އެރިކްސަން މެންޗެސްޓާ ޔުނައިޓެޑަށް ސޮއިކޮށްފި

Jul 15, 2022, 3:29 PM
އެރިކްސަން މެންޗެސްޓާ ޔުނައިޓެޑަށް ސޮއިކޮށްފި

މެންޗެސްޓާ (ޖުލައި 15) - ހިލޭ ޓްރާންސްފާއެއްގެ ދަށުން ޑެންމާކްގެ މިޑްފީލްޑަރު ކްރިސްޓިއަން އެރިކްސަން، މެންޗެސްޓާ ޔުނައިޓެޑަށް ސޮއިކޮށްފި އެވެ.

އެރިކްސަން، 30، ޔުނައިޓެޑާ ރަސްމީކޮށް ގުޅުނީ ތިން އަހަރުގެ ކޮންޓްރެކްޓެއްގަ އެވެ. އެރިކްސަންގެ ކޮންޓްރެކްޓް ހަމަވާނީ 2025 ވަނަ އަހަރުގެ ޖޫން މަހުގެ ނިޔަލަށެވެ.

ޔުނައިޓެޑާ ގުޅުމަށް ފަހު އެރިކްސަން ބުނީ ޔުނައިޓެޑަކީ ހާއްސަ ކްލަބެއް ކަމަށާއި އެ ކްލަބާ އެކު މަސައްކަތް ފަށަން ކެތްމަދުވެފައި ހުރި ކަމަށެވެ.

"އޯލްޑް ޓްރެފޯޑް (ޔުނައިޓެޑްގެ ސްޓޭޑިއަމް) ގައި ކުޅެލުމުގެ ނަސީބު ގިނަ ފަހަރުތަކެއް މަތިން ލިބިފައިވަނީ. އެކަމަކު، ޔުނައިޓެޑް ޖޯޒީގައި އެ ދަނޑުގައި ކުޅުލުމަކީ ކުރެވޭ ވަރަށް ހާއްސަ އިހުސާސަކަށް ވާނެ،" އެރިކްސަން ޔުނައިޓެޑްގެ ރަސްމީ ވެބްސައިޓަށް ދިން އިންޓަވިއުއެއްގައި ބުންޏެވެ.

އެރިކްސަން ޔުނައިޓެޑާ ގުޅުނު އެއް ސަބަބަކީ އެ ޓީމުގެ އާ ކޯޗު ނެދަލެންޑްސްގެ އެރިކް ޓެން ހާގްގެ މަސައްކަތް ކަމުދިއުމެވެ.

އެރިކްސަން ބުނީ ޔުނައިޓެޑާ ގުޅެން އެރިކް ޓެން ހާގްގެ ހުށަހެޅުމެއް ލިބުމާ އެކު މާ ބޮޑަށް ފިކުރު ކުރުމެއް ނެތި ކުރިއަށްދާން ނިންމީ އުންމީދުތަކެއް އޮތުމުން ކަމަށެވެ.

"އަހަންނަށް އަޔަކްސްގައި ވެސް އެރިކް (ޓެން ހާގް)ގެ މަސައްކަތް ފެނުނު. ވަރަށް މޮޅު ކޯޗެއް އެއީ، ދެން އަހަރެން ޔުނައިޓެޑްގައި އެރިކް ކުރާ މަސައްކަތުގައި ބައިވެރިވެ، މި ޓީމު އެހެން ހިސާބަކަށް ގެންދަން އެހީތެރިވާން ބޭނުން، މިއީ ކާމިޔާބު ހާސިލްކުރެވޭނެ މަންޒިލެއްގައި އޮތް ޓީމެއް،"

މިދިޔަ އަހަރުގެ ޔޫރޯ ފުޓްބޯޅަ މުބާރާތުގައި ފިންލޭންޑާ ދެކޮޅަށް ޑެންމާކް ކުޅުނު މެޗުގެ ތެރެއިން ހާޓްއެޓޭކެއް ޖެހި، ހިތްހުއްޓިގެން ދަނޑުމަތީގައި ފަރުވާ ދިނުމަށް ފަހު ދަނޑުން ގެންދިޔައީ ހޮސްޕިޓަލަށެވެ. އެރިކްސަން ކުޅުމާ ދުރުގައި ހަ ވަރަކަށް މަސް ދުވަހު ހުރެ، ގިނަ ފަރުވާތަކެއް ކުރުމަށް ފަހު މިދިޔަ ޖެނުއަރީ މަހު ބްރެންޓްފޯޑާ ގުޅުނެވެ.

އެރިކްސަން ވަނީ ފިޓްނަސް ރަނގަޅު ކުރަން ކުރި މަސައްކަތުގެ ތެރެއިން އަޔަކްސް ޓީމާ އެކު ވެސް ޓްރެއިނިންތަކެއް މިދިޔަ އަހަރު ފުރިހަމަކޮށްފަ އެވެ. އެއީ ޓެން ހާގްގެ ހުއްދައާ އެކު އަޔަކްސްގެ މެނޭޖްމަންޓުން ދިން ހުއްދަ އެެކެވެ. އެރިކްސަން ވަނީ ކުރިން އަޔަކްސް އަށް ކުޅެފަ އެވެ.

ކުރިން ޓޮޓެންހަމް ހޮޓްސްޕާސް އަށް ވެސް ކުޅުނު އެރިކްސަން ވަނީ އެ ޓީމާއި ބްރެންޓްފޯޑާ އެކު މުޅި ޖުމްލަ، 237 މެޗު، އިނގިރޭސި ޕްރިމިއާ ލީގުގައި ކުޅެ، 52 ގޯލު ޖަހައި، 71 ގޯލު ޖަހަން ފުރުސަތު ތަނަވަސްކޮށްދީފަ އެވެ.

ޑެންމާކް ގައުމީ ޓީމުގެ ވެސް މުހިންމު ކުޅުންތެރިއެއްގެ ގޮތުގައި ހުރި އެރިކްސަން، ވަނި ޑެންމާކަށް ކުޅުނު 115 މެޗުން 38 ގޯލު އެ ޓީމަށް ޖަހައިދީފަ އެވެ.

އެރިކްސަން އަކީ މި ފަހަރުގެ ޓްރާންސްފާ މާކެޓްގައި ޓެން ހާގްގެ ކޯޗުކަމުގައި ގެނައި ދެ ވަނަ ކުޅުންތެރިޔާ އެެވެ. ފުރަތަމަ ސޮއިކުރީ ފެޔަނޫޑްގެ ފުލްބެކް، ޓައިރެލް މަލާސިއާ އެެވެ. އެރިކްސަންގެ ސޮއި ވެސް ޔުނައިޓެޑުން ހޯދިއިރު، އެ ޓީމުން އަންނަނީ އަޔަކްސްގެ އާޖެންޓީނާ ޑިފެންޑަރު ލިސަންދްރޯ މާޓިނޭޒްގެ ޑީލް ނިންމުމުގެ ފަހު މަރުހަލާގެ ކަންކަން ނިންމަމުންނެވެ.

ޔުނައިޓެޑުން މަލާސިއާ ގަތީ 17 މިލިއަން ޑޮލަރު ދީފަ އެވެ. އެރިކްސަން ހިލޭ ގެނައި ކަމުގައި ވިޔަސް، އެރިކްސަން އާއި އޭނާގެ އޭޖެންޓް އަށް މިިލިއަން ޑޮލަރުގެ ބޯނަހެއް ޔުނައިޓެޑުން ދިން ކަމަށް ރިޕޯޓްތައް ބުނެ އެވެ. އަދި ލިސަންދްރޯ މާޓިނޭޒް ގަންނަނީ އަޔަކްސް އަށް 55 މިލިއަން ޑޮލަރު ދީފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox