ސުޕަ ކަޕްގެ ކާމިޔާބާއެކު ބާސެލޯނާގެ ރައީސްގެ އިތުބާރު ޒަވީ އަށް

Jan 16, 2023, 6:49 AM
ސުޕަ ކަޕްގެ ކާމިޔާބާއެކު ބާސެލޯނާގެ ރައީސްގެ އިތުބާރު ޒަވީ އަށް

ރިޔާދު (ޖެނުއަރީ 16) - ސްޕެނިޝް ސުޕަ ކަޕްގެ ފައިނަލްގައި ރޭ ރެއާލް މެޑްރިޑް ބަލިކޮށް ބާސެލޯނާ އިން ސްޕެނިޝް ސުޕަ ކަޕް ކާމިޔާބުކުރިިއިރު، މި ކާމިޔާބާ އެކު ބާސެލޯނާގެ ކޯޗު ޒަވީ ހެނާންޑޭޒަށް އޮތް އިތުބާރު އެ ކްލަބުގެ ރައީސް ހުއާން ލަޕޯޓާ ވަނީ ހިއްސާކޮށްފަ އެވެ.

ސައުދީ އަރަބިއްޔާގެ ވެރިރަށް ރިޔާދުގައި ރޭ ކުޅުނު ފައިނަލްގައި ރެއާލް އަތުން ބާސާ މޮޅުވީ 3-1 އިންނެވެ. މިއީ ބާސެލޯނާގެ ކޯޗުކަމާ 2021 ވަނަ އަހަރުގެ ނޮވެމްބަރު މަހު ޒަވީ ހަވާލުވި ފަހުން އެ ޓީމަށް ލިބުނު ފުރަތަމަ ތަށްޓެވެ.

Advertisement

މާލީ މައްސަލަތަކެއް ކުރިމަތިވެފައި އޮތް ނަމަވެސް، އެކި ގޮތްގޮތުން ބަޖެޓް ހޯދައިގެން ބާސެލޯނާ އިން ވަނީ މި އަހަރު ގިނަ ކުޅުންތެރިންތަކެއް ހޯދައިފަ އެވެ. އެ ގޮތުން ރޮބަޓް ލެވަންޑޯސްކީ އާއި ރަފީނިއާ އަދި ޖޫލްސް ކޫންޑޭ ހިމެނެ އެވެ.

މި ސީޒަންގެ ޗެމްޕިއަންސް ލީގުގެ ގުރޫޕް ސްޓޭޖުން ބާސެލޯނާ ކެޓުމާ އެކު، ޒަވީ އަށް ގިނަ ފާޑުކިއުންތަކެއް ވަނީ އަމާޒުވެފަ އެވެ. ބާސެލޯނާގެ ކޯޗުގެ މަގާމުގައި ދެމިހުރެވޭނީ ކާމިޔާބީތައް ހޯދައިގެން ކަމަށް ޒަވީ ވަނީ ކުރިން ބުނެފަ އެވެ.

ބާސެލޯނާ އަށް ރޭ ލިބުނު ކާމިޔާބަށް ފަހު، ޒަވީއާ މެދު ފުރިހަމަ އިތުބާރު އެބައޮތް ކަމަށް ބާސެލޯނާގެ ރައީސް ލަޕޯޓާ ވަނީ ހާމަކުރައްވައިފަ އެވެ.

"ވަރަށް މޮޅެތި ކުޅުންތެރިން ހިމެނޭ ޓީމެއް މިއީ. މި ޓީމު ލީޑު ކުރަނީ ވަރަށް މޮޅު ކޯޗެއް. އަހަންނަށް ޒަވީއާމެދު އިތުބާރު އެބައޮތް،" ލަޕޯޓާ ބުންޏެވެ.

ޒަވީ ވަނީ ކުޅުންތެރިއެއްގެ ގޮތުގައި ބާސެލޯނާގައި ގިނަ ކާމިޔާބީތަކެއް ހޯދައިފަ އެވެ. ކުޅުންތެރިއެއްގެ ގޮތުގައި ޒަވީ ވަނީ ބާސާއާ އެކު އަށް ފަހަރު ސްޕެނިޝް ލީގު އަދި ހަތަރު ފަހަރު ޗެމްޕިއަންސް ލީގު ކާމިޔާބުކޮށްފަ އެވެ.

މެޗަށް ފަހު ޒަވީ ބުނީ ބާސެލޯނާ އިން ހޯދި ކާމިޔާބަކީ މުޅި ޓީމަށް ވެސް ލިބުނު ބޮޑު އުފަލެއް ކަމަށެވެ.

"އަހަރަމެން ތިބީ މެޑްރިޑަށްވުރެ ބޮޑަށް މި ތަށި ބޭނުންވެފައި. މެޑްރިޑުން ވަރަށް ގިނަ ކާމިޔާބީތައް ހޯދައިފިި (ފަހުގެ ތާރީހުގައި)." ޒަވީ ބުންޏެވެ.

ސްޕެނިޝް ސުޕަ ކާމިޔާބާ އެކު ބާސެލޯނާ އަށް ފޯމުގައި ކުރިއަށްދާން ފަސޭހަވާނެ ކަމަށް ޒަވީ ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox