ދަރިފުޅު ޝެއާ ނުކުރާތީ ތި ހާސްވަނީ މާ އަވަހަށް

ދަރިފުޅު ޝެއާ ނުކުރާތީ ތި ހާސްވަނީ މާ އަވަހަށް

އަހަރެމެންގެ ތެރޭގައި ގިނައީ ދަރިންގެ ކިތަންމެ ކުޑަ ކަމަކާ ވެސް ނިކަން ފަސޭހައިން ހާސްވެ ކަންބޮޑުވާ ބެލެނިވެރިންނެވެ. ވާނީވެސް އެހެންތާ އެވެ. ކުދިންނަކީ ގިނަ ފަހަރަށް އެ މީހުންނަށް ކުރެވޭ ކޮންމެ އިހުސާސެއް ފަސޭހައިން ބޭރުކުރެވޭ ބައެއް ނޫނެވެ. ނުވިތާކަށް ބޭނުންވާ ކޮންމެ ކަމެއް ޅަ އުމުރުގައި ބުނެލުމަކީ ވެސް އެ މައުސޫމު ޅަ ސިކުނޑިތަކަށް ކުޅާދާނަ ކަމެއް ނޫނެވެ.

ޕްރީ ސްކޫލް އުމުރަށް އަޅައި އެހެން ކުދިންނާ އެކީ ކުޅެ އެކި ހަރަކާތްތަކުގައި ބައިވެރިވާ އުމުރުފުރައަަށް ދިއުމުން ދަރިފުޅުގެ އުޅުމުގައި އަހަރެމެން އެންމެ ބޭނުން ނުވާ ބައެއް ކަހަލަ އާދަތަކާއި ސިފަތައް ފެނުމަކީ އެކަށީގެންވާ ކަމެކެވެ. މިގޮތުން އެންމެ ގިނަ ބަޔަކު ކުރާ އެއް ޝަކުވާ އަކީ ކުދިން "ޝެއާ" ކުރަން ބޭނުން ނުވުމެވެ. އެހެން ނަމަވެސް "ތިބާ" ކްލިނިކްގައި ޗައިލްޑް ސައިކޮލޮޖިސްޓެއްގެ ގޮތުގައި މަސައްކަތް ކުރައްވާ އަހުސިފާ ހުސެއިން ބުނާ ގޮތުން ހަ އަރުން ދަށުގެ ކުދިން ޝެއާ ނުކޮށްގެން އުޅުމަކީ ހާސްވާންޖެހޭ ކަމެއް ނޫނެވެ.

"ތިން އަހަރާއި ހަަތަރު އަހަރާ ދެމެދު މިއީ ފުރަތަމަ އެހެން ކުދިންނާ އެކީގައި ކުޅެން ފަށާ އުމުރު. އެ އުމުރުގައި އަސްލު ޝެއާރިންގެ މި ކޮންސެޕްޓެއް އެ ކުދިންނަކަށް ނޭނގޭނެ. އެކަމަކު އުމުރުން ހަ އަހަރާ ގާތްވާއިރު ވެސް ބަދަލެއް ނާންނަ ނަމަ އެބައުޅޭ ކޮންމެވެސް ކަހަލަ މައްސަލަ އެއް،" އަހުސިފާ ބުންޏެވެ.

Advertisement

ޝެއާ ކުރުމަކީ ވަރަށް އާދައިގެ ކަމެކޭ ފަހަރެއްގައި ހީވެދާނެ އެވެ. ނަމަވެސް މިއީ ގޭތެރޭގަ އާއި ސްކޫލް މާހައުލުގައި ވެސް ކުދިންނަށް ދަސްކޮށްދީ އަދި އަމަލީ ގޮތުން ކުރުވުން މުހިންމު ކަމެކެވެ. ޝެއާކުރުމުގެ މި ސިފައަކީ ބޮޑުވެގެން އަންނައިރު، އެހެން ކުދިންނާ ގުޅިގެން އެކުގައި އުޅުމާ, ރަހުމަތްތެރިން ހޯދުމާ އަދި އެ ކުއްޖެއްގެ ފުރުސަތު އަންނަން ދެން މަޑުކުރުން ފަދަ މުހިންމު ކަންކަން ކުއްޖާގެ ކިބައިގައި އަށަގަތުމަށް އެހީވެދޭނެ ކަމެކެވެ. ހަމަ އެޔާއެކު ޅަ އުމުރުގައި މި މުހިންމު ސިފަ ދަސްކޮށްދެވިއްޖެ ނަމަ ދޫ ދިނުމާ, ހަމަހަމަވުމާއި, ނާއުއްމީދުވާ ކަންކަމާ ކުރިމަތިލާން ވެސް ކުއްޖާ އަށް ދަސްކޮށްދޭނެ އެވެ.

ކުޑަކުއްޖަކު ބައްޕައާއި އެކީ ކުޅެނީ--
ކުޑަކުއްޖަކު ބައްޕައާއި އެކީ ކުޅެނީ--

ކުޑަކުއްޖަކު ބައްޕައާއި އެކީ ކުޅެނީ--

ފަށަންވީ "ޓާން ޓޭކް" ކުރަން ދަސްކޮށްދީގެން

ޝެއާކުރަން ދަސްކޮށްދިނުމުގެ ގޮތުން އެންމެ މުހިންމީ ކުދިންނަށް "ޓާން ޓޭކް" ކުރަން ދަސްކޮށްދިނުން ކަމުގައި އަހުސިފާ ބުންޏެވެ. ޝެއާކުރުމުގެ މި ލަފްޒު ބޭނުން ނުކޮށް ކުދިންނާ އެކީގައި ކުޅޭ ވަގުތުތަކުގައި ހަމަހަމައަށް ދެ މީހުންނަށް ވަކި އެއްޗަކާ ކުޅެލުމަށް ވަގުތު ބަހާލައިގެން ދެވިދާނެ އެވެ.

ގިނަ ފަހަރުތަކުގައި ދަރިފުޅު ގެންގުޅޭ އެއްޗެއް އެހެން ކުއްޖަކާ ޝެއާކުރަން ބޭނުން ނުވިއަސް ގަދަކަމުންވެސް އެ އެއްޗެއް ޝެއާ ކުރުމަށް ބެލެނިވެރިންނަށް ބާރު އެޅެ އެވެ. ނަމަވެސް މިއީ ކުއްޖާއަށް ކުރިމަތިވާނެ ވަރަށް ބޮޑު "ޑިސަޕޮއިންޓްމަންޓް" އެއް ކަމަށް އަހުސިފާ ބުންޏެވެ. މިފަދަ ހާލަތްތަކުގައި އެހެން އަމަލު ކުރުމުގެ ބަދަލުގައި ކުއްޖާ އަށް އެ ނިންމުން ނިންމަން ފުރުސަތު ދޭން ޖެހެ އެވެ. އަދި ކުއްޖާ އާއި ވާހަކަ ދައްކާ ޝެއާކުރާ ހިތްވާ އިރަކުން ޝެއާކުރަން ހިތްވަރުދޭން ޖެހެ އެވެ.

"ކުއްޖާއަށް އޮޕްޝަން ދެވިދާނެ މިސާލަކަށް އަނެއް ކުއްޖާ އަތުގައި އޮވެދާނެ ހަމަ މި ކުއްޖާގެ ވަރަށް ފޭވަރިޓް ޓޯއީއެއް. އެހެންވީމަ ބުނެވިދާނެ މިސާލަކަށް ތި ޓޯއީ ޝެއާ ކޮށްފިއްޔާ ލިބިދާނެ އެ ޓޯއީ. އެކަހަލަ ގޮތަކަށް،" ކުދިންނަށް ޝެއާރިންގެ ކޮންސެޕްޓް ދަސްކޮށްދޭންވީ ގޮތް ކިޔައިދެމުން އަހުސިފާ ބުންޏެވެ.

އެހެން ކުދިންނާ ގުޅިގެން އުޅުމަށް ދަސްކޮށްދިނުމަށް ކުރެވިދާނެ ކަންތައްތައް

  • އަބަދުވެސް ރަނގަޅު އަހުލާގު ކުދިންގެ މާހައުލުގައި ދައްކައިދިނުން: ޝެއާކުރަން ކުއްޖާއަށް އުނދަގޫވާހެން ހީވާނަމަ ގޭތެރޭގައި ބޮޑެތި މީހުން އެކަކު އަނެކަކަށް އެއްޗެހި ޝެއާކޮށް, އެހީވެދީ އުޅޭ މާހައުލެއް ކުއްޖާއަށް ދައްކައި ދިނުން
  • ޝެއާކުރަން ކުއްޖާއަށް ފުރުސަތު ދިނުން
  • ޝެއާ ކުރުމުން އެކަމުގެ އަގުވަޒަންކޮށް އުފާވުން
  • ކުދިންނާއި އެކީގައި އެކުދިންގެ ކުޅޭ އެއްޗެހިން ކުޅެ ކޮލިޓީ ވަގުތުކޮޅެއް ހޭދަކުރުން

"އަބަދުވެސް ހަނދާނުގައި ބެހެއްޓުން މުހިންމު ބެލެނިވެރިންނާ ގާތްކޮށް ބޮޑުވާ ކުއްޖަކީ އުފާވެރި ކުއްޖެއް. އެހެންވީމަ ކުދިންނާއި އެކީ ކޮންމެ ދުވަހަކުވެސް އެ ކުދިންގެ ލެވެލް އަށް އައިސް އެ ކުދިންގެ އެއްޗެހިން ކުޅެ އުފާވެރި ވަގުތު ކޮޅެއް ހޭދަ ކުރުން ވަރަށް މުހިންމު. އެ ވަގުތަކީ އަސްލު ވަރަށް ބައިވަރު ސްކިލްސް ކުދިންނަށް ދަސްކޮށްދެވޭ ވަގުތުކޮޅެއް،" އަހުސިފާ ބުންޏެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox