އަންބަރާގެ ވެއްޓަށް ލިބޭ ގެއްލުމަށް ރިސޯޓުހަދާ ކުންފުނިން ޒިންމާވާން ނުޖެހޭނެ: އީޕީއޭ

ވ. އަންބަރާ --

ވ. އަންބަރާ --

ޓޫރިސްޓު ރިސޯޓެއްގެ ގޮތުގައި ތަރައްގީކުރަމުން އަންނަ ވ. އަންބަރާގެ ވެއްޓަށް ލިބޭ ގެއްލުމަށް އެ ރިސޯޓު ހަދާ ކުންފުނިން ޒިންމާވާން ނުޖެހޭނެ ކަމަށް އެންވަޔަރަމެންޓް ޕްރޮޓެކްޝަން އެޖެންސީ (އީޕީއޭ)އިން ބުނެފި އެވެ.

އީޕީއޭއިން މިހެން ބުނެފައިވަނީ ރިސޯޓު ތަރައްގީކުރަމުން އަންނަ އަންބަރާގެ ތިމާވެއްޓަށް ގެއްލުންވަމުންދާތީ ވ. ތިނަދޫ ކައުންސިލުން އެ އެޖެންސީއަށް ހުށަހެޅި ޝަކުވާއާ ގުޅިގެން ފޮނުވި ސިޓީއެއްގަ އެވެ.

އެ ސިޓީގައި ބުނެފައި ވަނީ ކައުންސިލުން ހުށަހެޅި ޝަކުވާތަކާ ގުޅިގެން އެ އެޖެންސީއިން އަންބަރާއަށް ގޮސް ބެލި ބެލުމުން އީއައިއޭއާ ހިލާފަށް ބައެއް މަސައްކަތްތައް ކުރަމުންދާކަން ފާހަގަކުރެވިފައިވާ ކަމަށެވެ.

ނަމަަވެސް އަންބަރާގެ ވެއްޓަށް ލިބިފައިވާ ގެއްލުންތަކަކީ އެތަނުގައި ޓޫރިސްޓު ރިސޯޓެއް ތަރައްގީކުރަމުން އަންނަ ކުންފުނިން ދީފައިވާ ގެއްލުމެއްކަން ސާބިތުވެފައި ނުވާތީ، އެ ގެއްލުންތަކަށް އެފަރާތުން ޒިންމާވާން ނުޖެހޭނެ ކަމަށް އީޕީއޭއިން ވަނީ ބުނެފަ އެވެ.

މިކަމާ ގުޅިގެން ތިނަދޫ ކައުންސިލުގެ ރައީސް ހުސެން ޝިފާގް "އަދަދު"އަށް ވިދާޅުވީ، އެ ރަށަކީ "ހަނދުވަރު އޯޝަން ޕްރައިވެޓް ލިމިޓެޑް" ނަމަކަށް ކިޔާ ކުންފުންޏަކަށް ރިސޯޓު ތަރައްގީކުރުމަށް ދީފައިވާ ރަށެއް ކަމަށެވެ.

އެގޮތުން އެތަނުގައި ހުރި އިމާރާތެއް ތަޅާލުމަށް ފަހު ރަށުގެ ކަނޑޫފާގެ ތެރެއަށް އަޅާލުމާއި، ކަނޑޫ ގަސްތައް ކީހަކުން ބުރިކޮށް އެތަނަށް ބޮޑެތި ގެއްލުންތަކެއް ދީފައިވާކަން ފާހަގަކުރެވިފައިވާކަމަށް ޝިފާގް ވިދާޅުވި އެވެ.

"މައްސަލަ ބެލުމަށް ފަހު ފޮނުވި ޖަވާބުގައި ބުނެފައި އެބަވޭ އީއައިއޭ ރިޕޯޓާ ހިލާފަށް ކަންތައްތަކެއް ކޮށްފައިވާކަމަށް. އެކަމަކު އެތަނަށް ލިބިފައިވާ ގެއްލުމަށް ރިސޯޓު ހަދާ ފަރާތުން ޒިންމާވާން ނުޖެހޭ ކަމަށް. އެކަމަކު އެބޭފުޅުން އެތަން ހަލާކުކޮށްފަ މިއޮތީ," ޝިފާގް ވިދާޅުވި އެވެ.

އަންބާރާ އަކީ ފުރަތަމަ ޕިކްނިކް އައިލެންޑެއްގެ ގޮތުގައި ތަރައްގީކުރުމަށް 2004، ގައި ދޫކުރި ރަށެކެވެ. ނަމަވެސް އެ އެގްރިމެންޓު ބާތިލުކޮށް އަންބަރާގައި ޓޫރިސްޓު ރިސޯޓެއް ތަރައްގީކުރުމަށް ޓޫރިޒަމް މިނިސްޓްރީގެ ފަރާތުން 2016، ގައި ހަނދުވަރު އޯޝަން ޕްރައިވެޓް ލިމިޓެޑް"އަށް ކުއްޔަށް ދޫކުރި އެވެ. ނަމަވެސް، ރިސޯޓް ތަރައްގީކުރުމުގެ އަމަލީ މާބޮޑު މަސައްކަތެއް އެ ރަށުގައި ފަށާފައި ނުވެ އެވެ.

ދެ ރަށުގެ މަސައްކަތް ކުރިއަށް ނުދާތީ، އެ ދެ ރަށް އަތުލުމުގެ މަސައްކަތް ވ. އަތޮޅު ކައުންސިލުން ވަނީ ފަށާފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox