ގައުމީ ޓީމު ޒުވާން ކުރަން ކުރާ މަސައްކަތަށް ބްރުނާއީ މެޗު މުހިންމު: މޮރިއޭރޯ

Sep 21, 2022, 2:34 AM
ބަންގްލަދޭޝާ ދެކޮޅަށް މިދިޔަ މާޗް މަހު މާލޭގައި ކުޅުނު އެކުވެރިކަމުގެ މެޗުގެ ތެރެއިން މޮރިއޭރޯ.--- ފޮޓޯ: މުހައްމަދު ޝާބިން/ އަދަދު

ބަންގްލަދޭޝާ ދެކޮޅަށް މިދިޔަ މާޗް މަހު މާލޭގައި ކުޅުނު އެކުވެރިކަމުގެ މެޗުގެ ތެރެއިން މޮރިއޭރޯ.--- ފޮޓޯ: މުހައްމަދު ޝާބިން/ އަދަދު

ޒުވާން ކުޅުންތެރިންގެ ދައުރު ދިވެހި ގައުމީ ފުޓްބޯޅަ ޓީމުގައި ފުޅާކުރަން ބަލާއިރު، ކުރިއަށް އޮތް ބްރުނާއީ ދާރުއްސަލާމް މެޗާއި ލާއޯސް މެޗު މުހިންމު ކަމަށް ގައުމީ ޓީމުގެ ކޯޗު، އިޓަލީގެ ފްރެންޗެސްކޯ މޮރިއޭރޯ ބުނެފި އެވެ.

މި މަހު ގައުމީ ޓީމުން ވަނީ ބްރުނާއީ އާއި ލާއޯސްއާ ދެކޮޅަށް މެޗުތަކެއް ކުޅެން ނިންމައިފަ އެވެ. އެ ގޮތުން މިއަދު ބްރުނާއީއާ ދެކޮޅަށް ކުޅުމަށް ފަހު، ތިން ދުވަސް ފަހުން، ލާއޯސްއާ ދެކޮޅަށް ކުޅޭ މެޗު އޮންނާނެ އެވެ.

ބްރުނާއީއާ ދެކޮޅަށް ކުޅޭ މެޗުގެ ކުރިން އިއްޔެ ބޭއްވި ނޫސްވެރިންގެ ބައްދަލުވުމުގައި މޮރިއޭރޯ ބުނީ މިދިޔަ ދެ ދުވަހު ގައުމީ ޓީމަށް ޕްރެކްޓިސް ކުރިއަށް ނުގެންދެވުނީ ބްރުނާއީ އަށް ދިއުމަށް ދަތުރު ފަށައިގެން އުޅެން ޖެހުމުން ކަމަށެވެ. ދެން ހުރި ކަންކަމަށް ބަލާއިރު، މެޗާ މެދު އުންމީދުތަކެއް އެބައޮތް ކަމަށް މޮރިއޭރޯ ވަނީ ބުނެފަ އެވެ.

"ބްރުނާއީ މެޗުގެ ވީޑިއޯ ފޫޓޭޖްތަކެއް އަހަރެމެން ބަލައިފިން. ބްރުނާއީ އަކީ ރަނގަޅު ޓީމެއް. އަހަރެމެން ވަރަށް ރަނގަޅަށް ތައްޔާރުވެގެން ކުޅެން ޖެހޭނެ މެޗެއް މިއީ،" މޮރިއޭރޯ ބުންޏެވެ.

"އަހަރެމެން މި އަންނަނީ ޓީމަށް (ރާއްޖޭގެ ގައުމީ ޓީމަށް) ބަދަލުތަކެއް ގެންނަމުން. އަހަރެމެން ވަރަށް ގިނަ ޒުވާން ކުޅުންތެރިންތަކެއް މި ފަހަރު ޓީމާ އެކު ގެނައީ މެޗުގައި ވެސް އެ މީހުން ބޭނުންކުރަން. މިއީ ފަސޭހަ މެޗަކަށް ނުވިޔަސް އެ މީހުން ބޭނުންކުރާނީ ކުޅޭގޮތް ބަލަން،"

ގައުމީ ސްކޮޑުގައި މި ފަހަރު ނިސްބަތުން ޒުވާން ކުޅުންތެރިން ގިނަ އެވެ. އެ ގޮތުން މުޅިން އަލަށް ފައިނަލް ސްކޮޑުގައި ހިމެނުނު، ޑިފެންޑަރު، އަހުނަފް ރަޝީދު (އަހުއްކޮ) އާއި ފޯވާޑް، އަހުމަދު ބައްސާމް މުހައްމަދު ނައީމް (ބައްކު) އަދި މިޑްފީލްޑަރު، ނިޝާމް މުހައްމަދު ރަޝީދު (ޕޮގްބާ) އަކީ 23 އަހަރުން ދަށުގެ ގައުމީ ޓީމުގެ ކުޅުންތެރިންނެވެ.

ނޫސްވެރިންގެ ސުވާލުތަކަށް ޖަވާބު ދެމުން ގައުމީ ކެޕްޓަން، އަކުރަމް އަބްދުލް ގަނީ (އަކޫ) ބުނީ ގަވާއިދުން ޓީމުގައި ހިމެނޭ ކުޅުންތެރިއަކު އަނިޔާގެ ސަބަބުން މި ފަހަރު ޓީމުގައި ނެތް ކަމަށެވެ. އެކަމަކު، މި ވަގުުތު ޓީމުގައި އޮތް ސްކޮޑަށް އިތުބާރު އެބައޮތް ކަމަށާއި ފުރުސަތު ދީފައި ހުރި ޒުވާން ކުޅުންތެރިންނަށް ވެސް ރަނގަޅު ކުޅުމެއް ދެއްކޭނެ ކަމުގެ އުންމީދު އެބައޮތް ކަމަށެވެ.

ރާއްޖޭން ވަނީ 2003 ވަނަ އަހަރު އޭޝިއަން ކަޕްގެ ކޮލިފައިން މެޗެއްގައި މާލޭގައި ބްރުނާއީއާ ކުޅެފަ އެވެ. އެ މެޗު ނިމުނީ 1-1 އިން އެއްވަރުވެގެންނެވެ. ފީފާ ރޭންކިންގެ 190 ވަނައިގައި އޮތް ބްރުނާއީ އިން މި މެޗަށް ނުކުންނާނީ އެ ޓީމާ ދާދި ފަހުން ހަވާލުވި ކޯޗު ސްޕެއިންގެ މާރިއޯ ރިވޭރާ ކެމްޕަސީނޯގެ އިރުޝާދުގެ ދަށުންނެވެ. ރިވޭރާ ވަނީ މީގެ ހަތަރު އަހަރު ކުރިން ބްރުނާއީގެ 23 އަހަރުން ދަށުގެ ޓީމަށް ކޯޗުކޮށްދީފަ އެވެ.

ރިވޭރާ ބުނީ ރާއްޖެ އަކީ ޓެކްނިކަލީ ރަނގަޅު ފުޓްބޯޅައެއް ކުޅޭ ޓީމެއް ކަމަށާއި ބްރުނާއީ ކުރިއަށް ދިއުމަށް ބަލާއިރު، ރާއްޖެ އަތުން މޮޅުވާން ޖެހޭ ކަމަށެވެ. އަމިއްލަ ސަޕޯޓަރުންގެ ކުރިމަތީގައި ރޭންކިން އިން ކުރީގައި އޮތް ޓީމެއް އަތުން މޮޅެއް ހޯދުމަކީ ބްރުނާއީ ފުޓްބޯޅަ އަށް ރަނގަޅު މިސްރާބެއް ހޯދޭނެ ކަމެއްގެ ގޮތުގައި ރިވޭރާ ވަނީ ބުނެފަ އެވެ.

ކޮވިޑް-19ގެ ސަބަބުން މިދިޔަ ދެ އަހަރެއްހާ ދުވަހު ބްރުނާއީގައި ފުޓްބޯޅައިގެ ހަރަކާތްތައް މަދުވެފައި އޮތުމަކީ އެ ގައުމުގެ ފުޓްބޯޅަ އަށް "ހުއްޓުމެއް" އައިސްފައިވާ ކަމެއްގެ ގޮތުގައި ފާހަގަކޮށް، ރިވޭރާ ބުނީ ރާއްޖެ އަތުން މޮޅެއް ހޯދޭނެ ފެންވަރު އެ ޓީމުގެ އެބަހުރި ކަމަށެވެ.

ރާއްޖެ އާއި ބްރުނާއީ މެޗު ފަށާނީ ރާއްޖެ ގަޑިން މިއަދު މެންދުރު ފަހު 1 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox