ޔުނައިޓެޑްގެ ކޯޗަކަށް ޓެން ހާގް ހަމަޖައްސަނީ

Apr 6, 2022, 7:23 PM
ޔުނައިޓެޑްގެ ކޯޗަކަށް ގެންނަން މަސައްކަތް ކުރަމުން އަންނަ ޓެން ހާގް.-- ފޮޓޯ: އޭއެފްޕީ

ޔުނައިޓެޑްގެ ކޯޗަކަށް ގެންނަން މަސައްކަތް ކުރަމުން އަންނަ ޓެން ހާގް.-- ފޮޓޯ: އޭއެފްޕީ

މެންޗެސްޓާ (އޭޕްރީލް 6) - މި ސީޒަނަށް ފަހު މެންޗެސްޓާ ޔުނައިޓެޑްގެ ކޯޗުކަމާ ހަވާލުވާން ނެދަލެންޑްސްގެ ގަދަބާރު އަޔަކްސްގައި ހުރި ކޯޗު އެރިކް ޓެން ހާގް އެއްބަސްވުމާ ގާތުގައިވާ ކަމަށް އިނގިރޭސި މީޑިއާ ރިޕޯޓްތައް ބުނެފި އެވެ.

މިދިޔަ ނޮވެމްބަރު މަހު ޔުނައިޓެޑްގެ ކޯޗުކަމުން އޮލެ ގުނަ ސޯލްޝެއާ ވަކިކޮށް، އެ މަގާމަށް ޖަރުމަނުގެ ރަލްފް ރަންގްނިކް ގެނައީ ހަ މަސް ދުވަހުގެ ކޮންޓްރެކްޓެއްގަ އެވެ. ރަންގްނިކް، މި ސީޒަން ނިމުމުން ޔުނައިޓެޑްގެ އެޑްވައިޒަރީ ރޯލަކަށް ބަދަލުވާއިރު، ޓީމާ ހަވާލުވާނެ ކޯޗެއް ކަނޑައެޅުމުގެ މަޝްވަރާތަކުގައި އޭނާ ވެސް ބައިވެރިވެ އެވެ.

ފާއިތުވި ހަފްތާ ތެރޭގައި ޔުނައިޓެޑުން ޓެން ހާގް، 52، އާ މަޝްވަރާތައް ފެށިއިރު، އޭނާ ޔުނައިޓެޑަށް އަންނަން ބޭނުންވާ ޝަރުތުތައް ޔުނައިޓެޑުން އޮޅުންފިލުވި އެވެ.

ޔުނައިޓެޑުން ދެން ވާހަކަ ދެއްކި ކޯޗުންގެ ތެރޭގައި ޕީއެސްޖީގައި ހުރި ކުރިން ޓޮޓެންހަމަށް އިރުޝާދުދިން ކޯޗު މައުރީސިއޯ ޕޮޗެޓީނޯ އާއި ސެވިއްޔާ ގޮވައިގެން ސްޕެނިޝް ލީގުގެ ތިން ވަނައިގައި މި ވަގުތު އޮތް ހުލެން ލޮޕެޓެގީ އަދި ސްޕެއިން ގައުމީ ޓީމުގެ ކޯޗަކަށް ހުރި ލުއިސް އެންރީކޭ ހިމެނެ އެވެ. މި ތިން ކޯޗުންގެ ތެރެއިން ޔުނައިޓެޑުން އެންމެ ގަޔާވާ ކޯޗަކަށްވީ ޓެން ހާގް އެވެ.

2019 ވަނަ އަހަރުގެ ޗެމްޕިއަންސް ލީގުގެ ސެމީ ފައިނަލްގެ ތެެރެއިން ޓެން ހާގް (ކ) އާއި ޕޮޗެޓީނޯ.-- ފޮޓޯ: އޭއެފްޕީ

އިނގިރޭސި މީޑިއާ ރިޕޯޓްތައް ބުނާގޮތުން ޓެން ހާގާ ޔުނައިޓެޑް ކޯޗުކަން ހަވާލުކުރަން ޔުނައިޓެޑްގެ ސީނިއާ މެނޭޖްމަންޓްގެ މެޖޯރިޓީގެ ރުހުން ވަނީ ލިބިފަ އެވެ. އަދި ޓެން ހާގް ވެސް ހުރީ ޔުނައިޓެޑްގެ ހުށަހެޅުން ގަބޫލުކުރާގޮތަށެވެ.

ނެދަލެންޑްސްގެ ނޫސްތަކުން ރިޕޯޓްކޮށްފައިވާ ގޮތުގައި ޓެން ހާގް، އަޔަކްސްއާ އެކު ހަދާފައިވާ ކޮންޓްރެކްޓް އުވާލުމާ މެދު މަޝްވަރާތައް ފަށަން އަޔަކްސްގެ ޗީފް އެގްޒެކްޓިވް، ޔުނައިޓެޑްގެ ކުރީގެ ގޯލްކީޕަރު އެޑްވިން ވެން ޑަ ސާ ވަނީ ނިންމައިފަ އެެވެ.

ޔުނައިޓެޑުން މީގެ ދެ އަހަރު ކުރިން އަޔަކްސްގެ މިޑްފީލްޑަރު ޑޯނީ ވެން ޑަ ބީކް ސޮއިކުރިއިރު، ވެސް ވެން ޑަ ސާ އިސް ރޯލެއް ކުޅުނެވެ. އެހެންކަމުން، ޓެން ހާގް ޔުނައިޓެޑަށް ދާން ނިންމައިފިނަމަ، ވެން ޑަ ސާގެ ރުހުން ލިބޭނެ ކަމަށް ބެލެވެ އެވެ.

ޓެން ހާގް ޔުނައިޓެޑާ ނުގުޅެން ވެސް ބައެއް ފަރާތްތަކުން ވަނީ ލަފާ ދީފަ އެވެ. އޭގެ ތެރޭގައި އެންމެ ފާޅުކަން ބޮޑުގޮތެއްގައި ވާހަކަ ދެއްކީ ކުރިން ޔުނައިޓެޑަށް ކޯޗުކޮށްދިން، އަދި މިހާރު ނެދަލެންޑްސް ގައުމީ ޓީމާ ހަވާލުވެހުރި ލުއީ ވެން ހާލް އެވެ.

ވެން ހާލް ބުނީ ޔުނައިޓެޑަކީ ފުޓްބޯޅަ ކްލަބަކަށް ވުރެ ބޮޑަށް ވިޔަފާރި އުސޫލުން ހިންގާ ކްލަބެއް ކަމަށެވެ. އަދި ޓެން ހާގް ފަދަ ފުޓްބޯޅައިގެ ވިސްނުމުގައި މަސައްކަތްކުރާ ކޯޗަކަށް ޔުނައިޓެޑަކީ ރަނގަޅު ކްލަބަކަށް ނުވާނެ ކަމަށް ވެން ހާލް ވަނީ ބުނެފަ އެވެ.

ޓެން ހާގް އަކީ ކާކު؟

ނެދަލެންޑްސްގެ ގޯ އަހެޑް އީގަލްސް ޓީމުން 2012 ވަނަ އަހަރު ކޯޗިން ކެރިއަރު ފެށި ޓެން ހާގް، އެއް އަހަރު އެ ޓީމުގެ ކޯޗުގެ މަގާމުގައި ހުރުމަށް ފަހު ދެން ދިޔައީ ބަޔާން މިއުނިކްގެ ދެ ވަނަ ޓީމަށް ކޯޗުކޮށްދޭށެެވެ.

މެންޗެސްޓާ ސިޓީގެ ކޯޗު ޕެޕް ގާޑިއޯލާ، ބަޔާން މިއުނިކާ ހަވާލުވެހުރިއިރު، 2013-2015 އަށް ޓެން ހާގް ހުރީ ބަޔާންގެ ދެ ވަނަ ޓީމުގެ ކޯޗަކަށެވެ. ބަޔާންގެ ޔޫތު ޓީމުގައި ހޭދަކުރި ދެ އަހަރަށް ފަހު ޓީމެއްގެ ހެޑް ކޯޗެއްގެ މަގާމުގައި ހުންނަން ބޭނުންވާތީ، ޓެން ހާގް ވަނީ އަލުން ނެދަލެންޑްސް ލީގަށް ބަދަލުވެފަ އެވެ.

އެ ގޮތުން 2013 ވަނަ އަހަރު ނެދަލެންޑްސްގެ ޔޫޓްރެކްޓްގެ ސްޕޯޓިން ޑިރެކްޓަރުގެ މަގާމާއި ހެޑް ކޯޗުގެ ޒިންމާ އެކު އެކީގައި ނަގައި، ޓެން ހާގް ވަނީ އެ ޓީމަށް އެކަށީގެންވާ ކުރިއެރުމެއް ހޯދައިދީފަ އެވެ. ފުރަތަމަ ސީޒަނުގައި ލީގުގެ ފަސް ވަނައިގައި ނިންމިއިރު، ދެ ވަނަ ސީޒަނުގައި ގަދަ ހަތަރަކަށް އަރައި، ޔޫޓްރެކްޓަށް ޔޫރޮޕާ ލީގު ކޮލިފައިން އިން ފުރުސަތު ހޯދައިދިނެވެ.

ޓެން ހާގް، މިހާރު ކޯޗުކޮށްދެމުން އަންނަ އަޔަކްސްއާ ހަވާލުވީ 2017 ވަނަ އަހަރުގެ ޑިސެމްބަރު މަހުގަ އެވެ. އެ ޓީމު ގޮވައިގެން އަހަރުން އަހަރަށް ޓީމެއް އެކުލަވާލައި ކުރި ރަނގަޅު މަސައްކަތުން ޓެން ހާގް ވަނީ 2019 ވަނަ އަހަރު އަޔަކްސް އަށް ޗެމްޕިއަންސް ލީގުގެ ސެމީ ފައިނަލުން ފުރުސަތު ހޯދައިދީފަ އެވެ. ޗެމްޕިިއަންސް ލީގުގެ އެންމެ ކާމިޔާބު ޓީމު ރެއާލް މެޑްރިޑް ކަޓުވާލުމަށް ފަހު އެ ފަހަރު ސެމީން ފުރުސަތު ހޯދި، އަޔަކްސް އަށް ފައިނަލުން ފުރުސަތު ނުލިބުނީ ސެމީގެ ދެ ވަނަ ލެގުގެ ފަހު ވަގުތު ޓޮޓެންހަމުން ލަނޑު ޖެހުމުންނެވެ. އެ ފަހަރު އަޔަކްސް އިން ޗެމްޕިއަންސް ލީގުގެ ސެމީ އަށް ދަތުރުކުރުމަކީ 1997 ވަނަ އަހަރަށް ފަހު އެ ޓީމަށް ޗެމްޕިއަންސް ލީގުގައި އެންމެ ރަނގަޅު ނަތީޖާ އެވެ.

އަޔަކްސް ގޮވައިގެން މި ސީޒަނުގެ ޗެމްޕިއަންސް ލީގުގެ ގްރޫޕް ސްޓޭޖުގެ ހަ މެޗުން މޮޅުވި ނަމަވެސް ގަދަ 16 ޓީމު ވާދަކުރާ ބުރުގައި ހަނި ގޮތަކަށް ބެންފީކާ އަތުން ކެޓީ އެވެ. ޓެން ހާގް ވަނީ އަޔަކްސްއާ އެކު ނެދަލެންޑްސްގެ ލީގާއި ކަޕް ދެ ފަހަރު ހޯދައިފަ އެވެ.

ޓެން ހާގަކީ ޔޫތު ކުޅުންތެރިން ޑިވެލޮޕްކޮށްގެން ގެނެސް ސީިނިއާ ފުޓްބޯޅަ އަށް ނެރެދިނުމުގައި ނަތީޖާ ނެރެފައިވާ ކޯޗެކެވެ. އެ ގޮތުން ޓެން ހާގް އަޔަކްސްގައި ކޮށްފައިވާ މަސައްކަތުގެ ތެރެއިން ސީނިއާ ފުޓްބޯޅަ އަށް ނެރުނު ދެ ކުޅުންތެރިއަކީ ފްރެންކީ ޑި ޔޯން އާއި މަތައިސް ޑި ލިޓް އެވެ.

ޔުނައިޓެޑުން ޓެން ހާގަށް އެންމެ ބޮޑަށް ޝައުގުވެރިވާ ސަބަބަކީ ވެސް ޓީމެއް ޑޮވެލޮޕްކުރުމުގައި އޭނާގެ ވިސްނުން ރަނގަޅުވުމުންނެވެ. އަދި ޓީމެއް ރަނގަޅު މިސްރާބަކަށް ގެންދަން ބޭނުންވާ ކުޅުންތެރިން ހޯދުމުގައި ޓެން ހާގްގެ ރަނގަޅު ސްކައުޓިން ނެޓްވޯކެއް އޮތުމަކީ ވެސް ޔުނައިޓެޑަށް އޮތް ހިތްހަމަ ޖެހުމެކެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox