ޓްރެއިނިން ކޭމްޕާ މެދު ހިތްހަމަޖެހޭ، މުބާރާތުގައި ބޭނުންހިފޭނެ: އަކޫ

Sep 26, 2021, 6:36 AM
ޓްރެއިނިން ކޭމްޕާ މެދު ހިތްހަމަޖެހޭ، މުބާރާތުގައި ބޭނުންހިފޭނެ: އަކޫ

އަންނަ ހުކުރު ދުވަހު މާލޭގައި ފަށާ އުރީދޫ ސާފް ޗެމްޕިއަންޝިޕަށް ތައްޔާރުވާން ގަތަރުގައި ކުރިއަށްދިޔަ ޓްރެއިނިން ކޭމްޕާ މެދު ހިތްހަމަޖެހޭ ކަމަށާއި އޭގެ ބޭނުން މުބާރާތުގައި ހިފޭނެ ކަމަށް ގައުމީ ޓީމުގެ ކެޕްޓަން އަކުރަމް އަބްދުލް ގަނީ (އަކޫ) ބުނެފި އެވެ.

މިދިޔަ މަހު 25 ވަނަ ދުވަހު ގައުމީ ޓީމުން މާލޭގައި ޓްރެއިނިންތައް ފެށީ 34 ކުޅުންތެރިންގެ ޕްރިލިމިނަރީ ސްކޮޑެއް އިއުލާނުކުރުމަށް ފަހު އެވެ. އެ ސްކޮޑު 30 އަށް ކުޑަކޮށްގެން މި މަހު 10 ވަނަ ދުވަހު ގަތަރަށް އަންނަން ނިންމިއިރު، ކޭމްޕްގައި ބައިވެރިވީ 29 ކުޅުންތެރިންނެވެ. އެއީ ފަހު ވަގުތު ގޯލްކީޕަރު ހުސެއިން ޝަރީފް (ހުސެން) އަށް އަނިޔާވެގެން ގަތަރަށް އާދެވޭގޮތް ނުވުމުންނެވެ.

ގަތަރު ޓްރެއިނިން ކޭމްޕްގައި ގައުމީ ޓީމުން ކުޅުނު ފުރަތަމަ މެޗުގައި މިދިޔަ އަންގާރަ ދުވަހުގެރޭ ވަނީ ގަތަރު ދެ ވަނަ ޑިވިޝަން ކްލަބެއް ކަމަށްވާ ލުސައިލް އެފްސީ އަތުން 4-3 އިން މޮޅުވެފަ އެވެ. ދެ ވަނަ މެޗުގައި ރޭ ގަތަރުގެ އާމީ ނެޝަނަލް ޓީމާ ކުޅެ 1-1 އިން ވީ އެއްވަރެވެ. އާމީ ޓީމުގައި ގަތަރުގެ އެކި ޑިވިޝަނުތަކުގައި ކުޅޭ ކުޅުންތެރިން ހިމެނެ އެވެ.

Advertisement

"އަޅުގަނޑު ދެކޭގޮތުގައި މި ޓްރެއިނިން ކޭމްޕަކީ ވަރަށް ކާމިޔާބު ޓްރެއިނިން ކޭމްޕެއް،" އާމީ ކްލަބާ ދެކޮޅަށް ކުޅުނު މެޗަށް ފަހު ދިން އިންޓަވިއުގައި އަކޫ ބުންޏެވެ.

މާލޭގައި ބޭއްވި ގައުމީ ޓީމުގެ ޓްރެއިނިންއެއްގެ ތެރެއިން އަކޫ.-- ފޮޓޯ: ހުސެއިން ޝަޔާހު/ އަދަދު

އަކޫ ބުނީ ޓްރެއިނިން ކޭމްޕްގެ ފަހު ކަމަކަށް އާމީ ޓީމާ ދެކޮޅަށް ކުޅުނު މެޗުގައި ރާއްޖޭން މެޗު ޑޮމިނޭޓް ކޮށްގެން ރަނގަޅަށް ކުޅުނު ކަމަށާއި މެޗުން މޮޅުވާން ބޭނުންވާ އިތުރު ގޯލެއް ނުޖެހުނީ ކަމަށެވެ.

"ކަންދިމާކުރި ގޮތުން މެޗު އެއްވަރުވެގެން ނިމުނީ. އަޅުގަނޑު ދެކޭގޮތުގައި އަޅުގަނޑުމެން ވަރަށް މޮޅަށް ކުޅެ ބައިވަރު ޗާންސް (ފުރުސަތު) ހޯދި. ޖުމްލަ ގޮތެއްގައި މި ކޭމްޕް ވަރަށް ކާމިޔާބޭ ބުނާނީ. އިންޝާﷲ މުބާރާތަށް ވަރަށް ރަނގަޅު ކަމަކަށް ވެގެންދާނެ މީގެއިން،" 2018 ވަނަ އަހަރު ރާއްޖެ އަށް ސާފް ޗެމްޕިއަންޝިޕްގެ ޗެމްޕިއަންކަން ހޯދައިދިން ކެޕްޓަން އަކޫ ބުންޏެވެ.

ގަތަރު ޓްރެއިނިން ކޭމްޕަށް ފަހު ގައުމީ ޓީމު އެނބުރި މާލެ ދާނީ މާދަމާ އެވެ.

މީގެ ތިން އަހަރު ކުރިން ބަންގްލަދޭޝްގެ ޑާކާގައި ބޭއްވި ސާފް ޗެމްޕިއަންޝިޕް (ސުޒުކީ ކަޕް)ގެ ތަށި ރާއްޖޭން އުފުލާލީ ފައިނަލުގައި 2-1 އިން އިންޑިއާ ބަލިކޮށްފަ އެވެ. މި ފަހަރުގެ މުބާރާތް ރާއްޖޭން ހޯސްޓްކުރާއިރު، ގައުމީ ޓީމުގެ ހުރިހާ ކުޅުންތެރިން އެދެނީ ތަށި ދިފާއުކުރަން ސަޕޯޓަރުންގެ އެހީތެރިކަމަށެވެ.

ރާއްޖޭން އެންމެ ފުރަތަމަ ސާފް ޗެމްޕިއަންޝިޕް ކާމިޔާބުކުރީ 2008 ވަނަ އަހަރު ރާއްޖެ އާއި ލަންކާ އިން މުބާރާތް ހޯސްޓްކުރިއިރު އެވެ. ގިނަ ބަޔަކު އެދެނީ އެ ފަހަރުގެ މުބާރާތުގައި ގައުމުން ފެނުނު ވަރުގެ ފޯރިއެއް މި ފަހަރުގެ މުބާރާތުގައި ވެސް ފެނުމަށެވެ.

މި ފަހަރުގެ ސާފް ޗެމްޕިއަންޝިޕްގައި ރާއްޖެ ކުޅޭ ފުރަތަމަ މެޗުގައި އަންނަ ހުކުރު ދުވަހުގެރޭ ނޭޕާލާ ކުޅުމަށް ފަހު ދެ ވަނަ މެޗުގައި ހަތް ވަނަ ދުވަހުގެރޭ ބަންގްލަދޭޝްއާ ބައްދަލުކުރާނެ އެވެ. ތިން ވަނަ މެޗުގައި 10 ވަނަ ދުވަހު ހަވީރު ލަންކާއާ ކުޅުމަށް ފަހު ލީގު ބުުރުގެ ފަހު މެޗުގައި އަންނަ މަހު 13 ވަނަ ދުވަހުގެރޭ ކުޅޭނީ އިންޑިއާއާ އެވެ.

މި ފަހަރުގެ މުބާރާތް ރޭވިފައި އޮތީ ފަސް ގައުމުގެ މެދުގައި ފުރަތަަމަ ލީގު ބުރެއް ކުޅެފައި އެންމެ ގިނަ ޕޮއިންޓް ހޯދާ ދެ ޓީމެއް ފައިނަލަށް ދާ ގޮތަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox