޓެއް ވިޔަސް ލިބޭނެ ކަމާއި, އަދި އެ ހިސާބުން ފެށިގެން މީހަކު ޗެމްބަރާ ހަމައަށް ގެންނަން ވާއިރަށް އަމަލު ކުރަންޖެހޭނެ ގޮތްތަކާއި އެމީހަކު އުފުލުމުގައި ގެންގުޅެންޖެހޭނެ އުސޫލުތަކާއި މިހެންގޮސް މިކަހަލަ ހުރިހާ ކަމެއްގައި ވެސް ވަރަށް ބޮޑު ފަސޭހަތަކެއް ވެގެންދާނެ،" މިއީ މިހާތަނަށް އައިއިރު ވަރަށް ދަތިކޮށް އޮންނަ ކަމެއްކަން ފަހަގަކުރައްވަމުން އަފްއާލް ވިދާޅުވި އެވެ.

އަފްއާލް ވިދާޅުވީ, ހޮސްޕިޓަލެއްގެ ތެރޭގައި ހައިޕާބެރިކް ފަރުވާ ދޭން ފެށުމުން, އެއާއެކު ދޭން ޖެހޭ އެހެނިހެން ސިއްހީ ފަރުވާތައް ދިނުމުގައި ވެސް ފަސޭހަތަކެއް ވެގެންދާނެ ކަމަށެވެ.

އޭޑީކޭގެ ހައިޕަބެރިކް ޔުނިޓުގައި އެކަމަށް ހާއްސަ ތިން ޑޮކްޓަރުންނާއި, ހައިޕަބެރިކް ޓެކްނީޝަނަކު ދަނީ މަސައްކަތް ކުރަމުންނެވެ. އަދި, އެތަނުގައި ހައިޕްބެރިކް ހިދުމަތް ދެމުންދާނީ ޑީކޮމްޕުރެޝަން ޗެމްބަރުގެ ދެ ސިސްޓަމް ބޭނުން ކޮށްގެންނެވެ.

އަފްއާލް އިތުރަށް ވިދާޅުވީ ޑައިވް ކުރާ މީހުންގެ ތެރެއިން ޑޭން ފަދަ ތަންތަނުން އިންޝުއަރެންސް ނަގާފައިވާ މީހުންނަށް އިންޝުއަރެންސް ކަވަރު ކުރާނެ ކަމަށެވެ. ނަމަވެސް ހައިޕަބެރިކް ޔުނިޓުން ހިދުމަތް ދޭން ޖެހެނީ ހަމައެކަނި އިންޝުއަރެންސް ތިބި މީހުންނަށް ނޫން ކަމަށްވާތީ, އެންސްޕާ ފަދަ ތަންތަނުން ވެސް އެ ޔުނިޓުގެ ހިދުމަތްތައް ހޯދުމުގައި އެހީތެރިވެދޭ ކަމަށެވެ.

އޭނާ ވަނީ, ޑައިވިން ފަދަ ކަންކަން ކުރާ ފަރާތްތަކުން, ދިމާވެދާނެ ހާލަތަކަށް ވިސްނާ, ކުރިއާރާ އިންޝުއަރެންސް ނެގުމަށް އިލްތިމާސްކޮށްފަ އެވެ. އަދި ޑައިވް ކުރާއިރު ހިފަހައްޓަންޖެހޭ ސަލާމަތީ މިންގަނޑުތައް ހިފަހައްޓާ, ރައްކާތެރިކަމާއެކު ވެސް އޭނާ ވަނީ އިލްތިމާސްކޮށްފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox