ފޭސްބުކް އިން "އަންފްރެންޑު" ކޮށްލަން ވެފައި ތިބީ ކޮން ބައެއް؟

ފޭސްބުކް އިން "އަންފްރެންޑު" ކޮށްލަން ވެފައި ތިބީ ކޮން ބައެއް؟

ފޭސްބުކް ރައްޓެހިންގެ ލިސްޓުގައި މާނައެއް ނެތް ބޭކާރު ކިތައް މީހުން އެބަތިބި ހެއްޔެވެ؟ މިއަދަކީ އެފަދަ ބޭކާރު މީހުންނާއި 'ކަންބަލަން' ފޭސްބުކްގައި އުޅޭ މީހުން ދިރިއުޅުމުން ބޭރުކޮށްލައި ހިތްހަމަޖައްސާލަން އެންމެ ރަނގަޅު ދުވަހެކެވެ. ހިތަށް ނުތަނަވަސްކަން ދޭ މީހުންނާއި ބޭކާރު ހަނދާންތައް އާކޮށްދޭ މީހުންގެ ފަރާތުން ފަސޭހައިން މިންޖުވެވެން އޮންނަ އިރު އެކަން ނުކުރަންވީ ސަބަބެއް ނެތެވެ.

އެކަމަކު އިންޓަނެޓްގައި ބަދަހި ކުރާ ގުޅުންތައް އާންމު ދިރިއުޅުމާ ވެސް ގިނަ ފަހަރަށް ގުޅިފައި އޮންނަ އިރު، އަމުދުން އަހަރެމެން މި އުޅޭ ކަހަލަ ގެތި، ފިތިފައި އޮތް ކުޑަ އާބާދީއެއްގެ ތެރޭގައި އުޅޭ އިރު މީހުން 'އަންފްރެންޑު' ކުރުމަކީ ފަސޭހަ ކަމަކަށް ނުވެދާނެ އެވެ. އެއީ، ކޮންމެވެސް ވަރަކަށް އެކަމާ މެދު ވިސްނަން މަޖުބޫރުވާ، ނުވަތަ ޖަޒުބާތުގައި ޖެހި ސިކުނޑި ހާސްވާ ވަރުގެ ކަމަކަށް ވެސް އެކަން ވެދާނެ އެވެ.

އެހެންވީމަ، ފޭސްބުކް ރައްޓެހިންގެ ލިސްޓުން ނެރެލާނެ މީހުން ކަނޑައަޅާނީ ކިހިނަކުން ހެއްޔެވެ؟ ނުވަތަ މީހުން އަންފްރެންޑް ކޮށްލަން ބޭނުންވެ، އެ ހިއްވަރު ނުލިބިގެން އުޅޭނަމަ ހަދާނީ ކިހިނަކުން ހެއްޔެވެ؟

Advertisement

ފުރަތަމަ އަހަރެން

ހަމައެކަނި ފޭސްބުކް ގައި އުޅޭ ބޭކާރު ރައްޓެހިން ބޭރުކުރާއިރު އެކަންޏެއް ނޫނެވެ. ޓޮކްސިކް ގުޅުންތަކުން ދުރު ވުމަށާއި ކުރިއެރުމަށް ޖާގަ ނުލިބޭ ހާލަތުތަކުން އަރައިގަތުމަށް ވެސް މިއީ ގެންގުޅުން ރަނގަޅު 'އެޓިޓިއުޑް' އެކެވެ. ފުރަތަމަ ސަލާމަތްކުރަންވީ، އިސްކަމެއް ދޭންވީ އަމިއްލަ ނަފްސަށެވެ. އަމިއްލަ ނަފްސާނީ ދުޅަހެޔޮ ކަމާއި ހަމަޖެހުމަށެވެ.

ފޭސްބުކް ގައި މި އެޓިޓިއުޑް ގެންގުޅެވިދާނެ ގޮތެކެވެ. އެކި ކަހަލަ މީހުންނާ ގުޅުން ބަދަހިކުރާ އިރު 'ބައުންޑަރީ' ސެޓް ކުރެވިދާނެ އެވެ. މިސާލަކަށް މެސެޖު ކުރާ މީހެއްގެ ގާތުގައި މެސެޖު ނުކުރަން ބުނެވިދާނެ އެވެ. ނުވަތަ ޕޯސްޓު ތަކުގައި ޓެގު ނުކުރަން ބުނެވިދާނެ އެވެ. އޭގެ ފަހުން ވެސް އެކަންކަން ތަކުރާރު ކުރާނަމަ އަންފްރެންޑު ކޮށްލަންވީ އެވެ.

ބާއްވާނީ ހަމަހަމަ ގުޅުން އެކަނި

އާއިލާ ވިޔަސް، ރައްޓެއްސަކު ވިޔަސް، އަދި ދަންނަ މީހަކު ވިޔަސް، އެމީހަކު ޝެއާކުރާ ޕޯސްޓު ތަކާއި ދައްކާ ވާހަކަތަކުން ހިތަށް ނުތަނަވަސްކަން ލިބޭނަމަ ވާހަކަ ދައްކައިގެން ހައްލުކުރަން މަސައްކަތް ކުރެވިދާނެ އެވެ. އެކަމަކު އެފަދަ ވާހަކަ އަކުން ކުރި ނާރައި އިތުރު ޒުވާބަކަށް ދާނަމަ އަންފްރެންޑު ކޮށްލަންވީ ވަގުތު ޖެހުނީ އެވެ. އެއީ ބޭކާރު ސްޓްރެސް އެވެ. ރައްޓެހި ކަމާއި، އެކަކު އަނެކަކުގެ އިހުސާސްތަކަށް ގަދަރުކުރުމަކީ ސޯޝަލް މީޑިއާގައި ވެސް ގެންގުޅެންޖެހޭ އަހުލާގެކެވެ. އެ އަހުލާގު ނުހިފަހައްޓާނަމަ އެއީ ވާޗުއަލް ދުނިޔެ އެއްގައި ވެސް ބާއްވަން ދުޅަހެޔޮ ގުޅުމަކަށް ނުވާނެ އެވެ.

އަހަރެންގެ އަގު ވައްޓާލަން މީހަކަށް ފުރުސަތު ނުދޭނަން

ލިޔާ ޕޯސްޓު ތަކާއި ދައްކާ ވާހަކައިގައި ތިމާގެ އަގު ވެއްޓޭ ގޮތަށް ނުވަތަ އެހެންމީހުންގެ ފާޑު ކިޔުން އަމާޒުވާ ގޮތަށް ކަންތައްތައް ކުރާ މީހަކު އިތުރަށް ބަރުދާސްތު ކުރުމުގެ ބޭނުމެއް ނެތެވެ. އޭގެ މާނައަކީ ވަގުތުން އެމީހަކު 'ބްލޮކް' ކޮށްލުމެއް ވެސް ނޫނެވެ. އެކަމަކު ތިމާގެ ވެސް އަބުރެއް އޮތްކަން ބުނެދޭން ކޮންމެވެސް ކަހަލަ ފިޔަވަޅެއް އަޅަން ވާނެ އެވެ. ރީތި ގޮތުގައި ދެމީހުންގެ މެދުގައި ވަކިން ވާހަކަ ދައްކައިގެން ހައްލު ނުވާ ނަމަ އިތުރަށް ރައްޓެހިންގެ ލިސްޓުގައި ތިބުމުގެ ބޭނުމެއް ނެތެވެ.

އެހެން ނޫނަސް، ސޯޝަލް މީޑިއާގައި ނަގާ މިފަދަ ފިޔަވަޅުތަކަކީ ދާއިމަށް ކުރާ ކަންތައްތަކަކަށް ވާކަށް ނުޖެހެ އެވެ. އަންފްރެންޑް ކުރި މީހަކީ ދަންނަ މީހަކު ނަމަ، އޭނައަށް ބަދަލު އައިސްފިކަން އަބަދުވެސް އެނގޭނެ ގޮތް ގޮތް ހުންނާނެ އެވެ. ނުވަތަ އަންފްރެންޑް ކޮށްލަން ޖެހުނީ ވަކި މައްސަލައެއް ޖެހިގެން ހައްލު ނުވެގެން ކަމަށް ވާނަމަ ފަހުން އެ ވާހަކައެއް ހައްލުވުމުން އަލުން ރައްޓެހިކަން ބަދަހިކުރަން ވެސް މަސައްކަތްކުރެވިދާނެ އެވެ. މިކަން ކޮންމެ ގޮތަކަށް އޮތަސް، ފުރަތަމަ މުހިއްމީ ތިމާގެ އަމިއްލަ ނަފްސާނީ ދުޅަހެޔޮ ކަމެވެ. ނަފްސުގެ ހިތްހަމަޖެހުމެވެ. ކައިރީގައި ބައިތިއްބަންވީ ނަފްސަށް ހަމަޖެހުމާއި ތަރައްގީ ގެންނަން ހިތްވަރުދޭ މީހުންނެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox