ރަށު ނޯޓު: މެހުމާނުންގެ ސާފު ރީތި ވަށަފަރު

ފަތުރުވެރިކަން ރަށަށް އައިސް، މެހުމާނުންގެ މަންޒިލަކަށް ވަށަފަރު ބަދަލުކޮށްލުމުގެ ކުރިން މިރަށް ހާއްސަވީ ތެދުއުއިވަޑާމުގެ މޮޅު ރަށެއް. --ފޮޓޯ: އެފްބީ/ވިޒިޓްވަށަފަރު

ފަތުރުވެރިކަން ރަށަށް އައިސް، މެހުމާނުންގެ މަންޒިލަކަށް ވަށަފަރު ބަދަލުކޮށްލުމުގެ ކުރިން މިރަށް ހާއްސަވީ ތެދުއުއިވަޑާމުގެ މޮޅު ރަށެއް. --ފޮޓޯ: އެފްބީ/ވިޒިޓްވަށަފަރު

ރަށުގެ ދިގަށް ދެމިފައިވާ ކުނިކޮޅެއް ނެތް ހުދު ދޮންވެލީގެ ބީޗާއި ވަށައިގެން ލޮލުކޮޅަށް އޮބައިލާ ހިސާބަށް ފެތުރިފައިވާ ރީތި ފަޅެއް އޮތް މި ރަށަކީ ތިލަދުންމަތީ އުތުރުބުރީ ވަށަފަރެވެ. މެހުމާންދާރީއާއި ސާފުތާހިރުކަމުގެ ހިތްގައިމު މަންޒިލެކެވެ. އެކުވެރި، އެކުލުންތެރި ރައްޔިތެކެވެ. މެހުމާނުންގެ އައުލާދެކެވެ.

"ރަށުގެ ހާއްސަ ކަމެއްގެ ގޮތުގައި އެންމެ ބޮޑަށް ޕްރޮމޯޓްކުރަނީ ރަށަށް ލިބިފައިވާ ގުދުރަތީ މުއްސަނދިކަމާއި ރީތިކަން. މި ރަށަކީ މެހުމާނުންނާއި ފަތުރުވެރިންނާ ގާތްކަން ބަހައްޓާ ރައްޓެހި ރައްޔިތެއް ދިރިއުޅޭ ރަށެއް،" ރަށުގެ ދިގު ތައާރަފަކަށް ދިއުމުގެ ކުރިން ކައުންސިލުގެ ރައީސް އަހުމަދު މުއީން އޭނާގެ އުފަން ރަށް ސިފަކޮށްދެއްވި އެވެ.

ދިގުމިނުގައި 2 ކިލޯމީޓަރު ހުންނަ ވަށަފަރަކީ ޒަމާނުއްސުރެ އެކުވެރި، ސާފުތާހިރު ނަމޫނާ ރައްޔިތެއް ދިރިއުޅެމުން އަންނަ ރަށެކެވެ. ރަށަށް އަންނަ ފަތުރުވެރިންނަށް ކަމޭހިތުމުގެ އިތުރުން، އެއް ރައްޔިތަކު އަނެއް ރައްޔިތެއްގެ މަދަދު ފުއްދައިދިނުމުގެ ރީތި އާދަ ފެންނަ މި ރަށަށް ދެވިފައިވާ އިނގިރޭސި އަކުރާއި ނަންބަރަކީ އޭ-9 އެވެ. ރަށުގެ އާބާދީ 920 އަށް އެރިޔަސް، ދިރިއުޅޭ އާބާދީއަކީ 400-500 އެވެ.

ފަތުރުވެރިކަން ރަށަށް އައިސް، މެހުމާނުންގެ މަންޒިލަކަށް ވަށަފަރު ބަދަލުކޮށްލުމުގެ ކުރިން މިރަށް ހާއްސަވީ ތެދުއުއިވަޑާމުގެ މޮޅު ރަށެއްގެ ގޮތުގަ އެވެ. މިހާރު ވެސް އެ މަސައްކަތް ކުރާ އެކި ފުރައިގެ މީހުން ރަށުގައި އެބަ ތިއްބެވެ. އަތޮޅުގެ ނިސްބަތުން، މަސައްކަތަށް ކުޅަދާނަ ޒުވާނުން ވެސް އެބަ ތިއްބެވެ. އެކަމަކު ޒަމާނަށް އައި ބަދަލާއެކު ވަޑާމު މަސައްކަތްކުރާ ގިނަ މީހުން މިހާރު ކުރަނީ ފައިބަރު ވަޑާމުގެ މަސައްކަތެވެ.

ވަށަފަރަކީ ފަތުރުވެރި ރަށެކެވެ. ގެސްޓްހައުސް ވިޔަފާރިން ބޮޑު އާމްދަނީއެއް ހޯދާ މިރަށުގައި މިހާރުވެސް ހަތް ގެސްޓް ހައުސް ހުރެ އެވެ. ރަށުގެ ތުނޑީކޮޅުގައި އަމިއްލަ ފަރާތަކުން ތަރައްގީކުރަމުންދާ ސިޓީ ހޮޓަލެއްގެ މަސައްކަތް ވެސް ކުރިއަށް އެބަދެ އެވެ. މިރަށަށް ލިބިފައިވާ ގުދުރަތީ ރީތިކަމުގެ ސަބަބުން ރަށަށް އަންނަ ފަތުރުވެރިންގެ މެދުގައި ވެސް މަގުބޫލެވެ.

ވަށަފަރީ ހިތްގައިމު ރީތި ރަށެއް. -- ފޮޓޯ: އެފްބީ/ވިޒިޓްވަށަފަރު
ވަށަފަރީ ހިތްގައިމު ރީތި ރަށެއް. -- ފޮޓޯ: އެފްބީ/ވިޒިޓްވަށަފަރު

ވަށަފަރީ ހިތްގައިމު ރީތި ރަށެއް. -- ފޮޓޯ: އެފްބީ/ވިޒިޓްވަށަފަރު

ރަށުގެ އާންމު ހާލަތަށް ބަލާއިރު، ރަށުގައި ފެނާއި ނަރުދަމާގެ ނިޒާމު ގާއިމުކުރެވިފައި ނެތެވެ. މި މަސައްކަތް މިހާރު ކުރިއަށްދާއިރު، ރޯދަމަހުން މަސައްކަތް ހުއްޓާލި ގޮތަށް އަދިވެސް އޮތީ ހުއްޓިފަ އެވެ. އާރްއޯ ޕްލާންޓެއްގެ ގާއިމްކުރުމުގެ މަސައްކަތް ވެސް ފެށި އެވެ. އެކަމަކު އެ މަސައްކަތް ފެށިތާ ދެ އަހަރުވީ އިރުވެސް އަދިވެސް ނުނިމެ އެވެ.

ހައްލު ބޭނުންވާ އެތައް މައްސަލައެއް ވަށަފަރުގައި އެބަ ހުއްޓެވެ. ރަށުގެ އާބާދީ އިތުރުވެ ވިޔަފާރިތައް ގިނަވަމުންދާ ވަރަކަށް އުފެދޭ ބޮޑެތި ކުނި ބުނި ނައްތާލެވޭނެ ގޮތެއް ނެތެވެ. ރަށުގެ އިރުމައްޗާވީ ކޮޅުން ރަށް ގިރުމުގެ މައްސަލަ އަކީ ކުރިމަތިވެފައިވާ ބިރެކެވެ. ބަނދަރުގައި ޖާގަ ނެތިގެން ތޮއްޖެހުމަކީ ވެސް ބޮޑުވެފައިވާ މައްސަލައެކެވެ. މީގެ އިތުރުން، ވިއްސާރަވާ ދުވަސްވަރު ބަނދަރުގައި ފެން ބޮޑުވުމުގެ މައްސަލަ ދިމާވާތީ އާއި އުޅަނދުތައް ގިނަވަމުންދާތީ، ބަނދަރު ބޮޑުކޮށް، މަރާމާތުކުރަންޖެހިފައިވެ އެވެ. މިކަންކަން ސަރުކާރުގެ ސަމާލުކަމަށް ވެސް ވަނީ ގެނެސްފަ އެވެ.

ރަށް ތަރައްގީކޮށް ރީތިކޮށް ބޭއްވުމަށް ކައުންސިލުން ވެސް ގިނަ މަސައްކަތްތަކެއް ކުރެ އެވެ. އެގޮތުން ބަޖެޓު ތަންދޭ ވަރަކުން މިސްކިތްތައް އާބާތުރަފިލުވަ އެވެ. އަންހެނުންގެ ތަރައްގީއަށް މަސައްކަތްކުރާ ކޮމިޓީއާ ގުޅިގެން އުތުރު ފަރާތުގައި ކާބަފައިންގެ ޒަމާން ރަމްޒުކޮށްދޭ ގޮތަށް ޕާކެއް ވެސް ވަނީ ހަދައިފަ އެވެ. ރަށުގައި އޭޓީއެމެއް ގާއިމްކޮށް މިހާރު ވަނީ ހިދުމަތްދޭން ތައްޔާރުވެފަ އެވެ. މީގެ އިތުރުން މަސް މާރުކޭޓެއް ހެދުމަށް ބީއެމްއެލް ކޮމިއުނިޓީ ފަންޑަށް ވެސް ކައުންސިލުން ވަނީ ކުރިމަތިލާފަ އެވެ.

ވަށަފަރުގެ ތާރީހީ ކަންކަމަށް ބަލާއިރު އިހުގައި މި ރަށުގެ އަތިރިމަތީގައި ރަށުގެ އެއްކޮޅުން އަނެއްކޮޅަށް ރާނާފައި ހުރި ފާރެއް ހުއްޓެވެ. 100 އަހަރަށްވުރެ ގިނަ ދުވަސް މިހާރު އެ ފާރަށް ވެފައިވާއިރު ފާރުގެ ބޮޑު ބައެއް މިހާރު ފެންނާކަށް ނެތެވެ. މީގެއިތުރުން، ހިރިގަލުން ހަދާފައި ހުރި 130 އަހަރުވީ 'މަސްޖިދުލް ތަކުރުފާނު' މިސްކިތް ނުވަތަ ވަށަފަރު ބާ ހުކުރު މިސްކިތް ފާހަގަކޮށްލެވޭ ތަރިކަ އެކެވެ.

ރަށުގެ އެއް ލޭންޑްމާކަކީ މިރަށުގެ ބޮޑު ނިކަގަހެވެ. 100 އަށްވުރެ ގިނަ އަހަރުވީ މި ނިކަގަސް މިހާރު ވަނީ ހިމާޔަތްކޮށްފަ އެވެ.

ވަށަފަރަކީ ބޭރުގެ ފަތުރުވެރިންގެ އިތުރުން ގިނަ އަދަދަކަށް ދިވެހިން ވެސް ޗުއްޓީ ހޭދަކޮށްލުމަށް ދާ ރަށެކެވެ. ކުޅުދުއްފުށި ފަދަ ރަށްރަށުން ވެސް ބަންދުދުވަސްތަކާ ދިމާކޮށް އައިސް މީހުން ދިރިނޫޅޭ ގޭގޭގައި ކައްކާ ކައި، ޕިކްނިކް ކޮށް ހަދަ އެވެ. މެހުމާނުންގެ ރަށަކަށް މި ރަށް ވަނީ މިފަދަ އެތައް ސަބަބަކާ ހެދި އެވެ.

މި ހިތްގައިމުކަމުކަމުގެ ތެރެއަށް ގެނބިލައި، މި ނަމޫނާ މެހުމާންދާރީއެއްގެ ޝަރަފު ހޯދަން ބޮޑު އީދުގައި ވެސް ވަށަފަރަށް ދާންވީ އެވެ.

titledesc

ކޮމެންޓް

ފަހުގެ ޚަބަރު

ދުނިޔެ ވަށާ ހިނގުމުގައި 28 އަހަރު ހޭދަކުރި މީހެއް އެނބުރި ގެއަށް

ދުނިޔެ ވަށައި ހިނގުމަށް 28 އަހަރު ދުވަހު 31،000 މޭލުގެ ދަތުރެއް ކުރި އިނގިރޭސިވިލާތުގެ ކާލް ބުޝްބީ، އޭނާގެ ދަތުރު ނިންމާލުމަށްފަހު އެނބުރި ގައުމަށް ގޮސްފިއެވެ. އަމިއްލަ ބާރުގައި އެކި ބައްރުތަކާއި ކަނޑުއޮޅިތައް ހުރަސްކޮށް އޭނާ ކުރި މި ދަތުރު ނިންމާލުމުން، އާއިލާ އާއި ގިނަ އަދަދެއްގެ ބަޔަކު ވަނީ އޭނާއަށް ހޫނު މަރުހަބާއެއް ކިޔާފައެވެ.

ޖަޕާނުގެ ބޮޑީބިލްޑަރެއް އުމުރުން 90 އަހަރުގައި ވެސް ސްޓޭޖަށް

ޖަޕާނުގެ އުމުރުން 90 އަހަރުގެ ޓޮޝިސުކޭ ކަނަޒާވާ، ސްޕެއިންގައި ބޭއްވި ބޮޑީބިލްޑިން މުބާރާތެއްގައި ވާދަކޮށް، އުމުރަކީ ދުޅަހެޔޮކަމަށް އޮތް ހުރަހެއް ނޫންކަން ސާބިތުކޮށްދީފިއެވެ. އޭނާގެ ދުޅަހެޔޮކަމުގެ ސިއްރަކީ ޖަޕާނުގެ ސަގާފީ ކެއުންތައް ކަމަށްވާ ބްރައުން ރައިސް އާއި މިސޯ ސޫޕް ފަދަ ތަކެތި ބޭނުންކުރުން ކަމަށްވާއިރު، އޭނާގެ އަމާޒަކީ އުމުރުން 93 އަހަރުގައިވެސް މުބާރާތެއްގައި ވާދަކުރުމެވެ.

ކުދިކުދި ހަރަކާތްތަކުން ވެސް ހިތުގެ ބަލިތަކުގެ ނުރައްކާ ކުޑަވޭ

ދިރިއުޅުމުގެ އާދައިގެ ތެރެއިން ކުރެވޭ ކުދިކުދި ހަރަކާތްތަކުގެ ސަބަބުން ހިތުގެ ބަލިތައް ޖެހުމުގެ ފުރުސަތު ކުޑަވެ، ސިއްހީ ގިނަ ފައިދާތަކެއް ލިބެއެވެ. މީގެ ތެރޭގައި އިށީނދެގެން އިންނައިރު ފައި ތަޅުވާލުމާއި، ކޮނޑު އަރުވާލުން ފަދަ "ނީޓް" ހަރަކާތްތައް ހިމެނޭއިރު، މިއީ ކަސްރަތު ކުރަން ވަގުތު ނުލިބޭ މީހުންނަށް ހަށިގަނޑުގެ ދުޅަހެޔޮކަން އިތުރުކުރުމަށް ލިބޭ މުހިންމު ފުރުސަތެކެވެ.

"ކީއްވެ؟" ޓިކެޓް ވިއްކަން ފަށައިފި

ދިވެހި ފިލްމު "ކީއްވެ؟" ގެ ޓްރެއިލަރ އާންމުކޮށް، އޮލިމްޕަސް ކައުންޓަރާއި ވެބްސައިޓް މެދުވެރިކޮށް ފިލްމުގެ ޓިކެޓް ވިއްކަން މިހާރު ވަނީ ފަށާފައެވެ. ގިނަ ދުވަސްތަކަކަށްފަހު ރީކޯ މޫސާ މަނިކު ލީޑް ރޯލުން ފެންނަ، އީސާ ޝަރީފް ޑައިރެކްޓްކޮށްފައިވާ މި ފިލްމު ޕްރިމިއަރ ކުރުމަށް ހަމަޖެހިފައިވަނީ އަންނަ ނޮވެމްބަރު މަހުގެ 25 ވަނަ ދުވަހުއެވެ. އާއިލީ އަދި ލޯބީގެ މައްސަލަތަކެއްގެ މައްޗަށް ބިނާކޮށްފައިވާ މި ފިލްމުން ދިވެހި ސިނަމާގެ މަޝްހޫރު ގިނަ ތަރިންތަކެއް ފެނިގެންދާނެއެވެ.

ޕެޓްރިކް ސްޓެވާޓް އުމުރުން 86 އަހަރުގައި މަރުވެއްޖެ

'ސްޓާ ޓްރެކް' އަދި 'އެކްސް-މެން' ފަދަ ފިލްމުތަކުން މަގުބޫލުކަން ހޯދި އިނގިރޭސި އެކްޓަރު ސަރ ޕެޓްރިކް ސްޓެވާޓް، އުމުރުން 86 އަހަރުގައި ލޮސް އެންޖެލިސްގައި މަރުވެއްޖެއެވެ. އޭނާ ނިޔާވީ އަލްޒައިމާ އަދި ޑިމެންޝިއާ ބަލީގައި އުޅުމަށްފަހު ކަމަށްވާއިރު، އޭނާއަކީ ފިލްމީ ދާއިރާއަށް ކޮށްދިން ޚިދުމަތްތަކަށް "ސަރ" ގެ ލަގަބުވެސް އަރުވާފައިވާ ފަންނާނެކެވެ.

ހޭޑަން ޕެނެޓިއޭ މަރުވީ މަސްތުވާތަކެތި އޯވަޑޯޒްވެގެން

އެމެރިކާގެ މަޝްހޫރު އެކްޓްރެސް ހޭޑަން ޕެނެޓިއޭ މަރުވީ މަސްތުވާތަކެތި އޯވަޑޯޒްވެގެން ކަމަށް ފުލުހުންގެ ތަހުގީގުން ކަނޑައަޅައިފިއެވެ. މެޑިކަލް ރިޕޯޓުތަކުން ދައްކާގޮތުގައި އޭނާގެ ހަށިގަނޑުން ފެންޓަނީލް އާއި ޒެނެކްސް ފަދަ ނުރައްކާތެރި ބާވަތްތައް ފެނިފައިވާއިރު، އޭނާގެ ހަށިގަނޑަށް އެއްވެސް ޖިސްމާނީ އަނިޔާއެއް ލިބިފައިވާކަމުގެ ނިޝާނެއް ފެންނާކަށް ނެތެވެ.

ޖޯޖް މައިކަލްގެ ތަކެތި ނީލަން ކިޔުމުން ހިޔާލު ތަފާތުވެއްޖެ

މަޝްހޫރު ލަވަކިޔުންތެރިޔާ ޖޯޖް މައިކަލްގެ ބައެއް އަމިއްލަ ތަކެތި ނީލަން ކިޔަން ނިންމުމާ ގުޅިގެން، އޭނާގެ އެސިސްޓެންޓް ސިއޯބާން ބެއިލީގެ އާއިލާއާއި ސިއޯބާންގެ ކުރީގެ ފިރިމީހާއާ ދެމެދު ބޮޑު ހިޔާލުތަފާތުވުމެއް ވަނީ އުފެދިފައެވެ. ސިއޯބާންގެ އާއިލާއިން ބުނާ ގޮތުގައި މި ތަކެތި ވިއްކާލުމަކީ އޭނާގެ ހަނދާނަށް ކުރެވޭ އިހުތިރާމް ކުޑަ އަމަލެއް ކަމަށާއި، ސިއޯބާން ބޭނުންވީ އެ ތަކެތި އާއިލާގެ ކުދިންނަށް ދިނުމަށެވެ.

Newsletter

Get the latest news delivered straight to your inbox