ލުކާކޫ އާއި ޑިބާލާ އިންޓައާ ގުޅެނީ

Jun 22, 2022, 4:01 AM
ލުކާކޫ އާއި ޑިބާލާ އިންޓައާ ގުޅެނީ

މިލާން (ޖޫން 22) - ޗެލްސީގެ ފޯވާޑް ރޮމެލޫ ލުކާކޫ އާއި ޔުވެންޓަސް އަށް ކުޅެމުން އައި ޕައޮލޯ ޑިބާލާ، އިޓަލީގެ އިންޓަ މިލާނަށް ބަދަލުވާން އެއްބަސްވެފައިވާ ކަމަށް މީޑިއާ ރިޕޯޓްތައް ބުނެފި އެވެ.

ލުކާކޫ އަލުން އިންޓަ އަށް ބަދަލުވާނީ އެއް އަހަރުގެ ލޯން އެއްބަސްވުމެއްގެ ދަށުންނެވެ. ޔުވެންޓަސްއާ އެކު ޑިބާލާ ހަދާފައިވާ ކޮންޓްރެކްޓް މި މަހުގެ ނިޔަލަށް ހަމަވާއިރު، އޭނާ އިންޓައާ ގުޅޭނީ ހިލޭ ޓްރާންސްފާއެއްގަ އެވެ.

ޗެލްސީން މިދިޔަ އަހަރު ލުކާކޫގެ ސޮއިހޯދީ 98 މިލިއަން ޕައުންޑް (135 މިލިއަން ޑޮލަރު)ގެ ފީ އަކަށެވެ. މިއީ އެ ކްލަބްގެ ތާރީހުގައި އެންމެ އަގުބޮޑު ޓްރާންސްފާ އެވެ. ޗެލްސީގެ ފުރަތަމަ މެޗުތަކުގައި ލުކާކޫގެ ފަރާތުން ރަނގަޅު ކުޅުމެއް ފެނުނު ނަމަވެސް، ސީޒަންގެ މެދުތެރެއިން އޭނާ ދިން އިންޓަވިއުއެއްގެ މައްސަލަ ހޫނުވެ، ޗެލްސީ ސަޕޯޓަރުންގެ ނުރުހުން އަމާޒުވި އެވެ.

މިދިޔަ ޑިސެމްބަރު މަހު، ލުކާކޫ، ސްކައި އިޓަލީ އަށް ދިން އިންޓަވިއުއެއްގައި ބުނެފައިވަނީ ޗެލްސީގައި ހުރީ އެންމެ އުފަލުންނެއް ނޫން ކަމަށާއި އަލުން އިންޓަ އަށް ދާން ބޭނުންވާ ކަމަށެވެ. ލުކާކޫ އަށް މި ނިމުނު ސީޒަނުގެ ޕްރިމިއާ ލީގުގައި ޖެހުނީ އަށް ގޯލެވެ. ސީޒަނުގައި ޖުމްލަ އެކު، 15 ގޯލެވެ.

އިންޓަ އިން ފުރަތަމަ މަސައްކަތްކުރީ ލުކާކޫ ގަންނާށެވެ. އެކަމަކު، އިންޓަގެ މާލީ ހާލަތު ހުރި ގޮތުން އެކަން ކުރެވެން ނެތުމުން، އިންޓަ އިން ދެން ހުށަހެޅީ ނުވަ މިލިއަން ޑޮލަރު ލޯން ފީއެއް ދައްކާގޮތަށް ލުކާކޫ އެއް ސީޒަނުގެ ލޯނަކަށް ސޮއިކުރާށެވެ. އިޓަލީގެ ނޫސްތަކުން ރިޕޯޓްކުރާގޮތުގައި ލުކާކޫ ގެންނަން އިންޓަ އިން ވަނީ ޗެލްސީއާ އެކު އެއްބަސްވުމަކަށް އަތުވެފަ އެވެ.

ޔުވެންޓަސް އިން ޖެނުއަރީ މަހު ފިއޮރެންޓީނާ އަށް ބޮޑު އަގުދީފައި ސާބިއާގެ ފޯވާޑް ޑޫސާން ވްލަހޯވިޗް ގެނައީ ޑިބާލާގެ ކޮންޓްރެކްޓް އާ ކުރަން ބޭނުން ނުވާތީ އެވެ. ޑިބާލާ، 28،ގެ އޭޖެންޓް، ޖޯޖް އަންޓުން ވަނީ އިންގްލެންޑާއި ސްޕެއިންގެ ގިނަ ކްލަބްތަކާ މަޝްވަރާކޮށްފަ އެވެ. އެކަމަކު، އެކަށީގެންވާ ހުށަހެޅުމެއް ނުލިބޭތީ ދެން އަންޓުން ވާހަކަ ދައްކަން ފެށީ އިންޓައާ އެވެ. ހޯސޭ މޮރީނިއޯ ކޯޗުކޮށްދޭ ރޯމާ އިން ވެސް ޑިބާލާ އަށް ޝައުގުވެރިވެ އެވެ.

ރިޕޯޓްތައް ބުނާގޮތުން އިންޓަ އިން މިހާރު ވަނީ ޑިބާލާގެ ޑީލް ނިންމަން އެއްބަސްވުމަކަށް އަތުވެފަ އެވެ. އިންޓަ އިން ޑިބާލާ އަށް ހުށަހަޅަނީ ހަތަރު އަހަރުގެ ކޮންޓްރެކްޓެއް ކަމަށް ރިޕޯޓްތައް ބުނެ އެވެ. ޑިބާލާ އަށް އަހަރަކު މުސާރައިގެ ގޮތުގައި 13 މިލިއަން ޑޮލަރު ލިބޭ އެއްބަސްވުމެއް ދޭން އިންޓަ އިން އަންނަނީ ބައެއް ނިންމުންތައް ފައިނަލް ކުރަމުންނެވެ. އެ ގޮތުން އެ ޓީމަށް ކުޅެމުން އަންނަ ބޮޑު މުސާރަ ލިބޭ ދުވަސްވީ ކުޅުންތެރިން ކަމަށްވާ އެޑިން ޒެކޯ އާއި އަލެކްސިސް ސަންޗޭޒް ދޫކޮށްލުމުގެ ފުރުސަތު އެބައޮތެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox