ފެނުން ގެއްލުމުގެ ކުރިން ތިން ކުދިން ގޮވައިގެން ކެނެޑާގެ އާއިލާ އަކުން ދުނިޔެ ވަށާ ދަތުރުކުރަނީ

Sep 14, 2022, 1:37 AM
ފެނުން ގެއްލުމުގެ ކުރިން ތިން ކުދިން ގޮވައިގެން ކެނެޑާގެ އާއިލާ އަކުން ދުނިޔެ ވަށާ ދަތުރުކުރަނީ

އީޑިތު ލެމޭ އާއި ސަބާސްޓިއަން ޕެލެޓަޔާ އަށް ދޮށީ އަންހެން ދަރިފުޅު، މިއާގެ ފަރާތުން ފެނުމުގެ ދަތިކަން ހުންނަކަން ފުރަތަމަ ފަހަރަށް ފާހަގަކުރެވުނީ ތިން އަހަރުގަ އެވެ.

އޭގެ އަހަރުތަކެއް ފަހުން މިއާ ޑައިގްނޯސްވީ ލޮލުގެ ފެނުން ގެއްލެން މެދުވެރިވާ، މަދުން ނޫނީ ނުފެންނަ ޖެނެޓިކް ޑިސްއޯޑާ އަކަށެވެ. "ރެޓިނިޓިސް ޕިގްމެންޓޯސާ" ނަމަކަށް ކިޔާ މި ބަލީގެ ސަބަބުން މިއާގެ ފެނުން ދާނީ ދުވަހެއް ދުވަހަކަށް ދަށްވަމުން ކަމަށް ވެސް ޑޮކްޓަރުން ބުނެދިނެވެ. މިހިސާބަށް އައި އިރު، އީޑިތު އާއި ސަބަސްޓިއަން އަށް، ހަގަށް ލިބުނު ތިން ފިރިހެން ކުދިންގެ ތެރެއިން ދެ ކުދިންގެ ފަރާތުން ވެސް އެއްކަހަލަ އަލާމާތްތަކެއް ފެންނަން ފަށައިފި ކަމަށް ގަބޫލުކުރެވެން ފެށުނެވެ.

މި ބިރު ހަގީގަތަކަށް ބަދަލުވީ، 2019 ވަނަ އަހަރު އެ ދެކުދިން ވެސް މިއާގެ ބައްޔަށް ޑައިގްނޯސްވީ ހިސާބުންނެވެ.

Advertisement

"ކުރެވޭނެ މާ ބޮޑު ކަމެއް ނެތް. އަހަރެމެންނަކަށް ނޭނގެ ކިހާ އަވަހަކަށް ކަމެއް އެކުދިން އެއްކޮށް އަނދިރި ވާނީ. އެކަމަކު ބޮޑަށް ބެލެނީ، މެދު އުމުރަށް ދާންވާއިރަށް ފެނުން މުޅިން ގެއްލިދާނެ ކަމަށް،" ސީ އެންއެން އަށް ދިން އިންޓަވިއުގައި އެ ދެމަފިރިން ބުނެފައިވެ އެވެ.

ރެޓިނިޓިސް ޕިގްމެންޓޯސާ އަށް މިހާތަނަށް ޝިފާއެއް ހޯދިފައެއް ނުވެ އެވެ. އަދި މި ބަލީގެ ސަބަބުން ލޮލުގެ ފެނުން ފަނޑުވަމުންދާ މިންވަރު ލަސްކޮށްދޭނެ ފަރުވާއެއް ވެސް އަދި މިހާތަނަށް ހޯދިފައެއް ނުވެ އެވެ.

ކުދިންނަށް ދިމާވެފައިވާ ހިތްދަތި ހާލަތު އެނގުމުން، އީޑިތު އާއި ސަބަސްޓިއަން އަޒުމް ކަނޑައެޅީ ކުދިންގެ ހުނަރު ތަރައްގީކުރުމަށް ފޯކަސް ކޮށް، ފެނުން ގެއްލި ދިއުމަށްފަހު އެކުދިންނަށް އުނދަގުލެއް ނެތި ދިރިއުޅުމާގެން ކުރިއަށް ދެވޭނެ ހުނަރުތައް ދަސްކޮށްދިނުމަށެވެ.

މިއާގެ ބަލި ޑައިގްނޯސްކުރި ޑޮކްޓަރު ލަފާ ދިނީ، ވީހާވެސް ބޮޑަށް މިއާ އަށް ކުލަ ތަސްވީރުގެ ހަނދާންތައް ނުވަތަ، "ވިޝުއަލް މެމޮރީސް" ދިނުމަށެވެ. މިގޮތުން އެ ދެމަފިރިން ހޯދީ ތިން ކުދިންނަށް ވެސް އެކަންތައް އެންމެ ފުރިހަމައަށް ކޮށްދެވޭނެ ގޮތެކެވެ.

"އަހަރެން ހިތަށް އެރީ، މިއާ އަށް އެތެއް ދައްކާނީ ފޮތެއްގައި ކުރަހާފައި ހުރި އެއްޗަކުން ނޫނޭ. އަސްލު އެތެއްގެ ކައިރިއަށް ގެންގޮސްގެންނޭ އެ ތަޖުރިބާ ދޭނީ،" ސީއެންއެންގެ އިންޓަވިއު ގައި އީޑިތު ބުންޏެވެ. "އަދި ދައްކާ ތަސްވީރުތަކަކީ އޭގެ ޒާތުގައި އެންމެ ފުރިހަމަ އެންމެ ހިތްގައިމު ތަސްވީރުތަކުގެ ގޮތުގައި އަހަރެންނަށް ވީ ވަރަކުން ހަދައިދޭނަމޭ."

ކުދިން ގޮވައިގެން ދުނިޔޭގެ އެކި ހިސާބުތަކަށް ދަތުރުކުރުމުގައި އަހަރެއް އެއްކޮށް ހޭދަކުރުމަށް ނިންމައި އެކަމުގެ ޕްލޭން ތައްޔާރުކުރަން އެ ދެމަފިރިން ފެއްޓީ އެހާ ހިސާބުންނެވެ.

ކުދިން ލިބުމުގެ ކުރިން ދަތުރުކޮށް އުޅުނު ދެމަފިރިންނަށް، ކުދިން ލިބުނު ފަހުން ގިނަ ހަރަދުކޮށްފައި ދަތުރުކުރުން ވެފައި އޮތީ ދަތި ކަމަކަށެވެ. އެކަމަކު ތިން ކުދިން ވެސް އެއް ބައްޔަކަށް ޑައިގްނޯސްވި ހިސާބުން އެ ދެމަފިރިން ފައިސާ އެއްކުރަން ފެށި އެވެ. އިތުރު ހިއްވަރެއް ލިބިގެން ދިޔައީ ސަބަސްޓިއަންގެ ޝެއާ އޮންނަ، އޭނާ އޭރު މަސައްކަތްކުރަމުން އައި ކުންފުނި ބަޔަކު ގަތުމުންނެވެ.

"އެއީ ހަޔާތުން ދިން ހަދިޔާއެއް ކަހަލަ. މިހިރީ ދަތުރުކުރާނެ ރުފިޔާ އޭ ބުނި ކަހަލަ،" ސަބަސްޓިއަން ބުންޏެވެ.

އެ އާއިލާ ދުނިޔެ ވަށާ ޖަހާ ބުރުގެ ފުރަތަމަ ދަތުރު ޕްލޭން ކޮށްފައި އޮތީ 2020 ވަނަ އަހަރު ރަޝިއާ އަށް، އަދި ރަޝިއާ އިން އެއްގަމު މަގުން ޗައިނާއަށް ދާ ގޮތަށެވެ. އެކަމަކު ޕެންޑެމިކާ އެކު ދަތުރުފަތުރަށް އައި ހީނަރުކަމާއެކު ޕްލޭންތައް މަޑުޖައްސާފައި އޮތުމަށްފަހު، މި އަހަރުގެ މޭ މަހު ފުރަތަމަ ގައުމެއްގެ ގޮތުގައި ދިޔައީ އެފްރިކާގެ ނަމްބިއާ އަށެވެ. އެ ގައުމުގައި ޖަންގަލީގެ ހިތްގައިމުކަން ކުދިންނަށް ދެއްކުމަށްފަހު، ދެން ދިޔައީ މޮންގޯލިއާ އަށެވެ. އެއަށްފަހު އިންޑޮނީޝިއާ އަށެވެ.

އެމީހުންގެ އަމާޒަކީ، ކުދިން މީގެ ކުރިން ނުދެކޭ، ވީހާވެސް ހިތްގައިމު، ގުދުރަތީ ރީތިކަމުގެ އިންތިހާ ފެންނަ ތަންތަން ކުދިންނަށް ދެއްކުމެވެ.

ދަތުރު ކުރިޔަސް، ކުދިންނަށް ކިޔަވައިދިނުމަށް އެ ދެމަފިރިން ސަމާލުކަން ދެ އެވެ.

"ދަތުރުކުރުމަކީ ވަރަށް ގިނަ ކަންކަން ދަސްވެ، ދުނިޔެއަށް ވަރަށް ބޮޑަށް ލޯހުޅުވޭ ކަމެއް. ކުދިންގެ ގުޅުން ވެސް އެހާ ވަރުގަދަ," ސަބަސްޓިއަން ބުންޏެވެ.

އޭނާ އާއި އީޑިތު ކުދިންނަށް އަންނާނެ އެންމެ އުނދަގޫ ދުވަހަށް އެ ކުދިން ތައްޔާރުކުރުމުގައި ދުވަހެއް ބޭކާރުކޮށްނުލައި މަސައްކަތްކުރި ނަމަވެސް، ތިން ކުދިންނަށް ބަލިން ޝިފާ ލިބޭނެ ދުވަހެއް އަންނާނެ ކަމަށް ކުރާ އުންމީދު ދޫނުކޮށްލަ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox