ރެއާލް ބަލިކޮށް ޒަވީގެ ކޯޗުކަމުގައި ބާސެލޯނާ އިން ފުރަތަމަ ތަށި ހޯދައިފި

Jan 16, 2023, 3:27 AM
ސްޕެނިޝް ސުޕަ ކަޕްގެ ތަށްޓާ އެކު ބާސެލޯނާގެ ކުޅުންތެރިން އުފާފާޅުކުރަނީ.

ސްޕެނިޝް ސުޕަ ކަޕްގެ ތަށްޓާ އެކު ބާސެލޯނާގެ ކުޅުންތެރިން އުފާފާޅުކުރަނީ.

ރިޔާދު، ސައުދީ އަރަބިއްޔާ (ޖެނުއަރީ 16) - ސްޕެނިޝް ސުޕަ ކަޕް ފައިނަލުގައި ރޭ ރެއާލް މެޑްރިޑް 3-1 އިން ބަލިކޮށް ޒަވީ ހެނާންޑޭޒްގެ ކޯޗުކަމުގައި ބާސެލޯނާ އިން ފުރަތަމަ ތަށި ހޯދައިފި އެވެ.

ކުރިން ބާސެލޯނާގެ ކުޅުންތެރިއެއްގެ ގޮތުގައި ގިނަ ކާމިޔާބީތަކެއް ހޯދި ޒަވީ، 2021 ވަނަ އަހަރުގެ ނޮވެމްބަރު މަހު ބާސެލޯނާއާ ހަވާލުވެ، އެ ޓީމު ގޮވައިގެން މިހާތަނަށް ޖުމްލަކޮށް ރަނގަޅު މަސައްކަތްތަކެއް ކުރިއިރު، މިއީ ތަށްޓެއްގައި އަތްލެވުނު ފުރަތަމަ ފަހަރެވެ.

ރެއާލާ ދެކޮޅަށް ސުޕަ ކަޕް ފައިނަލުގައި ރޭ ބާސެލޯނާ އިން މޮޅު ކުޅުމެއް ދެއްކި އެވެ. މިއީ ފަސް އަހަރު ތެރޭ ބާސެލޯނާ އަށް ސްޕެއިނުގެ ސުޕަ ކަޕް ކާމިޔާބު ކުރެވުނު ފުރަތަމަ ފަހަރެވެ.

Advertisement

ރިޔާދުގެ ކިންގް ފަހުދު އިންޓަނޭޝަނަލް ސްޓޭޑިއަމްގައި ރޭ ކުޅުނު މެޗު ފަށައިގެން ބާސެލޯނާ އިން ރަނގަޅަށް ކުޅެމުންދިޔައިރު، މެޗުގެ 33 ވަނަ މިނިޓްގައި އެ ޓީމުން ލީޑުނެގި އެވެ. އެ ޓީމަށް މި ލަނޑު ޖަހައިދިނީ މެޗުގައި ތަފާތު މޮޅު ކުޅުމެއް ދެއްކި ގަވީ އެވެ. އެ ގޮތުން، ބާސެލޯނާގެ ފޯވާޑް، ރޮބަޓް ލެވަންޑޯސްކީ ދިން ބޯޅައަކަށް އޭރިއާތެރެއަށް އަަރައި، ގަވީ ވަނީ ގޯލުގެ ދުރު ކަނަށް ބޯޅަ އަމާޒުކޮށްލައިފަ އެވެ.

ރޭގެ މެޗުގައި ލަނޑު ޖެހުމަށް ފަހު ބާސެލޯނާގެ ގަވީ (ވ) އާއި ޕެޑްރީ އުފާފާޅުކުރަނީ.

ފުރަތަމަ ހާފު ނިމުމުގެ ކުރިން ބާސެލޯނާ އިން ދެ ވަނަ ގޯލެއް ޖަހައި، ލީޑުފުޅާކުރި އެވެ. މި ފަހަރު ގަވީ ދިން ބޯޅަ އަކަށް ހުސްކޮށް އަރައި މި ލަނޑު ޖެހީ ލެވަންޑޯސްކީ އެވެ.

ދެ ވަނަ ހާފުގައި ކުޅުން ފަށައިގެން ފަސް މިނިޓް ތެރޭ ބާސެލޯނާ އަށް ތިން ވަނަ ލަނޑެއް ޖަހަން ހުސް ފުރުސަތެއް ލިބުނެވެ. ބާސެލޯނާގެ ފުލްބެކް، އަލެހަންދްރޯ ބާލްޑޭ ހުސްކޮށްލާފައި ދިން ބޯޅަ ކޮންޓްރޯލް ކުރުމަށް ފަހު އޭރިއާތެެރެއިން އޮސްމާން ޑެމްބެލޭ ޖެހި ބޯޅަ ރެއާލްގެ ކީޕަރު ތިބޯ ކޯޓުއާ ވަނީ މަތަކޮށްފަ އެވެ.

މެޗުގެ 69 ވަނަ މިނިޓްގައި ބާސެލޯނާގެ ތިން ވަނަ ގޯލު ޖެހީ ޕެޑްރީ އެވެ. މިއީ އޭރިއާތެރެއިން ގަވީ ހުރަސްކޮށްލި ބޯޅައަކަށް ހުސްކޮށް އަރައި، ޕެޑްރީ ޖެހި ގޯލެކެވެ.

ރެއާލުން ލަނޑެއް ޖެހޭތޯ ކުރި މަސައްކަތް ކާމިޔާބުވީ މެޗުގެ އިތުރު ވަގުތުގަ އެވެ. އެ ޓީމުގެ ކެޕްޓަން ކަރީމް ބެންޒެމާ ފުރަތަމަ ޖެހި ބޯޅަ ބާސެލޯނާގެ ކީޕަރު ޓާ ސްޓެގެން އަތުގައި ޖެހިފައި ނުކުތްއިރު، ރީބައުންސް ބޯޅަ ވަނީ ހަމަޖެހިލައިފައި ގޯލުގެ ކަނަށް ފޮނުވާލައިފަ އެވެ.

ރޭގެ މެޗަށް ފަހު ބާސެލޯނާގެ ކޯޗު ޒަވީ ބުނީ މިއީ ވަރަށް މޮޅަށް ކުޅެގެން ބާސެލޯނާ އިން ހޯދި މޮޅެއް ކަމަށާއި މެޗުގައި ވިދާލި ގަވީގެ ފަރާތުން ފެނުނީ އާދަޔާހިލާފު ކުޅުމެއް ކަމަށެވެ. ރެެއާލްގެ ކޯޗު، ކާލޯ އަންޗެލޮޓީ ބުނީ ރަނގަޅަށް ކުޅުނީ ބާސެލޯނާ ކަމަށާއި ރެއާލަށް މި މެޗުން އެއްޗެއް ހާސިލްކުރެވޭ ވަރަށް މަސައްކަތް ނުކުރެވޭ ކަމަށެެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox