އައްޒަ މި ކިޔައިދެނީ "ސްޓެޕް ފެމިލީ" އެއްގެ ހަމަޖެހުމާއި ކާމިޔާބީގެ ހަތް ސިއްރު

އައްޒަ މި ކިޔައިދެނީ "ސްޓެޕް ފެމިލީ" އެއްގެ ހަމަޖެހުމާއި ކާމިޔާބީގެ ހަތް ސިއްރު

ކުރިން ކައިވެންޏެއް ކޮށް، ދަރިން ލިބިފައިވާ ދެ މީހަކު، އަލުން އެހެން ކައިވެންޏެއް ކުރާ އިރު، ހިތްހަމަޖެހުމާއި އުފާވެރިކަމާ އެކު ކައިވެނި ގިނަ ދުވަހަށް ދެމިގެންދާ ގޮތަށް ކުރިއަށް ގެންދަން ކުރަންޖެހޭ މަސައްކަތް ގިނަވާނެ އެވެ. މިފަދަ ދެ މީހެއްގެ ގުޅުމުގެ ބިންގާ ވެއްޓުނަ ނުދީ ހިފަހައްޓައިދޭނެ އެންމެ މައި ދެ ތަނބަށް ވާނީ، ދެމީހުން އެކަކު އަނެކަކަށް ކުރާ ފުރިހަމަ އިތުބާރާއި، ދެމެދުގައި އޮންނަ ވާހަކަ ދެއްކުމާއި ހިޔާލު ފާޅުކުރުމުގެ ވިސްނޭ އާދަ އެވެ. މިއީ "ނުއުފަންނަ އާއިލާ" އެއް، ނުވަތަ އިނގިރޭސި ބަހުން ބުނާ ނަމަ "ސްޓެޕް ފެމިލީ" އެއް ދުޅަހެޔޮގޮތުގައި ގެންގުޅުމުގެ ޒިންމާ ނަގާ ކައިވެންޏެއްގައި އުފެދޭ މައްސަލަތަކާއި އަރާ އޮޅުންތަކުން ގުޅުމުގައި ޖެހެން އަންނަ ކުނި މިލަ ފިލުވައިދޭނެ އެންމެ މުހިއްމު ދެ ކޮލިޓީ ވެސްމެ އެވެ.

ނުއުފަންނަ އާއިލާ އެއްގެ ބިންގާ ދުޅަހެޔޮ ގޮތުގައި އެޅިއްޖެނަމަ ހީވެސް ނުކުރާހާ ގިނަ އުފަލާއި ހިތްހަމަޖެހުން ހާސިލް ކުރެވިދާނެ އެވެ. ކުރިން ކުރި ކައިވެނި ރޫޅުމާއި، ތަޖުރިބާކުރި ހިތްދަތި ކަންތައްތަކުން އަރައިގަތުމާ އެކު ދިރިއުޅުމާ މެދު ތަފާތު ހެޔޮ ނަޒަރަކުން ވިސްނުމުގެ ފުރުސަތު ލިބޭނެ އެވެ. ނު އުފަންނަ ނުވަތަ ދޮންދަރި އަކަށް ޝަރުތެއް ނެތި ލޯބި ދޭ ވަރަށް ހިތުގެ ޖާގަ ބޮޑުކޮށްލެވުމުން ނަފްސުގެ ހިތްހަމަޖެހުމާއި ކާމިޔާބީ އިހުސާސްކުރުމުގެ ފުރުސަތު ލިބޭނެ އެވެ.

މި ހިމަނާލަނީ، މިފަދަ ކައިވެންޏެއްގެ ކާމިޔާބީ އާއި، މިބުނި ހުރިހާ ފޮނިމީރުކަމެއް ތަޖުރިބާކުރަމުން އަންނަ މަޝްހޫރު ފިލްމީ ތަރި، މަރިޔަމް އައްޒަގެ ބައެއް ޓިޕްސް އާއި ސްޓެޕް އާއިލާއެއްގެ ކާމިޔާބު ކަމުގައި އައްޒަ ގަބޫލުކުރާ ހަތް ސިއްރެވެ.

Advertisement

މުއާ އާއި އައްޒަ ދެމީހުންގެ ކުރީގެ ކައިވެނިން ލިބުނު ދެ ކުދިންނާ އެކު
މުއާ އާއި އައްޒަ ދެމީހުންގެ ކުރީގެ ކައިވެނިން ލިބުނު ދެ ކުދިންނާ އެކު

މުއާ އާއި އައްޒަ ދެމީހުންގެ ކުރީގެ ކައިވެނިން ލިބުނު ދެ ކުދިންނާ އެކު

އުންމީދުތައް ސެޓް ކުރުން

އައްޒަ ގަބޫލުކުރާ ގޮތުގައި، ސްޓެޕް ފެމިލީ އަކުން ނިކުމެދާނެ މައްސަލަތަކާ މެދު މާބޮޑަށް ވިސްނުން ނުހިންގައި ކުރިއަށް ދާން ހިފައިފިނަމަ ހަގީގަތް އޮޅޭ ކަހަލަ ގޮތެއް ވެދާނެ އެވެ. ދެމީހުންގެ ދަރިންނާ އެކު އުފެދޭ އާއިލީ ގުޅުމަކީ ހުރިހާ ގޮތަކުން އާ، މުޅިން ތަފާތު ގޮތަކަށް ބިނާވެގެން އަންނަ ގުޅުމެއްކަން އެނގިގެން އެކްސްޕެކްޓޭޝަން ތައް ސެޓްކުރުން މުހިއްމު ކަމަށް ވެސް ބުންޏެވެ.

"މިސާލަކަށް، މުއާ އަކީ ވަރަށް ރެސްޕޮންސިބަލް ބައްޕަ އެއް. އެހެން ކަމަށް ވާނަމަ އައްޒަގެ އެކްސްޕެކްޓޭޝަންގައި އިނދެގެން ނުވާނެ މުއާގެ ކުރީގެ ޕާޓްނާ އާ ވާހަކަ ދައްކައިގެން ނުވާނެ ކަމަށް. އެއީ ވެސް މުއާގެ ދިރިއުޅުމުން އިގްނޯ ކޮށްލެވޭނެ ބައެއް ނޫންކަން އައްޒަ އަށް ގަބޫލުކުރެވެންވާނެ،" އައްޒަ ބުންޏެވެ.

އެގޮތަށް ވިސްނުން ބެހެއްޓުމުން، އައްޒަގެ ނަޒަރުގައި އާއިލާ ދުޅަހެޔޮކޮށް ބިނާކުރަން ރަނގަޅު މާހައުލެއް ފަހިވެގެންދާނެ އެވެ.

އަބަދުވެސް ވާހަކަ ދައްކަން ވާނެ، އެންމެ މުހިއްމީ ވާހަކަ ދެއްކުން

ވާހަކަ ދައްކައިގެން ހައްލު ނުކުރެވެން ހުންނާނީ ވަރަށް މަދު ކަންތަކެކެވެ. އެހެންވީމަ "ސްޓެޕް" ފެމިލީ އަކަސް، "ބްލެންޑެޑް" ނުވަތަ ދެމަފިރިންގެ އަމިއްލަ ދަރިންނާއި ދެމަފިރިންގެ ދޮން ދަރިން ވެސް ހިމެނޭ އާއިލާ އަކަސް، މިނިވަންކަމާ އެކު ހިޔާލާއި ވާހަކަ ހިއްސާކުރެވޭ މާހައުލެއް ބިނާކުރެވިއްޖެ ނަމަ ވަރަށް ގިނަ ކަންތައްތައް ފަސޭހަވެގެންދާނެ އެވެ.

"މުއާ އަކީ މިޒާޖަށް ބަލާނަމަ، އެހާ ރުޅި މަޑު މީހެއް ވެސް ނޫން. އެކަމަކު މުއާ އާއި އައްޒަ އާއި ދެމެދު ނުދެއްކޭނެ ވާހަކަ އެއް ނޯންނާނެ. ރުޅި އަންނަ ކަމެއް ވިޔަސް، މުއާ ވެސް އައްޒަ ވެސް ވާހަކަ ދައްކާނެ. އެކަކު އަނެކަކު އެވޮއިޑް ކޮށް މައްސަލަ އިގްނޯ ކޮށްލައިގެން ނުތިބެން،" އައްޒަ ބުންނެވެ.

ދަރިންގެ ކަންތައްތަކުގައި، އައްޒަ އާއި މުއާގެ ކުރީގެ އަންހެނުންނާ ވެސް ސުލްހަވެރިކަމާ އެކު ވާހަކަ ދެކެވޭ ވަރުގެ ރަނގަޅު ގުޅުމެއް އުފެދިފައިވާ ކަމަށް އައްޒަ ބުންޏެވެ.

އައްޒަ، މުއާގެ ދަރިފުޅު ރޫބީ އާ އެކު: އައްޒަ ބުނީ ރޫބީ އަށް ފަސޭހަ މާހައުލަކަށް އެ ދެމަފިރިންގެ މާހައުލު ހެދުމަށް ވަރަށް ބޮޑަށް އިސްކަންދޭ ކަމަށް
އައްޒަ، މުއާގެ ދަރިފުޅު ރޫބީ އާ އެކު: އައްޒަ ބުނީ ރޫބީ އަށް ފަސޭހަ މާހައުލަކަށް އެ ދެމަފިރިންގެ މާހައުލު ހެދުމަށް ވަރަށް ބޮޑަށް އިސްކަންދޭ ކަމަށް

އައްޒަ، މުއާގެ ދަރިފުޅު ރޫބީ އާ އެކު: އައްޒަ ބުނީ ރޫބީ އަށް ފަސޭހަ މާހައުލަކަށް އެ ދެމަފިރިންގެ މާހައުލު ހެދުމަށް ވަރަށް ބޮޑަށް އިސްކަންދޭ ކަމަށް

"ދެން، ކުދިންނާ ވެސް ވަރަށް އޮޕަން ކޮށް ވާހަކަ ދެކެވޭ. މިސާލަކަށް، ރޫބީގެ ހިތުގައި އައްޒަ އާ މެދު ނެގެޓިވް ވިސްނުމެއް ނު އުފައްދަން އައްޒަމެން އިހްތިޔާރުކުރީ، ކައިވެނި ކުރުމުގެ ކުރިން މުއާ، ރޫބީ އަށް ވާން އުޅެނީ ކޮން ކަމެއް ކަން ކިޔާދޭން. އައްޒަ އަކީ ކާކު ކަމާއި މުއާގެ ދިރިއުޅުމަށް އަންނަން އުޅޭ ބަދަލަކުން ރޫބީގެ މުހިއްމުކަން ވަކި ކުޑަ ނުވާނެކަން ވިސްނަ ދިނުން،" އައްޒަ ބުންޏެވެ.

މިފަދަ ވާހަކަތަކަށް އާއިލާ ތެރޭގައި ޖާގަ ދެވުމާއެކު، ވާހަކަ ދެއްކުމުގައި އެކަކު އަކެކަކަށް ދޭންޖެހޭ އިހުތިރާމް ހިފެހެއްޓުމަކީ ވެސް މުހިއްމު ކަމެއް ކަމަށް އައްޒަ ގަބޫލުކުރެ އެވެ.

"މިސާލަކަށް، ރޫބީ އާއި ވާހަކަ ދައްކާއިރު އައްޒަ ދައްކާ ވާހަކައަކުން ރޫބީގެ މަންމަ އަށް ދެރަ ބަހެއް ލިބޭ ގޮތަށް ވާހަކަ ނުދެއްކުން، މައްސަލައެއް ޖެހިގެން މުއާ އާއި ދެކެވޭ ވާހަކައެއްގައި ގަދަރު ކަނޑާލާފައި ވާހަކަ ދެއްކުން، މިއީ ވާހަކަދައްކާއިރު ވިސްނަން ޖެހޭ ކަންކަން."

ވަކިންނެއް ނޫން، ދަރިން ބަލަންވާނީ އެންމެން ގުޅިގެން

އަމިއްލަ އުފަން ދަރިން ދެކެ ވާ ލޯތްބަކީ އެއާ މެދު ޝައްކުކުރުމުގެ ޖާގައެއް އޮންނަ ލޯތްބެއް ނޫނެވެ. އެކަމަކު ދޮން ދަރިން ބެލުމާއި އެކުދިންނާ ދެމެދު އޮންނަ ގުޅުން ބަދަހިވާން ވަގުތު ނަގާނެ އެވެ. އެއީ މަސައްކަތުން ދުވަހުން ހޯދޭނެ އިތުބާރަކާއި ލޯތްބެކެވެ. ސްޓެޕް ފެމެލީ އެއްގައި އުޅޭއިރު، ކުދިންގެ ދިރިއުޅުމުގައި ދެމީހުން އަދާކުރާނެ ރޯލު ވަރަށް ބޮޑަށް ސާފުވެފައި އޮތުން މުހިއްމެވެ.

"މިސާލަކަށް، ރޫބީގެ ދިރިއުޅުމުގައި އައްޒަ އަދާކުރަނީ ރޫބީގެ މަންމައެއްގެ ރޯލެއް ނޫން. ޝީ ހޭސް ހާ މަދާ. އެކަމަކު އައްޒަ މަސައްކަތް ކުރަން ރޫބީ އައްޒަގެ ކައިރީގައި އެ ހޭދަކުރާ ވަގުތަކީ ރޫބީ ހިތްހަމަޖެހޭ ގޮތަށް، ކޮމްފޮޓަބަލްކޮށް ހޭދަވާ ވަގުތަކަށް ހަދަން. އައި ވޯންޓު ބީ ދެއާ ވެން ޝީ ނީޑްސް މީ،" އައްޒަ ބުންޏެވެ.

އައްޒަ ބުނީ، ކުދިންގެ ކަންތައްތައް ހަތަރު މީހުންނަށް އެނގިގެން ގުޅިގެން ކުރަން ވަރަށް ބޮޑަށް މަސައްކަތްކުރާ ކަމަށެވެ.

އާއިލާ ތަފާތުކޮށްދޭ ހާއްސަ ކަންތައްތަކެއް ނުވަތަ ސިސްޓަމެއް ގެންގުޅުން

"މިސާލަކަށް ވަރަށް ފަހުން އައްޒަ އާއި މުއާ މި އައީ މުއާ މެންގެ ރަށަށް ގޮސްފައި. ރޫބީ އާއި އީތަން ވެސް ގޮވައިގެން ދިޔައީ. ދެކުދިން ވަރަށް މަޖާ ކުރި އެ ދަތުރުގައި ވެސް،" އައްޒަ ކިޔައިދިނީ އާއިލާ އެއްގެ ގޮތުގައި ހާއްސަ ހަނދާންތަކެއް ކްރިއޭޓްކުރުމުގެ މުހިއްމުކަމެވެ. އެކަމަށް އެ ދެމަފިރިން އިސްކަންދޭ މިންވަރެވެ.

މިސާލަކަށް ވީކެންޑް ތަކުގައި އެއްކޮށް ދިމާވެލުން ފަދަ ސެޓް ކަންތައްތަކެއް އާއިލާއެއްގެ ގޮތުގައި ކުރުމަށް މުހިއްމުކަން ދިނުމުން އަބަދުވެސް ގުޅުން ނުކެނޑި ތާޒާކޮށް އޮތުމަށް ހިއްވަރު ލިބޭ ކަމަސް އައްޒަ ގަބޫލުކުރެ އެވެ.

"މިސާލަކަށް، ދިމާނުވެ ގިނަ ވަގުތު ހޭދަވަންޏާ އައްޒަ ރޫބީ އަށް ގުޅާލަން. ރޫބީ އަކީ ވެސް އެގލޮތަށް ވަރަށް ލޯބި ކުއްޖެއް. ފޮޓޯ އެއް ފެނިގެން ވިޔަސް، ކަމެއް ވެގެން ވިޔަސް ހަނދާން ވެއްޖިއްޔާ ގުޅާލާފަ ބުނެލާނެ އައްޒަ ދައްތަ މަތިން މިސްވީއޭ،"

އައްޒަ ފާހަގަކުރީ މިކަހަލަ ދުޅަހެޔޮ އާދަތަކެއް އާއިލާ ތެރޭގައި އަށަގެނުމުވުމުގެ މުހިއްމު ކަމެވެ.

އައްޒަ، ދަރިފުޅު އީތަން އާއި މުއާގެ ދަރިފުޅު ރޫބީ އާ އެކު ނަގާފައިވާ ފޮޓޯ ކޮލާޖެއް

ބައިވެރިޔާ އާ އެކު ހޭދަކުރާ ވަގުތު މަދުކޮށްގެން ނުވާނެ

ކުދިންނާ ގުޅިފައިވާ ކަންތައްތަކުގައި ހުރިހާ ވަގުތެއް ހޭދަކުރުމުގެ ބަދަލުގައި، ދެމީހުންގެ އަމިއްލަ ހުވަފެންތަކާއި ލޯތްބާއި އިހުސާސްތަކަށް ގިނައިން ވަގުތު ހުސްކުރުމަކީ މުހިއްމު ކަމެކެވެ. އެކަކު އަކެކަކަށް ދޭ މުހިއްމުކަމާއި ސަމާލުކަން ފަނޑުވިޔަ ނުދިނުމަކީ އައްޒަމެން އަބަދުވެސް ކުރަން އިސްކަންދޭ ކަމެއކެވެ.

"އީތަން ވެސް، ރޫބީ ވެސް އެހާ ކުޑައެއް ނޫން މިހާރު. އަބަދު ޕޭރެންޓެއްގެ ބޭނުން އެވަރަކަށް ނުވާ އޭޖްވީމަ އެގޮތަށް އަދި ވަރަށް ފަސޭހަ. އައްޒަވެސް، މުއާ ވެސް ވަރަށް އިސްކަންދެން ދެމީހުން ސެލެބްރޭޓްކުރަން. ދެމީހުން ޑޭޓްތަކަށް ވެސް ދަން. މޫވީ ޑޭޓްވެސް ހަދާލަން ހަމަ ދޭތެރެއަކުން،" އައްޒަ ބުންޏެވެ.

ކައިވެންޏެއްގައި، ހާއްސަކޮށް ކުދިން ލިބޭ ފަހުން ކުރާ ކައިވެނިތަކުގައި އެކަކު އަނެކަކަށް ވަގުތު ހުސްކުރުމަކީ މުހިއްމު ކަމެއް ކަމަށް އައްޒަ ދެކެ އެވެ.

މުއާއްޒަ؛ ކައިވެނީގެ ރިސެޕްޝަންގެ ފޮޓޯއެއް
މުއާއްޒަ؛ ކައިވެނީގެ ރިސެޕްޝަންގެ ފޮޓޯއެއް

މުއާއްޒަ؛ ކައިވެނީގެ ރިސެޕްޝަންގެ ފޮޓޯއެއް

ކެތްތެރި ވާން ވާނެ، އަންޑަސްޓޭންޑް ވާން ވާނެ

ކޮންމެ ކައިވެންޏެއްގައި ވެސް މައްސަލަ ޖެހޭނެ އެވެ. އުނދަގޫ އިހުސާސްކުރެވިދާނެ ހާލަތުތައް އައިސްދާނެ އެވެ. އެފަދަ ވަގުތުތަކުގައި ކަންކަން ދަސްކުރަންވާނީ ކެތްތެރިކަން އިސްކޮށްގެންނެވެ. މިސާލަކަށް ފިރިމީހާގެ ދަރިފުޅަށް އުނދަގޫވާ ޒާތުގެ އެއްޗެއް ބުނެވިއްޖެ ނަމަ އެކަން މައްސަލަ އަކަށް ހެދުމުގެ ބަދަލުގައި ލުއި ގޮތަކަށް ހެންޑްލް ކޮށްލާނީ އެވެ. ދަރިން ތަރުބިއްޔަތުކުރުމުގައި ދެމީހުންގެ ހިޔާލާތު ތަފާތުވާނަމަ، މަޑުމައިތިރިކަމާއެކު ތެދުވެރިކަމާއި އިހުތިރާމާއެކު އެވާހަކަ އެއް ދައްކާނީ އެވެ.

"އައްޒަ އާއި މުއާގެ ލައިފްގަ ކުދިންނާ ގުޅިގެން އެކަހަލަ ވަގުތު ތައް ވަރަށް ނާދޭ. ކަމެއް ވެއްޖިއްޔާ ވެސް ކުރިން ބުނިހެން ވަރަށް ވާހަކަ ދައްކާނެ. ވާހަކަ ދައްކައިގެން ދެމީހުން އެއް ނިންމުމަކަށް އަންނާނީ،" އައްޒަ ބުންޏެވެ.

ދޫނުދީ ހިއްވަރުކޮށްލަން ޖެހޭނެ

އުނދަގޫވާ ކަންކަން ދިމާވުމުން ދެމީހުން ގުޅެން ނިންމި މަގްސަދާއި ކުދިންނާއި ދިރިއުޅުމާ މެދު ކުރި ޕްލޭންތަކާއި އުންމީދުތަކުން ހިއްވަރު ހޯދަން ވާނެ އެވެ. އެއް ކަންތައް ފޭލުވުމުން ދެން ހުރި ކަންކަން ހާސިލްކުރަން ހިއްވަރު އެލުވާނުލައި މަސައްކަތް ކުރަންވާނެ އެވެ. ހުރިހާ ކަމެއް ޕްލޭނާ އެއްގޮތަށް ނުދާނެ ކަން ދަތުން މުހިއްމެވެ.

ގޮންޖެހުންތަކުން އަރައިގަނެ ހާސިލްވާ ކާމިޔާބީ އާއި އުފާވެރިކަމުގެ އިހުސާސް މާ ފޮނިވާނެ އެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox