ފޭސްބުކް ކުންފުނީގެ ނަން "މެޓާ" އަށް

Oct 29, 2021, 2:13 AM
މާކް ޒުކަބާގް -- ފޮޓޯ:އެންޕީއާރް

މާކް ޒުކަބާގް -- ފޮޓޯ:އެންޕީއާރް

ފޭސްބުކް ކުންފުނީގެ ނަން ބަދަލުކުރަނީ "މެޓާ" އަށް ކަމަށް އެ ކުންފުނީގެ ބާނީ އަދި ސީއީއޯ މާކް ޒުކަބާގް ބުރާސްފަތި ދުވަހު ހާމަކޮށްފި އެވެ.

ދުނިޔޭގެ އެންމެ ބޮޑު ސޯޝަލް މީޑިއާ ޕްލެޓްފޯމް، ފޭސްބުކްގެ މައި ކުންފުނި ރީބްރޭންޑް ކުރަން ނިންމީ އެ ކުންފުނީގެ އެކި ޕްލެޓްފޯމްތަކުން ކުރިމަތިވާ ނުރައްކާތަކާ ގުޅޭ ގިނަ އަދަދެއްގެ ލިޔެކިޔުންތަކެއް ލީކުކޮށްފައިވާ ދަނޑިވަޅެއްގަ އެވެ. 

މައި ކުންފުނީގެ ނަން ބަދަލުކުރި ނަމަވެސް، އެ ކުންފުނީގެ ދަށުން ހިންގާ ފޭސްބުކް، އިންސްޓަގްރާމް، ވަޓްސްއަޕް އެ ނަމުގައި ކުރިއަށް ގެންދާނެ އެވެ.

Advertisement

ފޭސްބުކް ކުންފުނީގެ ނަން ބަދަލުކުރުމުގެ އިތުރުން، ޑިސެންބަރު 1 ގެ ފަހުން ހިއްސާގެ ބާޒާރުގައި ލިސްޓްކޮށްފައިވާ ނަން "އެމްވީއާރްއެސް" އަށް ބަދަލުކޮށް، ބޭނުން ކުރަން ފަށާނެ ކަމަށް ވެސް ވަނީ ހާމަކޮށްފަ އެވެ.

ޒުކަބާގް ބުނާ ގޮތުގައި މި ބަދަލަކީ ހަލުއިކަމާއެކު ބަދަލުވެ، ތަރައްގީވަމުންދާ ދުނިޔެއެއްގައި، ކުންފުނީގެ ކުރިމަގަށްޓަކައި އެޅި ފިޔަވަޅެކެވެ.

ފޭސްބުކްގެ ނަމާއެކު ގިނަބަޔަކަށް އެއީ ސޯޝަލް މީޑިއާ ކުންފުންޏެއް ކަމުގައި ހީވެފައި އޮތަސް އެއީ ޓެކްނޮލޮޖީ ފައްކާކޮށް, އެކަކު އަނެކަކާ ގުޅުވާލަދޭ ބައެއް ކަމަށް ޒުކަބާގް ބުންޏެވެ. ޒުކަބާގްގެ މިހާރުގެ އަމާޒަކީ "މެޓަވާސް" ނުވަތަ ކޮންމެ މީހަކަށް ވެސް ޑިޖިޓަލް ދުނިޔެއެއް ތަރައްގީ ކޮށްދިނުމެވެ.

"މެޓާ"ގެ ނަމާއެކު ކުންފުނީގެ އާ އަމާޒު ދައްކުވައިދޭ ކޮންސެޕްޓް ވީޑިއޯތަކެއް ފޭސްބުކްގައި ދައްކާލަދީފަ އެވެ. ވާޗުއަލް ދުނިޔޭގެ ޗަރުކޭސްތައް ފެންނަ މި ވީޑިއޯތަކުން، ވާޗުއަލް ބައްދަލުވުމެއްގައި ތިބެ ރައްޓެއްސަކާއެކު ކޮންސެޓެއްގައި ބައިވެރިވާ މަންޒަރުގެ ހޮލޮގްރޮފިކް އިމޭޖުތަކެއް ވެސް ފެނެ އެވެ. އަދި ވާޗްއަލް މާހައުލެއްގައި މުއާމަލާތްކޮށް ވީއާރުން ގޭމް ކުޅުން ފަދަ ކަންކަން ކުރިއަށް އޮތްތަނުގައި ތަރައްގީ ކުރާނެ ކަމަށް ވަނީ ހާމަ ކޮށްފަ އެވެ.

މި ކޮންސެޕްޓް ހަގީގަތަކަށް ހެދުމަށްޓަކައި ދިހަހާސް މީހުން ވަޒީފާއަށް ނެގުމަށް ވިސްނާފައިވާކަން ވެސް ވަނީ ހާމަކޮށްފަ އެވެ.   

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox