މުބާރާތުގައި ކުރިއަށް ދެވޭނީ ބަންގްލަދޭޝް އަތުން މޮޅުވެގެން: އަކޫ

ނޭޕާލާ ދެކޮޅަށް ކުޅުނު މެޗުގެ ތެރެއިން އަކޫ.-- ފޮޓޯ: ހުސެއިން ވަހީދު/ އަދަދު

ނޭޕާލާ ދެކޮޅަށް ކުޅުނު މެޗުގެ ތެރެއިން އަކޫ.-- ފޮޓޯ: ހުސެއިން ވަހީދު/ އަދަދު

ނޭޕާލް އަތުން ބަލިވުމުގެ މާޔޫސްކަން ކުރިމަތިވި ކަމަށާއި އެކަމަކު މާދަމާރޭ އެކަމުން އަރައިގަނެ ބަންގްލަދޭޝް ބަލިކޮށްގެން މުބާރާތުގައި ކުރިއަށްދާން ބޭނުންވާ ކަމަށް ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ބުނެފި އެެވެ.

މި ފަހަރުގެ އުރީދޫ ސާފް ޗެމްޕިއަންޝިިޕްގެ ފުރަތަމަ މެޗުގައި ރާއްޖެ ވަނީ ނޭޕާލް އަތުން 1-0 އިން ބަލިވެފަ އެވެ. އެ މެޗުން ބަލިވުމުން ކޮންމެވެސް ވަރެއްގެ ޕްރެޝަރެއްގެ ތެރޭގައި ރާއްޖެ އޮތްއިރު، މާދަމާރޭ ބަންގްލަދޭޝް އަތުން މޮޅުވެގެން ނޫން ގޮތަކަށް މުބާރާތުގައި ރާއްޖެ އަށް ކުރިއަށް ދިއުމުގެ ފުރުސަތު ކުޑަވާނެ އެވެ. އެއީ މި ފަހަރުގެ މުބާރާތުގެ ފޯމެޓް އޮތީ ލީގު ބުރެއް ކުޅެފައި އެންމެ ގިނަ ޕޮއިންޓް ހޯދާ ދެ ޓީމެެއް ފައިނަލުގައި ކުޅޭ ގޮތަށެވެ.

މާދަމާރޭ ބަންގްލަދޭޝް އަތުން މޮޅެއް ނުލިބިއްޖެނަމަ ރާއްޖެ އަށް ފުރުސަތު ވަަރަށް ބޮޑަށް ހަނިވީ އެވެ. ބަންގްލަދޭޝް މެޗުގެ ކުރިން މިއަދު އޮތް ނޫސްވެރިންގެ ބައްދަލުވުމުގައި ވާހަކަ ދައްކަމުން އަކޫ ބުނީ ނޭޕާލް މެޗުން ބަލިވުމުން ކުޅުންތެރިންނަށް ލިބުނު މާޔޫސްކަމުން އަރައިގަނެ، މިހާރު މުޅި ޓީމުގެ ރޫހު ދުވަހެއް ދުވަހަކަށް ރަނގަޅުވަމުން އަންނަ ކަމަށެވެ.

Advertisement

"ޕްރެކްޓިހަކަށް ފަހު ޕްރެކްޓިހެއް ރަނގަޅުވަމުން މި އަންނަނީ. އިންޝާﷲ ހުރިހާ ކުދިން ވެސް ހަމަ މެޗު ނުފައްޓައިގެން ތިބީ. ކޮންމެ ކުއްޖަކު ވެސް ބަންގްލަދޭޝާ ކުޅޭ މެޗުން މޮޅުވާން ތައްޔާރަށް މިތިބީ. ވަރަށް ޕޮޒިޓިވްކަން އެބަފެނޭ މިހާރު ވެސް،" އަކޫ ބުންޏެވެ.

ނޫސްވެރިންގެ ބައްދަލުވުމުގެ ތެރެއިން އަކޫ (ކ) އާއި ސުޒޭން.-- ފޮޓޯ: ހުސެއިން ވަހީދު/ އަދަދު

"އަޅުގަނޑު ދަންނަވާނީ ބަންގްލަދޭޝް މެޗުން މޮޅު ނުވެ އަޅުގަނޑުމެންނަށް މުބާރާތުގައި ކުރިއަށް ދެވޭނެ ގޮތެއް ނެތް. އަޅުގަނޑުމެން މި ނުކުންނަނީ އިންޝާﷲ މާދަމާރޭގެ މެޗުން މޮޅުވާން. އެ ގޮތުގައި ދިވެހި ސަޕޯޓަރުން ވެސް ދަނޑަށް އައިސް ދިނުން އެދެން،"

ބަންގްލަދޭޝް ޓީމުން މި ފަހަރުގެ ސާފް ޗެމްޕިއަންޝިޕްގައި ފެންނަނީ އާންމުކޮށް ފަހަކަށް އައިސް އެ ޓީމުގެ ފަރާތުން ފެންނަ ކަންކަމަށް ވުރެ ތަފާތު ރޫހެކެވެ. ސްރީ ލަންކާ އަތުން 1-0 އިން މޮޅުވި މެޗާއި އެއް ކުޅުންތެރިއަކު މަދުކޮށް ވަރުގަދަ އިންޑިއާއާ 1-1 އިން ބަންގްލަދޭޝް ވަނީ އެއްވަރުކޮށްފަ އެވެ. ބަންގްލަދޭޝްގެ ޓީމުން މި ފެންނަ ތަފާތަކީ އެ ޓީމުގެ ކޯޗު ސްޕެއިނުގެ އޮސްކާ ބްރުޒޮންގެ ރޭވުންތެރިކަމާ ޓީމު މޯޓިވޭޓްކުރަން އޭނާ ގެންގުޅޭ ކަންކަމުގެ ސަބަބުންނެވެ.

އަކޫ އަކީ އޮސްކާގެ ކޯޗުކަމުގައި ނިއު އަށް ކުޅުނު ކުޅުންތެރިއެކެވެ. އަކޫ ބުނީ އޮސްކާ އަކީ މިހާރު އެ ފެންނަ ތަފާތު ބަންގްލަދޭޝްގެ ސަބަބު ކަމަށެވެ. އަކޫ ދެކެނީ އޮސްކާ ހުރެގެން ބަންގްލަދޭޝް އިން ރާއްޖެއާ ކުޅޭއިރު، މިއީ ރާއްޖެ އަށް ކުރިމަތިވާނެ ޗެލެންޖެއްގެ ގޮތުގައި ކަމަށެވެ.

ރާއްޖޭން 2018 ވަނަ އަހަރުގެ ސާފް ޗެމްޕިއަންޝިޕް ކާމިޔާބު ކުރި ޓީމުގެ ކެޕްޓަންކަން ކުރި އަކޫ ބުނީ އޮސްކާ ބަންގްލަދޭޝްގައި ހުރި ހުރުމާއި އެ ފަދަ ކަންކަމަށް ބެލުމެއް ނެތި މެޗުން މޮޅުވެވޭނެ ހުރިހާ ކަމަކަށް ފޯކަސް ކޮށްގެން އެކަން ކުރަން ޖެހޭ ކަމަށެވެ.

ބަންގްލަދޭޝް އިން ރާއްޖެ އަތުން ސާފް ޗެމްޕިއަންޝިޕްގައި މޮޅުވީ 2003 ވަނަ އަހަރުގެ މުބާރާތުގަ އެވެ. އޭގެ ފަހުން 2011 އާއި 2015 ވަނަ އަހަރުގެ މުބާރާތުގައި ރާއްޖެ ވަނީ ބަންގްލަދޭޝް ބަލިކޮށްފަ އެވެ. އަދި އެންމެ ފަހުން 2016 ވަަނަ އަހަރު ގަލޮޅު ދަނޑުގައި ކުޅުނު އެކުވެރިކަމުގެ މެޗުން ރާއްޖެ ވަނީ ބަންގްލަދޭޝް އަތުން 5-0 އިން މޮޅުވެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox