ޓީޗަރުންނަށް އަގުބޮޑު ހަދިޔާއެއް ނޫން، މާނަހުރި ހަދިޔާއެއް!

ޓީޗަރުންނަށް އަގުބޮޑު ހަދިޔާއެއް ނޫން، މާނަހުރި ހަދިޔާއެއް!

ވިއްސަކަށް، ފަނަރަ ވަރަކަށް އަހަރު ކުރިން، ޕާރުސަލް ކަރުދާހެއްގައި އާފަލެއް ޕެކް ކޮށްފައި ޓީޗަރަކަށް ދިނަސް އެއީ މާނަ ހުރި ރީތި ހަދިޔާ އެކެވެ. ޓީޗަރަށް ދޭނެ އަގުބޮޑު ހަދިޔާ އެއް ނެތިގެން ބެލެނިވެރިއަކު ހިތް ނުތަނަވަސް ވެގެން އުޅޭކަށް ނުޖެހެ އެވެ. އެސެމްބްލީ މެދުގައި ކުއްޖަކު މާޔޫސްވެ ލަދުގަންނާކަށް ވެސް ނުޖެހެ އެވެ.

މިހާރު މި ދެކެނީ ތަފާތު ދައުރެކެވެ. ޝުކުރާއި ވެދުން، ގުލްދަސްތާއަކުން ވެސް ފުރިހަމަ އެއް ނުކުރެވެ އެވެ. ޝުކުރުގެ ދެ ބަސް ފުރިހަމަ ކުރުމަށް، ލިބުނަސް، ނުލިބުނަސް އަގުބޮޑު ހަދިޔާއެއް ދޭންޖެހޭ ކަމަށް ގިނަ ބަޔަކު ގަބޫލުކުރެ އެވެ. ހަދިޔާ ގަތުމާއި ދިނުމުގައި އެކަކަށް ވުރެ އަނެކަކު ކުރި ހޯދަން ދައްކާ މި ހިތްވަރެއް އެންމެ ބޮޑަށް ފެންނަ އެއް ދުވަހަކީ ޓީޗަރުންގެ ދުވަހެވެ.

އެކަމަކު، އެކި ވަރުގެ އާމްދަނީ ލިބޭ، ހާލަތު އެކި ގޮތަށް އޮންނަ އާއިލާތަކުގެ ކުދިން އެއް ސްކޫލެއްގައި އެކުގައި ކިޔަވާ އިރު، ހަދިޔާ ދިނުމުގެ މި ރޭހެއް މިގޮތުގައި ކުރިއަށް ގެންދިއުމަކީ އެންމެ ރަނގަޅު ގޮތް ހެއްޔެވެ؟ ނުވަތަ، ހަމަޖެހޭ ގޮތަކީ، ތަފާތުކުރުމާއި ގޮތް ދެއްކުމަށް ހިތްވަރު ލިބޭ މި އާދަ ދޫކޮށް، އެންމެންނަށް އުފުލޭ ވަރުގެ ޝުކުރަކަށް، މުދައްރިސުންގެ ދުވަހު އަދާކުރާ ޝުކުރާއި ވެދުން ބަދަލުކޮށްލުން ހެއްޔެވެ؟

Advertisement

މި ހިމަނާލަނީ ބޮޑެތި އަގު ދީފައި ގަންނަ ހަދިޔާ އާއި އެއަށްވުރެ ބޮޑު އަގު ދީފައި ގަންނަ "ކަސްޓަމް މޭޑް" ހަދިޔާ އެއް ނުދީ މުދައްރިސަކަށް ހިތުގެ ގަދަރާއި އިހުލާސްތެރި ޝުކުރު އަދާކުރެވިދާނެ ދެތިން ގޮތެކެވެ.

ބެލެނިވެރިން ފޮނުވާ އިހުތިރާމާއި ޝުކުރުގެ މެސެޖް

ކުދިންނަށް އުނގަންނައިދިނުމަށް ޓީޗަރުން ކުރާ މަސައްކަތަކީ ބުރަ، އުނދަގޫ މަސައްކަތެކެވެ. ބައެއް ޓީޗަރުންނަކީ ކުދިންނަށް ކިޔަވައިދިނުމުގައި އިންޗިއަކަށް ދޫނުކޮށް ހުރިހާ ވަގުތެއް އެކަމުގައި ހޭދަކުރާ މީހުންނެވެ. ހުރިހާ މަސައްކަތެއް ހޭދަވަނީ ކުދިންގެ މުސްތަގުބަލު ބައްޓަންކުރުމުގަ އެވެ.

އެހެންވީމަ، މުދައްރިސުގެ ފަރާތުން ދަރިފުޅުގެ ކުރިމަގު އުޖާލާ ކުރުމަށް އެހީ ލިބޭ ކަމަށް ގަބޫލުކުރެވޭނަމަ، އެ ބެލެނިވެރިއަކު އޭނާގެ ދަރިފުޅުގެ ހަޔާތް ބާއްޖަވެރިކުރުމަށް މުދައްރިސް ކޮށްދޭ ކަންކަން ބަލައިގަނެ، އަދާ ކުރާ ޝުކުރަކީ މި ޓީޗަރުންގެ ދުވަހު ދެވޭނެ އެންމެ އަގުހުރި ހަދިޔާ އަށް ވާނެ އެވެ.

މިގޮތަށް ޝުކުރު އަދާކުރާ އިރު، ބެލެނިވެރިޔާގެ އިހުސާސްތަކާއި ޝުކުރު ކަރުދާހުގެ ސިޓީ އެއްގައި ފޮނުވުމުން އިތުރަށް ހާއްސަ ކޮށްލެވުނީ އެވެ. މިޒަމާނުގެ ގޮތަށް ކުރާ ނަމަ ފޯނުން މެސެޖެއް ނުވަތަ އީމެއިލް އެއްވެސް ފޮނުވާނެވިދާނެ އެވެ.

ބޮޑު އަގުގައި ގަނެފައި ދޭ ހަދިޔާ ވަގުތުން ހުސް ވެސް ވެދާނެ އެވެ. ނުވަތަ ހަލާކު ވެސް ވެދާނެ އެވެ. އެކަމަކު މީހެއްގެ ފަރާތުން ލިބޭ ލޯތްބާއި ރައްދުކުރާ ހެޔޮ ބަހާއި ތައުރީފު އުމުރަށް ހަނދާނުގައި ހުންނާނެ އެވެ. އެއިން ހިއްވަރު އާކޮށްދޭނެ އެވެ. އުފާކޮށްދޭނެ އެވެ.

ދަރިފުޅު ލައްވައި ޓީޗަރަށް ހަދިޔާ އެއް ހަދަން ފުރުސަތު ދިނުން

މިއީ ކުއްޖާގެ ހިތުގައި ޓީޗަރަށް އޮންނަ ލޯބި އިތުރުކުރަން ވެސް ކުރެވިދާނެ ކަމެކެވެ. އަނެއް ކޮޅުން، ދަރިވަރުގެ އުފެއްދުންތެރިކަން އިތުރުކޮށް، މާއްދީ ހަދިޔާ އަށް ވޖުރެ ބޮޑަށް އަމިއްލަ އަތުން ހަދާފައި ދޭ ހަދިޔާގެ މުހިއްމު ކަމާއި ބޭނުންތެރިކަން ދަސްކޮށްދިނުމަށް ވެސް ބޭނުންކުރެވިދާނެ ޕޭރެންޓިން އުކުޅެކެވެ.

މިގޮތަށް ހަދިޔާ އެއް ހަދަން ފުރުސަތު ދޭ އިރު، ވީހާ ވެސް ބޮޑަށް ކުރާ ހުރިހާ ކަމަކީ ދަރިފުޅުގެ ހިޔާލަށް ކުރާ ކަންތައްތަކަކަށް ހެދުން މުހިއްމެވެ. ހަދިޔާ ތައްޔާރުކުރާއިރު، ދަރިފުޅަށް ފަސޭހައިން ލިބޭ އެއްޗެހި ބޭނުންކުރަން ހިތްވަރު ދޭށެވެ. މިސާލަކަށް، ދަރިފުޅު ކުޅެން ނުވަތަ ކުރަހަން ގެންގުޅޭ ތަކެތި ބޭނުންކުރެވިދާނެ އެވެ. ނުވަތަ ގޭގައި ހުންނަ ތަކެތި ހިމަނައިގެން ވެސް ހަދިޔާ އެއް ތައްޔާރުކޮށްލެވިދާނެ އެވެ.

ހަދިޔާ އެއް ހާއްސަ ވަނީ އޭގެ އަގަކުންނެއް ނޫނެވެ. އެ ހަދިޔާ އެއް ދޭން ކުރާ އިހުލާސްތެރި މަސައްކަތާއި ނިޔަތަކީ ހަދިޔާ އެއް އެންމެ ފުރިހަމަކޮށްދޭ ސަބަބެވެ.

ޓީޗާސް ޑޭ ކާޑެއް ތައްޔާރުކުރުން

ކުދިން ލައްވައި މުދައްރިސަށް ކާޑު ތައްޔާރުކުރުމަކީ ތަހުނިޔާ ފޮނުވުމުގެ އެންމެ ދުވަސްވީ އާދަ އެވެ. އެކަމަކު ކާޑު ގަތުމުގައި ވެސް ތަފާތު އަގުބޮޑު ކާޑު ގަންނަން އިސްކަންދޭ މީހުން މިހާރު ގިނަ އެވެ. އަގުބޮޑު ކާޑެއް ގަނެފައި ދިނުމުގެ ބަދަލުގައި ކުއްޖާ ލައްވައި، މުދައްރިސާ ބެހޭ ގޮތުން އެކުއްޖަކު އެންމެ ލިޔަން ބޭނުންވާ މެސެޖު ލިޔުމަށްފަހު ދިނުމަށް ހިތްވަރު ދެވިދާނެ އެވެ. އޭރުން ޓީޗަރު އުފާވާނެ ކަމާއި، ޓީޗަރު ދަރިފުޅަށް ކޮށްދޭ ހިދުމަތުގައި ދެމިހުންނާނެ ކަމުގެ ޔަގީން ކަން ވެސް ދެވިދާނެ އެވެ.

އެހެންވީމަ، މާދަމާ އަށް އަދިވެސް ވަގުތު އެބަ އޮތެވެ. އަގުބޮޑު، ރީތި ހަދިޔާ އެއް ކޮންމެ މާއްދާއެއް ނަގަން އަންނަ ޓީޗަރަށް ގަންނަން ޖެހޭތީ ކަންބޮޑުވެ ހާސް ވުމުގެ ބަދަލުގައި މި ހުރީ ހުސް ކުރެވިދާނެ ކަންކަމެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox