ސްޕެއިން ސްކޮޑުގައި ރާމޯސް އަށް ޖާގައެއް ނެތް

Sep 17, 2022, 2:43 AM
ސްޕެއިން ސްކޮޑުގައި ރާމޯސް އަށް ޖާގައެއް ނެތް

މެޑްރިޑް (ސެޕްޓެމްބަރު 17) - ޔުއެފާ ނޭޝަންސް ލީގުގައި މި މަހު ކުޅޭ މެޗުތަކަށް ނެގި ސްޕެއިނުގެ ސްކޮޑުން ޕީއެސްޖީ އަށް ކުޅެމުން އަންނަ ތަޖުރިބާކާރު ޑިފެންޑަރު، ސާޖިއޯ ރާމޯސް ބާކީވެއްޖެ އެވެ.

ސްޕެއިނުގެ ކޯޗު ލުއިސް އެންރީކޭ މިދިޔަ އަހަރުގެ ޔޫރޯ ފުޓްބޯޅަ މުބާރާތަށް ނެގި ސްކޮޑުން ވެސް ރާމޯސް، 36، އަށް ފުރުސަތެއް ނުދެ އެވެ. މި ފަަހަކަށް އައިސް ޕީއެސްޖީގެ މެޗުތަކުގައި ކުޅެމުން އަންނަ ރާމޯސް އަށް މި ފަހަރު ސްޕެއިން ސްކޮޑުން ފުރުސަތު ނުލިބުނުއިރު، އޭނާ އަށް އަންނަ ނޮވެމްބަރު/ޑިސެމްބަރުގައި ގަތަރުގައި ކުރިއަށްދާ ފީފާ ވޯލްޑް ކަޕް ސްކޮޑުން ވެސް ފުރުސަތު ނުލިބޭނެ ކަމަށް މިހާރު ބެލެވެ އެވެ.

ރާމޯސް އަކީ ސްޕެއިނުން 2008 އާއި 2012 ވަނަ އަހަރު ޔޫރޯ ކާމިޔާބުކޮށް 2010 ވަަނަ އަހަރުގެ ފީފާ ވޯލްޑް ކަޕް ކާމިޔާބުކުރިއިރު، ޓީމުގެ ފުރަތަމަ އެގާރައިގައި ކުޅުނު ކުޅުންތެރިއެކެވެ. ފަހަކަށް އައިސް ސްޕެއިން ކެޕްޓަން ބޭންޑް އަޅައިގެން ގިނަ މެޗުތަކެއް ކުޅުނު ކުޅުންތެރިއެކެވެ. މި އަހަރު މާޗް މަހު ރާމޯސް ވަނީ ސްޕެއިނަށް 180 ވަނަ މެޗު ކުޅެދީފަ އެވެ. އޭނާ އެންމެ ފަހުން ސްޕެއިނަށް މެޗެއް ކުޅެދިނީ މިދިޔަ އަހަރުގެ ނޮވެމްބަރުގެ ކުރިންނެވެ.

Advertisement

ސްޕެއިނުގެ މީޑިއާތަކުން އެންމެ ބޮޑަށް ކަންބޮޑުވުން ފާޅުކުރަމުން އަންނަނީ ރާމޯސްގެ އިތުރުން ސެލްޓަ ވީގޯގެ ފޯވާޑްް، އިއާގޯ އަސްޕާސް އަށް ވެސް ސްކޮޑުން ފުރުސަތު ނުދޭތީ އެވެ. އެންރީކޭ ބުނީ ސްކޮޑުން ޖާގަ ނުލިބޭ މޮޅެތި ގިނަ ކުޅުންތެރިންތަކެއް އެބަތިބި ކަމަށާއި ކުރިއަށް އޮތްތަނުގައި އެ ކުޅުންތެރިން ވެސް ޓީމަށް އެރުމުގެ ފުރުސަތު އެބައޮތް ކަމަށެވެ.

"ކޮންމެ ފަހަރަކު ވެސް ސްކޮޑު ލިސްޓެއް ނުކުންނައިރު ގިނަ ބަޔެއްގެ ލޯ މި އަމާޒުވަނީ ސްކޮޑުގައި ނެތް ކުޅުންތެރިންނަށް. އެހެންވެ، އަހަރެން ވާހަކަ ދައްކަން ބޭނުންވަނީ ސްކޮޑުގައި ތިބި ކުޅުންތެރިންނާ ބެހޭގޮތުން. އަހަރެން މި 25 ކުޅުންތެރިން މި ނެގީ މި ވަގުތަށް އެންމެ ބޭނުންވަނީ މި ކުޅުންތެރިން ކަމަށްވާތީ،" އެންރީކޭ ބުންޏެވެ.

ސްޕެއިން ސްކޮޑުން މި ފަހަރު މުޅިން އަލަށް ފުރުސަތު ހޯދީ ރެއާލް ބެޓިސްގެ ފޯވާޑް، ބޯހާ އިގްލީސިއަސް އާއި އެތުލެޓިކް ބިލްބާއޯގެ ނިކޯ ވިލިއަމްސް އެވެ. ނިކޯ ވިލިއަމްސް އަކީ ސްޕެއިނުން ފުރުސަތު ނުލިބޭތީ ދާދި ފަހުން ގާނާ ޓީމަށް ކުޅެން ނިންމި، ބިލްބާއޯގެ ފޯވާޑް، އިނާކީ ވިލިއަމްސްގެ ކޮއްކޮ އެވެ.

މި މަހު ކުޅޭ ނޭޝަންސް ލީގުގެ މެޗުތަކަށް ބަލާއިރު، ސްޕެއިނުން މި މަހު 24 ވަނަ ދުވަހު ސްވިޒަލެންޑާ ކުޅުމަށް ފަހު ތިން ދުވަސް ފަހުން ބައްދަލުކުރާނީ ޕޯޗުގަލްއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox