މެންޗެސްޓާ ޔުނައިޓެެޑްގެ އޮފާ ރަނގަޅުނަމަ އެރިކްސަން ފޯނު ނަގާނެ!

Jun 15, 2022, 10:22 AM
މެންޗެސްޓާ ޔުނައިޓެެޑްގެ އޮފާ ރަނގަޅުނަމަ އެރިކްސަން ފޯނު ނަގާނެ!

ކޯޕެންހާގެން (ޖޫން 15) - މެންޗެސްޓާ ޔުނައިޓެޑްގެ އޮފާ ނޫނީ އެހެން ޓީމަކުން ލިބޭ ހުށަހެޅުމެއް ވިޔަސް އެއީ އޭނާ ކެރިއަރު ކުރިއަށް ގެންދަން ލިބޭ ރަނގަޅު ޑީލެއް ކަމަށް ގަބޫލުކުރެވޭނަމަ އެ ޓީމަކަށް ބަދަލުވާން ތައްޔާރަށް ހުރި ކަމަށް ޑެންމާކްގެ މިޑްފީލްޑަރު ކްރިސްޓިއަން އެރިކްސަން ބުނެފި އެވެ.

މިދިޔަ އަހަރުގެ ޔޫރޯ ފުޓްބޯޅަ މުބާރާތުގައި ފިންލޭންޑާ ދެކޮޅަށް ޑެންމާކް ކުޅުނު މެޗުގެ ތެރެއިން ހާޓްއެޓޭކެއް ޖެހި، ހިތްހުއްޓިގެން ދަނޑުމަތީގައި ފަރުވާ ދިނުމަށް ފަހު ދަނޑުން ގެންދިޔައީ ހޮސްޕިޓަލަށެވެ. އެރިކްސަން ކުޅުމާ ދުރުގައި ހަ ވަރަކަށް މަސް ދުވަހު ހުރެ، ގިނަ ފަރުވާތަކެއް ކުރުމަށް ފަހު މިދިޔަ ޖެނުއަރީ މަހު ބްރެންޓްފޯޑާ ގުޅުނެވެ.

އެރިކްސަން، ހާޓްއެޓޭކް ޖެހުނުއިރު، ކުޅެމުން އައީ އިޓަލީގެ ޗެމްޕިއަން އިންޓަ މިލާނަށެވެ. އެކަމަކު، އެރިކްސަންގެ ސިއްހީ ހާލަތު ހުރި ގޮތުން އިންޓަ އަށް ޖެހުނީ އޭނާ ދޫކޮށްލާށެވެ. އެއީ ހިތަށް އިމްޕްލާންޓަބަލް ކާޑިއޮވާޓާ ޑެފިބްރިލޭޓާ (އައިސީޑީ) ލައްވައިގެން ކުޅުމުގެ ހުއްދަ އިޓާލިއަން ލީގުގައި ނެތުމުންނެވެ. ގިނަ މެޑިކަލް ޓެސްޓްތަކެއް ފުރިހަމަކޮށް ޖެނުއަރީ މަހު، އެރިކްސަން ބްރެންޓްފޯޑަށް ސޮއިކޮށް އެ ޓީމުގައި މޮޅު ކުޅުމެއް ދެއްކި އެވެ. އަދި ފަހަކަށް އައިސް ޑެންމާކް ގައުމީ ޓީމަށް ވެސް އަންނަނީ މޮޅު ކުޅުމެއް ދައްކަމުންނެވެ.

Advertisement

ބްރެންޓްފޯޑާ އެކު އެރިކްސަންގެ ކޮންޓްރެކްޓް އޮތީ މިދިޔަ މަހުގެ ނިޔަލަށެވެ. ހިލޭ ޓްރާންސްފާއެއްގައި އެރިކްސަންގެ ސޮއި ހޯދަން މެންޗެސްޓާ ޔުނައިޓެޑާއި ނިއުކާސަލް ޔުނައިޓެޑް އަދި ސެވިއްޔާ އިން އަންނަނީ މަސައްކަތް ކުރަމުންނެވެ.

ޓެލެގްރާފް ނޫހުން ރިޕޯޓްކުރާގޮތުގައި ޔުނައިޓެޑުން ވަނީ އެރިކްސަން އަށް ކޮންޓްރެކްޓެއް ހުށަހަޅައިފަ އެވެ.

"މި ކަހަލަ ނިންމުންތައް ނިންމާއިރު ވަރަށް ގިނަ ކަންކަން އެތެރޭގައި ހިނގާނެ. ވަރަށް ގިނަ ކަންކަމަށް ބަލާފައި ނިންމުމެއް ނިންމަން ޖެހޭނީ. ފުޓްބޯޅައިގައި ވަރަށް އަވަހަށް ކަންކަން ބަދަލުވާ ފަހަރު ވެސް އަންނާނެ. ލަސް ލަހުން ނިންމުންތައް އަންނަ ފަހަރު ވެސް ދިމާވާނެ. އަމިއްލަ ކޮންޓްރޯލުން ބޭރުގައި ހުންނަ ކަންކަން ވެސް ދިމާވާނެ، މީގެ އަހަރެން ގޮތެއް ނިންމާއިރު ބަލަނީ އަވަސް އަރުވާލައިގެން ނޫޅެން،" ޔުނައިޓެޑްގެ ހުށަހެޅުމާއި މުސްތަގުބަލާ ބެހޭގޮތުން ޑެންމާކުގެ ނޫހަކަށް ދިން އިންޓަވިއުއެއްގައި އެރިކްސަން ބުންޏެވެ.

"އަހަރެންގެ ފޯނު އެ އޮތީ ހުޅުވާފައި. އަހަރެންގެ އޭޖެންޓަށް ވެސް ވަރަށް ރަނގަޅަށް އެނގޭނެ އަހަންނަށް ރަނގަޅު އޮފާއެއް ލިބިއްޖިއްޔާ. އެ އޮފާއެއް އައުމުން އޭނާ ގުޅީމަ އަހަރެން ފޯނު ނަގާނަން،"

ޔުނައިޓެޑުން އެރިކްސަން އަށް ކޮންޓްރެކްޓެއް ހުށަހެޅީ ބާސެލޯނާގެ މިޑްފީލްޑަރު، ފްރެންކީ ޑި ޔޯން ނުލިބުމުގެ ބިރު އޮތުމުންނެވެ.

ޔުއެފާ ނޭޝަންސް ލީގުގައި ރޭ ނެދަލެންޑްސް އިން ވޭލްސް ބަލިކުރި މެޗަށް ފަހު ޑި ޔޯން ދިން އިންޓަވިއުގައި ބުނީ ޓްރާންސްފާ މާކެޓާ ގުޅޭގޮތުން ދޭނެ ހަބަރެއް ނެތް ކަމަށާއި އޭނާ މި ވަގުތު ކުޅެމުން އަންނަ ބާސެލޯނާ އަކީ ދުނިޔޭގެ އެންމެ ބޮޑު ކްލަބް ކަމަށެވެ.

ޕްރިމިއާ ލީގުގައި އެރިކްސަން ކުޅުނު ޓޮޓެންހަމް ހޮޓްސްޕާސް އިން ވެސް އޭނާ އަލުން ހޯދަން މަސައްކަތް ކުރި އެވެ. ރިޕޯޓްތައް ބުނާގޮތުން އަމިއްލަ ސަބަބަކާ ހެދި އެރިކްސަން ވަނީ އެ ކްލަބްގެ ހުށަހެޅުން ބަލައިގަންނަން ދެކޮޅު ހަދައިފަ އެވެ. އެރިކްސަން ނުލިބޭތީ، ޓޮޓެންހަމުން ވަނީ ބްރައިޓަން އަށް ކުޅެމުން އަންނަ މާލީ ގައުމީ ޓީމުގެ މިޑްފީލްޑަރު ޔްވެސް ބިސޫމާ ގެންނަން އެއްބަސްވުމަކަށް އަތުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox