އާ ހެދުން ނުދޮވެ ލަނީ ކޮން ބައެއް؟ ހުއްޓާލަންވީ އާދައެއް

Aug 24, 2022, 2:24 AM
އާ ހެދުން ނުދޮވެ ލަނީ ކޮން ބައެއް؟ ހުއްޓާލަންވީ އާދައެއް

ޝެއިން އިން އޯޑަރު ކޮށްގެން، ރީތި ހުދު ޕެކޭޖެއްގައި އަތަށް ލިބުނު އާ ހެދުމުގައި ހުންނާނީ ކޮން މިލައެއް ހެއްޔެވެ؟ އުނދަގޫ ވަހެއް ހުރީކީ ނޫނެވެ. ކުންޏެއް, މިލައެއް ނެތެވެ.

ހައިރާން ނުވާށެވެ. މި ކިޔައިދެނީ އަލަށް ފިހާރައަކުން ގަންނަ ހެދުމެއް، ނުވަތަ އޮންލައިން ކޮށް ގެންނަ ހެދުން ނުދޮވެ ލުމުގައި ހުރި ނުރައްކަލާއި، މި އާދައެއް ގެންގުޅޭނަމަ މިހާރުން މިހާރަށް ދޫކޮށްލަންޖެހޭ ސަބަބުތަކެވެ.

ލޮލަށް ނުފެނުނަސް، އާ ހެދުމެއްގައި ހަމަށް ނުރަނގަޅު މިލަ އާއި ކެމިކަލް ހުރޭ

ސެލޯފިން ޕެކޭޖެއްގައި ރީތިކޮށް ފަށްޖަހާފައި އޮންނަ ހެދުމުގައި މާބޮޑު ދޮވުމެއް ހުންނާނެ ކަމަށް ގިނަ ފަހަރަށް ހިތަށް ނުގެނެވެނީ އެވެ. އެކަމަކު، ސިކުނޑި ކުޑަކޮށް ހުޅުވާލައި ވިސްނާލުމުން ފެކްޓްރީ މަރުހަލާގައި ހެދުމެއް އުފައްދަން ކުރާނެ މަސައްކަތް ކޮންމެވެސް ވަރަކަށް އަންދާޒާކުރެވިދާނެ އެވެ. ހެދުމެއްގެ ސިފަ ޖެހުމުގެ ކުރިން އެ ފޭރާން ނުވަތަ ފޮތިގަނޑަށް ބޭނުންވާ ކުލައާއި ޓެކްސްޗާ ގެންނަން ފަހަރަކު ޑައި ކުރާނެ އެވެ. އެތައް ކެމިކަލް ޓްރީޓްމަންޓެއް ދީ، އެކި ކަހަލަ މެޝިން މަރުހަލާގައި ހިންގާނެ އެވެ.

Advertisement

އެހެންވީމަ، ކުރިން މީހަކު ބޭނުންކޮށްފައި އޮތް ހެދުމަކަށް ނުވަތަ ފޮތިގަނޑަކަށް ނުވެދާނެ އެވެ. އެކަމަކު ދެންމެ މިބުނި ކަންކަން އަންނާތީ، އެކި ކަހަލަ އިންޑަސްޓްރިއަލް މާއްދާތަކާއި ކެމިކަލާއި މެޝިން ތަކުގައި ހުންނަ ހިރަފުސް ފަދަ ލޮލަށް ނުފެންނަ މާއްދާތައް ހުންނާނެ އެވެ. އަދި ހެދުން އުފެއްދުމުގެ މަސައްކަތުގައި އުޅޭ މީހުންގެ ގައިން ބެކްޓީރިއާ އާއި ވައިރަސް ވެސް ޓްރާންސްފާ ވެފައި ހުރުން އެކަށީގެންވެ އެވެ - މިކަންކަން އެއްކައިރީ ބާއްވާފައި، ހެދުންތައް ފެކްޓްރީތަކުގައި ގެންގުޅޭނެ ގޮތް ހިތަށް ގެނެސްލާށެވެ. ފުނި ފުންޏަށް ހެދުން ބެހެއްޓުމާއި ފަރުވާކުޑަކޮށް ގެންގުޅުމާއި މިކަހަލަ ކިތަންމެ ކަމެއް ލާޖް ސްކޭލްގައި މިކަހަލަ މަސައްކަތްކުރާ ފެކްޓްރީ ތަންތަނުން ފެންނާނެ އެވެ.

ހަމަކީ ސެންސިޓިވް ގުނަވަނެއް، ބީރައްޓެހި ކެމިކަލުން ނުރައްކާ

ފޮތި ތައްޔާރުކުރުމަށް ކެމިކަލް ބޭނުންކުރާކަން މިހާރު އެނގެ އެވެ. ނޭނގެނީ، ބޭނުންކުރަނީ ކިހާ މިންވަރަކަށް ކަމެވެ. މީގެ މާނައަކީ އުފެއްދުމުގެ މަރުހަލާގައި ބޭނުންކުރާ ކެމިކަލްތަކުގެ އަސަރު އެ ހެދުމުގައި އަބަދަށް ހުންނާނެއެކޭ ނޫނެވެ. އެކަމަކު ފުރަތަމަ ލުމުގެ ކުރިން ނުވަތަ ބޭނުންކުރުމުގެ ކުރިން ދޮވުން ކޮންމެހެން މުހިއްމުވާ މިންވަރު ބުނެދެ އެވެ.

ކެމިކަލް ގައި ހިމެނޭ ކޮންޕައުންޑް ތަކުން ހަންގަނޑު ކުރަކި ވުމާއި ހަމުގައި ބިހި ނަގައި، ހިރުވުން ފަދަ ކަންކަން ކުރިމަތިކުރުވަ އެވެ. ހާއްސަކޮށް އެކްޒީމާ ހުންނަ މީހުންނާއި، ހަންގަނޑު ނާޒުކު މީހުންނަށް މި ފަދަ މައްސަލަތައް ފަސޭހައިން މެދުވެރިވާނެ އެވެ.

ފޭރާމުން ހަމަށް އާންމުކޮށް މައްސަލަ މެދުވެރިވަނީ ދެ ގޮތަކަށެވެ. އެއް ގޮތަކީ، އިރިޓޭޝަން އަންނަ ގޮތަށް ހިރުވުމާއި ބިހި ނެގުން ނުވަތަ އެކްޒީމާ ޓްރިގާވުން ކަހަލަ ގޮތްތައް ވުމެވެ. ދެން އެލާޖިކް ވުމެވެ. އެއީ ފޭރާން އުފައްދުމުގައި ކެމިކަލް މާއްދާތަކުގެ ގޮތުގައި ބޭނުންކުރާ، ޑައި އާއި ރެސިން އާއި ލެޓެކްސް އާއި ތެރަސް ފަދަ މާއްދާތަކަށް އަންނަ އެލާޖީ އެވެ.

އެހެންވީމަ، އަލަށް ގަންނަ ހެދުމާއި ގަނެގެން ގެންނަ އަންޑަގާމެންޓްސް ފަދަ ތަކެތި ނުދޮވެ ބޭނުންކުރާއިރު މިފަދަ މިކަންކަމަށް ފަރުވާތެރިވުން މުހިއްމެވެ. ލޮލަށް ފެންނަން ހުންނަ ހިސާބަށްވުރެ ދުރަށް ވިސްނުން ހިންގާލުމަކީ ފަހުން ލިބިދާނެ ގެއްލުމަކުން ސަލާމަތްވާން އޮންނަ އެންމެ ފަސޭހަ ގޮތެވެ..

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox