ފަހު މެޗުގައި ނޭޕާލް ކޯޗު މުތައިރީ އަށް ބެންޗުގައި ނީނދެވޭނެ

Oct 15, 2021, 11:37 AM
ޭނޭޕާލްގެ ކޯޗު އަބްދުﷲ އަލް މުތައިރީ ނޫސްވެރިންގެ ބައްދަލުވުމެއްގެ ތެރެއިން.-- ފޮޓޯ: ހުސެއިން ވަހީދު/ އަދަދު

ޭނޭޕާލްގެ ކޯޗު އަބްދުﷲ އަލް މުތައިރީ ނޫސްވެރިންގެ ބައްދަލުވުމެއްގެ ތެރެއިން.-- ފޮޓޯ: ހުސެއިން ވަހީދު/ އަދަދު

އުރީދޫ ސާފް ޗެމްޕިއަންޝިޕް ފައިނަލްގައި މާދަމާރޭ އިންޑިއާއާ ދެކޮޅަށް ކުޅޭ މެޗަކީ ނޭޕާލްގެ ކޯޗު ކުވޭތުގެ އަބްދުﷲ އަލް މުތައިރީގެ ފަހު މެޗު ނަމަވެސް އޭނާ އަށް ޓީމަށް އިރުޝާދުދޭން ބެންޗުގައި ހުރުމުގެ ނަސީބު ގެއްލިއްޖެ އެވެ.

މުބާރާތުގެ ގަވާއިދުގައިވާ ގޮތުން ދެ ރީނދޫ ކާޑު ހަމަވެއްޖެނަމަ ދެން ކުރިއަށް އޮތް މެޗަށް ސަސްޕެންޑްވާނެ އެވެ. މުތައިރީ އަށް ވަނީ ލަންކާ މެޗާއި އެންމެ ފަހުން ކުޅުނު ބަންގްލަދޭޝް މެޗުގައި ވެސް ރީނދޫ ކާޑު ދައްކައިފަ އެވެ. ދެ ރީނދޫ ކާޑު ހަމަވެގެން މުތައިރީ ވަނީ ފައިނަލަށް ސަސްޕެންޑްވެފަ އެވެ.

ނޭޕާލްގެ ތާރީހުގައި އެ ޓީމު ފުރަތަަމަ ފަހަރަށް ސާފް ޗެމްޕިއަންޝިޕެއްގެ ފައިނަަލަށް ގެންގޮސްދިނުމަށް ފަހު އޮތް ނޫސްވެރިންގެ ބައްދަލުވުމުގައި މުތައިރީ ވަނީ ފައިނަލް މެޗަށް ފަހު ނޭޕާލް ދޫކޮށްލާނެކަން ކަށަވަރުކޮށްދީފަ އެވެ.

ފައިނަލުގައި ނޭޕާލް ކުޅެން ޖެހިފައި އޮތް އިންޑިއާ ވެސް ފައިނަލުގައި ނުކުންނާނީ ބެންޗުގައި އެ ޓީމުގެ ހެޑް ކޯޗު ނެތި އެވެ. އެއީ އިންޑިއާ ޓީމުގެ ކޯޗު އީގޯ ސްޓިމަކަށް އެންމެ ފަހުން ކުޅުނު ރާއްޖެ މެޗުގައި ރަތް ކާޑު ދެއްކުމުންނެެވެ.

ފައިނަލް މެޗުގެ ކުރިން މިއަދު ބޭއްވުމަށް ހަމަޖެހިފައި އޮތް ނޫސްވެރިންގެ ބައްދަލުވުން ކުރިއަށް ގެންދިޔައީ ޒޫމް މެދުވެރިކޮށް އޮންލައިންކޮށެވެ. އެއީ އިންޑިއާ އާއި ނޭޕާލްގެ އެކޮމަޑޭޝަން ހަމަޖެހިފައިވަނީ ބަނޑޮހާއި ޕެރަޑައިސްގައި ކަމަށް ވެފައި، މިއަދު މޫސުން ހުރި ގޮތުން އެ ދެ ޓީމަށް މާލެ ނާދެވުމުންނެވެ.

މުތައިރީ ސަސްޕެންޝަންގައި ހުރުމުން ނޭޕާލްގެ އިން ނޫސްވެރިންގެ ބައްދަލުވުމުގައި ބައިވެރިވީ އެސިސްޓަންޓް ކޯޗު ކިރަން ޝްރެސްތާ އާއި ކެޕްޓަން އަދި ގޯލްކީޕަރު ކިރަން ކުމާރް ޝެމްޝޮން އެވެ.

ކިރަން ޝްރެސްތާ ބުނީ ފައިނަލް މެޗަށް ނުކުންނައިރު ކުރިން ނުކުމެފައި ހުރި އެއްވެސް ނަތީޖާއަކުން މި މެޗަށް އަސަރުކުރާނެ ކަމަށް ނުދެކޭ ކަމަށެވެ.

"ވަރަށް ބޮޑަށް ދެ ޓީމު ވެސް މޯޓިވޭޓްވެފައި މި ހުރީ. އެހެންވީމަ ކުރިން އަހަރެމެން މެޗުތަކެއް ކުޅެފައި ހުއްޓަސް އޭގެ އަސަރެއް ކުރާނެ ކަމަށް ނުދެކެން،" ކިރަން ޝްރެސްތާ ބުންޏެވެ.

"ތެެދެއް. އަހަރެމެން މިދިޔަ މަހު އަމިއްލަ ގައުމުގައި (ނޭޕާލް)ގައި ދެ މެޗު ކުޅުނިން އިންޑިއާއާ ދެކޮޅަށް. އެ ދެ މެޗުންނާއި މި ފަހަރުގެ ސާފް ޗެމްޕިއަންޝިޕްގައި ކުޅުނު މެޗުން ދެ ޓީމަށް އެއް ޓީމު އަނެއް ޓީމުގެ ކަންކަން އެނގުނަސް ފައިނަލް މެޗު މުޅިން ތަފާތުވާނެ،"

ބަންގްލަދޭޝާ އެއްވަރުކޮށް ފައިނަލްގެ ޖާގަ ހޯދި މެޗަށް ފަހު ނޭޕާލްގެ ކީޕަރު ކިރަން އުފާފާޅުކުރަނީ.-- ފޮޓޯ: ހުސެއިން ވަހީދު/ އަދަދު

ކީޕަރު ކިރަން ޝެމްޝޮން ވަނީ ދެ ފަހަރެއްގެ މަތިން ރާއްޖޭގެ ޓީސީ ސްޕޯޓްސް ކްލަބަށް ކުޅެފަ އެވެ. ރާއްޖޭގެ ފުޓްބޯޅަ އެއް ސީޒަނުގެ އެންމެ މޮޅު ކީޕަރަކަށް ހޮވުނު ކިރަން ބުނީ ރާއްޖެ އަކީ އޭނާގެ ދެ ވަނަ ގަ ފަދަ ތަނެއް ކަމަށާއި އެދެނީ ދިވެހިންގެ ސަޕޯޓް ފައިނަލުގައި ނޭޕާލަށް ލިބުން ކަމަށެވެ.

ނޭޕާލުން އެންމެ ފަހުން އިންޑިއާ ބަލިކުރީ 2013 ވަނަ އަހަރު އެ ގައުމުގައި ހޯސްޓް ކުރި ސާފް ޗެމްޕިއަންޝިޕްގަ އެވެ. މި ފަހަރުގެ ސާފް ޗެމްޕިއަންޝިޕްގެ ލީގު ބުރުގައި އިންޑިއާ ވަނީ ފަހު ވަގުތު ގޯލު ޖަހައި ނޭޕާލް ބަލިކޮށްފަ އެވެ.

މިއީ ހަތް ފަަހަރު ޗެމްޕިއަންކަން ހޯދާފައިވާ އިންޑިއާ އިން ސާފް ޗެމްޕިއަންޝިޕްގެ ފައިނަލުގައި ކުޅޭ 12 ވަނަ ފަހަރެވެ. އަނެއް ކޮޅުން ފަސް ފަހަރު ސެމީ ފައިނަލުން ބަލިވި ނޭޕާލުން މަސައްކަތް ކުރާނީ ފުރަތަމަ ފަހަރަށް ފައިނަލަށް ނުކުމެ ތަށި ހޯދުމަށެވެ. މާދަމާރޭގެ ފައިނަލް މެޗު ފަށާނީ 8 ޖަހާއިރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox