މި ވަގުތު ހުރިހާ ފޯކަސް އެއް ހުރީ މާޒިޔާ އަށް: އައިސަމް

ދިވެހި ޕްރިމިއާ ލީގުގެ މެޗެއްގައި ގޯލު ޖެހުމަށް ފަހު އައިސަމް އުފާފާޅުކުރަނީ.-- ފޮޓޯ: އެފްއޭއެމް

ދިވެހި ޕްރިމިއާ ލީގުގެ މެޗެއްގައި ގޯލު ޖެހުމަށް ފަހު އައިސަމް އުފާފާޅުކުރަނީ.-- ފޮޓޯ: އެފްއޭއެމް

އޭޝިއަން ކަޕްގެ ކޮލިފައިން ގްރޫޕް ސްޓޭޖުގެ މެޗުތަކާ ބެހޭގޮތުން ވިސްނާނީ ފަހުން ކަމަށާއި މި ވަގުތު ހުރިހާ ފޯކަސް އެއް އޮތީ މާޒިޔާ ސްޕޯޓްސް އެންޑް ރެކްރިއޭޝަނާ އެކު މި ފަހަރުގެ އޭއެފްސީ ކަޕްގެ ބާކީ ދެ މެޗު މޮޅުކޮށްދޭން ކަމަށް އެ ޓީމުގެ މިޑްފީލްޑަރު އިބްރާހިމް އައިސަމް ވަނީ ބުނެފި އެވެ.

އިންޑިއާގެ ކަލްކަތާގައި މިހާރު އޭއެފްސީ ކަޕްގެ ގްރޫޕް ޑީގެ މެޗުތައް ސެންޓްރަލައިޒްކޮށް ކުރިއަށްދާއިރު، މި ގްރޫޕްގައި ހިމެނޭ ރާއްޖޭގެ ޗެމްޕިއަން މާޒިޔާ ޓީމުގައި ގައުމީ ފުޓްބޯޅަ ޓީމު ސްކޮޑުގައި ހިމެނޭ ގިނަ ކުޅުންތެރިންތަކެއް އެބަތިބި އެވެ. މާޗް މަހު ބަންގްލަދޭޝާ ދެކޮޅަށް ކުޅޭ އެކުވެރިކަމުގެ މެޗަށް ނެގި ގައުމީ ސްކޮޑުގައި މާޒިޔާގެ 13 ކުޅުންތެރިން ހިމެނުނެވެ.

އަންނަ މަހު އުޒްބެކިސްތާންގައި ސެންޓްރަލައިޒްކޮށް ކުޅޭ އޭޝިއަން ކަޕްގެ ކޮލިފައިން ގްރޫޕް ސްޓޭޖުގެ މެޗުތަކަށް ގައުމީ ޓީމުގެ މެޗުތަކަށް ޕްރެކްޓިސް ފަށާފައިވާއިރު، މާޒިޔާ ކުޅުންތެރިން ޓީމާ ގުޅޭނީ މި މަހު 26 ގަ އެވެ.

Advertisement

ގައުމީ ކޯޗު އިޓަލީގެ ފްރެންޗެސްކޯ މޮރިއޭރޯ އަންނަނީ އޭއެފްސީ ކަޕްގައި ކުޅޭ ކުޅުންތެރިންގެ ކުޅުމަށް ބަލަމުންނެވެ.

އޭއެފްސީ ކަޕްގައި މާޒިޔާ އިން މާދަމާރޭ އިންޑިއާގެ އައި ލީގުގެ ޗެމްޕިއަން ގޯކުލަމް ކެރަލާއާ ދެކޮޅަށް ކުޅޭ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި އައިސަމް ބުނީ ގައުމީ ޓީމުގެ ކަންކަމަށް ވިސްނާނީ މާޒިޔާގެ އޭއެފްސީ ކަޕް މެޗުތަކަށް ފަހު ކަމަށެވެ.

"މި މެޗުތައް ވަރަށް މުހިންމު އަސްލު، މި ދަނޑިވަޅުގައި ގައުމީ ޓީމުގެ ކަންކަމަށް ނުވިސްނައި ހުރިހާ ވިސްނުމެއް މި އޮތީ މާޒިޔާ އަށް ދެން އޮތް ދެ މެޗުން ކާމިޔާބު ހޯދައިދޭން،" ގައުމީ ޓީމުގެ މިޑްފީލްޑަރު އައިސަމް ބުންޏެވެ.

ނޫސްވެރިންގެ ބައްދަލުވުމުގެ ތެރެއިން އައިސަމް: ގޯކުލަމް ބަލިކުރަން ޕްލޭނެއް އެބައޮތް ކަމަށް ވަނީ ބުނެފައި.

އޭއެފްސީ ކަޕްގައި މި ފަހަރު، މާޒިޔާ ކުޅުނު ފުރަތަމަ މެޗުގައި މިދިޔަ ބުދަ ދުވަހުގެރޭ ވަނީ ބަޝުންދަރާ ކިންގްސް އަތުން 1-0 އިން ބަލިވެފަ އެވެ. މާޒިޔާ ދެ ވަނަ މެޗުގައި ގޯކުލަމް ކެރަލާއާ ކުޅޭއިރު، އައިސަމް ބުނީ ވިސްނުމަކީ ފުރަތަމަ މެޗުގައި ހެދުނު ގޯސްތައް ތަކުރާރުވިޔަ ނުދިނުން ކަމަށެވެ.

"ހުރިހާ ކުޅުންތެރިން ވެސް ވަރަށް ފޯކަސްކޮށް މި ތިބީ، ކުރިން މެޗުގެ ހަނދާން ނައްތާލާފައި ކުރިއަށް އޮތް މެޗު ނަގަން މި ތިބީ. ޓީމު ވެސް މި އޮތީ ކުރިއަށް އޮތް މެޗު ނަގަން އެއްކޮށް ރެޑީވެފައި،" އައިސަމް ބުންޏެވެ.

މާޒިޔާ އިން މާދަމާރޭ ކުޅޭ ގޯކުލަމް ވަނީ ފުރަތަމަ މެޗުން 4-2 އިން އޭޓީކޭ މޯހަން ބަގާން އަތުން މޮޅުވެފަ އެވެ. ގޯކުލަމްގެ ކެޕްޓަނަކީ މާޒިޔާ އަށް 2020 ވަނަ އަހަރު ކުޅުނު އަފްގާނިސްތާންގެ ކުޅުންތެރިޔާ މުހައްމަދު ޝަރީފް އެވެ.

ގޯކުލަމްގެ އެޓޭކްގައި ބައިވެރިވާ ބިދޭސީ ދެ ކުޅުންތެރިން ކަމަށްވާ ގޯކުލަމްގެ ސްލޮވީނިއާ ފޯވާޑް، ލޫކަ މަޖްޝެން އާއި ޖެމެއިކާގެ ފޯވާޑް، ޖޯޑަން ފްލެޗާ ކައުންޓަ އެޓޭކުގައި އޭޓީކޭ ކޮޅަށް ގިނަ ގޯލު ޖަހާފައިވާއިރު، އެ ކުޅުންތެރިން ހުއްޓުވަން ޕްލޭނެއް އެބައޮތްތޯ އެހުމުން އައިސަމް ބުނީ ޓީމު އޮތީ އެކަމަށް ތައްޔާރަށް ކަމަށެވެ.

"(ގޯކުލަމް) ކެރަލާއާ ދެކޮޅަށް ކުޅޭއިރު ވެސް ޕްލޭންތަކެއް އެބަހުރި، ކޯޗު ބުނާގޮތަކަށް އަހަރެމެން ގެޕްތައް ބެއްދުމާ ކަންކަން ރޭވިފައި އޮތީ، ކޯޗު ބުނާގޮތަށް (ޕްލޭނާ އެއްގޮތަށް) ކުޅެން މި ތިބީ،" އައިސަމް ބުންޏެވެ.

މާޒިޔާ އާއި ގޯކުލަމް ކުޅޭ މެޗު ފަށާނީ މާދަމާރޭ ރާއްޖެ ގަޑިން 20:00 ގަ އެވެ.

ކޮންމެ ގްރޫޕަކުން ވެސް އަނެއް ބުރަށްދާނީ އެއް ވަނަ ހޯދާ ޓީމު އެކަންޏެވެ. މި ގްރޫޕްގެ އެއް ވަނަ ޓީމު ދަތުރުކުރާނީ އިންޓަ ޒޯން ޕްލޭއޮފް ސެމީ ފައިނަލަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox