ދިވެހި ކޯޗުންނަށް ހުޅުވުނު ދޮރުން ސުޒޭން ބޭނުމީ ގައުމު އެއްބައިވަންތަކުރަން

ގައުމީ ކޯޗު އަލީ ސުޒޭން: ސާފް ޗެމްޕިއަންޝިޕާ މެދު ސުޒޭންގެ އުއްމީދު ބޮޑު.-- އަދަދު ފޮޓޯ: ހުސެއިން ޝަޔާހު -- އަދަދު ގްރެފިކްސް: އަހުމަދު އިހުސާން

ގައުމީ ކޯޗު އަލީ ސުޒޭން: ސާފް ޗެމްޕިއަންޝިޕާ މެދު ސުޒޭންގެ އުއްމީދު ބޮޑު.-- އަދަދު ފޮޓޯ: ހުސެއިން ޝަޔާހު -- އަދަދު ގްރެފިކްސް: އަހުމަދު އިހުސާން

އަންނަ އޮކްޓޫބަރު މަހު މާލޭގައި ބާއްވާ ސާފް ޗެމްޕިއަންޝިޕަކީ ގައުމު އެއްބައިވަންތަ ކުރަން އަނެއްކާ ވެސް ލިބިގެންދާ ފުރުސަތެއް ކަމަށާއި ދިވެއްސަކު ގައުމީ ކޯޗުގެ މަގާމު މަސައްކަތް ކުރަން ފުރުސަތު ލިބިގެން ދިއުމަކީ ހުރިހާ ދިވެހި ކޯޗުންނަށް ހުޅުވުނު ދޮރެއް ކަމަށް ގައުމީ ޓީމުގެ ކޯޗުކަމާ ދާދި ފަހުން ހަވާލުވި އަލީ ސުޒޭން ބުނެފި އެވެ.

ގައުމީ ޓީމުގެ ކޯޗުގެ މަގާމުގައި ކުރިން ހުރި ނެދަލެންޑްސްގެ މާޓިން ކޫޕްމަންގެ ކޮންޓްރެކްޓް އުވާލުމަށް ފަހު އެފްއޭއެމްގެ ލީޑަޝިޕުން ނިންމީ ސާފް ޗެމްޕިއަންޝިޕްގައި ކޯޗިން ޓީމު ވެސް ދިވެހި ކުރުމުގެ ގޮތުން ގައުމީ ކޯޗުގެ މަގާމަށް ދިވެއްސަކު ހަމަޖައްސާށެވެ. އެ ގޮތުން ވަގުތީ ކޯޗަކަށް ރާއްޖޭގެ އެންމެ ކާމިޔާބު އެއް ކޯޗު ސުޒޭން ހަމަޖެއްސި އެވެ. އޭނާ ކުރިން ހުރީ ކޫޕްމަންގެ އެސިސްޓަންޓް ކޯޗަކަށެވެ.

"އަދަދު" އަށް ދިން އިންޓަވިއުއެއްގައި ސުޒޭން ބުނީ މި ފުރުސަތު ދިނުމުން އެފްއޭއެމްގެ ރައީސް ބައްސާމް އަދީލް ޖަލީލަށް ޝުކުރު އަދާކުރަން ބޭނުންވާ ސަބަބަކީ ދިވެހިންނަށް އިތުބާރު ކުރުމުން ކަމަށެވެ.

"އަޅުގަނޑަށް މަގާމު ހަވާލުކުރީމަ އެކަންޏެއް ނޫން ދިވެހި ކޯޗުންނާ ދޭތެރޭ އެފްއޭއެމްގެ އެ އޮތް ޔަގީންކަން. އެ ހާމަ ވެގެން ވަރަށް ރަނގަޅަށް ގޮސްފި. މިއީ ހަމަގައިމު ވެސް ރަނގަޅު ފާލެއް ކުރިއަށް އޮތްތަނުގައި ދިވެހި ކޯޗުން ކުރިއަށް ދިއުމުގައި ބޮޑު މޯޓިވޭޝަނަކަށް ވާނެ،" ސުޒޭން ބުންޏެވެ.

އެންމެ ފަހުން ގައުމީ ކޯޗެއްގެ ގޮތުގައި ވަގުތީ ގޮތުން ނަމަވެސް ދިވެއްސަކު ފެނުނީ 2016 ވަނަ އަހަރު އެވެ. އެއީ އޭޝިއަން ކަޕް ކޮލިފައިންގައި ޔަމަނާ ދެކޮޅަށް ކުޅުނު މެޗެއްގަ އެވެ. އެ މެޗުގައި ގައުމީ ޓީމުގެ ހެޑް ކޯޗެއްގެ ޒިންމާ އުފުލީ އިސްމާއިލް މަހްފޫޒް (އިންމަ) އެެވެ. އިންމަ ވަނީ ސުޒޭންގެ އެސިސްޓަންޓް ކޯޗަަކަށް ހަމަޖައްސައިފަ އެވެ.

މިދިޔަ ޖޫން މަހު ވޯލްޑް ކަޕް ކޮލިފައިން މެޗެއްގެ ތެރެއިން ސުޒޭން.-- ފޮޓޯ: އިބްރާހިމް ފާއިދު/ އެފްއޭއެމް

ތޭވީސް އަހަރުން ދަށުގެ ގައުމީ ޓީމުގެ ހެޑް ކޯޗަކަށް ވެސް ދާދި ފަހުން ހަމަޖެއްސި ސުޒޭން ބުނީ ސީނިއާ ޓީމުން ދިވެހިންނަށް މި ލިބުނު ފުރުސަތަކީ ދިވެހި ކޯޗުންނަށް ހުޅުވިގެން ދިޔަ ބޮޑު ދޮރެއް ކަމަށާއި މަގާމުގައި އޭނާ ހުއްޓަސް ކުރިއަށްދާނީ ހުރިހާ ދިވެހި ކޯޗުންގެ އެއްބާރުލުމާ އެހީތެރިކަމާ އެކުގައި ކަަމަށެވެ.

"އެއީ ކުރިއަށް އޮތްތަނުގައި ރާއްޖޭގެ އެކި ފެންވަރުތަކުގެ ގައުމީ ޓީމުތަކުގައި ދިވެހި ކޯޗުންނަށް ފުރުސަތު ހުޅުވިގެންދާނެ ކަމެއްގެ ގޮތުގައި ދެކެނީ. ވަރަށް އުފަލާ އެކު ހުރިހާ ދިވެހި ކޯޗުންގެ ވެސް ތާއީދާ އެއްކޮށް މި މަގާމު ބަލައިގަތީ. އަޅުގަނޑު އަދި ހެޑް ކޯޗަކަށް ހުރި ކަމުގައި ވިޔަސް އެންމެން އެއްކޮށް ކުރެވޭ މަސައްކަތެއްގެ ގޮތުގައި މި ރާއްޖޭގައި މި އޮންނަ ސާފް ޗެމްޕިއަންޝިޕް ކާމިޔާބު ކުރުން ބޭނުމަކީ،" ސުޒޭން ބުންޏެވެ.

ސާފް ޗެމްޕިއަންޝިޕްގެ ޗެމްޕިއަންކަން ރާއްޖޭން އެންމެ ފުރަތަމަ ހޯދީ 2008 ވަނަ އަހަރު ސްރީލަންކާ އާއި ރާއްޖޭގައި ބޭއްވިއިރު، ރާއްޖޭން ދެ ވަނަ ފަހަރަށް ސަރަހައްދުގެ ޗެމްޕިއަންކަން ހޯދީ އެންމެ ފަހުން 2018 ވަނަ އަހަރު ބަންގްލަދޭޝްގައި ބޭއްވި މުބާރާތުގަ އެވެ. ރާއްޖެ އަކީ މުބާރާތުގެ އެންމެ ފަހުގެ ޗެމްޕިއަނެވެ.

ސުޒޭން ބުނީ ތަށި ދިފާއުކުރުމުގެ އަމާޒުގައި މި ފަހަރުގެ ސާފް ޗެމްޕިއަންޝިޕަށް ސްކޮޑު އެކުލަވާލުމުން މީޑިއާ އަށް އަދި ފުޓްބޯޅައިގެ އެންމެންނަށް ވެސް ހާމަވެގެންދާނެ އެއް ކަމަކީ ސްކޮޑު ނެގުމުގައި ގެންގުޅޭ މިންގަނޑު ރަނގަޅުވުން ކަމަށެވެ.

"ރާއްޖޭގައި ނެގެން އޮތް އެންމެ ވަރުގަދަ ގައުމީ ޓީމުކަން އަޅުގަނޑުމެން މި ނަގަނީ. އޭގެއިން ވެސް ވަރަށް ބޮޑު އެއްބައިވަންތަ ކަމެއް އުފެދިގެންދާނެ ފުޓްބޯޅަ އާއިލާ ތެރޭގައި ވެސް ހުރިހާ ދިވެހިން ތެރޭގައި ވެސް،" ސުޒޭން ބުންޏެވެ.

"ސްކޮޑު އަޅުގަނޑުމެން ނަގާނީ މި ވަގުތު ނެގެން އޮތް އެންމެ ރަނގަޅު ކުޅުންތެރިން. ވަކި އުމުރުފުރާ އަކަށް ބެލުމެއްނެތި ވަކި ކްލަބެއް ވަކި ތަޖުރިބާއެއް ބެލުމެއް ނެތި އެންމެ ރަނގަޅަށް ކުޅޭ ކުޅުންތެރިންގެ ސްކޮޑެއް،"

އެފްއޭއެމުން ވަނީ ދާދި ފަހުން 2023/2024 އަށް މުޅި ރާއްޖެ އަށް ދިވެހި ޕްރިމިއާ ލީގު ފުޅާކުރަން ޕްލޭން އިއުލާނުކޮށްފަ އެވެ. ސުޒޭން ބުނީ އެ ޕްލޭން އިއުލާނުކުރުމުން ވެސް ދިވެހި ފުޓްބޯޅައިގެ ފޯރިއަށް ރަނގަޅު ކަންކަން ފާހަގަކުރެވުނު ކަމަށެވެ. އަދި އެހެން އެކަން ކުރިއަށް ދަނިކޮށް ރާއްޖޭގައި ސާފް ޗެމްޕިއަންޝިޕް ބޭއްވުމުގެ ފުރުސަތު ލިބުމުން އިތުރަށް ދިވެހި ފުޓްބޯޅައިގެ ފޯރިގަދަ ކުރަން ފުރުސަތު ލިބޭނެ ކަމަށް ސުޒޭން ގަބޫލުކުރެ އެވެ.

"ސާފް ޗެމްޕިއަންޝިޕް ބޭއްވުމުގެ ފުރުސަތު ލިބުން މިއީ ފުޓްބޯޅައިގައި މި އޮތް ރޫހު ނޫނީ އަޅުގަނޑުމެންގެ ގައުމުގައި މިހާރު އޮތް ތަފާތު ހިޔާލުތަކުގެ ތެރެއިން އެއް ރޫހެއްގައި އެންމެން ނުކުމެ އެއްބައިވަންތަކަން ގެންނަން ވަރަށް ރަނގަޅު ޕްލެޓްފޯމެއް. އިރާދަކުރެއްވިއްޔާ އެކަން ފެނިގެންދާނެ ސާފް ޗެމްޕިއަންޝިޕް ނިމިގެންދާއިރު،" ސުޒޭން ބުންޏެވެ.

ފަސް ގައުމުގެ މެދުގައި މި ފަަހަރުގެ ސާފް ޗެމްޕިއަންޝިޕް ކުރިއަށްދާއިރު، މެޗުތައް އޮންނާނީ އޮކްޓޫބަރު 1-13 އަށެވެ.

ރާއްޖޭން ކުޅޭ ފުރަތަމަ މެޗުގައި އޮކްޓޫބަރު މަހު އެއް ވަނަ ދުވަހު ކުޅޭނީ ނޭޕާލާ ދެކޮޅަށެވެ. ރާއްޖެ ކުޅޭ ދެ ވަނަ މެޗުގައި އޮކްޓޫބަރު މަހުގެ ހަ ވަނަ ދުވަހުގެ ރޭ ބައްދަލުކުރާނީ ބަންގްލަދޭޝްއާ އެވެ. އޭގެ ދެ ދުވަސް ފަހުން އޮކްޓޫބަރު އަށް ވަނަ ދުވަހު ހަވީރު ސްރީ ލަންކާއާ ކުޅޭނެ އެވެ. އަދި ފަހު މެޗުގައި އޮކްޓޫބަރު 11 ވަނަ ދުވަހުގެރޭ ބައްދަލުކުރާނީ އިންޑިއާއާ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox