އިވުން ގެއްލި، ވާހަކަ ނުދެއްކޭ ޔޫނުސްގެ ހަޔާތަށް ގެނެސްދިން "އަލިކަން"

ފެނަކަ ކޯޕަރޭޝަންގެ މާފަރު އޮފީހުގައި ޔޫނުސް އިއްޔެ މަސައްކަތް ކުރަނީ. -- ފޮޓޯ: ފެނަކަ ކޯޕަރޭޝަން

ފެނަކަ ކޯޕަރޭޝަންގެ މާފަރު އޮފީހުގައި ޔޫނުސް އިއްޔެ މަސައްކަތް ކުރަނީ. -- ފޮޓޯ: ފެނަކަ ކޯޕަރޭޝަން

ނ. މާފަރު ޔޫނުސް ހަސަންފުޅު އުފަންވިއިރު އިވުމުގެ ހިއްސު ވަނީ ގެއްލިފަ އެވެ. ވާހަކަ ވެސް ނުދެއްކެ އެވެ. ޔޫނުސްގެ އުމުރުން އެންމެ ހަ މަހުގައި، އޭނާގެ ބައްޕަ ދުނިޔެއާ ވަކިވެ، އާއިލާއަށް ދުނިޔެ ދަތިވެ، ބިކަވި އެވެ. ތަގުދީރު ގެނުވި އެ ހަޔާތުގެ ވޭނާއި ކެކުޅުމާއި ހިތާމައިގެ ބަދަލުގައި ދައްކަން މި އުޅެނީ ޔޫނުސްގެ ދެމައިންގެ އުއްމީދަށް ގެނުވި އަލިކަމެއްގެ ވާހަަކަ އެވެ.

ޔޫނުސްގެ އާއިލާގައި އެއްބަނޑު އެއްބަފާ ޖުމުލަ ފަސް ބޭން ތިބެ އެވެ. ޔޫނުސް އަކީ އެންމެ ހަގު ކުއްޖާ އެވެ. އެއްބަނޑު އެއްބަފާ އެހެން މީހުން މި ވަގުތު އުޅެނީ އެހެން ރަށް ރަށުގަ އެވެ. ޔޫނުސްގެ ހަމައެކަނި އެހީތެރިޔަކަށް ގާތުގައި ހުރީ 60 އަހަރާ ގާތްވެފައިވާ މަންމަ އެވެ. އެ މަންމަ ދިރި ތެޅެމުން އައީ ޔޫނުސްގެ ހަޔާތަށް އަލިކަމެއް ހޯދައި ދިނުމަށެވެ. ތުއްތު އިރު ސްކޫލަށް ދިޔުމުގެ ފުރުސަތު ނުލިބުނު ނަމަވެސް، އުމުރުގެ ވަކި ހިސާބަކުން ސްކޫލުގެ ހާއްސަ ކުލާހުގައި ކިޔަވަން ފުރުސަތު ލިބުނެވެ.

ޔޫނުސް މާފަރު ސްކޫލުގައި ކިޔަވަމުން ދިޔަ ދުވަސްވަރު ސްކޫލުގައި ނަގާފައިވާ ފޮޓޯއެއް. -- ފޮޓޯ: މާފަރު ސްކޫލް
ޔޫނުސް މާފަރު ސްކޫލުގައި ކިޔަވަމުން ދިޔަ ދުވަސްވަރު ސްކޫލުގައި ނަގާފައިވާ ފޮޓޯއެއް. -- ފޮޓޯ: މާފަރު ސްކޫލް

ޔޫނުސް (ކ) މާފަރު ސްކޫލުގައި ކިޔަވަމުން ދިޔަ ދުވަސްވަރު ސްކޫލުގައި ނަގާފައިވާ ފޮޓޯއެއް. -- ފޮޓޯ: މާފަރު ސްކޫލް

Advertisement

ޔޫނުސްގެ ދެމައިންގެ ބޭނުންތައް ފުއްދަނީ މަސައްކަތް ކޮށްގެން ހޯދާ ފައިސާ ކޮޅާއި ދައުލަތުން ޔޫނުސް އަށް ދޭ 2،000ރ. ގެ އެލަވަންސުންނެވެ. އޭގެން ފުދެނީއަކީ ނޫނެވެ. ފުއްދުނު ގޮތަކަށް ފުއްދަނީ އެވެ.

އިވުމުގެ ހިއްސު ގެއްލި، ވާހަކަ ނުދެއްްކުނަސް، ޔޫނުސް, 21, އަކީ ތޫނުފިލި، ހުޝިޔާރު ޒުވާނެކެވެ. ސްކޫލުގައި އުޅުނުއިރު، ފުޓްބޯޅަ ޓީމުގެ ގޯލް ކީޕަރަކަށް ވެސް ކުޅުނެވެ. ދެއްކި ކޮންމެ ކަމެއް ކުރުމުގެ ކުޅަދާނަ ކަމާއި ޖޯޝު ހުރެ އެވެ. ނަމަވެސް، ވަޒީފާއެއް ނުލިބި، އުޅެމުން ދިޔައީ ގޯތީގެ ހަތަރު ފާރުގެ ތެރޭގަ އެވެ.

"އޭނާ އަށް ހަމައެކަނި އަޑު ނީވޭކަން، ވާހަކަ ނުދެއްކޭ ކަން. ނަމަވެސް ކޮންމެ ކަމެއް ވެސް ދައްކައިފި ނަމަ ކުރާނެ. އަދި ކުރަން ނޭނގޭ ކަމެއް ވެސް ކުރަންޖެހޭ ގޮތް ދައްކައިފި ނަމަ ކުރާނެ. އޭނާ ދިޔައީ އަދާކުރާނެ ވަޒީފާއެއް ހޯދަމުން، މަސައްކަތެއް ހޯދަމުން. ނަމަވެސް ދޭނެ މީހަކު ނުވީ،" ޔޫނުސްގެ މަންމަ ފާތުމަތު އާދަމް، 57، ބުންޏެވެ.

އެ ނިކަމެތި ހާލަތުން އަރައިގަތުމަށް އެ އާއިލާއަށް އެހީތެރިކަމެއް ފޯރުކޮށް ދިނުމަށް ރަށުގެ ޒުވާނަކު މަސައްކަތް ކުރަމުންދިޔަ އެވެ. އެކަމަށް ދާއިމީ ހައްލަކީ ޔޫނުސް ނުވަތަ އޭނާގެ މަންމައަށް ވަޒީފާއެއް ހޯދައި ދިނުން ކަމަށް ވިސްނި، ސަރުކާރުގެ ބައެއް އިދާރާތަކާއި ސަރުކާރުގެ ކުންފުނިތަކުގައި އެކަމަށް އެދުނެވެ. ޔޫނުސްގެ އާއިލާއަށް ވެސް ނޭނގި ކުރަމުންދިޔަ އެ މަސައްކަތުގައި ކާމިޔާބު ފެނުނީ ނިމިގެންދިޔަ ހަފުތާގަ އެވެ.

ފެނަކަ ކޯޕަރޭޝަންގެ މާފަރު އޮފީހުގައި ލޭބަރެއްގެ ވަޒީފާ އޮތްކަން އެނގުމުން، އެ ކުންފުނީގެ މެނޭޖިން ޑިރެކްޓަރު އަހުމަދު ސައީދުގެ ސަމާލު ކަމަށް ޔޫނުސްގެ ހާލަތު ގެނެސް ދިނީ މިހާރު މަނަދޫގައި ވަޒީފާ އަދާކުރާ މާފަރު ޒަހީން އަބްދުﷲ އެވެ.

"އެއީ ވަރަށް ނިކަމެތި އާއިލާއެއް. އެހެންވެ އަހަރެން މަސައްކަތް ކޮށް ދިނީ. ސައީދަށް އަހަރެން ގުޅާލުމުން ފުރަތަމަ ވެސް ބުނި ޔޫނުސް އަށް ވަޒީފާ ހަމަޖައްސައިދޭނެ ކަމަށް. ސިޓީ ލާށޭ،" ޒަހީން ކިޔައި ދިނެވެ.

މިހާރު ޔޫނުސް އެ ހުރީ ފެނަކަ ކޯޕަރޭޝަންގެ ލޭބަރެއްގެ ވަޒީފާއަށް ނުކުމެ އެވެ. އިއްޔެ އަކީ އޭނާގެ ފުރަތަމަ ވަޒީފާގެ ފުރަތަމަ ދުވަހެވެ.

ހާއްސަ އެހީއަށް ބޭނުންވާ ކުދިންނާއި އާއިލާތައް ހާސްކަމުން ފިލާފައިވާ ދިރިއުޅުމެއް ބިނާކުރުމަށް އެ ކުދިންނަށް ފުރުސަތު ތަނަވަސްކޮށްދިނުމަަކީ ރައީސް އަދި މި ސަރުކާރު ސިޔާސަތެއް،" ފެނަކަ ކޯޕަރޭޝަންގެ މެނޭޖިން ޑިރެކްޓަރު ސައީދު ވިދާޅުވި އެވެ.

ޔޫނުސްގެ މަންމަ އަށް މިއަދު މާ ގިނަ ވާހަކައެއް ނުދެއްކުނެވެ. އެންމެ ފަހުން ބުނެލެވުނީ މިހެންނެވެ؛ "ވަރަށް ބޮޑަށް އުފާވެއްޖެ!"

ފެނަކަ އިން އުފާވެރިކަން ގެނެސްދީފައިވަނީ ހަމައެކަނި މި އާއިލާއަކަށް ނޫނެވެ. މިފަދަ އެތައް އާއިލާއަކަށް އުއްމީދާއި އަލިކަން ވަނީ ގެނެސްދީފަ އެވެ. ހަށިގަނޑުގައި ނުވަތަ ވިސްނުމުގައި ހާއްސަ ކަމެއް ހުރި ނަމަވެސް އެއްވެސް މީހަކު މުޖުތަމައުން ބާކީވެގެން ނުވާނެ އެވެ. ބާކީނުވުމަކީ އެހެން ރައްޔިތުންނެކޭ އެއްފަދަ ދިރިއުޅުމެއް އުޅެވޭނެ މަގު ތަނަވަސްވެފައި އޮތުމެވެ. އާމްދަނީ އާއި ވަޒީފާ ވެސް ލިބުމެވެ. ދިރިއުޅުމުގެ އެހެން ކަންކަން ވެސް ފުރިހަމަވުމެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox