ލުކާކޫ އަށް އަނެއްކާ ވެސް އަނިޔާވެ ބެލްޖިއަމަށް ބޮލުގެ ރިހުމެއް

Nov 1, 2022, 8:12 AM
ލުކާކޫ އަށް އަނެއްކާ ވެސް އަނިޔާވެ ބެލްޖިއަމަށް ބޮލުގެ ރިހުމެއް

މިލާން (ނޮވެމްބަރު 1) - ފިޓްވެގެން ކުޅުމަށް އެނބުރި އައިތާ ހަފްތާއެއް ނުވަނިސް އިންޓަ މިލާންގެ ބެލްޖިއަމްގެ ފޯވާޑް ރޮމެލޫ ލުކާކޫ އަށް އަނެއްކާ ވެސް އަނިޔާވެއްޖެ އެވެ.

ބެލްޖިއަމް ގައުމީ ޓީމުގެ މެޑިކަލް ޓީމުން ދާދި ފަހުން ވެސް ވަނީ ލުކާކޫ، 29, އަނިޔާގެ ރެކޯޑާ ހެދި ކަންބޮޑުވުން ފާޅުކޮށްފަ އެވެ. ވޯލްޑް ކަޕް ފެށެން ތިން ހަފްތާ އަށް ވެފައި ވަނިކޮށް ބެލްޖިއަމް ގައުމީ ޓީމަށް އެންމެ ގިނަ ގޯލު ޖަހައިދިން ލުކާކޫ އަށް އަނެއްކާ ވެސް އަނިޔާވުމަކީ އެ ޓީމަށް އޮތް ކަންބޮޑުވުމެކެވެ.

ފަލަމަސްގަނޑަށް ލިބުނު އަނިޔާއިން ރަނގަޅުވެ، ދެ މަސް ދުވަހަށް ފަހު ލުކާކޫ ކުުޅުމަށް އެނބުރި އައީ މިދިޔަ ހަފްތާގައި ޗެމްޕިއަންސް ލީގުގައި އިންޓަ މިލާނުން ޗެކް ރިބަޕްލިކް އަތުން 4-0 އިން މޮޅުވި މެޗުގަ އެވެ. އެ މެޗުގައި ލުކާކޫ ވަނީ ބަދަލަކަށް ކުޅެން އަރައި، ގޯލު ވެސް ޖަހައިފަ އެވެ. އަދި ހޮނިހިރު ދުވަހުގެރޭ އިންޓަ އިން ސަމްޑޯރިއާ ބަލިކުރި މެޗުގައި ވެސް ލުކާކޫ ބަދަލެއްގެ ގޮތުގައި ކުޅެން ނުކުތެވެ.

Advertisement

އެކަމަކު، ސަމްޑޯރިއާ މެޗުގައި ލުކާކޫ އަށް އަނިޔާވީ، ކުރިން ވެސް އަނިޔާގެ މައްސަލަ ދިމާވި ފަލަމަސްގަނޑަށެވެ.

އިންޓަ އިން ނެރުނު ބަޔާނެއްގައި ބުނެފައިވަނީ ޗެމްޕިއަންސް ލީގުގައި ބަޔާން މިއުނިކާ ދެކޮޅަށް ކުޅޭ މެޗުގައި އަނިޔާގެ ސަބަބުން ލުކާކޫ ނުކުޅޭނެ ކަމަށެވެ. އިންޓަގެ ކޯޗު، ސިމޯން އިންޒާގީ ބުނީ ލުކާކޫގެ އަނިޔާގެ ތަފްސީލް ދެނެގަންނަން ހަފްތާ ނިމުުމުގެ ކުރިން އިތުރު ޓެސްޓްތަކެއް ހަދާނެ ކަމަށެވެ.

ބެލްޖިއަމްގެ ކޯޗު ރޮބާޓޯ މާޓިނޭޒް ދާދި ފަހުން ދިން އިންޓަވިއުއެއްގައި ވެސް ވަނީ ޔޫރަޕްގެ ސީޒަނެއްގެ މެދުތެެރެއިން ވޯލްޑް ކަޕެއް ކުޅޭއިރު، އެންމެ ބޮޑު އުނދަގުލެއް ކުރިމަތިވާނީ ގަވާއިދުން ކްލަބްތަކުގައި ކުޅޭ ކުޅުންތެރިން ހިމެނޭ ގައުމީ ޓީމުތަކަށެވެ. އަދި އެ ކުޅުންތެރިންނަށް ކްލަބް ލެވެލްގެ މެޗުތަކުގައި ދިމާވާ މަސްގަނޑުގެ އަނިޔާތަކަކީ ވޯލްޑް ކަޕް ތެރެއިން ވެސް ތަކުރާރުވެދާނެ ކަމެއް ކަމަށް މާޓީނޭޒް ފާހަގަކޮށްފައިވެ އެވެ.

ޗެލްސީގެ ލޯން އެއްބަސްވުމެއްގެ ދަށުން އިންޓަ އަށް މި ސީޒަނުގައި ކުޅެމުން އަންނަ ލުކާކޫ ވަނީ މިހާތަނަށް ފަސް މެޗުން ދެ ގޯލު ޖަހައި، އެއް ގޯލު ޖަހަަން ފުރުސަތު ތަނަވަސްކޮށްދީފަ އެވެ. އިންޓަގައި މި ފަހަރު ލުކާކޫ އަށް އެންމެ އެދެވޭ ކުޅުމެއް ނުދެއްކޭތީ އޭނާ ޖެނުއަރީ މަހު ޗެލްސީ އަށް އަލުން ފޮނުވާލަން ވެސް އިންޓަ އިން ވިސްނާ ކަމަށް އިޓަލީގެ މީޑިއާތަކުން ރިޕޯޓްކުރެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox