ބާކީ ދެ މެޗު އޮއްވައި ލިވަޕޫލާއި އަޔަކްސް އަނެއް ބުރަށް

Nov 3, 2021, 10:40 PM
ލަނޑު ޖެހުމަށް ފަހު ލިވަޕޫލްގެ ޖޮޓާ އުފާފާޅުކުރަނީ.

ލަނޑު ޖެހުމަށް ފަހު ލިވަޕޫލްގެ ޖޮޓާ އުފާފާޅުކުރަނީ.

ލިވަޕޫލް (ނޮވެމްބަރު 4) - ޔުއެފާ ޗެމްޕިއަންސް ލީގުގައި މިރޭ ކުޅުނު މެޗުތަކުން މޮޅުވެ ސައްތަ އިން ސައްތަ ރެކޯޑަކާ އެކު ބާކީ ދެ މެޗު އޮއްވައި ލިވަޕޫލާއި އަޔަކްސް އިން މުބާރާތުގެ އަނެއް ބުރުގެ ޖާގަ ޔަގީންކޮށްފި އެވެ.

އަމިއްލަ ދަނޑުގައި ލިވަޕޫލުން ވަނީ 2-0 އިން ސްޕެއިނުގެ އެތުލެޓިކޯ މެޑްރިޑް ބަލިކޮށްފަ އެވެ. އަދި ޖަރުމަނުގެ ގަދަބާރު ބޮރޫޝިއާ ޑޯޓްމަންޑް ދަނޑުގައި އަޔަކްސް މޮޅުވީ ފަހަތުން އަރައި 3-1 އިންނެވެ. ލިވަޕޫލާއި އަޔަކްސް ވެސް ގަދަ 16 ޓީމުގެ ބުރުގެ ޖާގަ ޔަގީންކުރީ ގްރޫޕްގެ އެއް ވަނަ ޓީމުގެ ގޮތުގަ އެވެ.

މުބާރާތުގައި އަންގާރަ ދުވަހުގެރޭ ކުޅުނު މެޗުތަކުން މޮޅުވެ ބަޔާން މިއުނިކާއި ޔުވެންޓަސް ވެސް ވަނީ ބާކީ ދެ މެޗު އޮއްވައި އަނެއް ބުރުން ފުރުސަތު ހޯދައިފަ އެވެ.

Advertisement

ލިވަޕޫލްގެ މާނޭ (ކ) އަތުން ބޯޅަ ހޯދަން އެތުލެޓިކޯގެ ފިލީޕޭ މަސައްކަތްކުރަނީ.-- ފޮޓޯ: އޭއެފްޕީ

ލިވަޕޫލްގެ އެންފީލްޑް ސްޓޭޑިއަމްގައި ކުޅުނު މެޗުގައި އެ ޓީމުން ދެ ގޯލު ވެސް ޖެހީ ފުރަތަމަ ހާފުގަ އެވެ. މެޗުގެ 13 ވަނަ މިނިޓްގައި ޑިއޯގޯ ޖޮޓާ ލިވަޕޫލަށް ލީޑުނަގައިދިނީ ޓްރެންޓް އަލެކްސަންޑަ އާނޯލްޑް ނެގި ހުރަހަކުން ބޮލުންނެވެ. އަދި އޭގެ ހަތް މިނިޓް ފަހުން އާނޯލްޑް ޖެހި ބޯޅައެއް ހޯދައި ސަޑިއޯ މާނޭ ވަނީ ލިވަޕޫލަށް ލީޑުފުޅާކޮށްދީފަ އެވެ.

އެތުލެޓިކޯ އަށް މައްސަލަ ދިމާވީ މެޗުގެ 36 ވަނަ މިނިޓްގައި އެ ޓީމުގެ ޑިފެންޑަރު ފިލީޕޭ އަށް ސީދާ ރަތް ކާޑެއް ދެއްކުމުންނެވެ. ކުޅުންތެރިއަކު މަދުކޮށް މެޗުގެ ބޮޑުބައި އެތުލެޓިކޯ އިން ކުޅުނުއިރު، ލިވަޕޫލުން ވަނީ ދެ ވަނަ ހާފުގައި އިތުރު ގޯލެއް ޖަހަން ގިނަ ހަމަލާތަކެއް ފޮނުވާލައިފަ އެވެ.

ލިވަޕޫލްގެ މުހައްމަދު ސަލާހު ޖެހި ބޯޅަ އެތުލެޓިކޯގެ ޔެން އޮބްލަކް މަތަކުރިއިރު، ޖޮއެލް މަޓިޕާއި ވާޖިލް ވެން ޑައިކް ޖެހި ބޯޅަތައް ދިޔައީ ގޯލާ ސީދާނުވެ އެވެ. ޖޮޓާ ޖެހި ގޯލެއް ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ނިންމީ އޮފްސައިޑް ކަމަށެވެ. އަދި އެތުލެޓިކޯގެ ލުއިސް ސުއަރޭޒް ޖެހި ގޯލެއް ވެސް ވަނީ ވީއޭއާރް އިން ކެންސަލްކޮށްފަ އެެވެ.

ގްރޫޕް ބީގެ އެއް ވަނައިގައި ލިވަޕޫލް އޮތީ ހަތަރު މެޗުން 12 ޕޮއިންޓާ އެކު އެވެ. ދެ ވަނައިގައި އޮތީ ހަަތަރު މެޗުން ފަސް ޕޮއިންޓާ އެކު ޕޯޓޯ އެވެ. ޕޯޓޯ މިރޭ ވަނީ އޭސީ މިލާން ދަނޑުގައި 1-1 އިން އެއްވަރުކޮށްފަ އެެވެ. ތިން ވަނައިގައި އެތުލެޓިކޯ އޮތީ ހަތަރު މެޗުން ހަަތަރު ޕޮއިންޓާ އެކު އެވެ. ފުލުގައި އޮތް މިލާނަށް ހަތަރު މެޗުން ލިބުނީ އެއް ޕޮއިންޓެވެ.

އަޔަކްސް ކުޅުންތެރިން މެޗުން މޮޅުވުމުން އުފާފާޅުކުރަނީ.

ޑޯޓްމަންޑުން އަމިއްލަ ދަނޑުގައި ކުޅުނު މެޗު ފަށައިގެން 29 ވަނަ މިނިޓްގައި ވަނީ އެ ޓީމުގެ ޑިފެންޑަރު މެޓް ހަމެލްސް އަށް ރަތް ކާޑެއް ދައްކައިފަ އެވެ. އެކަމަކު، އޭގެ އިރުކޮޅެއް ފަހުން ޕެނަލްޓީ އަކުން މާކޯ ރެއުސް ވަނީ ޑޯޓްމަންޑަށް ލީޑުނަގައިދީފަ އެވެ. އަޔަކްސް މޮޅުވީ ފަހު ވިއްސަކަށް މިނިޓް ތެރޭ ތިން ގޯލު ޖަހައިގެންނެވެ. އެ ޓީމުގެ ގޯލުތައް ޖެހީ ޑޫސާން ޓަޑިޗާއި ސަބެސްޓިއަން އަލެއާ އަދި ޑޭވީ ކްލާސެން އެވެ.

ގްރޫޕް ސީގެ އެއް ވަނައިގައި އަޔަކްސް އޮތީ ހަތަރު މެޗުން 12 ޕޮއިންޓާ އެކު އެވެ. ދެ ވަނައިގައި އޮތީ މިރޭ 4-0 އިން ބެސިކްޓާސް ބަލިކުރި ސްޕޯޓިން ލިޒްބަން އެވެ. ދެ ވަނައިގައި އޮތް ސްޕޯޓިން އާއި ތިން ވަނައިގައި އޮތް ޑޯޓްމަންޑަށް ވެސް ވަނީ ހަތަރު މެޗުން ހަ ޕޮއިންޓް ލިބިފަ އެވެ. އެންމެ ފުލުގައި އޮތް ބެސިކްޓާސަށް އަދި ޕޮއިންޓެއް ނުލިބެ އެވެ.

ގްރޫޕް އޭގައި އާރްބީ ލައިޕްޒިގުން ވަނީ ފަހު ވަގުތު 2-2 އިން ޕީއެސްޖީއާ އެއްވަރުކޮށްފަ އެެވެ. އެ ގްރޫޕްގެ އަނެއް މެޗުން މެންޗެސްޓާ ސިޓީ ވަނީ އަމިއްލަ ދަނޑުގައި ބެލްޖިއަމްގެ ކްލަބް ބްރޫޖެސް 4-1 އިން ބަލިކޮށްފަ އެވެ.

މެޗުގެ އަށް ވަނަ މިނިޓްގައި ކްރިސްޓޮފް އެންކުންކޫ ވަނީ އަންޑްރޭ ސިލްވާ ނެގި ހުރަހަކުން ބޮލުން ގޯލެއް ޖަހައި ލައިޕްޒިގަށް ލީޑުނަގައިދީފަ އެވެ. އޭގެ ހަތަރު މިނިޓް ފަހުން ލައިޕްޒިގުގެ ލީޑުފުޅާކުރަން އަންޑްރޭ ސިލްވާ ޖެހި ޕެނަލްޓީ ޕީއެސްޖީގެ ކީޕަރު ޖިއަންލުއީޖީ ޑޮންނަރުންމާ ވަނީ މަތަކޮށްފަ އެެވެ.

ޕީއެސްޖީގެ ވައިނަލްޑަމް ލަނޑު ޖެހުމަށް ފަހު އުފާފާޅުކުރަނީ.-- ފޮޓޯ: އޭއެފްޕީ

ފުރަތަމަ ހާފު ނިމުމުގެ ކުރިން ޖިއޮޖީނިއޯ ވައިނަލްޑަމް ދެ ގޯލު ޖަހައި ވަނީ ޕީއެސްޖީ ކޮޅަށް ނަތީޖާ އަނބުރާލައިފަ އެވެ. އެކަމަކު، މެޗު ނިމެން ދެ މިނިޓަށް ވެފައި ވަނިކޮށް ޕީއެސްޖީގެ ޕްރެސްނެލް ކިމްޕެމްބޭ ކުރި ފައުލަކަށް ދިން ޕެނަލްޓީ ކާމިޔާބުކޮށް ޑޮމިނިކް ސޮބޯސްލާއި ވަނީ ލައިޕްޒިގަށް ނަތީޖާ ހަމަހަމަކޮށްދީފަ އެވެ.

ސިޓީ ދަނޑުގައި ފިލް ފޯޑެން އެ ޓީމަށް 15 ވަނަ މިނިޓްގައި ލީޑުނަގައިދީފައި ވަނިކޮށް އޭގެ ދެ މިނިޓް ފަހުން ބްރޫޖެސް އިން ނަތީޖާ ހަމަހަމަކުރީ ސިޓީގެ ޑިފެންޑަރު ޖޯން ސްޓޯންސް އަތުން ބައިކޮޅަށް ވަން ގޯލުންނެވެ. ސިޓީ މޮޅުވި ގޯލުތައް ޖެހީ ދެ ވަނަ ހާފުގަ އެވެ. މި ގޯލުތައް ކާމިޔާބުކުރީ ރިޔާދު މާރޭޒާއި ރަހީމް ސްޓާލިން އަދި ގަބްރިއެލް ޖީސޫސް އެވެ.

މި މޮޅާ އެކު ސިޓީ ވަނީ ގްރޫޕް އޭގެ އެއް ވަަނަ އަށް ޖެހިލައިފަ އެވެ. އެއީ ހަތަރު މެޗުން ނުވަ ޕޮއިންޓް ހޯދައިގެންނެވެ. ޕީއެސްޖީ ދެ ވަނައިގައި އޮތީ ހަތަރު މެޗުން އަށް ޕޮއިންޓާ އެކު އެެވެ. ތިން ވަނައިގައި ބްރޫޖެސް އޮތީ ހަތަރު މެޗުން ހަތަރު ޕޮއިންޓާ އެކު އެވެ. އެންމެ ފުލުގައި އޮތް ލައިޕްޒިގަށް ހަތަރު މެޗުން ލިބުނީ އެއް ޕޮއިންޓެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox