ގައުމީ ކޯޗުގެ ފޯކަސް މި ވަގުތު ހުރީ ނަތީޖާ އަށް ބެލުމަށް ވުރެ ރަނގަޅު ފުޓްބޯޅަ އަކަށް

Dec 13, 2022, 8:14 AM
ގައުމީ ޓީމުގެ ކޯޗު އިޓަލީގެ ފްރެންޗެސްކޯ މޮރިއޭރޯ ނޫސްވެރިންގެ ބައްދަލުވުމެއްގެ ތެރެއިން ވާހަކަދައްކަނީ.--- ފޮޓޯ: މުހައްމަދު ޝާބިން/ އަދަދު

ގައުމީ ޓީމުގެ ކޯޗު އިޓަލީގެ ފްރެންޗެސްކޯ މޮރިއޭރޯ ނޫސްވެރިންގެ ބައްދަލުވުމެއްގެ ތެރެއިން ވާހަކަދައްކަނީ.--- ފޮޓޯ: މުހައްމަދު ޝާބިން/ އަދަދު

އެކުވެރިކަމުގެ މެޗެއްގައި މާދަމާ މެލޭޝިއާއާ ދެކޮޅަށް ކުޅޭ މެޗަށް ނުކުންނައިރު، ގައުމީ ފުޓްބޯޅަ ޓީމުގެ ކޯޗު އިޓަލީގެ ފްރެންޗެސްކޯ މޮރިއޭރޯގެ މި ވަގުުތުގެ ފޯކަސް އަކީ މެޗުން ނުކުންނަ ނަތީޖާ އަށް ބެލުމަށް ވުރެ ހާލަތަށް ބަލައި، މި މެޗުގައި ގައުމީ ޓީމު ކުޅޭ ކުޅުން ރަނގަޅުކުރުން ކަމަށް ބުނެފި އެވެ.

ގައުމީ ޓީމުން މެލޭޝިއާ އާއި ސިންގަޕޫރާ ދެކޮޅަށް ކުޅޭ ދެ މެޗު އޮންނާނީ މި މަހު 14 އާއި 17 ވަނަ ދުވަހު އެވެ.

މެލޭޝިއާއާ ދެކޮޅަށް ކުޅޭ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން މޮރިއޭރޯ އެންމެ ބޮޑަށް ފާހަގަކުރި ކަމަކީ ރާއްޖެއާ އަޅާކިޔާއިރު، މެލޭޝިއާ އަކީ ވަރުގަދަ ޓީމެއް ކަމަށެވެ. އެހެންވެ، މި މެޗުގެ ނަތީޖާ އަށް ބަަލައިގެން ކަމެއް ހާސިލްކުރުމުގެ ބަދަލުގައި، ރަނގަޅު ކުޅުމެއް ދައްކައިގެން މުސްތަގުބަލަށް ރަނގަޅު ފިޔަވަޅެއް އެޅުން މުހިންމު ކަމަށް މޮރިއޭރޯގެ ވާހަކައިގައި ފާހަގަކުރި އެވެ.

Advertisement

"ރަނގަޅު، މި ވަގުތު މި އޮތް ޓީމު ވަރަށް ތަފާތު، މިހާރު މި އޮތް ޓީމުގެ ތަފާތަކީ މެންޓަލިޓީ. އަހަރެމެންގެ ޓީމު މިހާރު މި ތިބި ކުޅުންތެރިން ވިސްނަނީ ހަމައެކަނި ފައިނަލް ނަތީޖާ އަަކަށް ނޫން މެޗުތަކުގެ، އަހަރެން ވަރަށް ގަޔާވޭ ޕޮޒިޓިވް ފުޓްބޯޅަ. ރަނގަޅު އިންޓެންސިޓީއާ އެކު، އޯގަނައިޒްކޮށް ކުޅޭ ފުޓްބޯޅަ އަށް. މި ވަގުތު ރާއްޖޭގައި ކުރަން ޖެހޭ ބޮޑު މަސައްކަތަކީ އެއީ، އެ ގޮތަށް ބަލާއިރު، މެލޭޝިއާ މެޗުގެ ބޭނުންހިފޭނެ އިމްތިހާނަކަށް ވާނެ،" މޮރިއޭރޯ ބުންޏެވެ.

މެލޭޝިއާ އާއި ސިންގަޕޫރާ ދެކޮޅަށް ކުޅޭ މެޗުތަކަށް ތައްޔާރުވާން އޮތް އެއް ގޮންޖެހުމަކީ މިއީ ރާއްޖޭގެ ސީޒަން ބްރޭކް ކަމަށްވުމެވެ. ރާއްޖޭގައި ދެން ފުޓްބޯޅަ ސީޒަން ފަށަން އޮތީ އަންނަ މާޗް މަހުގަ އެވެ.

މޮރިއޭރޯ ބުނީ ކުޅުންތެރިން ގަވާއިދުން ނުކުޅެ ތިއްބައި، 20 ދުވަަހުގެ ޕްރެކްޓިހަށް ފަހު، މެލޭޝިއާ ކަހަލަ ޓީމުތަކާ ކުޅޭއިރު، "އިންޓެންސިޓީ" ހުންނާނީ އެންމެ ބޭނުން ލެވަލްގައި ނޫން ކަމަށެވެ.

"މިއި އަހަރެމެން ވަރަށް ރަނގަޅަށް ތައްޔާރުވާން ޖެހޭނެ ޓެސްޓެއް،" މޮރިއޭރޯ ބުންޏެވެ.

"ސެޕްޓެމްބަރުގައި ބްރުނާއީ އާއި ލާއޯސްއާ ދެކޮޅަށް ނެރުނު ނަތީޖާ އަށް ވުރެ އުނދަގޫ މެޗުތަކެއް މި ފަހަރު މިއީ،"

ގައުމީ ޓީމުގެ ޕްރެކްޓިހެއްގެ ތެރެއިން އިޓަލީގެ ފްރެންޗެސްކޯ މޮރިއޭރޯ.-- ފޮޓޯ: އިބްރާހިމް ފާއިދު/ އެފްއޭއެމް

މެލޭޝިއާ ޓީމު ވަރުގަދަކަން ފާހަގަކޮށް، މޮރިއޭރޯ ބުނީ ވިސްނުންތެރިކަމާ އެކު ކުޅެގެން ރާއްޖެ އަށް މެލޭޝިއާ ކައިރީގައި ޗެލެންޖެއް ދެވިދާނެ ކަމަށެވެ.

މިއީ ގައުމީ ޓީމުގެ ކޯޗު މޮރިއޭރޯގެ ކޮންޓްރެކްޓް އާ ކުރި ފަހުން ގައުމީ ޓީމުން ކުޅޭ ފުރަތަމަ މެޗުތަކެވެ. ގައުމީ ޓީމާ މޮރިއޭރޯ ހަވާލުވި ފަހުން މިހާތަނަށް ވަނީ 10 މެޗެއް ކުޅެފަ އެވެ.

މޮރިއޭރޯގެ ކޯޗުކަމުގައި ރާއްޖޭން ހަތަރު މެޗުން މޮޅުވިއިރު، ތިން މެޗުން ބަލިވީ އެވެ. އަދި އަނެއް ދެ މެޗު ނިމުނީ އެއްވަރުވެގެންނެވެ. ރާއްޖެ މޮޅުވީ މި އަހަރު ބަންގްލަދޭޝާ ދެކޮޅަށް ކުޅުނު އެކުވެރިކަމުގެ މެޗާއި އޭޝިއަން ކަޕް ކޮލިފައިންގައި ސްރީ ލަންކާ އަތުންނާއި ދާދި ފަހުން ކުޅުނު އެކުވެރިކަމުގެ ދެ މެޗުގައި ބްރުނާއީ ދާރުއްސަލާމާއި ލާއޯސް އަތުންނެވެ. ބަލިވި މެޗުތަަކަކީ މިދިޔަ އަހަރުގެ ފޯ ނޭޝަންސް ކަޕްގައި ބަންގްލަދޭޝް އަތުންނާއި މި އަހަރު އޭޝިއަން ކަޕް ކޮލިފައިންގައި ތައިލެންޑާއި އުޒްބެކިސްތާން އަތުންނެވެ. އެއްވަރުވީ މިިދިޔަ އަހަރު ނޮވެމްބަރު މަހު ފޯ ނޭޝަންސް ކަޕްގައި ސްރީ ލަންކާ އާއި ސީޝެލްސްއާ ދެކޮޅަށް ކުޅުނު މެޗުތަކުގަ އެވެ.

ގައުމީ ޓީމުގެ ޑިފެންޑަރު، ސަމޫހު އަލީ (ސަމުއްޓެ)، މެލޭޝިއާ މެޗުގެ ކުރިން މީޑިއާ އިން ކުރި ސުވާލަކަށް ޖަވާބު ދެމުން ބުނީ މެލޭޝިއާ ފުޓްބޯޅަ އަކީ "ފާސްޓް ފުޓްބޯޅައެއް" ކަމަށެވެ. އަދި މެލޭޝިއާ ޓީމުގެ އެޓޭކިން ލައިންގައި ވެސް ތިބީ ވަރަށް ހަލުވިކޮށް ކުޅޭ ކުޅުންތެރިންކަން ފާހަގަކޮށް ސަމުއްޓެ ބުނީ، މެލޭޝިއާ ވަރުގަދަ ކަމަށް ގަބޫލުކުރާ ކަމަށާއި، އެކަމަކު، އެއީ "ބަލިނުކުރެވޭ ވަރުގެ ޓީމެއް ނޫން" ކަމަށެވެ.

ރާއްޖޭން ވަނީ މީގެ ކުރިން ހަތަރު މެޗެއް ކުޅެ، ބަލިވެފަ އެވެ. އެ ގޮތުން، އެންމެ ފުރަތަމަ 2000 ވަނަ އަހަރު އެކުވެރިކަމުގެ ދެ މެޗެއްގައި ރާއްޖެ ވަނީ މެލޭޝިއާ އަތުން 2-0 އިން އަދި 3-0 އިން ބަލިވެފަ އެވެ. އޭގެ ދެ އަހަރު ފަހުން އޭޝިއަން ގޭމްސްގައި ރާއްޖޭގެ 23 އަހަރުން ދަށުގެ ޓީމު ވަނީ 3-1 އިން މެލޭޝިއާއާ ވާދަކޮށް ބަލިވެފަ އެވެ. މި ދެ ޓީމު 2018 ވަނަ އަހަރު މެލޭޝިއާގައި ކުޅުނު އެކުވެރިކަމުގެ މެޗުން މެލޭޝިއާ މޮޅުވީ 3-0 އިންނެވެ. އެ މެޗުގައި ކުޅުނު ކުޅުންތެރިން މި ފަހަރު ވެސް ގައުމީ ސްކޮޑުގައި ހިމެނެ އެވެ.

މެލޭޝިއާ އާއި ރާއްޖެ ކުޅޭ މެޗު ފަށާނީ ރާއްޖެ ގަޑިން އިރުއޮއްސި ހައެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox