އަޝްފާގެއް ނެތަސް ޓީމެއްގެ ގޮތުގައި ނޭޕާލް ވަރުގަދަ: ޗެތުރީ

Oct 15, 2021, 12:11 PM
މި ފަހަރުގެ ސާފް ޗެމްޕިއަންޝިޕްގައި ރާއްޖެ އާއި އިންޑިއާ ކުޅުނު މެޗުގެ ތެރެއިން ޗެތުރީ (ކ) އާއި ދަގަނޑޭ.-- ފޮޓޯ: ހުސެއިން ވަހީދު/ އަދަދު

މި ފަހަރުގެ ސާފް ޗެމްޕިއަންޝިޕްގައި ރާއްޖެ އާއި އިންޑިއާ ކުޅުނު މެޗުގެ ތެރެއިން ޗެތުރީ (ކ) އާއި ދަގަނޑޭ.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕް ފައިނަލުގައި މާދަމާރޭ ނޭޕާލާ ދެކޮޅަށް ކުޅޭއިރު، އެ ޓީމުގައި އިންޑިވިޖުއަލީ ބަލާނަމަ ރާއްޖޭގެ އަލީ އަޝްފާގު (ދަގަނޑޭ) ފެންވަރުގެ ކުޅުންތެރިއަކު ނެތް ކަމަށާއި އެހެން ނަމަވެސް ޓީމެއްގެ ގޮތުގައި ނޭޕާލް ވަރަށް ވަރުގަދަ ކަމަށް އިންޑިއާގެ ކެޕްޓަން ސުނިލް ޗެތުރީ ބުނެފި އެވެ.

އުމުރުން 37 އަހަރުގެ ޗެތުރީ އަކީ މި ފަަހަރުގެ ސާފް ޗެމްޕިއަންޝިޕްގައި އެންމެ ގިނަ ގޯލު ޖެހި ކުޅުންތެރިޔާ އެވެ. އޭނާ ވަނީ ހަތަރު މެޗުން ހަތަރު ގޯލު ޖަހައި ދެ މެޗެއްގެ މޮޅު ކުޅުންތެރިޔާގެ މަގާމު ހޯދައިފަ އެވެ. އެއީ ނޭޕާލް އަތުން 1-0 އިން މޮޅުވި މެޗާއި ރާއްޖޭގެ މައްޗަށް 3-1 އިން ކުރިހޯދި މެޗުގަ އެވެ.

ފައިނަލުގެ ކުރިން އިންޑިއާގެ މީޑިއާތަކަށް ދިން އިންޓަވިއުއެއްގައި ޗެތުރީ ބުނީ ޓީމެއްގެ ގޮތުގައި ނޭޕާލުން ކުރާ ހިތްވަރު ފާހަގަކުރަން ޖެހޭ ކަމަށެވެ.

"އިންޑިވިޖުއަލީ ބަލާއިރު ނޭޕާލުގައި އަޝްފާގު ކަހަލަ އާދަޔާހިލާފު މޮޅު ކުޅުންތެރިއަކު ނުހުރެފާނެ. އެކަމަކު އެޓޭކް ކުރުމާ ޑިފެންޑް ކުުރުމަށް ބަލާއިރު އަހަންނަށް މުބާރާތުން ފެނުނު އެންމެ ވަރުގަދަ ކޮމްޕެކްޓް ޓީމަކީ ނޭޕާލް. ސެޕްޓެމްބަރުން ފެށިގެން މިހާތަނަށް ތިން ފަހަރު ނޭޕާލާ ކުޅުނުއިރު، އެ ތިން މެޗު ވެސް ވަރަށް އުނދަގޫ،" ޗެތުރީ ބުންޏެވެ.

ލަންކާއާ ދެކޮޅަށް ކުޅުނު މެޗުގެ ތެރެއިން ޗެތުރީ.-- ފޮޓޯ: ހުސެއިން ވަހީދު/ އަދަދު

މި ފަހަރުގެ ސާފް ޗެމްޕިއަންޝިޕްގެ ފުރަތަމަ ދެ މެޗުން އިންޑިއާ އަށް މޮޅެއް ނުލިބެ އެވެ. ފުރަތަމަ މެޗުން ބަންގްލަދޭޝްއާ 1-1 އިން އެއްވަރުވިއިރު، ދެ ވަނަ މެޗުން ވަނީ ލަންކާއާ 0-0 އިން އެއްވަރުވެފަ އެވެ. އިންޑިއާ ފައިނަލަށް ދިޔައީ ފަހު ދެ މެޗުގައި ނޭޕާލާއި ރާއްޖެ ކައިރީގައި ދެއްކި މޮޅު ކުޅުމުންނެވެ.

ޗެތުރީ ބުނީ އިންޑިއާ އަށް އެންމެ ފަހުން ވޯލްޑް ކަޕް ކޮލިފައިންގައި ވެސް ދިމާވި މައްސަލަ އަކީ މި ފަހަރުގެ ސާފް ޗެމްޕިއަންޝިޕްގައި ވެސް ކުރިމަތިވި ކަންތައްތައް ކަމަށެވެ. އެއީ އެއް ލެވަލެއްގައި ނަތީޖާ ނެރެން މަސައްކަތް ނުކުރެވުމެވެ.

"މިސާލަކަށް ބަލާނަމަ ރާއްޖެއާ ދެކޮޅަށް ފުރިފައި އޮތް ދަނޑެއްގައި އަހަރެމެންނަށް މޮޅަށް ކުޅެވުނު ގޮތަށް ކީއްވެ އެހެން މެޗުތަކުގައި ނުކުޅެވެންވީ. ރާއްޖެއާ ދެކޮޅަށް އަހަރެމެން ދެއްކި ކުޅުން ލަންކާ ކައިރީގައި ނުކުޅެވެންވީ ކީއްވެ؟ ޔަގީނުން ވެސް ރާއްޖެ ހުރިހާ ގޮތަކުން ބެލިޔަސް ލަންކާ އަށް ވުރެ މޮޅު. މިއީ އަހަރެމެން ވިސްނަން ޖެހޭ ކަންތައްތައް،" ޗެތުރީ ބުންޏެވެ.

މި މުބާރާތުގައި ޖެހި ގޯލުތަކާ އެކު ޗެތުރީ ވަނި ގައުމީ ޓީމަށް 79 ގޯލު ޖަހައި ބްރެޒިލްގެ ލެޖެންޑް ޕެލޭ އަށް ވުރެ ގިނަ ގޯލު ގައުމީ ޓީމަށް ޖަހައިދީފަ އެވެ. ޕެލޭ އަށް އޭނާގެ ކެރިއަރުގައި ޖެހުނީ ބްރެޒިލް ޓީމަށް 77 ގޯލެވެ. ޗެތުރީ ބުނީ އެ ފަދަ ރެކޯޑެއް އޮތުމަކީ އޭނާގެ ކެރިއަރަށް ރަނގަޅެއް ކަމަށާއި ޕެލޭގެ ހަޔާތަކީ ކޮންމެ ފުޓްބޯޅަ ކުޅުންތެރިއަކަށް އަބަދު ވެސް ފިލާވަޅު ނެގޭނެ ކަމެއް ކަމަށެވެ.

ޗެތުރީ ވަނީ އޭނާގެ ސްޓްރައިކް ޕާޓްނަރުގެ ގޮތުގައި އިންޑިއާ ކުރިއަށް ކުޅޭ މަންވީރު ސިންގް އަކީ އިންޑިއާގެ ގައުމީ ޓީމަށް މުހިއްމު "ހަތިޔާރެއް"ގެ ގޮތުގައި ސިފަކޮށްފަ އެވެ. އެއީ ޑިފެންސާއި އެޓޭކްގައި އޭނާ އެއް ލެވަލެއްގައި ދައްކާ މޮޅު ކުޅުމުގެ ސަބަބުންނެވެ.

ސާފް ޗެމްޕިއަންޝިޕްގެ ޗެމްޕިއަންކަން އިންޑިއާާއާ އެކު 2011 އާއި 2015 ވަަނަ އަހަރު ހޯދި ޗެތުރީ ވަނީ އެ ދެ ފަހަރު މުބާރާތުގެ މޮޅު ކުޅުންތެރިޔާގެ މަގާމު ހޯދައިފަ އެވެ. މިހާތަނަށް ސާފްގައި އޭނާ ވަނީ 17 ގޯލު ޖަހައިފަ އެވެ. ސާފްްގައި އެންމެ ގިނަ ގޯލު ޖެހުމުގެ ރެކޯޑް އޮތީ 23 ގޯލު ޖަހާފައިވާ ދަގަނޑޭ އަތުގަ އެވެ.

ނޭޕާލާއި އިންޑިއާ ކުޅޭ ސާފް ޗެމްޕިއަންޝިޕްގެ ފައިނަލް ފަށާނީ މާދަމާރޭ 8 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox