ތުވާލިން ނުބައި ވަސް ދުވަނީތަ؟

ތުވާލިން ނުބައި ވަސް ދުވަނީތަ؟

ނިކަން ރަނގަޅަށް ފެންވަރައި މީރުވަސް ދުއްވާލައިގެން ނުކުންނައިރު ގައިން ފެން ހިއްކާ ތުވާލީގެ ވަހުން ނޯއްދަމާލަން ނުކުރެ އެވެ. ކުރާ އަސަރުން ދެވަނަ ފަހަރަށް ފެންވަރާލަންވެސް ބޭނުންވެ އެވެ. މިވަނީ ކީއްބާ އެވެ؟

މާ ބޮޑަށް ހާސްނުވާށެވެ. ތުވާލިން ވަސްދުވާ ކޮންމެ ފަހަރަކީ އެއީ އަދި ތުވާލި އުކާލަންވީ ފަހަރެއް ނޫނެވެ. އެ ވަހަކީ ނިކަން ފަސޭހައިން ފިލުވޭނެ ވަހެކެވެ.

އެއީ ކޮން ވަހެއްތަ؟

ތުވާލިން އެ ދުވާ ވަހަކީ މިލްޑިއު ނަމަކަށް ކިޔާ ފަންގީ އެއްގެ ސަބަބުން ދުވާ ވަހެކެވެ. ދިރިހުރުމަށްޓަކައި މި ފަންގީ ބޭނުންވަނީ ތެތްކަމެވެ. އެހެންކަމުން އަންނައުނާއި ކަރުދާހާއި، ކާޕެޓް ފަދަ ތަކެތީގައިވެސް މި ފަންގީ އާލާވެދާނެ އެވެ.

Advertisement

ދެން އުފެދޭ ސުވާލަކީ އަހަންނާއި ހިސާބަށް މި މިލްޑިއު އެއް އައިސްގެން މިއުޅެނީ ކިހިނެއް ބާވާ އެވެ؟

މިއީ ކުޑަކޮށް ސައިންސް ބޭނުންވާ ކަމެކެވެ. މިލްޑިއު އަކީ އޭ ސެކްޝުއަލްކޮށް ރެޕްރޮޑިއުސް ވާ އެއްޗެކެވެ. އަދި ރިޕްރޮޑިއުސް ކުރުމުގައި ރިލީޒް ކުރަނީ ސްޕޯސް ނަމަކަށް ކިޔާ ލޮލަށް ނުފެންނަ މާއްދާ އެކެވެ. އެހެންކަމުން އެކަށީގެންވާ ފިނި ހޫނުމިނެއްގައި އަދި ތެތް މާހައުލެއްގައި މި މިލްޑިއު އާޅާވާނެ އެވެ. އަދި މި ޕްރޮސެސްގެ ބައި ޕްރޮޑަކްޓަކީ އެއްކަލަ ވަސް ގަނޑެވެ.

ތުވާލި މި ވަސްގަނޑުން ސަލާމަތްކުރާނީ ކިހިނެއް؟

މި ކަމުގައި ތުވާއްޔަށް މި ދިމާވަނީ ވަރަށް ބަދުނަސީބު ގޮތެކެވެ. ސަބަބަކީ ތުވާލީގެ ބޭނުމަކީވެސް ތެތްކަން އޭގެ ތެރެއަށް ދަމައިގަތުން ކަމުގައިވާތީ އެވެ.

އާންމުކޮށް އެހެނިހެން އަންނައުނު ދޮންނަ ގޮތަށް ތުވާލި ދޮވުމުން އޯމޯ ނުވަތަ ސޮފްނާ އެއިން ނުފިލާ ހިފެހެއްޓިފައި ހުރުން އެކަށީގެންވެ އެވެ. އަދި މާ ގިނައިރު ދޮވުމުންވެސް ތުވާލީގެ ބޭނުން އެންމެ އެދެވޭ ގޮތެއްގައި ނުހިފެ އެވެ.

ކޮންމެއަކަސް ތުވާލިން ވަސްފިލުވައިދިނުމަށް ބޭނުންވާ ހަތިޔާރަކީ މާ ބޮޑު މަސައްކަތަކާއި ނުލައި ނިކަން ފަސޭހައިން އަހަރެމެންގެ ގެއިން ލިބެން ހުންނާނޭ އެއްޗެހިތަކެކެވެ.

ފުރަތަމަ ދޮވުން

ތުވާލިން ވަސް ފިލުވުމަށްޓަކައި އެންމެ ފުރަތަމަ ދޮންނަން މި ޖެހެނީ އެންމެ ހޫނުގަދަ ކޮށް އޯމޯ ގެ ބަދަލުގައި އެއް ޖޯޑު ވައިޓް ވިނެގާ އަޅައިގެންނެވެ.

ވިނެގާ އެޅުމުގެ ސަބަބުން އުފެދޭނީ އެސިޑިކް މާހައުލެކެވެ. މި މާހައުލުގައި ތުވާލީގައި ހުންނަ މިލްޑިއުތައް މަރުވާނެ އެވެ. އަދި ވިނެގާގެ ސަބަބުން މެޝިންގެ އެތެރެވެސް ނިކަން ރަނގަޅަށް ސާފުވާނެކަން ހަނދާން ނައްތާ ނުލާށެވެ.

ދެވަނަ ދޮވުން

ފުރަތަމަ ދޮވުން ނިމުމުން ވީ އެންމެ އަވަހަކަށް ބައި ޖޯޑު ބޭކިން ސޯޑާ ތުވާލީގެ މައްޗަށް އަޅާލާށެވެ. އެއަށްފަހު އަނެއްކާވެސް ހޫނުކޮށް ދޮވެލާށެވެ.

މިފަހަރު މިއެޅި ބޭކިން ސޯޑާގެ ސަބަބުން އޮކްސިޑައިޒްކޮށްދީ އަދި އިތުރުވެފައި ހުރި މިލްޑިއުތައް ތުވާލިން ފިލުވައިދޭނެ އެވެ.

މީގެ އިތުރުންވެސް ބޭކިންސޯޑާ އަކީ އެހެނިހެން ގިނަ ފައިދާތަކެއްވެސް އެކުލެވޭ އެއްޗެކެވެ. މިގޮތުން ކުރިން އުފެދުނު އެސިޑް ކަން ފިލުވައިދީ، ތުވާލީގެ މަޑުކަން ހިފަހައްޓައިދޭނެ އެވެ. އަދި ބޭނުންކުރަނީ ހުދު ތުވާއްޔެއްނަމަ އެ ހުދުކަން އަނބުރާ ގެނެސްދިނުމަށްވެސް އެހީވާނެ އެވެ.

މިފަހަރުގެ ދޮވުން ނިމުމުން ވީ އެންމެ އަަވަހަކަށް ތުވާލި ހިއްކުމަކީ މުހިންމުކަމެކެވެ. ސަބަބަކީ ތެތްކޮށް މާ ގިނައިރު ހުރެއްޖެނަމަ އަނެއްކާވެސް އެއްކަލަ މިލްޑިއުތައް އާލާވުމަށް މަގުފަހިވާނެތީ އެވެ.

ހަނދާނުގައި ބަހައްޓަންވީ ދެތިން ކަމެއް!

މިފަދައިން ދޮވުމަކީ ހަމަގައިމުވެސް ތުވާލިން އެ ދުވަހާ ނުބައި ވަސް ފިލުވުމަށް ވަގުތީ ހައްލެކެވެ. ދެވަނަ ފަހަރަށް އެ ވަސް ނުދުވާނެ ކަމަށް އޮތް ގެރެންޓީ އެއް ނޫނެވެ. އެހެންކަމުން ތުވާލި ބޭނުންކޮށް ނިމުމުން ވީ އެންމެ އަވަހަކަށް ހިއްކަން ބޭއްވުމަކީ ކޮންމެހެންވެސް ސަމާލުކަން ދޭންޖެހޭ ކަމެކެވެ.

އަދި ތުވާލިތައް ވަކިން ދޮވުމަށް ފަރުވާތެރިވެ ވީހާވެސް މަދު އޯމޯ އަދި ސޮފްނާ ބޭނުންކުރަން ހަނދާންކުރަންވާނެ އެވެ. ހަމައެޔާއެކު އަވި ލިބޭނަމަ ތުވާލި އަވީލުމަކީ ވެސް މިފަދަ ވަސްތައް ދުވުމުން ސަލާމަތްކޮށްދޭނެ ކަމެކެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox