ސާފްގެ ކާމިޔާބީއާ އެކު އިންޑިއާ ކޯޗު ސްޓިމަކަށް އޮތް ޕްރެޝަރަށް ލުޔެއް

Oct 20, 2021, 4:52 AM
އިންޑިއާގެ ކޯޗު އީގޯ ސްޓިމަކް.-- ފޮޓޯ: ހުސެއިން ވަހީދު/ އަދަދު

އިންޑިއާގެ ކޯޗު އީގޯ ސްޓިމަކް.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕްގެ ޗެމްޕިއަންކަން އިންޑިއާ އިން ހޯދުމާ އެކު އެ ޓީމުގެ ކޯޗު ކްރޮއޭޝިއާގެ އީގޯ ސްޓިމަކަށް ކުރިމަތިވެފައި އޮތް ޕްރެޝަރަށް ލުޔެއް ލިބިއްޖެ އެވެ.

އުމުރުން 54 އަހަރުގެ ސްޓިމަކް އިންޑިއާގެ ކޯޗުކަމާ ހަވާލުވީ 2019 ވަނަ އަހަރުގެ މެއި މަހު އެވެ. މަގާމާ ހަވާލުވިތާ ފުރަތަމަ ދެ މަސް ދުވަހުގެ ތެރޭގައި ސްޓިމަކް ވަނީ އިންޑިއާ ގޮވައިގެން ދެ މުބާރާތުގައި ވާދަކޮށްފަ އެވެ. އެއީ 2019 ވަނަ އަހަރުގެ ޖޫން މަހު ތައިލެންޑްގައި ބޭއްވި ކިންގްސް ކަޕާއި ހަމަ އެ އަހަރު ޖުލައި މަހު އިންޑިއާގައި ބޭއްވި އިންޓަ ކޮންޓިނެންޓަލް ކަޕްގަ އެވެ.

ތައިލެންޑްގެ ކިންގްސް ކަޕްގައި އިންޑިއާ ދިޔައީ ތިން ވަަނަ އެވެ. އަމިއްލަ ގައުމުގައި ބޭއްވި އިންޓަ ކޮންޓިނެންޓަލް ކަޕްގެ ލީގު ބުރުގައި އިންޑިއާ ދިޔައީ އެންމެ ފުލަށެވެ. އެ މުބާރާތުގައި ކުޅުނީ އުތުރު ކޮރެއާ، ތަޖިކިސްތާން އަދި ސީރިއާ އެވެ. އޭގެ ފަހުން މި އަހަރު ޖުލައި މަހު ނިމުނު ވޯލްޑް ކަޕް ކޮލިފައިންގައި އިންޑިއާ ގޮވައިގެން ސްޓިމަކް ނުކުތް އަށް މެޗުގެ ތެރެއިން މޮޅުވީ އެންމެ މެޗަކުންނެވެ. މި ހުރިހާ ކަމަކާ ހުރެ ސާފް ޗެމްޕިއަންޝިޕަށް މި ފަހަރު ނުކުތްއިރު، ސްޓިމަކަށް އޮތީ މަގާމު ދެމެހެއްޓުމުގައި ވަރަށް ޕްރެޝަރު ބޮޑުވެފަ އެވެ. އެކަންކަމާ ހުރެ އޭނާ ސާފަށް ނެގީ ވެސް އިންޑިއާގެ އެންމެ ވަރުގަދަ ޓީމެވެ.

މި ފަހަރުގެ ސާފްގައި ފުރަތަމަ ދެ މެޗުން އިންޑިއާ އަށް މޮޅެއް ނުލިބެ އެވެ. ބަންގްލަދޭޝާ 1-1 އިން އެއްވަރުވިއިރު، ސްރީ ލަންކާ އިން ވަނީ އިންޑިއާ ލަނޑެއް ޖެހިޔަނުދީ 0-0 އިން އެއްވަރުކޮށްފަ އެވެ. އޭގެ ފަހުން ލީގު ބުރުގައި ނޭޕާލް އަތުން 1-0 އިން އަދި ރާއްޖެ އަތުން 3-1 އިން މޮޅުވެ، އިންޑިއާ ފައިނަލަށް ދަތުރުކުރި އެވެ. އަދި ފައިނަލުގައި 3-0 އިން ނޭޕާލް ބަލިކޮށް އަށް ވަނަ ފަހަރަށް ސަރަހައްދުގެ ތަށި އުފުލާލި އެވެ.

އިންޑިއާގެ ކޯޗު ސްޓިމަކް ރާއްޖެ އަށް ސާފް ޗެމްޕިއަންޝިޕްގައި އިރުޝާދުދިން ކޯޗު ސުޒޭންއާ އެކު.-- ފޮޓޯ: ހުސެއިން ވަހީދު/ އަދަދު

"ވަރަށް ގިނަ އުނދަގޫ ކަންތައްތަކާ ތަޖުރިބާ ކޮށްފިން މި މަގާމުގައި ހުރެ. އަހަންނަށް އެނގޭ އިންޑިއާގެ މި އޮތް ބޮޑު އާބާދީގެ އެންމެން ރުހޭ ގޮތަށް އަހަންނަށް ކަންކަން ނުކުރެވޭނެކަން. އެކަމަކު ތަށްޓެއް ލިބުނީމަ އެންމެން ވެސް ހިތްހަމަޖެހޭނެ. ހަމަ ގައިމު އަހަރެން މި ހުރީ ފުރަތަމަ ކާމިޔާބީއާ އެކު ވަރަށް އުފަލުން. މިއީ ރަނގަޅު މިސްރާބަށް ދިއުމުގެ ފެށުމަކަށް ހެދިދާނެ،" ސްޓިމަކް ބުންޏެވެ.

ސްޓިމަކް ބުނީ މި ފަހަރުގެ ސާފް ޗެމްޕިއަންޝިޕަކީ އަންނަ އަހަރު އޮތް އޭޝިއަން ކަޕް ކޮލިފައިން އަށް ދާން ވާއިރަަށް އިންޑިއާ އަށް ލިބުނު ރަނގަޅު މެޗުތަކެއް ކަމަށް ބުނެފަ އެވެ. އަދި މި މުބާރާތް އިންޑިއާ އަށް ކާމިޔާބު ކޮށްދިނުމުގައި ސުނިލް ޗެތުރީގެ ލީޑަޝިޕްގެ ދަށުން ޒުވާން ކުޅުންތެރިން ކުރި ހިތްވަރު ފާހަގަކުރާ ކަމަށް ސްޓިމަކް ވަނީ ބުނެފަ އެވެ.

"ޗެތުރީ އަށް އަބަދު ބަރޯސާވުމަކީ ރަނގަޅު ކަމެއް ނޫން. އެ ކުޅުންތެރިން ޗެތުރީގެ ކިބައިން ދަސްކޮށްގެން ކުރިއަށް ނުކުމެ އިންޑިއާ ލީޑުކުރަން އެބަޖެހޭ،" ސްޓިމަކް ބުންޏެވެ.

ކޮންމެ ދެ އަހަރަކުން ވޯލްޑް ކަޕް ބާއްވަން ފީފާ އިން ވެސް ތާއީދުކުރަމުން އަންނައިރު، އެކަމާ ބެހޭގޮތުން ސްޓިމަކް ބުނީ މިއީ ގިނަ ގައުމުތަކަށް ވޯލްޑް ކަޕްގައި ކުޅެލަން ފުރުސަތު ލިބޭނެ ކަމެއް ކަމަށްވާތީ އެ ޕްރޮޕޯސަލަށް ތާއީދުކުރާ ކަމަށެވެ. އެއީ އިންޑިއާ އަށް ވެސް ފައިދާވާ ގޮތަށް އޮތުމުންނެވެ.

އެކަމަކު، މި ގޮތަށް ވޯލްޑް ކަޕް ބަދަލުކުރަން އުޅުމުގެ މުޅި ޖުމްލަ ގައުމުތަކަށް އޮތް ފައިދާ އާއި އަސްލު ސަބަބު ވަރަށް ފުޅާކޮށް އެންމެނަށް އަންގައިދޭން ޖެހޭ ކަމަށް ސްޓިމަކް ގަބޫލުކުރެ އެވެ،

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox