އިންޑިއާ ޓީމުން އެދޭހާ ދުވަަހަކު ޓީމުގައި ހުންނާނަން: ޗެތުރީ

ފައިނަލަށް ފަހު ޗެތުރީ އުފާފާޅުކުރަނީ.-- ފޮޓޯ: ހުސެއިން ވަހީދު/ އަދަދު

ފައިނަލަށް ފަހު ޗެތުރީ އުފާފާޅުކުރަނީ.-- ފޮޓޯ: ހުސެއިން ވަހީދު/ އަދަދު

އިންޑިއާގެ ގައުމީ ޓީމާ އެކު އަދިވެސް އޭނާގެ އުއްމީދުތަކެއް އެބަހުރި ކަމަށާއި ޓީމުން ބޭނުންވާ ނަމަ އަބަދު ވެސް ޓީމާ އެކު ކުރިއަށްދާން ތައްޔާރަށް ހުރި ކަމަށް އިންޑިއާގެ ކެޕްޓަން ސުނިލް ޗެތުރީ ބުނެފި އެވެ.

އުމުރުން 37 އަހަރުގެ ޗެތުރީ ވަނީ މި ފަހަރުގެ އުރީދޫ ސާފް ޗެމްޕިއަންޝިޕްގެ ޗެމްޕިއަންކަން އިންޑިއާ އިން ހޯދިއިރު، މުބާރާތުގެ މޮޅު ކުޅުންތެރިޔާގެ މަގާމާއި އެންމެ ގިނަ ގޯލު ޖެހި ކުޅުންތެރިޔާގެ މަގާމު ހޯދައިފަ އެވެ. މިއީ އޭނާ ސާފް ޗެމްޕިއަންޝިޕްގެ ތާރީހުގައި މޮޅު ކުޅުންތެރިޔާގެ މަގާމު ހޯދި ތިން ވަނަ ފަހަރެވެ. އަދި ގައުމުން ބޭރު މުބާރާތެއްގައި ހޯދި ފުރަތަމަ ފަހަރެވެ. މީގެ ކުރިން 2011 ވަނަ އަހަރާއި 2015 ވަަނަ އަހަރު ސާފްގެ މޮޅު ކުޅުންތެރިއަކަށް ޗެތުރީ ހޮވުނުއިރު މުބާރާތް ހޯސްޓްކުރީ އިންޑިއާ އިންނެވެ.

ޗެތުރީ ވަނީ މި ފަހަރުގެ މުބާރާތުގައި ފަސް ގޯލު ޖަހައިފަ އެވެ. އަދި ލީގު ބުރުގައި ނޭޕާލާއި ރާއްޖެއާ ދެކޮޅަށް ކުޅުނު މެޗާއި ފައިނަލުގައި ރޭ 3-0 އިން ނޭޕާލް ބަލިކުރި މެޗުގެ މޮޅު ކުޅުންތެރިއަކީ ވެސް ޗެތުރީ އެވެ.

މުބާރާތަށް ފަހު ދިން އިންޓަވިއުއެއްގައި ޗެތުރީ ބުނީ އިންޑިއާ ޓީމަށް ވަރަށް ގިނަ ކަންކަން އަދި މި އަށް ވުރެ ރަނގަޅަށް ވެސް ކުރެވޭނެ ކަމަށެވެ. އަދި އިންޑިއާގައި މި އޮތް ޒުވާން ޓީމާ އެކު މުބާރާތެއް ކާމިޔާބު ކޮށްގެން ނިމުމުން ވަރަށް ހިތްހަމަޖެހޭ ކަމަށާއި ދެން އަމާޒަކީ އޭޝިއަން ކަޕް ކޮލިފައިން އަށް ފޯކަސްކޮށް މަސައްކަތް ކުރުން ކަމަށް ޗެތުރީ ބުނެފައިވެ އެވެ.

"އަހަރެންގެ މުސްތަގުބަލު ގައުމީ ޓީމުގައި މި ދަނީ ކުރިއަށް. އަހަރެން މި ފުރުސަތުތަކުގައި އުފާކުރަމުން މިދަނީ. އަހަރެން މަސައްކަތް ކުރަމުން މި ދަނީ ގައުމީ ޓީމުން އަހަރެން ހުންނަން އެދޭހާ ހިނދަކު މި ޓީމަށް ހިދުމަތް ކޮށްދޭން. އެއަށް ވުރެ އިތުރަށް އަހަރެން އެހެން ކަމަކަށް ނުވިސްނަން،" ގައުމީ ޓީމާ އެކު އޭނާގެ ކުރިމަގާ ބެހޭގޮތުން ޗެތުރީ ބުންޏެވެ.

ޗެމްޕިއަންކަން ހޯދުމަށް ފަހު ބޭއްވި އުފާފާޅުކުރުމުގެ ތެރެއިން ޗެތުރީ (މ) ޓީމާ އެކު.-- ފޮޓޯ: ހުސެއިން ވަހީދު/ އަދަދު

"ހުރިހާ ކަމަކަށް ވުރެ ބޮޑަށް އަހަރެންގެ ކުޅުން ވެސް ދަމަހައްޓަން ޖެހޭ. އަހަރެން މި ގޮތަށް ކުރިއަށްދާން ލިބޭ ހިތްވަރަކީ އަރަމުން އަންނަ ޒުވާން ކުޅުންތެރިން އެ ކުރާ މަސައްކަތް. މިހާރު މި އޮތީ ރަނގަޅު ޓީމެއް،"

މި ފަހަރުގެ ސާފް ޗެމްޕިއަންޝިޕްގައި ޖެހި ގޯލުތަކާ އެކު ޗެތުރީ ވަނީ ގައުމީ ޓީމަށް 125 މެޗުން 80 ގޯލު ޖަހައިފަ އެވެ. ޗެތުރީ ވަނީ ލިއޮނަލް މެސީ އާޖެންޓީނާ އަށް ޖެހި ވަރަށް އިންޑިއާ ގައުމީ ޓީމަށް ގޯލު ޖަަހައިދީފަ އެވެ.

އިންޑިއާ ކޯޗު އީގޯ ސްޓިމަކް ދެކޭ ގޮތުގައި ޗެތުރީ އަށް ގައުމީ ޓީމުގައި ކުރިއަށްދެވޭ އެންމެ ބޮޑު ސަަބަބަކީ އެއް ފެންވަރެއްގައި ކުޅުން ދަމަހައްޓަން އޭނާ ކުރާ މަސައްކަތާއި ލީޑަޝިޕް ކޮލިޓީ އެވެ.

ޗެތުރީ ބުނީ އޭނާ އަކީ މިހާރު އޮތް އިންޑިއާ ޓީމުގެ ގިނަ ކުޅުންތެރިންނާ އަޅާކިޔާއިރު ވަރަށް ދުވަސްވެފައި ހުރި ކުޅުންތެރިއެއް ނަމަވެސް އޭނާ ކިޔައިދޭ އެއްޗެހި އެހެން ކުޅުންތެރިން ކަނުލައި އަޑުއަހާ ކަމަށެވެ.

"ބައެއް ކުޅުންތެރިން އެބަތިބި 2002 ގައި އުފަންވެފައި ވެސް. އެއީ އަަހަރެން ފުޓްބޯޅަ ކުޅެމުން ދަނިކޮށް. އެ މީހުންނަށް ނެތް އިތުރު ގޮތެއް އަހަރެން ބުނާ އަޑުއެހުން ނޫނީ. ބައެއް ފަހަރު އަހަރެންގެ ތަޖުރިބާއާ އެކު ބުނެވޭ ގޮތުން އަހަންނަށް އޯވަ އިމޯޝަނަލް ވެވޭ. އަހަރެން މިހެން ޕޮޒިޓިވްކޮށް ހުރުމަކީ ޓީމަށް ލިބޭ ހިތްވަރެއް،" ޗެތުރީ ބުންޏެވެ.

ޗެތުރީ ބުނީ މި ފަހަރުގެ ސާފް ޗެމްޕިއަންޝިޕް މި ދިޔައީ ވަރަށް އުނދަގޫކޮށް ނަމަވެސް މެޗަކަށް ފަހު މެޗެއް އިންޑިއާ އިން ހޯދަމުން ދިޔަ ކުރިއެރުން ފާހަގަކުރެވޭ ކަމަށެވެ.

އިންޑިއާ އިން މި ފަހަރުގެ ސާފް ޗެމްޕިއަންޝިޕް ކާމިޔާބުކުރީ މެޗަކުން ބަލިނުވެ އެވެ. ފުރަތަމަ މެޗުން ބަންގްލަދޭޝްއާ 1-1 އިން އެއްވަރުވިއިރު، ދެ ވަނަ މެޗުން ސްރީ ލަންކާއާ ވަނީ 0-0 އިން އެއްވަރުވެފަ އެވެ. ތިން ވަނަ މެޗުގައި ނޭޕާލާ ދެކޮޅަށް 1-0 އިން ކުރިހޯދިއިރު، ލީގު ބުރުގެ ފަހު މެޗުގައި ރާއްޖެ އަތުން މޮޅުވީ 3-1 އިންނެވެ. އަދި ރޭ ކުޅުނު ފައިނަލުން އިންޑިއާ މޮޅުވީ 3-0 އިންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox