އަޔަކްސްގެ އެންތަނީ 100 މިިލިއަން ޑޮލަރަށް މެންޗެސްޓާ ޔުނައިޓެޑަށް

Aug 28, 2022, 8:15 PM
އަޔަކްސް އަށް ލަނޑެއް ޖަހައިދިނުމަށް ފަހު އެންތަނީ އުފާފާޅުކުރަނީ.-- ފޮޓޯ: އޭއެފްޕީ

އަޔަކްސް އަށް ލަނޑެއް ޖަހައިދިނުމަށް ފަހު އެންތަނީ އުފާފާޅުކުރަނީ.-- ފޮޓޯ: އޭއެފްޕީ

އަމްސްޓެޑަމް، ނެދަލެންޑްސް (އޮގަސްޓް 29) - މެންޗެސްޓާ ޔުނައިޓެޑުން އަޔަކްސްގެ ބްރެޒިލް ވިންގް، އެންތަނީ މެތިއުސް، 100 މިލިއަން ޑޮލަރު (84 މިލިއަން ޕައުންޑް) އަށް ގަންނަން ހުރިހާ ކަމެއް ނިންމާފައިވާ ކަމަށް މީޑިއާ ރިޕޯޓްތައް ބުނެފި އެވެ.

ޔުނައިޓެޑުން، އެންތަނީ، 22، އެ އަގުގައި ގަނެފިނަމަ އޭނާ ވެގެންދާނީ އެ ކްލަބްގެ ތާރީހުގައި ސޮއިކުރާ ދެ ވަނަ އަށް އެންމެ އަގުބޮޑު ކުޅުންތެރިޔާ އަށެވެ.

ޔުނައިޓެޑުން އެންމެ އަގުބޮޑުކޮށް ގަތީ 2016 ވަނަ އަހަރު، ޔުވެންޓަސް އަށް 105 މިލިއަން ޑޮލަރު (89 މިލިއަން ޕައުންޑް) ދީފައި ޕައުލް ޕޮގްބާ އެވެ. ދެން އެންމެ އަގުބޮޑުކޮށް ގަނެފައިވާ ކުޅުންތެރިއަކީ 2019 ވަނަ އަހަރު ލެސްޓާ ސިޓީ އަށް 93 މިލިއަން ޑޮލަރު (80 މިލިއަން ޕައުންޑް) ދީފައި ގަތް ހެރީ މެގުއާ އެވެ.

އަޔަކްސްގެ ކުރީގެ ކޯޗު އެރިކް ޓެން ހާގް، މި ފަހަރުގެ ސީޒަނުގައި ޔުނައިޓެޑާ ހަވާލުވެ، އޭނާގެ ކުރީގެ ކްލަބުން ބޭނުންވި ދެ ކުުޅުންތެރިން ވެސް މިހާރު ޔުނައިޓެޑާ ގުޅޭނެކަން މި ވަނީ ކަށަވަރުވެފަ އެވެ. ޔުނައިޓެޑުން ވަނީ އަޔަކްސް އަށް ކުޅެމުން އައި އާޖެންޓީނާގެ ޑިފެންޑަރު، ލިސަންދްރޯ މާޓީނޭޒް، 56 މިލިއަން ޑޮލަރަށް ގަނެފަ އެވެ.

އެންތަނީ ހޯދަން ޔުނައިޓެޑުން ފުރަތަމަ ކުރި ދެ ބިޑް ވެސް އަޔަކްސް އިން ވަނީ އަނބުރާ ފޮނުވާލައިފަ އެވެ. އެކަމަކު، އެންމެ ފަހުން އަޔަކްސް އިން ޔުނައިޓެޑުން ކުރި ބިޑް އަނބުރާ ފޮނުވާލުމާ އެކު އެންތަނީ ވަނީ މީޑިއާ އަށް ދިން އިންޓަވިއުއެއްގައި ޔުނައިޓެޑަށް ބަަދަލުވާން ބޭނުންވާ ކަމަށް ހާމަކޮށް، އަޔަކްސް އިން އޭނާ ދޫކޮށްލައިދޭން އެދޭ ކަމަށް ބުނެފަ އެވެ.

އެ އަށް ފަހު އަޔަކްސް އިން މި ވަނީ އެންތަނީގެ ޑީލްގެ މަޝްވަރާ އަށް ޔުނައިޓެޑާ އެކު އިށީނދެ، އެ ޓްރާންސްފާ ކަންކަން ނިންމަން އެއްބަސްވުމަކަށް އަތުވެފަ އެވެ. އެންތަނީ ޔުނައިޓެޑާ ގުޅޭނީ 2027 ވަނަ އަހަރުގެ ޖޫން މަހުގެ ނިޔަލަށް ހަދާ ކޮންޓްރެކްޓެއްގަ އެވެ.

މިދިޔަ ބުރާސްފަތި ދުވަހު އަޔަކްސްގެ ކޯޗު އަލްފްރެޑް ޝްރޫޑާ ވަނީ އެންތަނީ އެ ކްލަބްގައި މަޑުކުރާނެ ކަމުގެ ޔަގީންކަން އެބައޮތް ކަމަށް ބުނެފަ އެވެ. އެކަމަކު، ޝްރޫޑާ މިއަދު ބުނީ މިހާރު ފުޓްބޯޅައިގެ ހާލަތު އޮތީ "މުޅިން ފައިސާ އަށް ބަރޯސާވެފައި" ކަމަށާއި ބޭނުންނުވިޔަސް އެއީ ގަބޫލުކުރަން ޖެހޭ ހަގީގަތް ކަމަށެވެ.

ޝްރޫޑާ ވަނީ އެންތަނީގެ ޓްރާންސްފާގެ ކަންކަން ހިނގަނީ އޭނާގެ ރުހުން ލިބިގެން ނޫން ކަމަށް ބުނެފަ އެވެ.

މިދިޔަ އަހަރު ބްރެޒިލް ޓީމާ އެކު އޮލިމްޕިކްސް ރަން މެޑަލް ދިފާއުކުރި އެންތަނީ، އަޔަކްސް އަށް ބަދަލުވީ 2020 ވަނަ އަހަރު ސައޮ ޕައޮލޯ ދޫކޮށެވެ. އެ ފަހަރު އަޔަކްސް އިން ވަނީ އެންތަނީ ގަންނަން ސައޮ ޕައޮލޯ އަށް 15 މިލިއަން ޑޮލަރު (13 މިލިއަން ޕައުންޑް) ދީފަ އެވެ. އެންތަނީ ވަނީ މިހާތަނަށް އަޔަކްސް އަށް ކުޅެދިން 134 މެޗުން 31 ގޯލު ޖަހައިފަ އެވެ.

އެންތަނީ ވެގެންދާނީ ޓެން ހާގްގެ ކޯޗުކަމުގައި ޔުނައިޓެޑުން ސޮއިކުރާ ހަތަރު ވަނަ ކުޅުންތެރިޔާ އަށެވެ. ޔުނައިޓެޑުން ވަނީ އެންތަނީ އާއި ލިސަންދްރޯގެ އިތުރުން ފެޔަނޫޑްގެ ފުލްބެކް، ޓައިރަލް މަލާސިއާ އާއި ރެއާލް މެޑްރިޑްގެ މިޑްފީލްޑަރު، ކަސެމީރޯ ސޮއިކޮށްފަ އެވެ. މި ހުރިހާ ޓްރާންސްފާތަކަށް ޖުމްލަ އެކު 245 މިލިއަން ޑޮލަރު ޔުނައިޓެޑުން ހަރަދުކުރެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox