މެޝިނުން އެއްޗެހި ތިޔަ ދޮންނަނީ ރަނގަޅަށްތަ؟

މެޝިނުން އެއްޗެހި ތިޔަ ދޮންނަނީ ރަނގަޅަށްތަ؟

ޒަމާނީ އޮޓޯ މެޝިންތަކާއެކު އަހަރެމެންގެ ދިރިއުޅުން ބޮޑުތަނުން ފަސޭހަކޮށްދީފި އެވެ. ކުރީގައި ނަމަ ދޮވެ ނިމުމުން އަތުން ފެންތައް ފެލައި، އަންނައުނުތައް ވަކިން ހިއްކާ ބަޔަށް އަޅައި އަނެއްކާވެސް އެތައް އިރުތަކެއް ވަންދެން މަޑުކުރަންޖެހެ އެވެ. ނަމަވެސް މިއަދު އެންމެ ދެތިން ފިތަށް އޮބާލައިން ބޭނުންވާ ސްޕީޑެއްގައި، ބޭނުން ޓެމްޕަރޭޗަރެއްގައި ދޮވެލެވެ އެވެ.

އާންމު ގޮތެއްގައި މެޝިނުން އެއްޗެހި ދޮވެލާއިރު ވިސްނާލަން ޖެހެނީ މައިގަނޑު ތިން ކަމަކާމެދުގަ އެވެ. އެއީ ފެން ހުންނަންޖެހޭ މިންވަރު، ޓެމްޕަރޭޗަރު އަދި ދޮންނަން ބޭނުންވާ ސައިކަލް އެވެ.

ފެން ހުންނަން ޖެހޭ މިންވަރު

މެޝިނެއް އަލަށް ގަނެގެން ބޭނުންކުރާއިރު އޭގެ ހުރިހާ ތަފްސީލެއް މެޝިނުގެ މެނުއަލްގައި ހިމެނިފައިވާނެ އެވެ. ނަމަވެސް ގިނަ ފަހަރަށް މެނުއަލް ފެންނާނީ މެޝިން އަލަށް ބޭނުންކުރާ ދުވަހު އެކަންޏެވެ. މެޝިނުގައި ފެން ހުންނަންވީ މިންވަރު އިހުތިޔާރުކުރުމުގައި ބަލަންޖެހޭނީ އެ ދޮންނަ އެއްޗެހީގެ މިންވަރަށެވެ. މިސާލަކަށް، މެޝިނުގެ ކެޕޭސިޓީގެ ހަތަރު ބައި ކުޅަ އެއްބަޔަށް ވާވަަރަށް އެއްޗެހި ދޮންނަނަމަ އެއީ "ސްމޯލް ލޯޑް" އެކެވެ. ދެބައިކުޅަ އެއްބަޔަށްވާ ވަރަށް އެއްޗެހި އަޅާނަމަ އެއީ މީޑިއަމް ނުވަތަ މެދުމިންވަރަށް ވާއިރު އެއަށްވުރެ ގިނަވުމުން މި ބެލެވެނީ އެއީ ލާޖް ލޯޑެއް ކަމަށެވެ. އަދި މެޝިނުގެ ފުލް ކެޕޭސިޓީ ބޭނުން ކުރެވޭނަމަ އެއީ ސުޕާ ލާޖް އެވެ.

Advertisement

އެންމެ ރަނގަޅު ޓެމްޕަރޭޗަރު

ގިނަ ފަހަރަށް އިހުތިޔާރު ކުރެވޭ ޓެމްޕަރޭޗަރުގެ ސަބަބުން ހެދުންތައް ބޮޑުވެ، ކުޑަވެ އަދި ކުލަ ފޭދުމުގެ މައްސަލަތައް ދިމާވެ އެވެ. ރެޑީމޭޑް އަންނައުނުތަކުގައި އެތަކެތި ދޮންނަންވީ ޓެމްޕަރޭޗަރު ބަޔާންކޮށްފައި ވިޔަސް ލޭބަލަށް ބަލައިލެވެނީ މަދު ފަހަރަކު އެވެ. ހެދުންތައް ހަލާކު ނުވެ ފަސޭހައިން ދޮވުމަށް އޮތް އެންމެ ބޮޑު އުކުޅަކީ އެއް ވައްތަރު ކުލަތަކުގެ އެއްޗެހި އެއްކޮށް ދޮވުމެެވެ.

ދެން އެންމެ ގިނައިން އަޑުއިވޭ އެއް ވާހަކައަކީ އެއްޗެހި ބޮޑަށް ދޮވެވޭނީ ހޫނު ފެނުގައި ކަމެވެ. އެހެން ނަމަވެސް ކަމުގެ މާހިރުން މިިކަމަކަށް މުޅީން ތާއީދެއް ނުކުރެ އެވެ. ސަބަބަކީ މިފަހުގެ ގިނަ މެޓީރިއަލްތަކަކީ ހޫނު ފެނުގައި ދޮވެފިނަމަ ނިކަން ފަސޭހައިން ހަލާކުވާ ބާވަތްތަކަށް ވުމެވެ.

ފިނި ފެން: ފިނި ފެނަކީ ދޮވުމުގެ ހަރަދަށް ބަލާނަމަ އެންމެ އަގުހެޔޮ ގޮތެވެ. އަދި ކުލަ ގަދަ ނުވަތަ އަނދިރި ކުލަތަކުގެ އެއްޗެހި ދޮވުމަށް އެންމެ އެކަށީގެންވަނީ ފިނި ފެނުގައެވެ. ހަމައެޔާއެކު "ލައިޓްލީ ސޮއިލްޑް" ހެދުންތައް ހާއްސަ ގޮތެއްގައި އޮފީސް ހެދުންފަދަ ތަކެތިވެސް ދޮންނަން އެންމެ ރަނގަޅީ ފިނި ފެނުގަ އެވެ. އަދި ޑެލިކޭޓް ހެދުންތައް ކަމުގައިވާ ކުޑަކުދިންގެ ހެދުންތައްވެސް ބޮޑަށް ރަނގަޅީ ފިނި ފެނުގައި ދޮވުމެވެ.

ހޫނު ފެން: ހޫނު ފެނުގައި ދޮވުމަށް އެންމެ ރަނގަޅީ ވައިޓް ކޮޓަން ފެބްރިކްސްއާއި، އަންޑާ ގާމެންޓްސްއާއި އިސްޓާކީނު ފަދަ ތަކެއްޗެވެ. އަދި ވަރަށް ބޮޑަށް ދާވެފައި ހުންނަ ތަކެއްޗާއި ބެޑްޝީޓްވެސް ހޫނު ފެނުގައި ދޮވުން އެދެވިގެންވެ އެވެ. ހޫނު ފެނުގައި ދޮވުމުން އެއްޗެހީގެ ކުލަ ފޭދުމުގެ ފުރުސަތު ބޮޑުވާނެކަން އަބަދުވެސް ހަނދާންކުރަންވާނެ އެވެ.

ހަމައެޔާޢެކު އަންނައުނު ދޮވުމުގައި 'ރިންސް' މޯޑު ބޭނުންކުރާނަމަ ހޫނު ފެނުގެ އެއްވެސް ބޭނުމެއް ނެތެވެ. ބާރު ބޮޑުވާނީ ހަމައެކަނި ތިމާގެ ޖީބަށެވެ.

ދޮންނަންވީ މޯޑް

މިއީ އެންމެ މުހިންމު ސުވާލެވެ. މެޝިނުން ދޮވުމަށް އެކި މޯޑްތައް ހުއްޓަސް، ވާނީ އެއްކަމެކޭ ހިތާ އަބަދު އެއްގޮތަކަށް ދޮންނަ މީހުން ގިނަ އެވެ. މިއީ އޮޅުމެކެވެ. ގިނަ ދުވަހު ހެދުންތައް ހަލާކުނުވެ ބޭނުންކުރަން ބޭނުންނަމަ އެ ހެދުމެއްގެ ބާވަތަށް ހާއްސަ މޯޑެއްގައި ދޮވުން މުހިންމެވެ.

ޑެލިކޭޓް: މިއީ ފަސޭހައިން ހަލާކުވެދާނެ ފަދަ މެޓީރިއަލްތައް ދޮވުމަށް ހާއްސަ މެތަޑެކެވެ. މިގޮތުން ލޭސް، ސިލްކް ފަދަ ބާވަތްތަކާއި ތުއްތުކުދިންގެ ހެދުންތައް ދޮވުމުގައި ޑެލިކޭޓް އިހުތިޔާރުކުރުން ރަނގަޅެވެ. ޑެލިކޭޓްގައި އެއްޗެހި ދޮވެވޭނީ މަޑު ސްޕީޑެއްގައެވެ. އަދި އެހާ ގިނައިރެއް އެއްޗެހި ދޮވުމަށް ހޭދައެއް ނުވާނެ އެވެ. އޭގެ ސަބަބުން ހެދުންތައް ސްޓްރެޗްވުމާއި ވީދައިގެން ދިއުމުން ސަލާމަތްކޮށްދެ އެވެ.

ރެޕިޑް ވޮޝް/ސްޕީޑް ވޮޝް: މިއީ ވޮޝް ސައިކަލް ކުޑަ އަދި ބާރު ސްޕީޑުގައި އެއްޗެހި ހިއްކާލަދޭ މޯޑެކެވެ. ގިނަ ފަހަރަށް ރެޕިޑް ވޮޝްގެ ބޭނުން ޖެހޭނީ ކޮންމެހެން ލާން ބޭނުންވާ ވަކި އެއްޗެއް އެކަނި ދޮންނަން ޖެހިއްޖެނަމަ އަވަހަށް އެކަން ކޮށްލުމަށެވެ. ޑެލިކޭޓް ބާވަތްތަކާއި، ޖީންސް ފަދަ ތަކެތި ދޮވުމަށް މިއީ އެންމެ އެކަށީގެންވާ ގޮތެއް ނޫނެވެ.

މީގެ އިތުރުންވެސް އެކި މެޝިންތަކުގައި އެކި ބާވަތްތަކުގެ ދޮވުމަށް ތަފާތު ނަންތައް ދެވިފައިވެ އެވެ. ބައެއް މެޝިނުތަކުގައި ކުލަ އެއްޗިއްސަށް ހާއްސަކޮށް 'ކަލާޑް' އަދި ބެޑްޝީޓް ފަދަ ތަކެއްޗަށް ބެޑިންގްސް ފަދަ ނަންތައް ވެސް ދެވިފައިވެ އެވެ. މިއިން ކޮންމެ މޯޑެއްގައިވެސް ދޮވުމުގެ ސްޕީޑާއި ވަގުތާއި އަދި ސްޕިން ސްޕީޑް ހުންނާނީ ތަފާތުކޮށެވެ. އެހެންކަމުން ވަގުތު ނެގިޔަސް، އަންނައުނުތަކުގެ ކުލަ ނުގެއްލި، ކަސްނުވެ ގިނަ ދުވަސްތަކެއް ވާންދެން ބޭނުންކުރުމުގެ ފުރުސަތު ބޮޑުވާނެ އެވެ.

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox