ޑެންމާކްގެ ކޯޗު ދެކޭގޮތުގައި ޕްރެޝަރު އޮތީ ފްރާންސަށް

Nov 26, 2022, 5:37 AM
ޑެންމާކްގެ ކޯޗު ދެކޭގޮތުގައި ޕްރެޝަރު އޮތީ ފްރާންސަށް

ދޯހާ، ގަތަރު (ނޮވެމްބަރު 26) - ފީފާ ވޯލްޑް ކަޕް ފުޓްބޯޅަ މުބާރާތުގައި މިރޭ ޑެންމާކާއި ފްރާންސް ބައްދަލުކުރާ މެޗަށް ނުކުންނައިރު، ޕްރެޝަރު އޮތީ ފްރާންސަށް ކަމަށް ޑެންމާކްގެ ކޯޗު ކެޝްޕާ ޖޮލްމަންޑް ބުނެފި އެވެ.

އެންމެ ފަހުގެ ޗެމްޕިއަން، ފްރާންސުން މި ފަހަރުގެ މުބާާރާތް ފެށީ ފަހަތުން އަރައި 4-1 އިން އޮސްޓްރޭލިއާ ބަލިކޮށްގެންނެވެ. މި ގްރޫޕްގައި ޑެންމާކާއި ޓިއުނީޝިއާ ކުޅުނު މެޗު ނިމުނީ ލަނޑެއް ނުޖެހި 0-0 އިން އެއްވަރުވެގެންނެވެ.

ޖޮލްމަންޑް ބުނީ ފްރާންސަކީ ފުޓްބޯޅައިގެ އެންމެ މަތީ ފަންތީގައި އޮތް ގައުމެއް ކަމަށާއި އެ ގައުމުގެ ފުޓްބޯޅައިގެ ކަންކަަމަކީ ދުނިޔޭގެ ލެވަލުން ބެލިޔަސް މަދު ޓީމަކާ އަރާހަމަކުރެވޭނެ ހިސާބެއް ކަމަށެވެ.

Advertisement

އެކަމަކު، 90 މިނިޓްގެ ފުޓްބޯޅަ މެޗެއްްގަައި ތަފާތު ގޮތްގޮތަށް ކަންކަން ބަދަލުވާއިރު، ޑެންމާކުން މި އަހަރު ތެރޭގައި ވެސް ނޭޝަންސް ލީގުގައި ފްރާންސް އަތުން ދެ މޮޅު ހޯދާފައިވުމަކީ ފްރާންސުން މި މެޗަށް ސަމާލުވާނެ ސަބަބެއް ގޮތުގައި ޖޮލްމަންޑް ފާހަގަކުރި އެެވެ.

"މި ވަގުތު ފްރާންސް ޓީމުގައި އެ އޮތް ހުނަރާއި ކޮލިޓީ އާދަޔާހިލާފު. އަހަރެންގެ އިހުތިރާމް އެ މީހުންނަށް އެބައޮތް. ހަމަ އެ ގޮތަށް ޔަގީނުން ވެސް އެ މީހުންނަށް (ފްރާންސް އަށް) އެނގޭނެ އަހަރެމެން މިއީ ވެސް ވަރުގަދަ ޓީމެއްކަން،" ޖޮލްމަންޑް ބުންޏެވެ.

"މި މެޗަށް ނުކުންނައިރު، ފްރާންސަށް ހަމަޖެހިލެވޭނެ ކަމަށް ނުދެކެން، އެންމެ ފަހުގެ ޗެމްޕިއަންގެ ޕްރެޝަރާއި މި ދެ ޓީމުގެ ކުރިމަތިލުންތަކުން ބަލިވެފައި އޮތުމުގެ ކަންބޮޑުވުންތައް އެ ޓީމުގެ ހުންނާނެ،"

މިދިޔަ ޖޫން މަހު ނޭޝަންސް ލީގުގައި ފްރާންސް އަމިއްލަ ދަނޑުގައި ޑެންމާކް އަތުން ބަލިވީ 2-1 އިންނެވެ. އަދި އޭގެ ފަހުން ޑެންމާކްގެ ކޯޕެންހާގެންގައި ކުޅުނު މެޗުން މިދިޔަ ސެޕްޓެމްބަރު މަހު 25 ވަނަ ދުވަހު ކުޅުނު މެޗުން އެ ޓީމުން ވަނީ 2-0 އިން ފްރާންސް ބަލިކޮށްފަ އެވެ.

ބަދަލުހިފުމުގެ ރޫހެއް ނެތް ކަމަށް ޑެޝޯމްޕްސް ބުނޭ

ޑެންމާކާ ދެކޮޅަށް މީގެ ކުރިން ފްރާންސް އިން ވަނީ ވޯލްޑް ކަޕްގެ އެކި މުބާރާތްތަކުގެ ގްރޫޕް ސްޓޭޖުގައި ތިން ފަހަރު ބައްދަލުކޮށްފަ އެވެ. އަދި ފްރާންސް އިން ވޯލްޑް ކަޕް ތަށި އުފުލާލި ދެ ފަހަރު، 1998 އާއި 2018 ގައި ވެސް ވަނީ ގްރޫޕް ސްޓޭޖުގައި ޑެންމާކް ބަލިކޮށްފަ އެވެ.

އެކަމަކު، އެންމެ ފަހުން ނޭޝަންސް ލީގުގައި ފްރާންސަށް ޑެންމާކް އަތުން މޮޅުނުވެވުމަކީ އެ ޓީމަށް އޮތް ނުތަނަވަސްކަމެކެވެ. ނޭޝަންސް ލީގުގެ ތަށި ދިފާއުކުރުމަށް ފްރާންސަށް އޮތް ފުރުސަތު ގެއްލުނީ އެވެ.

ފްރާންސްގެ ކޯޗު ޑިޑިއޭ ޑެޝޯމްޕްސް ބުނީ ނޭޝަންސް ލީގުގައި ހަތަރު މަސް ތެރޭ ދެ ފަހަރު ފްރާންސް ވަނީ ޑެންމާކް އަތުން ބަލިވެފައި ކަމަށާއި އެ މެޗުތަކުގެ އަލީގައި ޑެންމާކުން ކަންތައްތަކެއް ހާސިލްކުރަން މަސައްކަތްކުރާނެކަން އެނގޭ ކަަމަށެވެ.

"އެ ނަތީޖާތަކަށް ވިސްނާނެ ސަބަބުތަކެއް އެބަހުރި. އެކަމަކު، ޔަގީނުން ވެސް އަހަރެމެން މި ނުކުންނަނީ އޭގެ ބަދަލުހިފާކަށް ނޫން. އަހަރެމެން މި މުބާރާުތުގެ ފޯކަސްގައި ކުރިއަށްދާއިރު، މޮޅެއް ހޯދުން އެއީ އެންމެ ފުރަތަމަ ވިސްނުން. ވަކި ޓީމެއް ވެގެން އެ ވިސްނުން ބަދަލެއް ނުވާނެ،" ޑެޝޯމްޕްސް ބުންޏެވެ.

ފްރާންސް އިން އެންމެ ފަހުން ވޯލްޑް ކަޕްގައި ކުޅުނު ފަސް މެޗުން ވެސް ވަނީ މޮޅުވެފަ އެވެ.

ޑެންމާކާ ދެކޮޅަށް ކުޅޭ މެޗަށް ނުކުންނައިރު، ފްރާންސަށް އޮތް ހިތްހަމަޖެހުމަކީ، އެ ޓީމުގެ ޑިފެންޑަރު ރަފައެލް ވަރާން ފިޓްވެފައިވުމެވެ. މެންޗެސްޓާ ޔުނައިޓެޑަށް ކުޅޭ ވަރާން މި ފަހަރުގެ ވޯލްޑް ކަޕް ސްކޮޑަށް ނެގިއިރު ހުރީ އެއްކޮށް ފިޓްކޮށެއް ނޫނެވެ. އެކަމަކު، މިރޭގެ މެޗަށް އޭނާ ހުރީ އެންމެ ފިޓްކޮށް ކަމަށް ޑެޝޯމްޕްސް ވަނީ ބުނެފަ އެވެ.

ފްރާންސް އާއި ޑެންމާކް ކުޅޭ މެޗު ފަށާނީ ރާއްޖެ ގަޑިން ނުވައެއް ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox