ފިރިހެނުން ނުރޯނެ!

ފިރިހެނުން ނުރޯނެ!

އިންސާނީ ޖަޒުބާތުތަކުގައި ފިރިހެނުންނާއި އަންހެނުންގެ މެދުގައި ބޮޑު ތަފާތެއް ހުންނަ ކަމަށް ގަބޫލުކުރެވިފައި އޮންނަ އޮތުމަކީ ހުރާފާތެކެވެ. ވިސްނިފައި އޮންނަ ގޮތުގައި، އުފަލުން ރުއިމާއި، ދެރަވެ ހިތުގައި ޖެހުމުން ރޯލުމަކީ އަހަރުމެން އަންހެނުންނަށް ލިބިފައި އޮންނަ ހައްގެކެވެ. ފިރިހެނަކު އެ އިހުސާސްތައް ދެއްކުމަކީ އަބުއި ކަމެކެވެ. ނުވަތަ ވަރަށް 'އަންހެން' ކަމެކެވެ. ގިނަ ފިރިހެނުން ކިތަންމެ ހިތުގައި ޖެހުނަސް 'މަށަށް ވަރިހަމަ ބޯޑު' އަޅުވައިގެން އަސަރެއް ނުކުރާކަމަށް ހެދިގެން ތިބެނީ މުޖުތަމައުގެ މި ގަބޫލުކުރުމާހެދި އެވެ.

ރުއިމަކީ، ނުވަތަ ޝަކުވާ ކުރުމަކީ ހިތުގައި އުފެދޭ ގިލަންވެރިކަން ބޭރުކޮށްލެވި، ހައްޓަށް ލުއި ލިބޭ ކަމަކަށް ވާއިރު ފިރިހެނުން އަމަލުކުރަނީ އޭގެ ދިމާ އިދިކޮޅަށެވެ. ދިރާސާތަކުން ދައްކާ ގޮތުގައި، ހާޓްއެޓޭކް ޖެހުމުގެ ފުރުސަތު އަންހެނުންނަށް ވުރެ ފިރިހެނުންނަށް ދެގުނަ ބޮޑެވެ. މިކަމުގެ މައިގަނޑު އެއް ސަބަބަކީ ހިތާމަތަކުގެ ވާހަކަ ނުދައްކައި އެކަންކަން ތަހައްމަލު ކުރުމެވެ. ފިރިހެނުން ހިތާމަވެރިކަމުގެ އިހުސާސުތައް ފޮރުވަނީ ކީއްވެގެންތޯ އެއީ ޖަވާބު ދެނެގަންނަންޖެހޭ ބޮޑު ސުވާލެކެވެ. ބައެއް ސަބަބުތަކަށް ބަލާލަމާ ހެއްޔެވެ.

ރުއިމަކީ ހުތުރުކަމެއް ކަމަށް ވިސްނުވައި ދީފައި އޮތުން

ތުއްތު ފިރިހެން ދަރިފުޅާއި އަންހެން ދަރިފުޅު ކުޅެން އުޅެނިކޮށް އަންހެން ދަރިފުޅު ވެއްޓި ރޯން ފަށައިފިނަމަ އޭނާ އުރާލެވެނީ ދުވެފައި ގޮހެވެ. ނުފިރުމާކަށް އެންމެ ތަންކޮޅެއްވެސް ނުހުންނާނެ އެވެ. ފިރިހެން ދަރިފުޅު ވެއްޓި ރޯން ފަށައިފިނަމަ އޭނާއަށް ހިތްވަރު ދިނުމުގެ ގޮތުން ބުނެ އުޅެނީ 'ފިރިހެން ކުދިން ނުރޯނެ' ކަމަށެވެ. މިއީ އޭނާގެ ހެދެމުންދާ ޅަ ސިކުނޑިއަށް ލައިދޭ ވިސްނުމެވެ. ޖަޒުބާތުތައް ހިއްސާކުރުމުގައި ވެސް ހަމަ އެގޮތެވެ. އަންހެނުން ކުދިން ބޮޑަށް ރައްކާތެރިކުރަންޖެހޭ ކަމަށް ގަބޫލުކުރެވިފައި އޮންނާތީ އެ ކުދިންނާމެދު ބަސްމަގު ބެހެއްޓޭ ގޮތާއި ފިރިހެން ދަރިފުޅާމެދު ބަސްމަގު ބެހެއްޓޭ ގޮތުގައި ތަފާތުތަކެއް ހުރެ އެވެ. އަންހެން ކުދިންނާ ހިއްސާކުރާ ހުރިހާ މައުލޫމާތެއް ފިރިހެން ކުދިންނާ ހިއްސާއެއް ނުކުރެވެ އެވެ. މިއީ މައްސަލައިގެ ފެށުމެވެ.

Advertisement

ޖަޒުބާތުތަކާ ކުރިމަތި ނުލުން

ގިނަ ފިރިހެނުންގެ ތަބީއަތަކީ ހިތާމައެއް ތަހައްމަލުކުރަންޖެހޭ ކަމެއް ކުރިމަތިވެއްޖެނަމަ، މައްސަލައިގެ އެބަޔާ ކުރިމަތިނުލުމެވެ. ހިތްދަތިވާ ކަންކަމުގައި އެ އިސްކުރާ ރުޅިއަކީ ހަގީގަތުގައި ދެރަވެއްޖެކަން ފޮރުވުމަށް ކުރިއަށް ނެރޭ ހަތިޔާރެކެވެ. ފިރިހެނުން ބޭނުންވާނީ މެދުވެރިވި މައްސަލައިގެ ހައްލެވެ. ހައްލަކަށް ނުވިސްނައި ހަމައެކަނި މައްސަލައިގެ މަޝްވަރާ ކުރުމަކީ އެމީހުން ގަޔާވާ، ނުވަތަ ކުރަން ބޭނުންވާ ކަމެއް ނޫނެވެ. ހައްލު ހޯދުމަށް ވިސްނުމަކީ އޭގެ ޒާތުގައި ގޯސް މިޒާޖެއް ނޫނެވެ. އެހެންނަމަވެސް އިހުސާސްތަކުގެ ވާހަކަ ދައްކާއިރު ހައްލަކަށްވުރެ މުހިންމީ އިހުސާސުވާ ގޮތާމެދު މަޝްވަރާކުރެވުމެވެ. އެކަމުން ހައްޓަށް ލިބޭ ލުޔަކީ އެތައް ސިއްހީ މައްސަލައެއްގެ ފަރުވާ އެކެވެ. 'ގޮސިޕް' ކުރާކަމަށް ބުނެ އަންހެނުންނަށް ނިސްބަތް ތިކުރާ ޖޯކުގެ ހަގީގަތަކީ އެ މީހުންގެ އިހުސާސުތަކާމެދު މަޝްވަރާކުރުމެވެ. އެއީ ވެސް ފިރިހެނުން ކޮށް އުޅުން ހުތުރު ކަންކަމުގެ ލިސްޓުގެ ކުރީގައި ހިމަނާފައި އޮންނަ ކަމެކެވެ.

އިހުސާސްތައް އަޑުއަހާނޭ މީހަކު ނެތުން

ފިރިހެނުންގެ ވަށައިގެން އުޅެނީ ހަމަ އޭނާ ކަހަލަ، އިހުސާސުތައް ފޮރުވައިގެން ތިބޭ 'ފިރިހެންވަންތަ' ފިރިހެނުންނެވެ. އަންހެން ރައްޓެހިންވެސް އުއްމީދުކުރަނީ އޭނާގެ އަންހެން އެކުވެރިން ފަދައިން ގިނަ ޝަކުވާތައް ނޯންނަ، ހަމައެކަނި އޭނާގެ ޝަކުވާ އަޑުއަހާނޭ އެކުވެރިއަކަށެވެ. އެހެންވުމުން ޝަކުވާއެއް ނޯންނަ މީހެއްގެ ލަގަބު ފިރިހެނުންނަށް މުހިންމު ވެ އެވެ. ނަތީޖާއަކަށް ވަނީ އޭނާގެ އިހުސާސުތައް އެމީހަކާ ހިއްސާކުރެވޭނޭ އެއްވެސް މީހަކު ނެތުމެވެ.

ހައްލަކީ ކޮބާ؟

މުޖުތަމައު ބަދަލެއް ނުވާނެ އެވެ. ހަމަ އެފަދައިން ސިއްހީ ގޮތުން ހޯދިފައިހުރި ހަގީގަތްތައްވެސް ބަދަލެއް ނުވާނެ އެވެ. ހިތްދަތިކުރުވާ އިހުސާސްތައް ބޭރުނުކޮށް ހިފަހައްޓައިގެން ހުރުމަކީ ސިއްހީ ގޮތުން އެތައް ގެއްލުމެއް ކުރިމަތިވުމުގެ ފުރުސަތު ބޮޑުވެގެންދާ ކަމެއްކަން އެއީ ހަގީގަތެވެ. ހުޅުވޭށެވެ. ޒަމާނީ ހަގީގަތްތަކަށް ހޭލާށެވެ. ފިރިހެނަކަށް ވުމަކީ ހިތާމައާއި މޮޅިވެރިކަމާއި ގިލަންވެރިކަން ފަދަ އިހުސާސްތަކުން އިންސާނާ ބާކީކުރާ ކަމެއް ނޫނެވެ. އެ ޖަރުބާތުތައް އިހުސާސްކުރެވޭ ވަގުތު އެ ވާހަކަ ދައްކާލުމާއި އެކަމާމެދު ރުއިމަކީ ތިބާގެ ފިރިހެންވަންތަކަމަށް އެކަމުން އެއްވެސް އަސަރެއް ކުރުވާނޭ ކަމެއް ވެސް ނޫނެވެ. 'ފިރިހެނުންވެސް ރޯނެ' ކަން އެއީ މުޖުތަމައުގެ އައު ހަގީގަތަށް ހަދަންޖެހެ އެވެ. މުޖުތަމައުގެ ލަދަށް ވިސްނައިގެން ހިތަށް ވާ ތަދެއް ނުފިލާނެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox