ފައިނަލަށް ކުރިމަތިލާއިރު އިންޑިއާ އިތުބާރާ އެކު

Oct 16, 2021, 7:19 AM
ނޭޕާލާ ދެކޮޅަށް ލީގު ބުރުގައި އިންޑިއާ އިން ނެރުނު ފުރަތަމަ އެގާރަ ކުޅުންތެރިން.-- ފޮޓޯ: ހުސެއިން ވަހީދު/ އަދަދު

ނޭޕާލާ ދެކޮޅަށް ލީގު ބުރުގައި އިންޑިއާ އިން ނެރުނު ފުރަތަމަ އެގާރަ ކުޅުންތެރިން.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕްގެ ފައިނަލްގައި މިރޭ ނޭޕާލާ ދެކޮޅަށް ނުކުންނައިރު އިންޑިއާގެ ޓީމު އޮތީ ވަރަށް ރަނގަޅަށް މެޗަށް ތައްޔާރުވެފައި ކަމަށާއި، ޓީމު އޮތީ ފުރިހަމަ އިތުބާރާ އެކު ކަމަށް އެ ޓީމުގެ އެސިސްޓަންޓް ކޯޗު ޝަންމުގަމް ވެންކަޓޭޝް ބުނެފި އެވެ.

އިންޑިއާ ޖެހިޖެހިގެން އަށް ވަނަ ފަހަރަށް ސާފް ޗެމްޕިއަންޝިޕްގެ ފައިނަލަށް ދަތުރުކުރީ މުބާރާތުގެ ލީގު ބުރުގެ ފަހު މެޗުގައި ދިވެހިރާއްޖެ އަތުން 3-1 އިން މޮޅުވެގެނެވެ. އިންޑިއާ މިރޭގެ ފައިނަލަށް ނުކުންނަނީ 8 ވަނަ ފަހަރަށް މުބާރާތުގެ ތަށި އުފުލާލުމުގެ އަޒުމުގަ އެވެ.

ރާއްޖެއާ ދެކޮޅަށް ކުޅުނު މެޗުގައި އިންޑިއާގެ ކޯޗު އީގޯ ސްޓިމަކަށް ރަތްކާޑު ދެއްކުމާ ގުޅިގެން، މިރޭގެ މެޗުގައި އޭނާ އަށް ބެންޗުގައި ނީނދެވޭނެ އެވެ. އެހެން ކަމުން، ފައިނަލްގެ ކުރިން އިއްޔެ އޮންލައިންކޮށް ބޭއްވި ޕްރީ މެޗު ޕްރެސް ކޮންފަރެންސްގައި ވެސް ބައިވެރިވީ އިންޑިއާގެ އެސިސްޓަންޓް ކޯޗު ވެންކަޓޭޝެވެ.

ޕްރެސް ކޮންފަރެންސްގައި މީޑިއާގެ ސުވާލުތަކަށް ޖަވާބު ދެމުން ވެންކަޓޭޝް ބުނީ މުބާރާތުގެ ލީގު ބުރުގައި ދިވެހިރާއްޖެ އާއި ނޭޕާލް އަތުން މޮޅުވެ، އިންޑިއާގެ ޓީމަށް އިތުބާރު ލިބިފައިވާ ކަމަށެވެ.

"ޓީމުގެ ހުރިހާ ކުޅުންތެރިން ވެސް ތިބީ ވަރަށް އުފަލުން ފައިނަލްގެ ޖާގަ ލިބުނީމަ. ބާކީ މި އޮތީ އެންމެ މެޗެއް. ހުރިހާ ކުޅުންތެރިން ވެސް ތިބީ ވަރަށް މޯޓިވޭޓްވެފައި. ދިވެހިރާއްޖެ އާއި ނޭޕާލް އަތުން މޮޅުވުމުން، ކުޅުންތެރިންނަށް އިތުބާރު ލިބިއްޖެ،" ވެންކަޓޭޝް ބުންޏެވެ.

މިރޭގެ މެޗަކީ މި އަހަރުގެ ތެރޭގައި އިންޑިއާ އާއި ނޭޕާލް ބައްދަލުކުރާ ހަތަރު ވަނަ މެޗެވެ. މި މުބާރާތުގެ ކުރިން މި ދެ ޓީމު ވަނީ އެކުވެރިކަމުގެ ދެ މެޗު ކުޅެފަ އެވެ. މި މުބާރާތުގެ ލީގު ބުރުގައި އިންޑިއާ ވަނީ ނޭޕާލް އަތުން 1-0 އިން މޮޅުވެފަ އެވެ.

ވެންކަޓޭޝް ބުނީ މި އަހަރުގެ ތެރޭގައި މި ދެ ޓީމުގެ މެދުގައި މެޗުތަކެއް ކުޅެވިފައި އޮތުމަކީ ދެ ޓީމަށް ވެސް ލިބޭނެ އެޑްވާންޓޭޖެއް ކަމަށެވެ. އަދި ނޭޕާލްގެ ޓީމަކީ ވަރަށް ރަނގަޅު ޓީމެއް ކަމަށާއި އެ ޓީމަށް އިހުތިރާމްކުރާ ކަމަށެެވެ.

"ނޭޕާލް އަކީ އެންމެ ވާދަވެރި އެއް ޓީމު. މެޗުތަކެއް (ދެ ޓީމުގެ މެޗުގައި) ކުޅެވިފައި އޮތުމަކީ ދެ ޓީމަށް ވެސް ލިބޭނެ އެޑްވާންޓޭޖެއް،" ވެންކަޓޭޝް ބުންޏެވެ. " މިއީ ފަސޭހަ މެޗަކަށް ނުވާނެ. އެކަމަކު އިންޑިއާގެ ޓީމު އޮތީ ވަރަށް ރަނގަޅަށް ތައްޔާރުވެފައި. އަހަރަމެން އޯވާ ކޮންފިޑެންޓެއް ނުވާނަން. ނޭޕާލަށް އިހުތިރާމްކުރަން."

މުބާރާތުގެ ފުރަތަމަ ދެ މެޗުން ފިލާވަޅު ހޯދައި، ޓީމުން ނެރުނީ އިތުރު ހިތްވަރެއް

އިންޑިއާ މި އަހަރުގެ ސާފް ޗެމްޕިއަންޝިޕްގައި ކުޅުނު ފުރަތަމަ ދެ މެޗު ދިޔައީ އެ ޓީމުން އުންމީދުކުރި ގޮތަކަށް ނޫނެވެ. މުބާރާތުގެ ފުރަތަމަ މެޗުގައި ބަންގްލަދޭޝްއާ 1-1 އިން އެއްވަރުވިއިރު، ދެވަނަ މެޗުގައި ސްރީލަންކާއާ ކުޅެ، ލަނޑެއް ނުޖެހި އެއްވަރުވި އެވެ. މި ނަތީޖާތަކާއެކު، އިންޑިއާގެ ޓީމާއި ކޯޗު ސްޓިމަޗް އަށް ގިނަ ފާޑުކިއުންތަކެއް އަމާޒުވި އެވެ.

އެކަމަކު މުބާރާތުގައި ކުޅުނު ތިން ވަނަ މެޗުގައި ނޭޕާލް އަތުން 1-0 އިން މޮޅުވެ، އިންޑިއާ އިން ފައިނަލްގެ އުންމީދު އާކުރި އެވެ. އަދި ފަހު މެޗުގައި ދިވެހިރާއްޖެ ބަލިކޮށް، ފައިނަލްގެ ޖާގަ ކަށަވަރުކުރި އެވެ.

ވެންކަޓޭޝް ބުނީ އިންޑިއާ އިން މުބާރާތުގައި ކުޅުނު ފުރަތަމަ ދެ މެޗުން އެ ޓީމަށް ރަނގަޅު ފިލާވަޅުތަކެއް ލިބުނު ކަމަށެވެ. އަދި ބާކީ އޮތް މެޗުތަކަށް ކުޅުންތެރިން އިތުރު ހިތްވަރަކާއެކު ކުރިމަތިލައި، ބޭނުންވި ނަތީޖާތައް ނެރުނު ކަމަށެވެ.

"ފުރަތަމަ ދެ މެޗުން ލިބުނު ފިލާވަޅުތަކުގެ ބޭނުން ހިފައި، އަހަރަމެން ނުކުތީ މާ ވަރުގަދަ ރޫހަކާއެކު. އެއީ އެންމެ ފަހުން ކުޅުނު ދެ މެޗުގައި ޓީމުން އެހާ ރަނގަޅަށް ކުޅުނު ސަބަބަކީ،" ވެންކަޓޭޝް ބުންޏެވެ.

ވެންކަޓޭޝް ބުނީ މި އަހަރުގެ ސާފް ޗެމްޕިއަންޝިޕްގައި ވާދަކުރި ގިނަ ޓީމުތަކުގެ ފަރާތުން ބޮޑެތި ކުރިއެރުންތަކެއް ފެނިފައިވާ ކަމަށެވެ.

" އިދިކޮޅު ޓީމުތަކުގެ ފަރާތުން ވަރަށް ބޮޑެތި ކުރިއެރުންތަކެއް ލިބުނު. ހާއްސަކޮށް ނޭޕާލް، ސްރީލަންކާ އަދި ބަންގްލަދޭޝް ފާހަގަކުރަން. އެ ޓީމުތަކުން ވަރަށް ބޮޑެތި ކުރިއެރުންތަކެއް ހޯދައިފި ފާއިތުވި އަހަރުތަކާ އަޅާބަލާއިރު." ވެންކަޓޭޝް ބުންޏެވެ.

އުރީދޫ ސާފް ޗެމްޕިއަންޝިޕްގެ ފައިނަލްގައި އިންޑިއާ އާއި ނޭޕާލް ބައްދަލުކުރާ މެޗު ފަށާނީ މިރޭ 20:00ގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox