ޔުނައިޓެޑުން ވުޑްވާޑް ދިއުމަކީ ޓެން ހާގަށް މޮޅެއް: ވެން ގާލް

Jun 8, 2022, 7:55 AM
ޔުނައިޓެޑްގެ ކޯޗު ޓެން ހާގް.-- ފޮޓޯ: އޭއެފްޕީ

ޔުނައިޓެޑްގެ ކޯޗު ޓެން ހާގް.-- ފޮޓޯ: އޭއެފްޕީ

މެންޗެސްޓާ (ޖޫން 8) - މެންޗެސްޓާ ޔުނައިޓެޑްގެ އެގްޒެކްޓިވް ވައިސް ޗެއާމަންގެ މަގާމުން އެޑް ވުޑްވާޑް ދިއުމަކީ ޔުނައިޓެޑްގެ އާ ކޯޗު އެރިކް ޓެން ހާގަށް ލިބުނު ފުރަތަމަ މޮޅު ކަމަށް ޔުނައިޓެޑަށް ކުރިން ކޯޗުކޮށްދިން ނެދަލެންޑްސްގެ ކޯޗު ލުއީ ވެން ހާލް ބުނެފި އެވެ.

އެމެރިކާގެ މަހުޖަނު އާއިލާގެ އިސް މެމްބަރު، މެލްކަމް ގްލޭޒާ އަށް ޔުނައިޓެޑް ގަތުމަށް 2005 ވަނަ އަހަރު ލަފާދިން މީހުންގެ ތެރޭގައި ވުޑްވާޑް ހިމެނެ އެވެ. އޭރު ވުޑްވާޑަކީ އަރަމުން އައި، އިންވެސްޓްމަންޓް ބޭންކަރެކެވެ. ގްލޭޒާގެ ފަރާތުން ޔުނައިޓެޑަށް އެންމެ ފުރަތަމަ ވުޑްވާޑް ހިދުމަތްކުރަން ފެށީ އެޑަވައިޒަރީ ރޯލެއްގައި ހުރެ އެވެ.

އެކަމަކު، މަޑުމަޑުން ވުޑްވާޑްގެ ރޯލު ބަދަލުވެ، ފަހުން 2007 ވަނަ އަހަރު ޔުނައިޓެޑްގެ ކޮމާޝަލް އަދި މީޑިއާ ކަންތައްތަކުގެ އެންމެ އިސް ވެރިޔެއްގެ ޒިންމާ ހަވާލުކުރި އެވެ. ވުޑްވާޑްގެ މޭސްތިރި ކަމުގެ ދަށުގައި ޔުނައިޓެޑްގެ ބްރޭންޑްގެ އަގު އެތައް ގުނައެއް އުފުލިގެން ދިއުމާ އެކު 2012 ވަނަ އަހަރު ޔުނައިޓެޑްގެ ސީއީއޯ/އެގްޒެކްޓިވް ވައިސް ޗެއާމަންގެ މަގާމުގައި ހުރި ޑޭވިޑް ޖިލް ރިޓަޔާކުރުމުން އެ މަގާމަށް ވުޑްވާޑް އައްޔަނުކުރި އެވެެ. އޭގެ ފަހުން ޔުނައިޓެޑްގެ އެ ނުފޫޒު ގަދަ މަގާމުގައި ހުރީ ވުޑްވާޑް އެވެ. ކްލަބްގެ މުހިންމު ނިންމުންތަކުގެ ކޮންޓްރޯލް އޮތީ ވުޑްވާޑް އަތުގަ އެވެ.

ޔުނައިޓެޑްގެ ކޯޗުކަމާ 2014 ވަނަ އަހަރު ހަވާލުވިއިރު، ވެން ހާލް (ވ) އާއި ވުޑްވާޑް ސަލާމްކުރަނީ.

ވުޑްވާޑްގެ ނުފޫޒާ ހެދި ޔުނައިޓެޑްގައި މަަސައްކަތްކުރި ގިނަ ކޯޗުންނަށް އެކަށީގެންވާ ކުރިއެރުމެއް ނުހޯދުނެވެ. އޭގެ ތެރޭގައި ވެން ހާލް އާއި ހޯސޭ މޮރީނިއޯ ހިމެނެ އެވެ. ވުޑްވާޑްގެ މުށުތެރޭގައި ޔުނައިޓެޑްގެ ޓްރާންސްފާގެ ކަންތައްތަކަށް ފައިސާ ހަމަޖެއްސުމާއި ފަހު ބަސްބުނުމުގެ ބާރު އޮތުމުން ޔުނައިޓެޑްގެ ޓްރާންސްފާ ކަންތައްތައް ގިނަ ފަހަރު ގޮސްފައި ހުރީ "ކްލަބަށް ގެއްލުންވާ" ގޮތަށެވެ.

މިދިޔަ ފެބްރުއަރީ މަހު ޔުނައިޓެޑުން އިއުުލާނުކުރީ ވުޑްވާޑް ކްލަބް ދޫކޮށްލަން ނިންމާފައިވާ ކަމަށެވެ. އެއީ ޔޫރަޕިއަން ސުޕަ ލީގުގެ މައްސަލައިގެ ތެރޭގަ އެވެ. މި މަހު، އެއް ވަނަ ދުވަހު ވުޑްވާޑް މަގާމުގެ ޒިންމާތައް ދޫކޮށްލުމުން ޔުނައިޓެޑުން ވަނީ ރިޗާޑް އާނޯލްޑް އެ މަގާމަށް ހަމަޖައްސައިފަ އެވެ.

ވެން ހާލް ބުނީ ވުޑްވާޑް ދިއުމަކީ ޓެން ހާގްގެ ކޯޗުކަމުގައި ޔުނައިޓެޑަށް ލިބުނު ފުރަތަމަ މޮޅު ކަމަށެވެ.

"އަހަންނަށް ސިފަވަނީ ވުޑްވާޑް ދިއުމަކީ ޓެން ހާގްގެ ފުރަތަމަ މޮޅުގެ ގޮތުގައި، ދެން ބަލަމާ ޓްރާންސްފާ ބާޒާރުގައި ފަހުގެ މޮޑަލަށް ޔުނައިޓެޑުން މަސައްކަތް ކުރަން ފެށީމަ އަންނަ ބަދަލު، އަހަރެން ވަރަށް ޕޮޒިޓިވް މި ބަދަލާ މެދު،" ވެން ހާލް ބުންޏެވެ.

ވެން ހާލް ބުނީ ޔުނައިޓެޑުން ރަނގަޅު މިސްރާބަށް ގޮސްދާނެ ކަމުގެ ފުރަތަމަ މަންޒަރަކީ އެ ކްލަބްގެ ކޮންޓްރެކްޓްގައި ތިބެ، ބޮޑު މުސާރަ ހޯދުމަށް ފަހު މަދު މެޗު ކުޅޭ ގިނަ ކުޅުންތެރިންތަކެއް ކޮންޓްރެކްޓް ނިންމާލުމަށް ފަހު ޓީމު ދޫކޮށް ދިއުން ކަމަށެވެ.

މީގެ އިތުރުން ޔުނައިޓެޑްގެ ޓްރާންސްފާތަކުގައި ޓެން ހާގުގެ ބަސް ވިކޭ ގޮތަށް ކްލަބްގެ ސިސްޓަމް އޮތުމަކީ މުހިންމު ކަމެއްގެ ގޮތުގައި ވެން ހާލް ދެކެ އެވެ.

ޔުނައިޓެޑްގެ މަގާމުން ވަކިވި، ވުޑްވާޑަކީ އެ ކްލަބްގެ ސަޕޯޓަރުންގެ ނުރުހުން ވެސް ވަރަށް ބޮޑަށް އަމާޒުވި ފަރާތެކެވެ. އެ ގޮތުން 2020 ވަނަ އަހަރުގެ ޖެނުއަރީ މަސް ތެރޭ ޔުނައިޓެޑްގެ ސަޕޯޓަރުންގެ ގްރޫޕެއް ވަނީ ކްލަބްގެ ބައެއް ކަންކަމާ މެދު ހިތްހަަމަނުޖެހިގެން ވެން ހާލް ދިރިއުޅޭ ގެޔަށް އަލިފާން ބޯޅަ އުކައިފަ އެވެ. އެއީ އެ ފަހަރު ޖެނުއަރީ ޓްރާންސްފާ މާކެޓްގައި ކުޅުންތެރިން ގަންނަން ދެކޮޅު ހަދަނީ ވުޑްވާޑް ކަމަށް މީޑިއާގައި އަޑުފެތުރުމާ ގުޅިގެން ޔުނައިޓެޑްގެ ސަޕޯޓަރުންގެ ގްރޫޕަކުން ކުރި ކަމެއް ކަމަށް މީޑިއާތަކުން ވަނީ ރިޕޯޓްކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox