އިންޑިއާގެ ޓީމުގެ ތަފާތަކީ އެ ގައުމުގައި ވަރުގަދަ ލީގެއް އޮތުން: އަކޫ

Oct 18, 2021, 3:21 AM
ގައުމީ ޓީމުގެ ކެޕްޓަން އަކޫ ފެއާޕްލޭ ޓްރޮފީ ހިފައިގެން.-- ފޮޓޯ: ހުސެއިން ވަހީދު/ އަދަދު

ގައުމީ ޓީމުގެ ކެޕްޓަން އަކޫ ފެއާޕްލޭ ޓްރޮފީ ހިފައިގެން.-- ފޮޓޯ: ހުސެއިން ވަހީދު/ އަދަދު

މި ފަހަރުގެ އުރީދޫ ސާފް ޗެމްޕިއަންޝިޕްގެ ޗެމްޕިއަންކަން ހޯދި އިންޑިއާ ޓީމުގެ ތަފާތަކީ އެ ގައުމުގައި ވަރުގަދަ ލީގެއް އޮތުން ކަމަށް ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ބުނެފި އެވެ.

އިންޑިއާ އިން މެޗަކުން ބަލިނުވެ ރާއްޖޭގައި މި މަހު 1-16 އަށް ކުރިއަށްދިޔަ ސާފް ޗެމްޕިއަންޝިޕް ކާމިޔާބުކުރި ޓީމުގައި ހިމެނެނީ މުޅިން އިންޑިއަން ސުޕަ ލީގުގެ ކްލަބްތަކަށް ކުޅޭ ކުޅުންތެރިންނެވެ. އޭގެއިން ބައެއް ކުޅުންތެރިން ވަނީ އައި ލީގުގައި ވެސް ކުޅެފަ އެވެ. ސާފް ޗެމްޕިއަންޝިޕްގެ ފައިނަލުގައި ނޭޕާލް އަތުން އިންޑިއާ މޮޅުވީ 3-0 އިންނެވެ.

ފައިނަލަށް ފަހު އޮތް ނިންމުމުގެ ރަސްމިއްޔާތުގެ ތެރެއިން ދިން އިންޓަވިއުއެއްގައި އަކޫ ބުނީ މުބާރާތުގައި މި ފެނިގެންދިޔައީ އިންޑިއާ މެޗަކަށް ފަހު މެޗެއް ރަނގަޅުވަމުން އައިތަން ކަމަށެވެ.

Advertisement

"އިންޑިއާގެ ލީގާ އެއްޗެހި ވަރުގަދަ ވީމަ އެ މީހުން އެ ކަމަށް ކުރާ ހަރަދާއި މަސައްކަތް ރަނގަޅީއޭ އަޅުގަނޑު ދަންނަވާނީ. ފަހު މެޗުގައި ފެނުނީ އިންޑިއާ ލީގުގެ ކޮލިޓީއާ ހުރިހާ ކަމެއް އެ މީހުން ދެ ދައްކާލައިދިނީ. އަޅުގަނޑުމެންގެ ލީގު ވެސް މި އަށް ވުރެ ފުރިހަމަ ވާން ޖެހޭ،" އަކޫ ބުންޏެވެ.

"އަޅުގަނޑުމެން ގައުމުގައި ޓެލެންޓް އެބަހުރި. ޒުވާން މޮޅެތި ކުޅުންތެރިން އެބަތިބި. އެހެން ގައުމުތަކާ އަޅާ ބަލާއިރު މާ ތަފާތު އަޅުގަނޑުމެންގެ އެ ކުޅުންތެރިންގެ ހުނަރު. ލީގަށް މަސައްކަތްކުރި ވަރަކަށް އަޅުގަނޑުމެން ޓީމު ރަނގަޅުވާނީ،"

ތަށި ދިފާއުކުރަން ނުކުތް ރާއްޖެ ފުރަތަމަ މެޗުން ވަނީ 1-0 އިން ނޭޕާލް އަތުން ބަލިވެފަ އެވެ. ދެން ކުޅުނު ދެ މެޗުން ބަންގްލަދޭޝް އަތުން 2-0 އިން ލަންކާ އަތުން 1-0 އިން މޮޅުވިއިރު، ލީގު ބުުރުގެ ފަހު މެޗުން އިންޑިއާ އަތުން 3-1 އިން ބަލިވެ ކެޓީ އެވެ.

އިންޑިއާ މެޗަށް ފަހު އަކޫ.-- ފޮޓޯ: ހުސެއިން ވަހީދު/ އަދަދު

އަކޫ ބުނީ މުބާރާތަށް ތައްޔާރުވެގެން އައީ އިންޑިއާ މެޗަށް އަންނައިރު ފައިނަލުގެ ޖާގަ ހޯދައިގެން ތިބުމަށް ކަމަށެވެ. އެކަަމަކު، ނޭޕާލް މެޗުގައި ނަތީޖާ ނުކުތް ގޮތުން އެހާ ބޮޑަށް ޕްރެޝަަރަށް ގޮސް މުބާާރާތް އުނދަގޫވިކަން އަކޫ ފާހަގަކުރި އެވެ.

"ފަހު މެޗަށް އައިއިރު މި އޮތީ ބަލިނުވެ ސަލާމަތްވާން ޖެހިފައި އެކަމަކު، ކަންދިމާކުރި ގޮތުން އިންޑިއާ އަތުން ބަލިވެގެން މުބާރާތުން ކަޓައިގެން މިދިޔައީ،" އަކޫ ބުންޏެވެ.

މި ފަހަރުގެ ސާފް ޗެމްޕިއަންޝިޕްގައި ފެނިގެންދިޔަ އެންމެ ބޮޑު ތަފާތަކީ ދިވެހި ސަޕޯޓަރުން ގައުމީ ޓީމަށް ދިން ތަރުހީބެވެ. ކޮންމެ މެޗެއްގައި ކަހަލަ ގޮތަކަށް އެތައް ސަޕޯޓަރުންނެއް ދަނޑަށް ވަނެވެ. ގިނަ ސަޕޯޓަރުން މެޗުތަކަށް ވަންނަން ޓިކެޓް ގަންނަން އެތައް ގަޑިިއިރެއް ވަންދެން ކިއޫ އަށް އަރައި ތިއްބެވެ. މުބާރާތުގެ ފެއާ ޕްލޭ ޓްރޮފީ ލިބުނީ ރާއްޖެ އަށެވެ.

އެފްއޭއެމްގެ ރައީސް ބައްސާމް އަދީލް ޖަލީލް ވަނީ މި ފަހަރުގެ ސާފް ޗެމްޕިއަންޝިޕްގައި ގައުމީ ފުޓްބޯޅަ ޓީމަށް ދިވެހި ސަޕޯޓަރުން އެ ދިން ސަޕޯޓް ރާއްޖޭގެ ކްލަބް ފުޓްބޯޅައިގައި ވެސް ބޭނުންވާ ކަމަށް ވިދާޅުވެފަ އެވެ. އަކޫ ވެސް ވަނީ އެ ވާހަކަ ތަކުރާރުކޮށްފަ އެވެ.

"ލީގަށް ސަޕޯޓަރުން ދަނޑަށް ވަންނާނެ ގޮތެއް އަޅުގަނޑުމެން ހޯދަން ޖެހޭ. އެ ގޮތަށް މަސައްކަތް ނުކޮށެއް ދާން އުޅޭ މަގާމަށް ނުދެވޭނެ،" އަކޫ ބުންޏެވެ.

ގައުމީ ޓީމުން ދެން ވާދަކުރާނީ އަންނަ މަހު 8-17 އަށް ކޮލަމްބޯގައި ކުރިއަށްދާ ފޯ ނޭޝަންސް ކަޕްގަ އެވެ. އެ މުބާރާުތުގައި ރާއްޖެ އާއި ސްރީ ލަންކާގެ އިތުރުން ދެން ކުޅެނީ ބަންގްލަދޭޝާއި ސީޝެލްސް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox