ބޮލުގެ ރިހުން ފިލުވައިދޭން މިއީ އެހީއެއް!

Dec 3, 2021, 1:47 AM
 ބޮލުގެ ރިހުން ފިލުވައިދޭން މިއީ އެހީއެއް!

ބޮލުގައި ރިއްސާ ކޮންމެ ފަހަރަކު ޕެނެޑޯލް ގުޅައެއް ކެއުމަކީ އަހަރެމެންގެ ތެރޭގައި ހަރުލާފަ އޮތް ނިކަން ނުބައި އާދަ އެކެވެ. ބޭސް ގުޅައަކާއި ހަމައަށް ދިއުމުގެ ކުރިން ބޮލުގައި ރިހޭ ރިހުން ލުއި ކުރުމަށްޓަކައި ކުރެވިދާނެ ބައިވަރު ކަންތައްތައް ހުރެ އެވެ. މި ފާހަގަކޮށްލަނީ މި ކަންކަމުގެ ތެރެއިން އެހާ އާންމު ނޫން, އެހެނަސް ފަސޭހައިން ކުރެވިދާނޭ ބައެއް ކަންތައްތަކެވެ.

އައިސް ޕެކްއެއް ނުވަތަ ހޫނު ކޮމްޕްރެސްއެއް

ބޮލުގައި ރިއްސަނީ މައިގްރެއިން ރިހުމަކުން ކަމުގައިވާނަމަ އައިސް ޕެކެއް ނުވަތަ ގަނޑުފެން ކޮޅެއްވެސް ބޮލުގައި ޖައިސައިގެން ލުއިކަން ހޯދިދާނެ އެވެ. ނުވަތަ އާދައިގެ ވަރަކަށް ފިނިކޮށް ފެންވެރުމަކީ ވެސް މައިގްރެއިން ތަދަށް ލިބޭނޭ ލުއެކެވެ. ގަނޑުފެން ފަދަ ބާވަތެއް ބޭނުންކުރާނަމަ އަޅަން ވާނީ 15 މިނިޓުން 15 މިނިޓުން މަޑުކުރުމަށްފަހު އެވެ.

ބޮލުގައި ރިއްސަނީ ޓެންޝަން ތަދަކުން ކަމުގައިވާ ނަަމަ އެންމެ ރަނގަޅުވާނީ ހޫނު ފެން ނުވަަތަ ހީޓިން ޕެޑެއް ބޭނުންކުރުމެވެ. އަދި އެ ރިހުން ގުޅިފައިވަނީ ސައިނަސްއާ ނަމަ ތަދުވާ ދިމާލެއްގައި ހޫނު ފެންފޮދަކުން ތެތްކުރި ފޮތިކޮޅެއް އަޅައި ބޮޑިތާން ކުރެވިދާނެ އެވެ. އަދި ހޫނު ފެނުން ފެންވަރާލުމަކީ ވެސް ރިހުން ކުޑަވެ ހަށިގަނޑަށް ތާޒާކަން ގެނެސްދޭނޭ ކަމެކެވެ.

Advertisement

ޗުއިންގަމް ނުކާތި

ޗުއިންގަމް ކެއުމަކީ ބޮލުގެ ރިހުމަށްވެސް މަގުފަހިވާ ސަބަބެކެވެ. ޗުއިންގަމް އެކަންޏެއް ނޫނެވެ. އަނގައިން އެ ހަރަކާތް ގެންނަންޖެހޭ އެެހެނިހެން ކަންކަން ކަމުގައިވާ ނިޔަފަތި ކެއުމާ, ތުންފަތުން ހަން ނެއްޓުމާ, ކޮލުގެ އެތެރެ ހެފުމާ, ގަލަން ފަދަ ތަކެތި އަނގަޔަށް ލައިން އުޅުމަކީވެސް ބޮލުގެ ރިހުމަކަށް މަގުފަހިވާނެ ސަބަބުތަކެވެ. ހަމައެޔާއެކު ބޮލުގައި ރިއްސާފައި ހުރި ނަމަ ކުދި ގުޅައާއި, އަތުޖެހި ފަދަ އެކި ޒާތުގެ ހަފާއެއްޗެހި ނުކައި ވޭތޯ މަސައްކަތްކުރަން ޖެހޭނެ އެވެ. ދަތްތައް ނިދީގައި ގޭނޭނަމަ ޑެންޓިސްޓަކަށް ދައްކާ މައުތު ގާޑެއް ބޭނުންކުރުމަށް މަޝްވަރާ ކުރެވިދާނެ އެވެ. ރޭގަނޑު ދަތް ގޭނުމަކީ ހެނދުނު ހެނދުނާ ބޮލުގައި ރިއްސަން މެދުވެރިވާ ސަބަބެކެވެ.

ކުޑަ ކެފެއިން ކޮޅެއް

ބޮލުގައި ރިއްސަން ފަށައިފިނަމަ ވީ އެންމެ އަަވަހަށް ކުޑަ ކެފެއިން ކޮޅެއް ހަށިގަނޑަށް ފޯރުކޮށްދިނުމަކީ ވަރަށް ބޮޑު ލުއެއް ލިއްބައިދޭނޭ ކަމެކެވެ. މިގޮތުން ހޫނު ސައި ތަށްޓެއް ނުވަތަ ކޮފީއެއް ބޯލެވިދާނެ އެވެ. އެހެން ނަމަވެސް އެހާ ގިނައިން ކެފެއިން އެކުލެވޭ މާއްދާއެއް ބޭނުންކޮށްފިނަމަ ކެފެއިން ވިތުޑްރޯވަލްގެ ސަބަބުން އަދި އެހެން ބާވަތެއްގެ ބޮލުގެ ރިހުމެއް ދިމާވެދާނެ އެވެ.

ރިލެކްސޭޝަން

ސްޓްރެޗިން, ޔޯގާ, މެޑިޓޭޝަން ނުވަތަ ޕްރޮގްރެސިވް މަސަލް ރިލެކްސޭޝަން ފަދަ ކަންކަމަކީ ބޮލުގެ ރިހުން ލުއިކޮށް މީހާ ހަމަޖެހިލުމަށްޓަކައި އަމިއްލަ އަށް ގޭގައި ކުރެވިދާނެ ކަންކަމެވެ. މިފަދަ އުކުޅެއް އަމިއްލަ އަށް ބޭނުންކުރާ ނަމަ ބޮލުގައި ރިއްސަމުންދާ ވަގުތުގައިވެސް އެ ތަދު ކޮންޓްރޯލް ކުރުމަށް އެހީ ވެދޭނެ އެވެ. ހަމައެޔާއެކު ބޯ މޮޑެ, މަސާޖު ކުރުމަކީވެސް ތަދު ލުއިކުރުމަށް ބޭސް ބޭނުންކުރުމުގެ ކުރިން ކުރެވިދާނެ ކަމެކެވެ.

އިނގުރު

ދާދި ފަހުން ހެދި ދިރާސާއަކުން އެނގޭ ގޮތުގައި އެމެޖެންސީގައި ފަރުވާދޭން ޖެހުނު ގިނަ އަދަދެއްގެ މައިގްރޭން ޕޭޝަންޓުންނަށް ބޭހާއެކު އިނގުރުކޮޅެއް ދިނުމުން ވަރަށް ބޮޑު ލުއެއް ލިބުނެވެ. އެހެން ދިރާސާއަކުން އެނގޭގޮތުގައި އިނގުރަކީ އާންމު ތަދު ކަނޑުވާ ބޭސްތަކާއި އެއްވަރަށް ރިހުން ކުޑަކޮށްދޭން އެހީވާ ބާވަތެކެވެ. މިފަދައިން އިނގުރު ބޭނުންކުރުމަށްޓަކައި ސަަޔަށް އަޅައިގެން ނުވަތަ އިނގުރުގެ ސަޕްލިމެންޓެއްވެސް ބޭނުންކުރެވިދާނެ އެވެ.

ބޮލުގެ ރިހުން ހުއްޓުވުމާށް ބޭސް ބޭނުންކުރުމުގައި ސަމާލުވެލަންވީ ކަންކަން

  • ބޭސް ބޭނުންކުރަންވީ މިންވަރާއި ގޮތް އޮޅުންފިލުވުމަށް ބޭސް ކާޑު ނުވަތަ ފުޅީގައި ދީފައިވާ އިރުޝާދުތައް ކިޔާލުން
  • ގުަޅަ ބޭހަށްވުރެ ދިޔާ ބޭހަށް އިސްކަންދިނުން. ހަށިގަނޑަށް ދިޔާ ބޭސް އެބްސޯބް ކުރެވޭވަރު އަވަސްވާނެ
  • އުމުރުން 18 އަހަރު ނުވާނަމަ އެސްޕިރިން ބޭނުން ނުކުރުން
  • ތަދުވާން ފަށާތާ ކައިރީގައި ބޭސް ބޭނުންކުރުން. އޭރުން ބޭނުންކުރަންޖެހޭ ޑޯސޭޖް މަދުވޭ
  • ކެތްނުވާވަރަށް ރިއްސާނަމަ ޑޮކްޓަރެއްގެ ލަފާ ހޯދުން

މި ނޫނަސް ގިނަގިން ފެންބޮއެ އަބަދުވެސް ހައިޑްރޭޓްވެފައި ތިބުމަކީ ބޮލުގެ ރިހުންފަދަ އާންމު ކުދި މައްސަލަތަކުން ރައްކާތެރިވުމަށްޓަކައި ކޮންމެހެންވެސް މުހިންމު ކަމެކެވެ. އަދި ބޮލުގައި ރިހޭނަމަ ސްކްރީންތަކާއި ދުރުވެ, އަނދިރި ތަނެއްގައި މަޑުކޮށްލުމުންވެސް ގިނަބަޔަކަށް ލުއި ލިބެ އެވެ.

ޑޮކްޓަރެއްގެ އިރުޝާދު ހޯދަންވީ ކޮންއިރަކު

  • ބޮލަށް އަނިޔާއެއް ވުމަށްފަހު ބޮލުގައި ރިއްސާނަމަ
  • ބޯ އެނބުރުމާ, ވާހަކަދައްކަން އުނދަގޫވުމާ, ވާނުވާ ނޭނގުން ފަދަ ނިއުރޮލޮޖިކަލް އަލާމާތަކާއެކު ބޮލުގައި ރިއްސުން
  • ކުއްލިއަކަށް މާ ބޮޑަށް ރިއްސުން
  • ބޭސް ކެއުމަށްފަހުގައިވެސް އިތުރަށް ބޮލުގެ ރިހުން ގޯސްވުން

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox